ਨੈਸ਼ਨਲ ਡੈਸਕ- ਬੈਂਗਲੁਰੂ 'ਚ ਤਕਨੀਕੀ ਮਾਹਿਰ ਸੁਭਾਸ਼ ਅਤੁਲ ਦੀ ਖੁਦਕੁਸ਼ੀ ਨੂੰ ਲੈ ਕੇ ਹੰਗਾਮਾ ਅਜੇ ਰੁਕਿਆ ਨਹੀਂ ਹੈ ਕਿ ਸ਼ਹਿਰ 'ਚ ਖੁਦਕੁਸ਼ੀ ਦਾ ਅਜਿਹਾ ਹੀ ਇਕ ਹੋਰ ਮਾਮਲਾ ਸਾਹਮਣੇ ਆਇਆ ਹੈ। ਹੁਲੀਮਾਵੂ ਪੁਲਸ ਸਟੇਸ਼ਨ (ਕਾਨੂੰਨ ਵਿਵਸਥਾ) ਦੇ ਇੱਕ 33 ਸਾਲਾ ਪੁਲਸ ਹੈੱਡ ਕਾਂਸਟੇਬਲ ਨੇ ਸ਼ੁੱਕਰਵਾਰ ਦੇਰ ਰਾਤ ਬਾਈਪਾਨਹੱਲੀ ਵਿੱਚ ਇੱਕ ਰੇਲਗੱਡੀ ਅੱਗੇ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਮ੍ਰਿਤਕ ਦਾ ਨਾਂ ਥਿਪੰਨਾ ਅਲੁਗੁਰ ਹੈ, ਜਿਸ ਨੇ ਕੰਨੜ 'ਚ ਲਿਖੇ ਇਕ ਪੰਨੇ ਦੇ ਸੁਸਾਈਡ ਨੋਟ 'ਚ ਆਪਣੀ ਪਤਨੀ ਪਾਰਵਤੀ ਅਤੇ ਉਸਦੇ ਪਿਤਾ ਯਮੁਨੱਪਾ 'ਤੇ ਖੁਦਕੁਸ਼ੀ ਕਰਨ ਦਾ ਦੋਸ਼ ਲਗਾਇਆ ਹੈ। ਥਿਪੰਨਾ ਉੱਤਰੀ ਕਰਨਾਟਕ ਦੇ ਵਿਜੇਪੁਰਾ ਜ਼ਿਲੇ ਦੇ ਸਿੰਧਗੀ ਕਸਬੇ ਨੇੜੇ ਹਾਂਡੀਗਾਨੁਰੂ ਪਿੰਡ ਦਾ ਰਹਿਣ ਵਾਲਾ ਸੀ।
ਇਹ ਵੀ ਪੜ੍ਹੋ- ਪਰਦੇਸੋਂ ਅੱਧੀ ਰਾਤ ਸਰਪ੍ਰਾਈਜ਼ ਦੇਣ ਆਇਆ ਪਤੀ, ਅੱਗੋਂ ਪਤਨੀ ਨੂੰ ਬਿਸਤਰੇ 'ਚ ਹੋਰ ਬੰਦੇ ਨਾਲ ਵੇਖ ਰਹਿ ਗਿਆ ਦੰਗ
ਰਿਪੋਰਟਾਂ ਦੇ ਅਨੁਸਾਰ, ਥਿਪੰਨਾ ਦਾ ਵਿਆਹ ਤਿੰਨ ਸਾਲ ਪਹਿਲਾਂ ਆਪਣੇ ਸ਼ਹਿਰ ਦੀ ਪਾਰਵਤੀ ਨਾਲ ਹੋਇਆ ਸੀ ਅਤੇ ਉਹ ਬੈਂਗਲੁਰੂ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿੰਦਾ ਸੀ। ਜੋੜੇ ਦਾ ਕੋਈ ਬੱਚਾ ਨਹੀਂ ਹੈ। ਥਿਪੰਨਾ ਸ਼ੁੱਕਰਵਾਰ ਨੂੰ ਘਰ ਪਰਤਣ ਤੋਂ ਪਹਿਲਾਂ ਆਪਣੀ ਪਹਿਲੀ ਸ਼ਿਫਟ (ਸਵੇਰੇ 8 ਤੋਂ 2 ਵਜੇ) ਕਰਨ ਗਿਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਤੋਂ ਬਾਅਦ ਸ਼ਾਮ ਨੂੰ ਪਾਰਵਤੀ ਨਾਲ ਬਹਿਸ ਹੋਈ। ਥਿਪੰਨਾ ਦੇ ਸੁਸਾਈਡ ਨੋਟ ਮੁਤਾਬਕ ਰਾਤ ਨੂੰ ਕੁਝ ਦੇਰ ਬਾਅਦ ਉਸ ਦੇ ਸਹੁਰੇ ਯਮੁਨੱਪਾ ਨੇ ਉਸ ਨੂੰ ਬੁਲਾਇਆ ਅਤੇ ਉਸ ਨਾਲ ਬਦਸਲੂਕੀ ਕੀਤੀ।
ਸ਼ੁਰੂਆਤੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਥਿਪੰਨਾ ਨੇ ਹੀਲਾਲੀਗੇ ਰੇਲਵੇ ਸਟੇਸ਼ਨ ਅਤੇ ਕਾਰਮੇਲਰਮ ਰੇਲਵੇ ਫਾਟਕ ਦੇ ਵਿਚਕਾਰ ਪਟੜੀ 'ਤੇ ਰੇਲਗੱਡੀ ਦੇ ਅੱਗੇ ਛਾਲ ਮਾਰ ਦਿੱਤੀ ਸੀ। ਘਟਨਾ ਦਾ ਖੁਲਾਸਾ ਸ਼ੁੱਕਰਵਾਰ ਰਾਤ ਕਰੀਬ 8 ਵਜੇ ਉਸ ਸਮੇਂ ਹੋਇਆ ਜਦੋਂ ਰਾਹਗੀਰਾਂ ਨੇ ਲਾਸ਼ ਨੂੰ ਦੇਖ ਕੇ ਰੇਲਵੇ ਪੁਲਸ ਨੂੰ ਸੂਚਨਾ ਦਿੱਤੀ। ਰੇਲਵੇ ਪੁਲਸ ਨੇ ਦੱਸਿਆ ਕਿ ਜਦੋਂ ਥਿਪੰਨਾ ਨੇ ਇਹ ਖੌਫਨਾਕ ਕਦਮ ਚੁੱਕਿਆ ਤਾਂ ਉਸ ਨੇ ਪੁਲਸ ਦੀ ਵਰਦੀ ਪਾਈ ਹੋਈ ਸੀ।
ਇਹ ਵੀ ਪੜ੍ਹੋ- ਨੌਜਵਾਨ ਨੇ ਗਜਰੇਲਾ ਖੁਆ ਕੇ ਬਰਬਾਦ ਕਰ'ਤੀ ਵਿਆਹੁਤਾ ਦੀ ਜ਼ਿੰਦਗੀ, 4 ਸਾਲਾਂ ਤੱਕ ਕਰਦਾ ਰਿਹਾ ਗੰਦਾ ਕੰਮ
ਸੁਸਾਈਡ ਨੋਟ 'ਚ ਲਗਾਏ ਗੰਭੀਰ ਦੋਸ਼
ਥਿਪੰਨਾ ਨੇ ਆਪਣੇ ਸੁਸਾਈਡ ਨੋਟ 'ਚ ਕਿਹਾ, ''ਮੈਂ ਆਪਣੀ ਪਤਨੀ ਪਾਰਵਤੀ ਅਤੇ ਉਸ ਦੇ ਪਿਤਾ ਯਮੁਨੱਪਾ ਦੇ ਤਸ਼ੱਦਦ ਅਤੇ ਪਰੇਸ਼ਾਨੀ ਕਾਰਨ ਖੁਦਕੁਸ਼ੀ ਕਰ ਰਿਹਾ ਹਾਂ। 12 ਦਸੰਬਰ ਨੂੰ ਉਸ (ਯਮੁਨੱਪਾ) ਨੇ ਮੈਨੂੰ ਸ਼ਾਮ 7.26 'ਤੇ ਫੋਨ ਕੀਤਾ, 14 ਮਿੰਟ ਤੱਕ ਗੱਲ ਕੀਤੀ ਅਤੇ ਮੈਨੂੰ ਧਮਕੀਆਂ ਦਿੱਤੀਆਂ। ਉਸਨੇ ਮੈਨੂੰ ਮਰਨ ਲਈ ਵੀ ਕਿਹਾ, ਨਹੀਂ ਤਾਂ ਉਹ ਮੈਨੂੰ ਮਾਰ ਦੇਵੇਗਾ ਤਾਂ ਜੋ ਉਸਦੀ ਧੀ (ਪਾਰਵਤੀ) ਸ਼ਾਂਤੀ ਨਾਲ ਰਹਿ ਸਕੇ।
ਮ੍ਰਿਤਕ ਦੀ ਮਾਂ ਨੇਦਰਜ ਕਰਵਾਈ FIR
ਸ਼ਨੀਵਾਰ ਨੂੰ ਥਿਪੰਨਾ ਦੀ ਮਾਂ ਬਸੰਮਾ ਅਲੁਗੁਰ ਨੇ ਬਾਈਪਾਨਹੱਲੀ ਰੇਲਵੇ ਪੁਲਸ ਕੋਲ ਸ਼ਿਕਾਇਤ ਦਰਜ ਕਰਵਾਈ, ਜਿਸ ਵਿਚ ਉਸ ਨੇ ਆਪਣੀ ਨੂੰਹਾ ਪਾਰਵਤੀ ਅਤੇ ਯਮੁਨੱਪਾ 'ਤੇ ਤਸ਼ੱਦਦ ਅਤੇ ਤੰਗ-ਪ੍ਰੇਸ਼ਾਨ ਕਰਕੇ ਉਸ ਦੇ ਪੁੱਤਰ ਨੂੰ ਮੌਤ ਲਈ ਉਕਸਾਉਣ ਦਾ ਦੋਸ਼ ਲਗਾਇਆ। ਇੱਕ ਸੀਨੀਅਰ ਪੁਲਸ ਅਧਿਕਾਰੀ ਨੇ ਕਿਹਾ, “ਅਸੀਂ ਦੋਸ਼ੀ ਵਿਅਕਤੀਆਂ ਨੂੰ ਨੋਟਿਸ ਜਾਰੀ ਕਰਾਂਗੇ, ਉਨ੍ਹਾਂ ਨੂੰ ਬਿਆਨ ਲਈ ਸਾਡੇ ਸਾਹਮਣੇ ਪੇਸ਼ ਹੋਣ ਦਾ ਨਿਰਦੇਸ਼ ਦੇਵਾਂਗੇ। ਇਹ ਸਾਡਾ ਪਹਿਲਾ ਕਦਮ ਹੋਵੇਗਾ।''
ਇਹ ਵੀ ਪੜ੍ਹੋ- ਮੰਗਣੀ ਮਗਰੋਂ ਰੋਜ਼ ਸਹੁਰੇ ਘਰ ਆਉਣ ਲੱਗਾ ਜਵਾਈ, ਫਿਰ ਲਾੜੀ ਤੋਂ ਕਰਵਾਉਣ ਲੱਗਾ ਅਜਿਹਾ ਕੰਮ ਕਿ...
ਬੰਦ ਕਮਰੇ 'ਚ ਅੰਗੀਠੀ ਬਾਲ ਕੇ ਸੌਂ ਰਹੇ ਸਨ ਪ੍ਰਵਾਸੀ ਮਜ਼ਦੂਰ, ਸਾਹ ਘੁੱਟਣ ਕਾਰਨ 3 ਦੀ ਮੌਤ
NEXT STORY 
