ਬੇਂਗਲੁਰੂ– ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਵਲੋਂ ਆਪਣੀ ਵਪਾਰਕ ਸ਼ਾਖਾ ਨਿਊਸਪੇਸ ਇੰਡੀਆ ਲਿਮਟਿਡ (NSIL) ਲਈ ਬਣਾਏ ਗਏ ਸੰਚਾਰ ਸੈਟੇਲਾਈਟ ਜੀਸੈੱਟ-24 ਦਾ ਫਰੈਂਚ ਗੁਆਨਾ (ਦੱਖਣੀ ਅਮਰੀਕਾ) ਦੇ ਕੌਰੋਊ ਤੋਂ ਵੀਰਵਾਰ ਨੂੰ ਸਫ਼ਲਤਾਪੂਰਵਕ ਲਾਂਚ ਕੀਤਾ ਗਿਆ ਹੈ। ਜੀਸੈੱਟ-24 ਇਕ 24-Ku ਬੈਂਡ ਵਾਲਾ ਸੰਚਾਰ ਸੈਟੇਲਾਈਟ ਹੈ, ਜਿਸ ਦਾ ਵਜ਼ਨ 4,180 ਕਿਲੋਗ੍ਰਾਮ ਹੈ। ਇਹ ‘DTH’ ਨਾਲ ਸਬੰਧਤ ਲੋੜਾਂ ਨੂੰ ਪੂਰਾ ਕਰਨ ਲਈ ਅਖਿਲ ਭਾਰਤੀ ਕਵਰੇਜ਼ ਮੁਹੱਈਆ ਕਰਵਾਏਗਾ।
ਇਹ ਵੀ ਪੜ੍ਹੋ- ਭਿਆਨਕ ਹਾਦਸਾ; ਬੈਰੀਕੇਡਜ਼ ਨਾਲ ਟਕਰਾਉਣ ਮਗਰੋਂ ਕਾਰ ’ਚ ਲੱਗੀ ਅੱਗ, ਜ਼ਿੰਦਾ ਸੜੇ MBBS ਦੇ 3 ਵਿਦਿਆਰਥੀ
NSIL ਨੇ ਸੈਟੇਲਾਈਟ ਦੀ ਪੂਰੀ ਸਮਰੱਥਾ ‘ਟਾਟਾ ਪਲੇਅ’ ਨੂੰ ਲੀਜ਼ ਦੇ ਦਿੱਤਾ ਹੈ। ਹੁਣ ਦੇਸ਼ ’ਚ ‘DTH’ ਜ਼ਰੂਰਤਾਂ ਨੂੰ ਪੂਰਾ ਕਰਨ ’ਚ ਇਹ ਸੈਟੇਲਾਈਟ ਅਖਿਲ ਭਾਰਤੀ ਕਵਰੇਜ਼ ਮੁਹੱਈਆ ਕਰਵਾਏਗਾ। ਇਸ ਸੈਟੇਲਾਈਟ ਅਤੇ ਉਸ ਦੇ ਸਾਰੇ ਯੰਤਰਾਂ ਨੂੰ 18 ਮਈ 2022 ਨੂੰ ਕਾਰਗੋ ਜਹਾਜ਼ ਗਲੋਬਮਾਸਟਰ ਸੀ-17 ਜ਼ਰੀਏ ਕੌਰੋਊ ਭੇਜਿਆ ਗਿਆ ਸੀ। ਇਸ ਦੀ ਲਾਂਚਿੰਗ ਫਰਾਂਸ ਦੇ ਫਰੈਂਚ ਗੁਆਨਾ ਸਥਿਤ ਕੌਰੋਊ ਸਪੇਸ ਸੈਂਟਰ ਤੋਂ ਕੀਤੀ ਗਈ ਹੈ।
ਇਹ ਵੀ ਪੜ੍ਹੋ- ਜ਼ਿਮਨੀ ਚੋਣਾਂ: 3 ਲੋਕ ਸਭਾ ਅਤੇ 7 ਵਿਧਾਨ ਸਭਾ ਸੀਟਾਂ ਲਈ ਵੋਟਿੰਗ ਜਾਰੀ, ਇਸ ਦਿਨ ਆਉਣਗੇ ਨਤੀਜੇ
GSAT-24 ਸੈਟੇਲਾਈਟ 15 ਸਾਲਾਂ ਤੱਕ ਕੰਮ ਕਰੇਗਾ। ਇਹ DTH ਸੇਵਾ ਪ੍ਰਦਾਤਾ ਟਾਟਾ ਪਲੇਅ ਲਈ ਆਪਣੀਆਂ ਸੇਵਾਵਾਂ ਪ੍ਰਦਾਨ ਕਰੇਗਾ। ਇਸ ਸੈਟੇਲਾਈਟ ਦੀ ਮਦਦ ਨਾਲ ਟਾਟਾ ਪਲੇਅ ਭਾਰਤ ਭਰ ’ਚ ਬਿਹਤਰ ਅਤੇ ਸੁਚਾਰੂ DTH ਸੇਵਾਵਾਂ ਪ੍ਰਦਾਨ ਕਰ ਸਕੇਗਾ। ਏਰੀਅਨ ਸਪੇਸ ( Arianespace) ਤੋਂ ਲਾਂਚ ਕੀਤਾ ਗਿਆ ਇਹ 25ਵਾਂ ਭਾਰਤੀ ਸੈਟੇਲਾਈਟ ਹੈ। ਏਰੀਅਨ ਸਪੇਸ ਨੇ ਹੁਣ ਤੱਕ 11 ਜੀਸੈੱਟ-24 ਸੈਟੇਲਾਈਟ ਲਾਂਚ ਕੀਤੇ ਹਨ। ਇਸਰੋ ਅਤੇ ਏਰੀਅਨ ਸਪੇਸ ਦਾ ਸਬੰਧ 1981 ਤੋਂ ਲਗਾਤਾਰ ਬਣੇ ਹੋਏ ਹਨ। ਇਸ ਦੀ ਸ਼ੁਰੂਆਤ ਐਪਲ ਸੈਟੇਲਾਈਟ ਦੇ ਲਾਂਚ ਨਾਲ ਹੋਈ ਸੀ।
ਇਹ ਵੀ ਪੜ੍ਹੋ- ਦੇਸ਼ ’ਚ ਕੋਰੋਨਾ ਦੇ ਸਰਗਰਮ ਮਾਮਲੇ 83 ਹਜ਼ਾਰ ਦੇ ਪਾਰ, 24 ਘੰਟਿਆਂ ’ਚ 38 ਲੋਕਾਂ ਦੀ ਮੌਤ
ਸ਼ਿਵ ਸੈਨਾ ’ਚ 56 ਸਾਲਾਂ ’ਚ ਚੌਥੀ ਵਾਰ ਬਗਾਵਤ
NEXT STORY 
