ਨਵੀਂ ਦਿੱਲੀ (ਏਜੰਸੀ)- ਕੇਂਦਰ ਸਰਕਾਰ ਪ੍ਰਦੂਸ਼ਣ ’ਤੇ ਰੋਕ ਲਗਾਉਣ ਲਈ ਆਪਣੀ ਸਮਰੱਥਾ ਦੇ ਹਿਸਾਬ ਨਾਲ ਸਾਰੇ ਜ਼ਰੂਰੀ ਕਦਮ ਚੁੱਕ ਰਹੀ ਹੈ। ਜ਼ਿਆਦਾ ਪ੍ਰਦੂਸ਼ਣ ਫੈਲਾਉਣ ਵਾਲੀਆਂ BS-2 ਅਤੇ ਉਸ ਤੋਂ ਪਹਿਲਾਂ ਦੀਆਂ ਗੱਡੀਆਂ ਦੇ ਸਕ੍ਰੈਪ ਕਰਨ ਨੂੰ ਲੈ ਕੇ ਨਵਾਂ ਅੱਪਡੇਟ ਆਇਆ ਹੈ। ਭਾਰਤ ਸਰਕਾਰ ਦੇ ਟ੍ਰਾਂਸਪੋਰਟ ਮੰਤਰਾਲਾ ਨੇ BS-2 ਅਤੇ ਉਸ ਤੋਂ ਪਹਿਲਾਂ ਦੇ ਨਿਕਾਸ ਮਿਆਰ ਵਾਲੀਆਂ ਗੱਡੀਆਂ ਨੂੰ ਹਟਾਉਣ ਤੋਂ ਬਾਅਦ ਨਵੀਆਂ ਗੱਡੀਆਂ ਦੀ ਖਰੀਦ ’ਤੇ ਇਕਮੁਸ਼ਤ ਟੈਕਸ ’ਚ ਛੋਟ ਨੂੰ ਦੁਗਣਾ ਕਰਕੇ 50 ਫੀਸਦੀ ਤੱਕ ਕਰਨ ਦਾ ਮਤਾ ਜਾਰੀ ਕੀਤਾ ਹੈ। ਫਿਲਹਾਲ ਪੁਰਾਣੀਆਂ ਪ੍ਰਾਈਵੇਟ ਗੱਡੀਆਂ ਨੂੰ ਕਬਾੜ ਕਰਨ ਤੋਂ ਬਾਅਦ ਨਵੀਂ ਗੱਡੀ ਖਰੀਦਣ ’ਤੇ ਮੋਟਰ ਵਹੀਕਲ ਟੈਕਸ ’ਚ 25 ਫੀਸਦੀ ਦੀ ਛੋਟ ਦਿੱਤੀ ਜਾਂਦੀ ਹੈ ਜਦਕਿ ਕਮਰਸ਼ੀਅਲ ਗੱਡੀਆਂ ਦੇ ਮਾਮਲੇ ’ਚ ਇਹ ਛੋਟ 15 ਫੀਸਦੀ ਤੱਕ ਸੀਮਤ ਹੈ।
ਇਹ ਵੀ ਪੜ੍ਹੋ: ਨਿਊਯਾਰਕ ਦੇ ਗੁਰਦੁਆਰਿਆਂ 'ਚ ਨਹੀਂ ਹੋਈ ਕੋਈ ਛਾਪੇਮਾਰੀ, ਸਿੱਖ ਭਾਈਚਾਰੇ ਦੇ ਆਗੂਆਂ ਨੇ ਖਬਰਾਂ ਦਾ ਕੀਤਾ ਖੰਡਨ
ਸੜਕ ਆਵਾਜਾਹੀ ਅਤੇ ਰਾਜਮਾਰਗ ਮੰਤਰਾਲਾ ਨੇ 24 ਜਨਵਰੀ ਨੂੰ ਜਾਰੀ ਇਕ ਖਰੜਾ ਸੂਚਨਾ ’ਚ ਕਿਹਾ ਕਿ 50 ਫੀਸਦੀ ਤੱਕ ਦੀ ਛੋਟ ਉਨ੍ਹਾਂ ਸਾਰੀਆਂ ਗੱਡੀਆਂ (ਪ੍ਰਾਈਵੇਟ ਅਤੇ ਕਮਰਸ਼ੀਅਲ ਦੋਵਾਂ) ’ਤੇ ਲਾਗੂ ਹੋਵੇਗੀ , ਜੋ BS-1 ਮਿਆਰ ਦੇ ਅਨੁਸਾਰ ਹਨ ਜਾਂ BS-1 ਮਿਆਰ ਲਾਗੂ ਹੋਣ ਤੋਂ ਪਹਿਲਾਂ ਬਣੀਆਂ ਹੋਈਆਂ ਹਨ। ਖਰੜਾ ਸੂਚਨਾ ਅਨੁਸਾਰ ਇਹ ਛੋਟ ਹਲਕੇ ਅਤੇ ਭਾਰੀ ਪ੍ਰਾਈਵੇਟ ਅਤੇ ਟ੍ਰਾਂਸਪੋਰਟ ਵਹੀਕਲਜ਼ ਦੇ ਤਹਿਤ ਆਉਣ ਵਾਲੀਆਂ BS-2 ਗੱਡੀਆਂ ’ਤੇ ਲਾਗੂ ਹੋਵੇਗੀ। ਗੱਡੀਆਂ ਲਈ ਬੀ. ਐੱਸ-1 ਕਾਰਬਨ ਨਿਕਾਸੀ ਮਿਆਰ ਸਾਲ 2000 ’ਚ ਜ਼ਰੂਰੀ ਹੋ ਗਿਆ, ਜਦਕਿ BS-2 ਮਿਆਰ ਸਾਲ 2002 ਤੋਂ ਲਾਗੂ ਹੋਇਆ ਸੀ।
ਇਹ ਵੀ ਪੜ੍ਹੋ: PM ਮੋਦੀ ਗੈਰ-ਕਾਨੂੰਨੀ ਪ੍ਰਵਾਸੀਆਂ ਦੇ ਮਾਮਲੇ 'ਚ ਉਹੀ ਕਰਨਗੇ ਜੋ ਸਹੀ ਹੋਵੇਗਾ: ਡੋਨਾਲਡ ਟਰੰਪ
ਪੂਰੇ ਦੇਸ਼ ’ਚ RVSF ਅਤੇ ATS ਦੇ ਜ਼ਰੀਏ ਪੜਾਅਬੱਧ ਢੰਗ ਨਾਲ ਸਕ੍ਰੈਪ ਕੀਤੀਆਂ ਜਾਂਦੀਆਂ ਹਨ ਪੁਰਾਣੀਆਂ ਗੱਡੀਆਂ
ਟ੍ਰਾਂਸਪੋਰਟ ਮੰਤਰਾਲਾ ਨੇ ਰਜਿਸਟਰਡ ਵਹੀਕਲ ਸਕ੍ਰੈਪਿੰਗ ਫੈਸਿਲਿਟੀਜ਼ (RVSFs) ਅਤੇ ਆਟੋਮੇਟਿਡ ਟੈਸਟਿੰਗ ਸਟੇਸ਼ਨਾਂ (ATS) ਦੇ ਨੈੱਟਵਰਕ ਰਾਹੀਂ ਪੂਰੇ ਦੇਸ਼ ’ਚ ਗੈਰ-ਫਿੱਟ ਪ੍ਰਦੂਸ਼ਣਕਾਰੀ ਗੱਡੀਆਂ ਨੂੰ ਪੜਾਅਬੱਧ ਢੰਗ ਨਾਲ ਹਟਾਉਣ ਲਈ ਇਕ ਈਕੋਸਿਸਟਮ ਬਣਾਉਣ ਲਈ ਸਵੈ-ਇੱਛੁਕ ਵਾਹਨ ਆਧੁਨਿਕੀਕਰਨ ਪ੍ਰੋਗਰਾਮ (ਵੀ. ਵੀ. ਐੱਮ. ਪੀ.) ਜਾਂ ਵਹੀਕਲ ਸਕ੍ਰੈਪਿੰਗ ਪਾਲਿਸੀ ਸ਼ੁਰੂ ਕੀਤੀ ਹੈ। ਮੌਜੂਦਾ ਸਮੇਂ ’ਚ ਦੇਸ਼ ’ਚ 17 ਸੂਬਿਆਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ’ਚ 60 ਤੋਂ ਵੱਧ ਰਜਿਸਟਰਡ ਵਹੀਕਲ ਸਕ੍ਰੈਪਿੰਗ ਫੈਸਿਲਿਟੀ (RVSF) ਅਤੇ 12 ਸੂਬਿਆਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ’ਚ 75 ਤੋਂ ਵੱਧ ਆਟੋਮੇਟਿਡ ਟੈਸਟਿੰਗ ਸਟੇਸ਼ਨ ATS ਕੰਮ ਕਰ ਰਹੇ ਹਨ ਅਤੇ ਕਈ ਹੋਰ ਅਜੇ ਪ੍ਰਕਿਰਿਆ ’ਚ ਹਨ।
ਇਹ ਵੀ ਪੜ੍ਹੋ: ਹੱਥ-ਪੈਰ ਬੰਨ੍ਹ ਕੇ ਬਿਨਾਂ AC ਜਹਾਜ਼ 'ਚ ਅਮਰੀਕਾ ਤੋਂ ਵਾਪਸ ਭੇਜੇ ਜਾ ਰਹੇ ਪ੍ਰਵਾਸੀ (ਵੀਡੀਓ)
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦਿੱਲੀ 'ਚ ਜ਼ਹਿਰੀਲੇ ਪਾਣੀ ਨਾਲ ਲੋਕਾਂ ਨੂੰ ਨਹੀਂ ਮਰਨ ਦੇਵਾਂਗੇ: ਅਰਵਿੰਦ ਕੇਜਰੀਵਾਲ
NEXT STORY 
