ਸ਼੍ਰੀਨਗਰ/ਨਵੀਂ ਦਿੱਲੀ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 74ਵੇਂ ਆਜ਼ਾਦੀ ਦਿਹਾੜੇ ਮੌਕੇ ਜੰਮੂ-ਕਸ਼ਮੀਰ ਦਾ ਮੁੱਖ ਤੌਰ 'ਤੇ ਜ਼ਿਕਰ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਇਹ ਇਕ ਸਾਲ ਜੰਮੂ-ਕਸ਼ਮੀਰ ਦੀ ਨਵੀਂ ਵਿਕਾਸ ਯਾਤਰਾ ਦਾ ਸਾਲ ਹੈ। ਸਥਾਨਕ ਜਨਪ੍ਰਤੀਨਿਧੀਆਂ ਦੀ ਸਰਗਰਮੀ ਅਤੇ ਸੰਵੇਦਨਸ਼ੀਲਤਾ ਦੇ ਨਾਲ ਹੀ ਪੀ.ਐੱਮ. ਨੇ ਲੇਹ, ਲੱਦਾਖ, ਕਸ਼ਮੀਰ ਖੇਤਰ 'ਚ ਵਿਕਾਸ ਦੇ ਮਾਡਲ ਦਾ ਵੀ ਜ਼ਿਕਰ ਕੀਤਾ। ਉਨ੍ਹਾਂ ਨੇ ਕਿਹਾ,''ਇਕ ਸਾਲ ਜੰਮੂ-ਕਸ਼ਮੀਰ 'ਚ ਬੀਬੀਆਂ, ਦਲਿਤਾਂ ਨੂੰ ਮਿਲੇ ਅਧਿਕਾਰਾਂ ਦਾ ਸਾਲ ਹੈ। ਇਹ ਜੰਮੂ-ਕਸ਼ਮੀਰ 'ਚ ਸ਼ਰਨਾਰਥੀਆਂ ਦੇ ਸਨਮਾਨ ਵਾਲੇ ਜੀਵਨ ਦਾ ਵੀ ਇਕ ਸਾਲ ਹੈ। ਲੋਕਤੰਤਰ ਦੀ ਸੱਚੀ ਤਾਕਤ ਸਥਾਨਕ ਇਕਾਈਆਂ 'ਚ ਹੈ। ਸਾਡੇ ਸਾਰਿਆਂ ਲਈ ਮਾਣ ਦੀ ਗੱਲ ਹੈ ਕਿ ਜੰਮੂ-ਕਸ਼ਮੀਰ 'ਚ ਸਥਾਨਕ ਇਕਾਈਆਂ ਦੇ ਜਨਪ੍ਰਤੀਨਿਧੀ ਸਰਗਰਮੀ ਅਤੇ ਸੰਵੇਦਨਸ਼ੀਲਤਾ ਨਾਲ ਵਿਕਾਸ ਦੇ ਨਵੇਂ ਯੁੱਧ ਨੂੰ ਅੱਗੇ ਵਧਾ ਰਹੇ ਹਨ।''
ਨਰਿੰਦਰ ਮੋਦੀ ਨੇ ਕਿਹਾ,''ਜੰਮੂ-ਕਸ਼ਮੀਰ 'ਚ ਹੱਦਬੰਦੀ ਦਾ ਕੰਮ ਚੱਲ ਰਿਹਾ ਹੈ। ਅਸੀਂ ਸਾਰੇ ਚਾਹੁੰਦੇ ਹਾਂ ਕਿ ਜਲਦ ਇਹ ਪ੍ਰਕਿਰਿਆ ਪੂਰੀ ਹੋਵੇ, ਜਿਸ ਤੋਂ ਬਾਅਦ ਜਲਦ ਚੋਣਾਂ ਹੋਣ, ਵਿਧਾਇਕ ਅਤੇ ਮੰਤਰੀ ਵੀ ਜੰਮੂ-ਕਸ਼ਮੀਰ ਖੇਤਰ ਤੋਂ ਚੁਣ ਕੇ ਆਉਣ। ਬੀਤੇ ਸਾਲ ਲੱਦਾਖ ਨੂੰ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਬਣਾ ਕੇ, ਉੱਥੇ ਦੇ ਲੋਕਾਂ ਦੀ ਸਾਲਾਂ ਪੁਰਾਣੀ ਮੰਗ ਨੂੰ ਪੂਰਾ ਕੀਤਾ ਗਿਆ ਹੈ। ਹਿਮਾਲਿਆ ਦੀਆਂ ਉੱਚਾਈਆਂ 'ਚ ਵਸਿਆ ਲੱਦਾਖ ਅੱਜ ਵਿਕਾਸ ਦੀਆਂ ਨਵੀਆਂ ਉੱਚਾਈਆਂ ਨੂੰ ਛੂਹਣ ਲਈ ਅੱਗੇ ਵੱਧ ਰਿਹਾ ਹੈ।''
ਉਨ੍ਹਾਂ ਕਿਹਾ,''ਜਿਸ ਤਰ੍ਹਾਂ ਨਾਲ ਸਿੱਕਮ ਨੇ ਜੈਵਿਕ ਸੂਬੇ ਵਜੋਂ ਆਪਣੀ ਪਛਾਣ ਬਣਾਈ ਹੈ। ਇਸੇ ਤਰ੍ਹਾਂ ਆਉਣ ਵਾਲੇ ਦਿਨਾਂ 'ਚ ਲੱਦਾਖ ਅਤੇ ਲੇਹ ਦਾ ਖੇਤਰ, ਆਪਣੀ ਪਛਾਣ ਇਕ ਕਾਰਬਨ ਨਿਰਪੱਖ ਇਕਾਈ ਦੇ ਤੌਰ 'ਤੇ ਬਣਾਏ, ਇਸ ਦਿਸ਼ਾ 'ਚ ਵੀ ਤੇਜ਼ੀ ਨਾਲ ਕੰਮ ਹੋ ਰਿਹਾ ਹੈ। ਇਹ ਜ਼ਰੂਰਤਾਂ ਦੀ ਪੂਰਤੀ ਵਾਲਾ ਮਾਡਲ ਹੋਵੇਗਾ।''
ਕੁੜੀਆਂ ਦੇ ਵਿਆਹ ਦੀ ਸਹੀ ਉਮਰ 'ਤੇ ਸਰਕਾਰ ਜਲਦ ਲਵੇਗੀ ਫੈਸਲਾ : PM ਮੋਦੀ
NEXT STORY 
