ਨੈਸ਼ਨਲ ਡੈਸਕ- ਟੈਕਨਾਲੋਜੀ ਦੀ ਚਮਕ-ਧਮਕ ਦੇ ਪਿੱਛੇ ਲੁਕਿਆ 'ਡਾਰਕ ਵੈੱਬ' ਅਤੇ ਖ਼ਤਰਨਾਕ ਗੇਮਿੰਗ ਐਪਸ ਹੁਣ ਮਾਸੂਮਾਂ ਦੇ ਦਿਮਾਗ ਨਾਲ ਖੇਡਣ ਲੱਗ ਪਈਆਂ ਹਨ। ਗਾਜ਼ਿਆਬਾਦ ਦੀ ਤਾਜ਼ਾ ਘਟਨਾ, ਜਿੱਥੇ 3 ਨਾਬਾਲਗ ਭੈਣਾਂ ਨੇ 9ਵੀਂ ਮੰਜ਼ਿਲ ਤੋਂ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ ਹੈ, ਨੇ ਸਾਬਤ ਕਰ ਦਿੱਤਾ ਹੈ ਕਿ ਆਨਲਾਈਨ ਗੇਮਾਂ ਸਿਰਫ਼ ਮਨੋਰੰਜਨ ਨਹੀਂ, ਸਗੋਂ ਇਕ ਅਜਿਹਾ ਜਾਲ ਬਣ ਰਹੀਆਂ ਹਨ ਜੋ ਬੱਚਿਆਂ ਨੂੰ ਹਕੀਕਤ ਦੀ ਦੁਨੀਆ ਤੋਂ ਕੱਟ ਕੇ ਮੌਤ ਦੇ ਕਰੀਬ ਲੈ ਜਾਂਦਾ ਹੈ।
ਕੋਰੀਅਨ ਗੇਮਾਂ ਦਾ ਖ਼ਤਰਨਾਕ 'ਟਾਸਕ ਸਿਸਟਮ'
ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਇਹ ਗੇਮਾਂ 'ਬਲੂ ਵੇਲ ਚੈਲੇਂਜ' ਦੇ ਮਾਡਲ 'ਤੇ ਕੰਮ ਕਰਦੀਆਂ ਹਨ। ਇਨ੍ਹਾਂ ਗੇਮਾਂ 'ਚ ਕਈ ਤਰ੍ਹਾਂ ਦੇ ਟਾਸਕ ਹੁੰਦੇ ਹਨ, ਜੋ ਬੱਚਿਆਂ ਦੇ ਦਿਮਾਗ 'ਤੇ ਹਾਵੀ ਹੋ ਕੇ ਉਨ੍ਹਾਂ ਨੂੰ ਆਪਣਾ ਗੁਲਾਮ ਬਣਾ ਲੈਂਦੀਆਂ ਹਨ। ਇਹ ਗੇਮਾਂ ਬੱਚਿਆਂ ਨੂੰ ਛੋਟੇ-ਛੋਟੇ ਟਾਸਕ, ਜਿਵੇਂ ਦੇਰ ਰਾਤ ਤੱਕ ਜਾਗ ਕੇ ਕੋਰੀਅਨ ਸੰਗੀਤ ਸੁਣਨਾ ਜਾਂ ਖ਼ਾਸ ਤਰ੍ਹਾਂ ਦੇ ਨਿਸ਼ਾਨ ਬਣਾਉਣਾ ਆਦਿ ਦੇ ਕੇ ਉਨ੍ਹਾਂ ਦਾ ਵਿਸ਼ਵਾਸ ਜਿੱਤਦੀਆਂ ਹਨ। ਅਜਿਹੇ ਆਸਾਨ ਟਾਸਕ ਪੂਰੇ ਕਰਨ ਮਗਰੋਂ ਬੱਚਿਆਂ ਦੇ ਦਿਮਾਗ ਨੂੰ ਸੰਤੁਸ਼ਟੀ ਮਿਲਦੀ ਹੈ ਤੇ ਉਨ੍ਹਾਂ ਦਾ ਦਿਮਾਗ 'ਡੋਪਾਮਾਈਨ' ਰਿਲੀਜ਼ ਕਰਦਾ ਹੈ, ਜਿਸ ਮਗਰੋਂ ਉਨ੍ਹਾਂ ਨੂੰ ਹਰ ਨਵਾਂ ਟਾਸਕ ਪੂਰਾ ਕਰਨ 'ਤੇ ਇੱਕ ਅਜੀਬ ਜਿਹੀ ਜਿੱਤ ਦਾ ਅਹਿਸਾਸ ਹੁੰਦਾ ਹੈ। ਇਨ੍ਹਾਂ ਗੇਮਾਂ ਦੇ 'ਐਡਮਿਨ' ਬੱਚਿਆਂ ਨੂੰ ਅਜਿਹੇ ਗਰੁੱਪਾਂ ਵਿੱਚ ਸ਼ਾਮਲ ਕਰਦੇ ਹਨ, ਜਿੱਥੇ ਉਨ੍ਹਾਂ ਨੂੰ ਮਹਿਸੂਸ ਕਰਵਾਇਆ ਜਾਂਦਾ ਹੈ ਕਿ ਉਹ ਕਿਸੇ ਖ਼ਾਸ ਮਿਸ਼ਨ ਦਾ ਹਿੱਸਾ ਹਨ।
ਇਹ ਵੀ ਪੜ੍ਹੋ- 'ਜੋ ਸਹੀ ਸਮਝੋ ਉਹ ਕਰੋ..!' ਨਰਵਣੇ ਦੀ ਕਿਤਾਬ ਨੂੰ ਲੈ ਕੇ ਭਖ਼ ਗਿਆ ਮਾਹੌਲ, ਰਾਹੁਲ ਗਾਂਧੀ ਨੇ ਘੇਰੀ ਮੋਦੀ ਸਰਕਾਰ
ਗੇਮ ਦੇ ਕਹਿਣ 'ਤੇ ਅਜਿਹੇ ਕਦਮ ਕਿਉਂ ਚੁੱਕਦੇ ਹਨ ਬੱਚੇ ?
ਮਾਹਿਰਾਂ ਅਨੁਸਾਰ, ਅਜਿਹੀਆਂ ਗੇਮਾਂ 'ਗੈਸਲਾਈਟਿੰਗ' (Gaslighting) ਤਕਨੀਕ ਦੀ ਵਰਤੋਂ ਕਰਦੀਆਂ ਹਨ। ਜਦੋਂ ਬੱਚਾ ਗੇਮ ਦੇ ਅੱਧ ਵਿਚਕਾਰ ਪਹੁੰਚਦਾ ਹੈ, ਤਾਂ ਉਸ ਨੂੰ ਡਰਾਇਆ ਜਾਂਦਾ ਹੈ ਕਿ ਜੇਕਰ ਉਸ ਨੇ ਅਗਲਾ ਟਾਸਕ ਪੂਰਾ ਨਾ ਕੀਤਾ ਤਾਂ ਉਸ ਦੇ ਮਾਪਿਆਂ ਨੂੰ ਨੁਕਸਾਨ ਪਹੁੰਚਾਇਆ ਜਾਵੇਗਾ। ਹੌਲੀ-ਹੌਲੀ ਬੱਚਾ ਇੰਨਾ ਜ਼ਿਆਦਾ ਮਾਨਸਿਕ ਤੌਰ 'ਤੇ ਟੁੱਟ ਜਾਂਦਾ ਹੈ ਕਿ ਉਹ ਗੇਮ ਦੇ 'ਮਾਸਟਰ' ਨੂੰ ਰੱਬ ਮੰਨਣ ਲੱਗ ਪੈਂਦਾ ਹੈ ਅਤੇ ਉਸ ਦੇ ਹਰ ਹੁਕਮ ਨੂੰ ਮੰਨਣਾ ਆਪਣਾ ਫਰਜ਼ ਸਮਝਦਾ ਹੈ।
ਡਿਜੀਟਲ ਦੁਨੀਆ ਦਾ 'ਬਲੂ ਵੇਲ' ਰਿਟਰਨਸ ?
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸਾਲ 2017 ਵਿੱਚ 'ਬਲੂ ਵੇਲ' ਨਾਂ ਦੀ ਗੇਮ ਨੇ ਦੁਨੀਆ ਭਰ ਵਿੱਚ ਦਹਿਸ਼ਤ ਮਚਾਈ ਸੀ, ਜਿਸ ਕਾਰਨ ਟਾਸਕ ਪੂਰਾ ਕਰਨ ਦੀ ਚਾਹ 'ਚ ਕਈ ਲੋਕਾਂ ਨੇ ਆਪਣੀ ਜਾਨ ਗੁਆਈ ਸੀ। ਹੁਣ ਕੋਰੀਅਨ ਡਰਾਮਿਆਂ ਅਤੇ ਗੇਮਾਂ ਦੇ ਵਧਦੇ ਕ੍ਰੇਜ਼ ਦਾ ਫਾਇਦਾ ਚੁੱਕ ਕੇ ਸਾਈਬਰ ਅਪਰਾਧੀ ਨਵੇਂ ਰੂਪ ਵਿੱਚ ਇਨ੍ਹਾਂ ਗੇਮਾਂ ਨੂੰ ਪ੍ਰਮੋਟ ਕਰ ਰਹੇ ਹਨ। ਇਹ ਗੇਮਾਂ ਪਲੇਅ-ਸਟੋਰ ਦੀ ਬਜਾਏ ਥਰਡ ਪਾਰਟੀ ਲਿੰਕਾਂ ਰਾਹੀਂ ਡਾਊਨਲੋਡ ਕਰਵਾਈਆਂ ਜਾਂਦੀਆਂ ਹਨ ਤਾਂ ਜੋ ਸਰਕਾਰ ਦੀ ਨਜ਼ਰ ਤੋਂ ਬਚੀਆਂ ਰਹਿਣ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਅਰੁਣਾਚਲ ਪ੍ਰਦੇਸ਼ 'ਚ ਭੂਚਾਲ ਦੇ ਝਟਕਿਆਂ ਨਾਲ ਕੰਬੀ ਧਰਤੀ, ਘਰਾਂ ਤੋਂ ਬਾਹਰ ਨਿਕਲੇ ਲੋਕ
NEXT STORY 
