ਨੈਸ਼ਨਲ ਡੈਸਕ : ਮਿਊਨਿਖ ਤੋਂ ਰਵਾਨਾ ਹੋਏ ਲੁਫਥਾਂਸਾ ਦੇ ਏ-380 ਜਹਾਜ਼ ਦੇ ਸੋਮਵਾਰ ਰਾਤ ਨੂੰ ਦਿੱਲੀ ਹਵਾਈ ਅੱਡੇ 'ਤੇ ਉਤਰਦੇ ਸਮੇਂ ਇਕ ਪਹੀਏ ਵਿਚ ਅੱਗ ਲੱਗ ਗਈ। ਸੂਤਰਾਂ ਨੇ ਇਹ ਜਾਣਕਾਰੀ ਦਿੱਤੀ। ਸੂਤਰਾਂ ਨੇ ਦੱਸਿਆ ਕਿ ਉਡਾਣ ਸੰਖਿਆ ਐਲ.ਐਚ-762 ਵਾਲਾ ਜਹਾਜ਼ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਸੁਰੱਖਿਅਤ ਉਤਰ ਗਿਆ। ਸੂਤਰਾਂ ਮੁਤਾਬਕ, ਜਹਾਜ਼ ਦੀ ਜਾਂਚ ਕੀਤੀ ਜਾਣੀ ਸੀ ਅਤੇ ਕਲਪੁਰਜ਼ੇ ਤੁਰੰਤ ਉਪਲਬਧ ਨਾ ਹੋਣ ਕਾਰਨ ਮਿਊਨਿਖ ਦੀ ਵਾਪਸੀ ਵਾਲੀ ਉਡਾਣ ਰੱਦ ਕਰ ਦਿੱਤੀ ਗਈ। ਸੂਤਰਾਂ ਨੇ ਦੱਸਿਆ ਕਿ ਜਹਾਜ਼ ਵਿਚ ਕਰੀਬ 490 ਯਾਤਰੀ ਸਵਾਰ ਸਨ। ਹਵਾਈ ਹਵਾਈ ਅੱਡੇ 'ਤੇ ਕੰਟਰੋਲ ਵਿਧੀ ਤੋਂ ਉਤਰਨ ਵਿਚ ਸਫਲ ਰਿਹਾ।
ਹਵਾਬਾਜ਼ੀ ਕੰਪਨੀ ਦਾ ਬਿਆਨ
ਹਵਾਬਾਜ਼ੀ ਕੰਪਨੀ ਦੇ ਇਕ ਬੁਲਾਰੇ ਨੇ ਮੰਗਲਵਾਰ ਨੂੰ ਬਿਆਨ ਜਾਰੀ ਕਰਦੇ ਹੋਏ ਕਿਹਾ, ''ਉਡਾਨ ਸੰਖਿਆ ਐਲ.ਐਚ-762 ਦਿੱਲੀ ਵਿਚ ਸੁਰੱਖਿਅਤ ਉਤਰ ਗਈ। ਕੰਟਰੋਲ ਤਰੀਕੇ ਨਾਲ ਉਤਰਨ ਤੋਂ ਬਾਅਦ ਕਲਪੁਰਜ਼ਿਆਂ ਦੀ ਗੈਰ-ਮੌਜੂਦਗੀ ਲਈ ਜਹਾਜ਼ ਨੂੰ ਕੁਝ ਸਮੇਂ ਲਈ ਅੱਗੇ ਉਡਾਣ ਲਈ 'ਉਪਲਬਧ ਨਹੀਂ' ਦੀ ਸ਼੍ਰੇਣੀ ਵਿਚ ਰੱਖਿਆ ਗਿਆ ਹੈ। ਲੁਫਥਾਂਸਾ ਦੀ ਪਹਿਲੀ ਤਰਜੀਹ ਸੁਰੱਖਿਆ ਹੈ।''
ਉਡਾਣ ਸੰਖਿਆ ਐਲ.ਐਚ-763 ਰੱਦ ਕਰ ਦਿੱਤੀ ਗਈ
ਸੂਤਰਾਂ ਨੇ ਦੱਸਿਆ ਕਿ ਜਹਾਜ਼ ਦੇ ਉਤਰਦੇ ਸਮੇਂ ਇਕ ਪਹੀਏ ਵਿਚ ਅੱਗ ਦੀ ਸੂਚਨਾ ਮਿਲੀ। ਸੂਤਰਾਂ ਮੁਤਾਬਕ, ਘਟਨਾ ਕਾਰਨ ਵਾਪਸੀ ਦੀ ਉਡਾਣ ਸੰਖਿਆ ਐਲ.ਐਚ-763 ਰੱਦ ਕਰ ਦਿੱਤੀ ਗਈ, ਜਦਕਿ ਯਾਤਰੀਆਂ ਨੂੰ ਬੋਰਡਿੰਗ ਪਾਸ ਜਾਰੀ ਕਰ ਦਿੱਤੇ ਗਏ ਸਨ। ਲੁਫਥਾਂਸਾ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਜਹਾਜ਼ ਡੀਏਆਈਐੱਮਸੀ 3 ਜੁਲਾਈ ਨੂੰ ਰਾਸ਼ਟਰੀ ਰਾਜਧਾਨੀ ਤੋਂ ਮਿਊਨਿਖ ਲਈ ਉਡਾਣ ਐਲ.ਐਚ-763 ਸੰਚਾਲਤ ਕਰਨ ਵਾਲਾ ਹੈ।
ਦਿੱਲੀ ਹਵਾਈ ਅੱਡੇ ’ਤੇ 22 ਕਰੋੜ ਦੀ ਕੋਕੀਨ ਸਮੇਤ ਸਮੱਗਲਰ ਗ੍ਰਿਫਤਾਰ
NEXT STORY 
