ਲਖਨਊ - ਯੂ.ਪੀ. ਦੇ ਬਾਂਦਾ ਵਿੱਚ ਤੰਤਰ-ਮੰਤਰ ਦੇ ਚੱਕਰ ਵਿੱਚ ਗੁਆਂਢੀ ਨੇ ਪੰਜ ਸਾਲ ਦੀ ਬੱਚੀ ਦੀ ਹੱਤਿਆ ਕਰ ਲਾਸ਼ ਨਾਲੀ ਵਿੱਚ ਸੁੱਟ ਦਿੱਤੀ। ਕਾਫ਼ੀ ਜਾਂਚ ਤੋਂ ਬਾਅਦ ਪੁਲਸ ਨੂੰ ਲਾਸ਼ ਲਾਵਾਰਿਸ ਸਥਿਤੀ ਵਿੱਚ ਨਾਲੀ ਤੋਂ ਬਰਾਮਦ ਹੋਇਆ। ਕਈ ਘੰਟੇ ਦੀ ਜਾਂਚ ਅਤੇ ਇਲਾਕੇ ਵਿੱਚ ਪੁੱਛਗਿੱਛ ਤੋਂ ਬਾਅਦ ਪੁਲਸ ਨੇ ਇੱਕ ਘਰੋਂ ਤਿੰਨ ਲੋਕਾਂ ਨੂੰ ਹਿਰਾਸਤ ਵਿੱਚ ਲਿਆ। ਦੋਸ਼ ਹੈ ਕਿ ਦੱਬੇ ਹੋਏ ਸੋਨੇ ਦੇ ਲਾਲਚ ਦੇ ਚੱਕਰ ਵਿੱਚ ਬੱਚੀ ਦੀ ਹੱਤਿਆ ਕੀਤੀ ਗਈ ਹੈ।
ਪਰਿਵਾਰ ਮੁਤਾਬਕ, ਮੁੱਖ ਤਾਂਤਰਿਕ ਅਤੇ ਇੱਕ ਹੋਰ ਫਿਲਹਾਲ ਫ਼ਰਾਰ ਹੈ, ਜਿਸ ਨੂੰ ਫੜਨ ਦੀ ਪੁਲਸ ਕੋਸ਼ਿਸ਼ ਕਰ ਰਹੀ ਹੈ। ਦਰਅਸਲ, ਇਹ ਮਾਮਲਾ ਬਾਂਦਾ ਸ਼ਹਿਰ ਦੇ ਚਮਰੌਡੀ ਇਲਾਕੇ ਦਾ ਹੈ। ਇੱਕ ਜਨਾਨੀ ਅਤੇ ਉਸ ਦੀ ਧੀ 'ਤੇ ਇਲਜ਼ਾਮ ਹੈ ਕਿ ਉਹ ਬੱਚੀ ਨੂੰ ਵਰਗਲਾ ਕੇ ਲੈ ਗਏ। ਇਸ ਤੋਂ ਬਾਅਦ ਦੱਬਿਆ ਹੋਇਆ ਪੈਸਾ ਪਾਉਣ ਦੇ ਲਾਲਚ ਵਿੱਚ ਬੱਚੀ ਦੀ ਤੰਤਰ ਮੰਤਰ ਵਿੱਚ ਹੱਤਿਆ ਕਰ ਦਿੱਤੀ। ਉਥੇ ਹੀ, ਘਰ ਦੇ ਹੋਰ ਲੋਕਾਂ ਨੇ ਇਸ ਕੰਮ ਵਿੱਚ ਜਨਾਨੀ ਦਾ ਸਾਥ ਦਿੱਤਾ।
ਮ੍ਰਿਤਕ ਬੱਚੀ ਦੇ ਚਾਚੇ ਨੇ ਦੱਸਿਆ ਕਿ ਕੱਲ ਗੁਆਂਢ ਦੀ ਕੁੜੀ ਉਸ ਨੂੰ ਆਪਣੇ ਨਾਲ ਲੈ ਗਈ ਸੀ, ਜਿਸ ਤੋਂ ਬਾਅਦ ਅਸੀਂ ਆਪਣੇ ਕੰਮ 'ਤੇ ਚਲੇ ਗਏ ਸਨ। ਬਾਅਦ ਵਿੱਚ ਬੱਚੀ ਦੀ ਲਾਸ਼ ਨਾਲੀ ਵਿੱਚੋਂ ਬਰਾਮਦ ਹੋਈ। ਇਹ ਦੱਬਿਆ ਹੋਇਆ ਸੋਨਾ ਚਾਂਦੀ ਪਾਉਣ ਲਈ ਤਾਂਤਰਿਕ ਨੇ ਕੀਤਾ ਹੈ। ਤਿੰਨ ਲੋਕਾਂ ਨੂੰ ਸ਼ੱਕ ਦੇ ਆਧਾਰ 'ਤੇ ਪੁਲਸ ਨੇ ਹਿਰਾਸਤ ਵਿੱਚ ਲਿਆ ਹੈ। ਉਨ੍ਹਾਂ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਛੇਤੀ ਹੀ ਮਾਮਲੇ ਦਾ ਖੁਲਾਸਾ ਕੀਤਾ ਜਾਵੇਗਾ।
ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।
ਲੱਗਦਾ ਹੈ ਸੂਬੇ ਦੀਆਂ ਜ਼ਮੀਨਾਂ ਸਰਕਾਰ ਦੇ ‘ਬਾਪ ਦਾ ਮਾਲ’ ਹੈ: ਮੁੰਬਈ ਹਾਈ ਕੋਰਟ
NEXT STORY 
