ਨਵੀਂ ਦਿੱਲੀ (ਇੰਟ.)-ਔਰਤਾਂ ਲਈ ਸਭ ਤੋਂ ਖਤਰਨਾਕ ਦੇਸ਼ਾਂ ’ਚ ਭਾਰਤ ਨੰਬਰ ਵਨ ’ਤੇ ਹੈ। ਅੱਤਵਾਦ ਤੋਂ ਪ੍ਰਭਾਵਿਤ ਅਫਗਾਨਿਸਤਾਨ ਅਤੇ ਯੁੱਧ ਪੀੜਤ ਸੀਰੀਆ ਲੜੀਵਾਰ ਦੂਜੇ ਅਤੇ ਤੀਜੇ ਨੰਬਰ ’ਤੇ ਹਨ। ਇਸ ਲਿਸਟ ’ਚ ਪਾਕਿਸਤਾਨ ਨੰਬਰ 6 ’ਤੇ ਹੈ। ਜਦੋਂ ਕਿ ਅਮਰੀਕਾ 10ਵੇਂ ਨੰਬਰ ’ਤੇ ਹੈ। ਇਹ ਦਾਅਵਾ ਦਿ ਥਾਮਸਨ ਰਾਈਟਰਸ, ਫਾਉਂਡੇਸ਼ਨ ਦੇ ਸਰਵੇ ’ਚ ਕੀਤਾ ਗਿਆ ਹੈ। ਇਸ ਸਰਵੇ ’ਚ ਔਰਤਾਂ ਦੇ ਅਧਿਕਾਰਾਂ ’ਤੇ ਕੰਮ ਕਰਨ ਵਾਲੇ ਲਗਭਗ 550 ਮਾਹਿਰ ਸ਼ਾਮਲ ਹੋਏ ਸਨ। ਇਨ੍ਹਾਂ ਨੂੰ 193 ਦੇਸ਼ਾਂ ’ਚ ਔਰਤਾਂ ਲਈ ਬੱਦਤਰ ਦੇਸ਼ਾਂ ’ਚ ਟੌਪ 10 ਰੈਂਕ ਦੇਣ ਨੂੰ ਕਿਹਾ ਗਿਆ ਸੀ।
ਭਾਰਤ : ਸੈਕਸ ਸਬੰਧੀ ਹਿੰਸਾ ਦੀਆਂ ਘਟਨਾਵਾਂ ਵਧੀਆਂ ਹਨ। ਰੋਜ਼ਾਨਾ 100 ਤੋਂ ਵੀ ਵੱਧ ਸੈਕਸ ਸ਼ੋਸਣ ਦੇ ਕੇਸ ਦਰਜ ਹੁੰਦੇ ਹਨ। ਇਸ ਤੋਂ ਇਲਾਵਾ ਸਭਿਆਚਾਰਕ ਅਤੇ ਰਿਵਾਇਤੀ ਪ੍ਰਥਾਵਾਂ ਅਤੇ ਔਰਤਾਂ ਦੀ ਵਧਦੀ ਸਮੱਗਲਿੰਗ।
ਅਫਗਾਨਿਸਤਾਨ : ਔਰਤਾਂ ’ਚ ਗੈਰ ਸੈਕਸ ਹਿੰਸਾ, ਸਿਹਤ ਸਹੂਲਤਾਂ ਦੀ ਭਾਰੀ ਕਮੀ ਅਤੇ ਆਰਥਿਕ ਸੋਮਿਆਂ ਦੀ ਕਮੀ।
ਸੀਰੀਆ : 7 ਸਾਲ ਦੀ ਗ੍ਰਹਿ ਜੰਗ ਦੇ ਕਾਰਨ ਔਰਤਾਂ ਦੀ ਸਥਿਤੀ ਬਹੁਤ ਨਾਜ਼ੁਕ ਹੋਈ ਹੈ। ਔਰਤਾਂ ਦੀਆਂ ਸਿਹਤ ਸਹੂਲਤਾਂ ਤਕ ਕੋਈ ਪਹੁੰਚ ਨਹੀਂ।
ਸੋਮਾਲੀਆ : 1991 ਤੋਂ ਇੱਥੇ ਗ੍ਰਹਿ ਯੁੱਧ ਚੱਲ ਰਿਹਾ ਹੈ। ਇਸ ਨਾਲ ਔਰਤਾਂ ਅਸੁਰੱਖਿਅਤ ਮਹਿਸੂਸ ਕਰਦੀਆਂ ਹਨ। ਰਿਵਾਇਤੀ ਸੰਸਕ੍ਰਿਤੀ ਕਾਰਨ ਵੀ ਔਰਤਾਂ ਪ੍ਰੇਸ਼ਾਨ।
ਸਾਊਦੀ ਅਰਬ : ਕੰਮ ਵਾਲੀਆਂ ਥਾਵਾਂ ’ਤੇ ਔਰਤਾਂ ਨਾਲ ਭੇਦਭਾਵ। ਸੱਭਿਆਚਾਰਕ ਅਤੇ ਧਾਰਮਿਕ ਰਿਵਾਇਤਾਂ ਕਾਰਨ ਔਰਤਾਂ ਅਸੁਰੱਖਿਅਤ।
ਪਾਕਿਸਤਾਨ : ਸੱਭਿਆਚਾਰਕ ਅਤੇ ਧਾਰਮਿਕ ਰਿਵਾਇਤਾਂ, ਆਨਰ ਕਿਲਿੰਗ ਅਤੇ ਘਰੇਲੂ ਹਿੰਸਾ ਦੇ ਮਾਮਲਿਆਂ ਕਾਰਨ ਇੱਥੇ ਔਰਤਾਂ ਦੀ ਸਥਿਤੀ ਚੰਗੀ ਨਹੀਂ ਹੈ।
ਕਾਂਗੋ : ਇਸ ਦੇਸ਼ ’ਚ ਹਰ ਦਿਨ ਲਗਭਗ 1,150 ਔਰਤਾਂ ਦੇ ਨਾਲ ਜਬਰ ਜ਼ਨਾਹ ਹੁੰਦਾ ਹੈ। ਇਹ ਜ਼ਿਆਦਾਤਰ ਪਤੀ, ਸਾਥੀ ਜਾਂ ਜਾਣ-ਪਛਾਣ ਵਾਲੇ ਲੋਕ ਕਰਦੇ ਹਨ।
ਯਮਨ/ਨਾਈਜੀਰੀਆ : ਜਬਰ ਜ਼ਨਾਹ, ਘੱਟ ਉਮਰ ’ਚ ਵਿਆਹ ਅਤੇ ਸੈਕਸ ਸਬੰਧੀ ਮਾਮਲਿਆਂ ’ਚ ਬਹੁਤ ਅੱਗੇ।
ਅਮਰੀਕਾ : ਪਿਛਲੇ ਸਾਲ ‘ਮੀ ਟੂ’ ਕੈਂਪੇਨ ਕਾਰਨ ਅਮਰੀਕਾ ’ਚ ਹਜ਼ਾਰਾਂ ਔਰਤਾਂ ਨੇ ਸ਼ੋਸ਼ਣ ਦੀਆਂ ਸਟੋਰੀਜ਼ ਸ਼ੇਅਰ ਕੀਤੀਆਂ ਸਨ।
ਦੇਸ਼ ’ਚ ਜਲ ਪ੍ਰਦੂਸ਼ਣ ਦੀ ਹਾਲਤ ਗੰਭੀਰ : ਐੱਨ.ਜੀ.ਟੀ.
NEXT STORY 
