ਵੈੱਬ ਡੈਸਕ : ਉੱਤਰ ਪ੍ਰਦੇਸ਼ ਦੇ ਦੇਵਰੀਆ 'ਚ ਇੱਕ ਸਮਲਿੰਗੀ ਸਬੰਧਾਂ 'ਚ ਦੋ ਆਦਮੀਆਂ ਵਿਚੋਂ ਇਕ ਨੇ ਦੂਜੇ ਦੀ 6 ਸਾਲਾ ਧੀ ਨਾਲ ਬਲਾਤਕਾਰ ਕੀਤਾ। ਲੜਕੀ ਦੀਆਂ ਚੀਕਾਂ ਸੁਣ ਕੇ, ਪਿਤਾ ਜਾਗਿਆ ਤੇ ਗੁੱਸੇ 'ਚ ਆ ਕੇ ਮੁਲਜ਼ਮ ਦੇ ਗੁਪਤ ਅੰਗ ਵਿੱਚ ਚਾਕੂ ਮਾਰ ਦਿੱਤਾ। ਪੁਲਸ ਨੇ ਦੋਸ਼ੀ ਨੂੰ ਹਿਰਾਸਤ 'ਚ ਲੈ ਲਿਆ ਹੈ ਅਤੇ ਉਸਨੂੰ ਇਲਾਜ ਲਈ ਮੈਡੀਕਲ ਕਾਲਜ ਵਿੱਚ ਦਾਖਲ ਕਰਵਾਇਆ ਹੈ। ਕੇਸ ਦਰਜ ਕੀਤਾ ਗਿਆ ਹੈ ਅਤੇ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
ਸਾਲਾਂ ਤੋਂ ਪਤੀ-ਪਤਨੀ ਬਣ ਕੇ ਰਹਿ ਰਹੇ ਸਨ ਦੋਵੇਂ
ਇਹ ਘਿਨਾਉਣੀ ਘਟਨਾ ਦੇਵਰੀਆ ਦੇ ਖੁਖੁੰਡੂ ਥਾਣਾ ਖੇਤਰ ਵਿੱਚ ਵਾਪਰੀ। ਮਹਾਰਾਜਗੰਜ ਦਾ ਰਹਿਣ ਵਾਲਾ ਰਾਮਬਾਬੂ ਯਾਦਵ ਇੱਕ ਮਜ਼ਦੂਰ ਅਤੇ ਅਣਵਿਆਹਿਆ ਹੈ। ਉਸਦਾ ਦੋਸਤ ਇੱਕ ਆਰਕੈਸਟਰਾ ਵਿੱਚ ਡਾਂਸਰ ਵਜੋਂ ਕੰਮ ਕਰਦਾ ਹੈ ਅਤੇ ਵਿਆਹਿਆ ਹੋਣ ਦੇ ਬਾਵਜੂਦ, ਪਿਛਲੇ ਕਈ ਸਾਲਾਂ ਤੋਂ ਰਾਮਬਾਬੂ ਨਾਲ ਉਸੇ ਕਿਰਾਏ ਦੇ ਘਰ ਵਿੱਚ ਰਹਿ ਰਿਹਾ ਹੈ, ਜਿੱਥੇ ਰਾਮਬਾਬੂ ਉਸਦਾ "ਪਤੀ" ਬਣਿਆ ਹੋਇਆ ਸੀ।
ਦੋਸ਼ੀ ਨੇ ਪੁਲਸ ਕੋਲ ਮੰਨਿਆ ਹੈ ਕਿ ਉਹ ਸਮਲਿੰਗੀ ਹੈ। ਉਸਦੇ ਦੋਸਤ ਦੀ ਪਤਨੀ ਉਸਦੇ ਨਾਲ ਇਨ੍ਹਾਂ ਹਰਕਤਾਂ ਕਾਰਨ ਨਾਲ ਨਹੀਂ ਰਹਿੰਦੀ, ਪਰ ਹਾਲ ਹੀ ਵਿੱਚ, ਉਨ੍ਹਾਂ ਦੀ 6 ਸਾਲ ਦੀ ਧੀ ਉਸਦੇ ਨਾਲ ਰਹਿਣ ਲੱਗ ਪਈ।
ਚੀਕਾਂ ਸੁਣ ਉੱਠਿਆ ਪਿਓ ਤੇ ਕੀਤਾ ਹਮਲਾ
ਮੰਗਲਵਾਰ ਦੇਰ ਰਾਤ, ਲਗਭਗ 1:30 ਵਜੇ, ਰਾਮਬਾਬੂ ਯਾਦਵ ਨੇ ਆਪਣੇ ਦੋਸਤ ਦੀ ਧੀ ਨਾਲ ਬੇਰਹਿਮੀ ਨਾਲ ਪੇਸ਼ ਆਉਣਾ ਸ਼ੁਰੂ ਕਰ ਦਿੱਤਾ। ਪਿਤਾ ਕੁੜੀ ਦੀਆਂ ਚੀਕਾਂ ਸੁਣ ਕੇ ਉੱਠਿਆ। ਇਸ ਘਿਨਾਉਣੇ ਕੰਮ ਤੋਂ ਗੁੱਸੇ ਵਿੱਚ ਆ ਕੇ, ਪਿਤਾ ਨੇ ਤੁਰੰਤ ਰਾਮਬਾਬੂ ਯਾਦਵ ਦੇ ਗੁਪਤ ਅੰਗਾਂ ਵਿੱਚ ਚਾਕੂ ਨਾਲ ਵਾਰ ਕਰ ਦਿੱਤਾ। ਸੂਚਨਾ ਮਿਲਣ 'ਤੇ, ਖੁਖੁੰਦੂ ਪੁਲਸ ਤੁਰੰਤ ਮੌਕੇ 'ਤੇ ਪਹੁੰਚੀ, ਦੋਸ਼ੀ ਰਾਮਬਾਬੂ ਨੂੰ ਹਿਰਾਸਤ 'ਚ ਲੈ ਲਿਆ ਅਤੇ ਉਸਨੂੰ ਇਲਾਜ ਲਈ ਮੈਡੀਕਲ ਕਾਲਜ ਵਿੱਚ ਦਾਖਲ ਕਰਵਾਇਆ, ਜਿੱਥੇ ਉਹ ਇਸ ਸਮੇਂ ਪੁਲਸ ਦੀ ਮੌਜੂਦਗੀ ਵਿੱਚ ਇਲਾਜ ਅਧੀਨ ਹੈ।
ਪੁਲਸ ਨੇ ਦੋਸ਼ੀ ਨੂੰ ਹਿਰਾਸਤ 'ਚ ਲਿਆ
ਵਧੀਕ ਪੁਲਸ ਸੁਪਰਡੈਂਟ ਸੁਨੀਲ ਕੁਮਾਰ ਸਿੰਘ ਨੇ ਦੱਸਿਆ ਕਿ ਖੁਖੁੰਦੂ ਪੁਲਸ ਨੇ ਪੀੜਤ ਦੇ ਪਿਤਾ ਦੀ ਸ਼ਿਕਾਇਤ 'ਤੇ ਤੁਰੰਤ ਨੋਟਿਸ ਲਿਆ। ਦੋਸ਼ੀ ਨੂੰ ਹਿਰਾਸਤ 'ਚ ਲੈ ਲਿਆ ਗਿਆ ਹੈ ਤੇ ਪਿਤਾ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਢੁਕਵੀਆਂ ਧਾਰਾਵਾਂ ਤਹਿਤ ਐੱਫਆਈਆਰ ਦਰਜ ਕੀਤੀ ਗਈ ਹੈ। ਪੀੜਤ ਨੂੰ ਡਾਕਟਰੀ ਜਾਂਚ ਲਈ ਭੇਜਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਪੀੜਤਾ ਦਾ ਪਿਤਾ ਅਤੇ ਦੋਸ਼ੀ ਇਕੱਠੇ ਕੰਮ ਕਰਦੇ ਅਤੇ ਰਹਿੰਦੇ ਸਨ। ਪੁਲਸ ਮਾਮਲੇ ਵਿੱਚ ਲੋੜੀਂਦੀ ਕਾਨੂੰਨੀ ਕਾਰਵਾਈ ਕਰ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਮਹਾਕਾਲ ਮੰਦਰ ਦੇ ਗਰਭ ਗ੍ਰਹਿ 'ਚ ਹੀ ਲੜ ਪਏ ਪੁਜਾਰੀ ਤੇ ਮੰਹਤ, ਹੱਥੋਪਾਈ ਤਕ ਪਹੁੰਚੀ ਗੱਲ
NEXT STORY 
