ਪਿਥੌਰਾਗੜ੍ਹ (ਏਜੰਸੀ)- ਉੱਤਰਾਖੰਡ ਦੇ ਪਿਥੌਰਾਗੜ੍ਹ ਜ਼ਿਲ੍ਹੇ 'ਚ ਭਾਰੀ ਬਾਰਿਸ਼ ਕਾਰਨ ਧਾਰਚੂਲਾ-ਤਵਾਘਾਟ ਮਾਰਗ 'ਤੇ ਸਥਿਤ ਕੁਲਾਗਾੜ ਪੁਲ ਇਕ ਵਾਰ ਫਿਰ ਢਹਿ ਗਿਆ ਹੈ। ਪੁਲ ਟੁੱਟਣ ਕਾਰਨ ਕੈਲਾਸ਼ ਮਾਨਸਰੋਵਰ ਮਾਰਗ 'ਤੇ ਆਵਾਜਾਈ ਪੂਰੀ ਤਰ੍ਹਾਂ ਰੁਕ ਗਈ ਹੈ ਅਤੇ ਚੀਨ ਸਰਹੱਦ ਨਾਲ ਸੰਪਰਕ ਪ੍ਰਭਾਵਿਤ ਹੋਇਆ ਹੈ। ਮੌਕੇ 'ਤੇ ਝੀਲਨੁਮਾ ਪਾਣੀ ਇਕੱਠਾ ਹੋਣ ਦੇ ਖ਼ਦਸ਼ੇ ਕਾਰਨ ਨੇੜੇ-ਤੇੜੇ ਦੇ ਖਤਰਾਂ 'ਚ ਖ਼ਤਰਾ ਵਧ ਗਿਆ ਹੈ।
ਧਾਰਚੂਲਾ ਪੁਲਸ ਅਨੁਸਾਰ ਸ਼ੁੱਕਰਵਾਰ ਰਾਤ ਨੂੰ ਉੱਚਾਈ ਵਾਲੇ ਇਲਾਕਿਆਂ 'ਚ ਭਾਰੀ ਬਾਰਿਸ਼ ਕਾਰਨ ਜਨਜੀਵਨ ਪ੍ਰਭਾਵਿਤ ਹੋ ਗਿਆ ਹੈ। ਕੈਲਾਸ਼ ਮਾਨਸਰੋਵਰ ਮਾਰਗ 'ਤੇ ਕੁਲਾਗਾੜ ਪੁਲ ਦੇ ਢਹਿਣ ਕਾਰਨ ਧਾਰਚੂਲਾ-ਤਵਾਘਾਟ-ਗੂੰਜੀ ਮਾਰਗ ਪੂਰੀ ਤਰ੍ਹਾਂ ਬੰਦ ਹੋ ਗਿਆ ਹੈ। ਵਿਆਸ ਘਾਟੀ ਦਾ ਸੰਪਰਕ ਕੱਟ ਗਿਆ ਹੈ। ਪੁਲਸ ਨੇ ਵਾਹਨ ਚਾਲਕਾਂ ਨੂੰ ਇਸ ਮਾਰਗ 'ਤੇ ਆਵਾਜਾਈ ਨਹੀਂ ਕਰਨ ਦੀ ਅਪੀਲ ਕੀਤੀ ਹੈ। ਪੁਲਸ ਅਨੁਸਾਰ ਕਾਲੀ ਨਦੀ ਦੇ ਕਿਨਾਰੇ ਰਾਤ ਨੂੰ ਕੁਝ ਮਲਬਾ ਇਕੱਠਾ ਹੋਣ ਕਾਰਨ ਝੀਲਨੁਮਾ ਪਾਣੀ ਇਕੱਠਾ ਹੋ ਗਿਆ ਸੀ। ਇਸ ਲਈ ਕੋਤਵਾਲੀ ਧਾਰਚੂਲਾ ਨੇ ਕਾਲੀ ਨਦੀ ਦੇ ਤੱਟਵਰਤੀ ਅਤੇ ਨੇੜੇ-ਤੇੜੇ ਖੇਤਰਾਂ 'ਚ ਰਹਿਣ ਵਾਲੇ ਪਿੰਡ ਵਾਸੀਆਂ ਅਤੇ ਆਮ ਜਨਤਾ ਨੂੰ ਵਿਸ਼ੇਸ਼ ਚੌਕਸੀ ਵਰਤਣ ਦੀ ਅਪੀਲ ਕੀਤੀ।
ਪੁਲਸ ਨੇ ਲੋਕਾਂ ਨੂੰ ਨਦੀ, ਨਾਲਿਆਂ ਅਤੇ ਪਾਣੀ ਭਰਨ ਵਾਲੇ ਖੇਤਰਾਂ ਦੇ ਨੇੜੇ-ਤੇੜੇ ਨਹੀਂ ਜਾਣ ਅਤੇ ਗੈਰ-ਜ਼ਰੂਰੀ ਰੂਪ ਨਾਲ ਕੁਲਾਗਾੜ ਪੁਲ ਦੇ ਨੇੜੇ-ਤੇੜੇ ਨਹੀਂ ਪਹੁੰਚਣ ਦੀ ਅਪੀਲ ਕੀਤੀ ਹੈ। ਉੱਪ ਜ਼ਿਲ੍ਹਾ ਅਧਿਕਾਰੀ ਧਾਰਚੂਲਾ ਆਸ਼ੀਸ਼ ਜੋਸ਼ੀ ਨੇ ਦੱਸਿਆ ਕਿ ਰਾਤ ਨੂੰ ਭਾਰੀ ਬਾਰਿਸ਼ ਕਾਰਨ ਕੁਲਾਗਾੜ ਵੈਲੀ ਬਰਿੱਜ ਫਿਰ ਢਹਿ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਵਹਾਅ ਇੰਨਾ ਤੇਜ਼ ਸੀ ਕਿ ਲੋਹੇ ਦਾ ਪੁਰਾਣਾ ਅਤੇ ਨਵਾਂ ਪੁਲ ਮੌਕੇ 'ਤੇ ਗਾਇਬ ਹੋ ਗਏ ਹਨ। ਉਨ੍ਹਾਂ ਨੇ ਝੀਲ ਬਣਨ ਦੇ ਖ਼ਦਸ਼ੇ ਨੂੰ ਖਾਰਜ ਕਰਦੇ ਹੋਏ ਕਿਹਾ ਕਿ ਹੁਣ ਕੋਈ ਖ਼ਤਰਾ ਨਹੀਂ ਹੈ। ਪ੍ਰਸ਼ਾਸਨ ਅਤੇ ਸਰਹੱਦੀ ਸੜਕ ਸੰਗਠਨ (ਬੀਆਰਓ) ਦੀ ਟੀਮ ਮੌਕੇ 'ਤੇ ਪਹੁੰਚ ਰਹੀ ਹੈ ਅਤੇ ਜਲਦ ਤੋਂ ਜਲਦ ਸੜਕ ਸੰਪਰਕ ਬਹਾਲ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ। ਦੱਸਣਯੋਗ ਹੈ ਕਿ ਕੁਝ ਸਮੇਂ ਪਹਿਲਾਂ ਵੀ ਭਾਰੀ ਬਾਰਿਸ਼ ਕਾਰਨ ਕੁਲਾਗਾੜ ਪੁਲ 'ਤੇ ਇਕ ਭਾਰੀ ਬੋਲਡਰ ਡਿੱਗਣ ਨਾਲ ਪੁਲ ਢਹਿ ਗਿਆ ਸੀ। ਬੀ.ਆਰ.ਓ. ਨੇ ਇਸ ਤੋਂ ਬਾਅਦ ਮੌਕੇ 'ਤੇ ਨਵਾਂ ਵੈਲੀ ਬਰਿੱਜ ਤਿਆਰ ਕਰ ਕੇ ਸੜਕ ਸੰਪਰਕ ਬਹਾਲ ਕੀਤਾ ਸੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਭਾਰਤ ਆ ਰਹੇ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ! ਬੀਜਿੰਗ ਤੋਂ ਹੋਏ ਰਵਾਨਾ
NEXT STORY 
