ਬਿਜ਼ਨੈੱਸ ਡੈਸਕ : ਕੇਂਦਰੀ ਉਪਭੋਗਤਾ ਸੁਰੱਖਿਆ ਅਥਾਰਟੀ (CCPA) ਨੇ ਗਾਹਕਾਂ ਨਾਲ ਧੋਖਾਧੜੀ ਕਰਨ ਵਾਲੀਆਂ ਕੰਪਨੀਆਂ ਵਿਰੁੱਧ ਸਖ਼ਤ ਰੁਖ਼ ਅਖਤਿਆਰ ਕਰ ਲਿਆ ਹੈ। ਅਥਾਰਟੀ ਨੇ ਮਸ਼ਹੂਰ ਐਡਟੈੱਕ ਕੰਪਨੀ ਫਿਜ਼ਿਕਸਵਾਲਾ (PhysicsWallah) 'ਤੇ 5 ਲੱਖ ਰੁਪਏ ਅਤੇ ਸਾਈਬਰ ਸੁਰੱਖਿਆ ਕੰਪਨੀ McAfee 'ਤੇ 1 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਇਹ ਕਾਰਵਾਈ ਇਨ੍ਹਾਂ ਕੰਪਨੀਆਂ ਵੱਲੋਂ 'ਡਾਰਕ ਪੈਟਰਨ' (Dark Patterns) ਦੀ ਵਰਤੋਂ ਕਰਕੇ ਯੂਜ਼ਰਸ ਨੂੰ ਗੁੰਮਰਾਹ ਕਰਨ ਦੇ ਦੋਸ਼ ਹੇਠ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ : LPG-PNG ਉਪਭੋਗਤਾਵਾਂ ਲ਼ਈ ਨਵਾਂ ਨਿਯਮ ਲਾਗੂ, 30 ਦਿਨਾਂ ਅੰਦਰ ਕਰੋ ਇਹ ਕੰਮ ਨਹੀਂ ਤਾਂ ਰੱਦ ਹੋਵੇਗਾ ਕੁਨੈਕਸ਼ਨ
ਕੀ ਹੈ 'ਡਾਰਕ ਪੈਟਰਨ' ਦਾ ਚੱਕਰ?
'ਡਾਰਕ ਪੈਟਰਨ' ਵੈੱਬਸਾਈਟ ਜਾਂ ਐਪ ਦਾ ਅਜਿਹਾ ਧੋਖੇਬਾਜ਼ ਡਿਜ਼ਾਈਨ ਹੁੰਦਾ ਹੈ, ਜਿਸ ਰਾਹੀਂ ਵਰਤੋਂਕਾਰਾਂ ਨੂੰ ਅਜਿਹੇ ਕੰਮ ਕਰਨ ਲਈ ਮਜਬੂਰ ਕੀਤਾ ਜਾਂਦਾ ਹੈ ਜੋ ਉਹ ਅਸਲ ਵਿੱਚ ਨਹੀਂ ਕਰਨਾ ਚਾਹੁੰਦੇ। CCPA ਨੇ ਨਵੰਬਰ 2023 ਵਿੱਚ ਅਜਿਹੀਆਂ 13 ਗਤੀਵਿਧੀਆਂ ਨੂੰ ਗਲਤ ਵਪਾਰਕ ਅਭਿਆਸਾਂ ਦੀ ਸ਼੍ਰੇਣੀ ਵਿੱਚ ਰੱਖਿਆ ਸੀ।
ਇਹ ਵੀ ਪੜ੍ਹੋ : ਸਰਕਾਰੀ ਮੁਲਾਜ਼ਮਾਂ ਦੀ ਲੱਗੀ ਲਾਟਰੀ, ਹੁਣ ਉਮਰ ਦੇ ਨਾਲ ਆਪਣੇ-ਆਪ ਵਧੇਗੀ ਪੈਨਸ਼ਨ, ਜਾਣੋ ਨਵਾਂ ਅਪਡੇਟ
PhysicsWallah 'ਤੇ ਕਿਉਂ ਹੋਈ ਕਾਰਵਾਈ?
ਜਾਂਚ ਦੌਰਾਨ ਪਾਇਆ ਗਿਆ ਕਿ ਫਿਜ਼ਿਕਸਵਾਲਾ ਯੂਜ਼ਰਸ ਦੀ ਸਹਿਮਤੀ ਲਏ ਬਿਨਾਂ ਹੀ 10 ਰੁਪਏ ਦੀ ਦਾਨ ਰਾਸ਼ੀ ਆਪਣੇ ਆਪ ਭੁਗਤਾਨ ਵਾਲੇ ਬਿੱਲ ਵਿੱਚ ਜੋੜ ਦਿੰਦਾ ਸੀ।
ਇਸ ਤੋਂ ਇਲਾਵਾ ਯੂਜ਼ਰਸ ਨੂੰ ਭਾਵੁਕ ਕਰਨ ਲਈ ਬੱਚਿਆਂ ਦੀ ਸਿੱਖਿਆ ਅਤੇ ਸਿਹਤ ਨਾਲ ਸਬੰਧਤ ਸੰਦੇਸ਼ ਦਿਖਾਏ ਜਾਂਦੇ ਸਨ ਤਾਂ ਜੋ ਉਹ ਦਾਨ ਹਟਾਉਣ ਤੋਂ ਝਿਜਕਣ।
ਕੰਪਨੀ ਵੱਲੋਂ 'ਫ੍ਰੀ ਕੋਰਸ' ਦੇ ਨਾਂ 'ਤੇ ਯੂਜ਼ਰਸ ਤੋਂ ਜ਼ਬਰਦਸਤੀ ਮੋਬਾਈਲ ਨੰਬਰ ਅਤੇ ਈਮੇਲ ਆਈਡੀ ਲਈ ਜਾ ਰਹੀ ਸੀ, ਜਦੋਂ ਕਿ ਸਾਰਿਆਂ ਲਈ ਸਮੱਗਰੀ ਇੱਕੋ ਜਿਹੀ ਹੀ ਸੀ।
ਇਹ ਵੀ ਪੜ੍ਹੋ : ਨਹੀਂ ਹੋਵੇਗੀ ਧੋਖਾਧੜੀ ਤੇ ਨਹੀਂ ਹੋਵੇਗਾ ਖ਼ਾਤਾ ਖ਼ਾਲੀ, ਤੁਰੰਤ ਰੁਕ ਜਾਣਗੀਆਂ ਸਾਰੀਆਂ ਆਨਲਾਈਨ ਪੇਮੈਂਟ
McAfee ਦਾ ਮਾਮਲਾ ਕੀ ਹੈ?
ਸਾਈਬਰ ਸਕਿਓਰਿਟੀ ਕੰਪਨੀ McAfee ਦੇ ਸਬਸਕ੍ਰਿਪਸ਼ਨ ਰਿਨਿਊਅਲ (Subscription Renewal) ਸਿਸਟਮ ਵਿੱਚ ਖਾਮੀ ਪਾਈ ਗਈ। ਕੰਪਨੀ ਯੂਜ਼ਰਸ ਨੂੰ ਸਿਰਫ ਦੋ ਵਿਕਲਪ ਦਿੰਦੀ ਸੀ - 'Renew Now' (ਹੁਣੇ ਰਿਨਿਊ ਕਰੋ) ਜਾਂ 'Accept Risk' (ਖਤਰਾ ਸਵੀਕਾਰ ਕਰੋ)। ਯੂਜ਼ਰਸ ਨੂੰ ਕੋਈ ਤੀਜਾ ਨਿਰਪੱਖ ਵਿਕਲਪ ਨਹੀਂ ਦਿੱਤਾ ਗਿਆ ਸੀ, ਜਿਸ ਕਾਰਨ ਉਹ ਸਬਸਕ੍ਰਿਪਸ਼ਨ ਜਾਰੀ ਰੱਖਣ ਲਈ ਮਜਬੂਰ ਮਹਿਸੂਸ ਕਰਦੇ ਸਨ।
ਇਹ ਵੀ ਪੜ੍ਹੋ : PAN ਬਣਵਾਉਣ ਦੇ ਅੱਜ ਤੋਂ ਬਦਲ ਗਏ ਨਿਯਮ, ਹੁਣ ਇਨ੍ਹਾਂ ਦਸਤਾਵੇਜ਼ਾਂ ਤੋਂ ਬਿਨਾਂ ਨਹੀਂ ਬਣੇਗਾ Card
CCPA ਦੇ ਸਖ਼ਤ ਨਿਰਦੇਸ਼
CCPA ਨੇ ਦੋਵਾਂ ਕੰਪਨੀਆਂ ਨੂੰ ਅਜਿਹੇ ਗੁੰਮਰਾਹਕੁੰਨ ਤਰੀਕਿਆਂ ਨੂੰ ਆਪਣੇ ਪਲੇਟਫਾਰਮ ਤੋਂ ਤੁਰੰਤ ਹਟਾਉਣ ਦੇ ਨਿਰਦੇਸ਼ ਦਿੱਤੇ ਹਨ। ਅਥਾਰਟੀ ਨੇ ਸਾਫ਼ ਕੀਤਾ ਹੈ ਕਿ ਉਪਭੋਗਤਾਵਾਂ ਦੇ ਹੱਕਾਂ ਨਾਲ ਖਿਲਵਾੜ ਕਰਨ ਵਾਲੀਆਂ ਕੰਪਨੀਆਂ ਨੂੰ ਬਖਸ਼ਿਆ ਨਹੀਂ ਜਾਵੇਗਾ।
ਇਹ ਵੀ ਪੜ੍ਹੋ : 31 ਜੁਲਾਈ ਤੋਂ ਪਹਿਲਾਂ ਨਿਪਟਾ ਲਓ ਇਹ ਕੰਮ ਨਹੀਂ ਤਾਂ ਹੋਵੇਗਾ ਭਾਰੀ ਨੁਕਸਾਨ
ਇਹ ਵੀ ਪੜ੍ਹੋ : ਹੁਣ ਮਿੱਟੀ ਹੋ ਜਾਵੇਗਾ ਦੁੱਧ ਦਾ ਪੈਕਟ, ਮਦਰ ਡੇਅਰੀ ਨੇ ਕੀਤੀ ਅਨੋਖ਼ੀ ਪਹਿਲ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
IRCTC ਦੀ ਵੱਡੀ ਪਹਿਲ : AI ਰੱਖੇਗਾ ਪੈਨੀ ਨਜ਼ਰ, 800 ਤੋਂ ਵੱਧ ਰਸੋਈਆਂ ਦੀ ਹੋਵੇਗੀ 24 ਘੰਟੇ ਨਿਗਰਾਨੀ
NEXT STORY 
