ਨਵੀਂ ਦਿੱਲੀ (ਭਾਸ਼ਾ) — ਰੇਲਵੇ ਨੇ ਆਪਣੇ ਮਾਲ ਭਾੜੇ ਗਾਹਕਾਂ ਲਈ ਵਿਸ਼ੇਸ਼ ਤੌਰ 'ਤੇ ਇਕ ਪੋਰਟਲ ਤਿਆਰ ਕੀਤਾ ਹੈ। ਇਸ ਨਾਲ ਨਾ ਸਿਰਫ ਭਾੜੇ ਦੇ ਗਾਹਕ ਸਿੱਧੇ ਤੌਰ 'ਤੇ ਅਧਿਕਾਰੀਆਂ ਨਾਲ ਜੁੜ ਸਕਣਗੇ, ਸਗੋਂ ਉਹ ਇਸ 'ਤੇ ਆਪਣੀਆਂ ਸ਼ਿਕਾਇਤਾਂ ਵੀ ਦਰਜ ਕਰਾ ਸਕਣਗੇ। ਰੇਲਵੇ ਨੇ ਆਵਾਜਾਈ ਵਧਾਉਣ ਅਤੇ ਆਮਦਨੀ ਵਧਾਉਣ ਦੇ ਮੱਦੇਨਜ਼ਰ ਇਹ ਕਦਮ ਚੁੱਕਿਆ ਹੈ। ਰੇਲਵੇ ਇਨਫਰਮੇਸ਼ਨ ਸਿਸਟਮਜ਼ ਸੈਂਟਰ (ਸੀ.ਆਰ.ਆਈ.ਐਸ.) ਦੀ ਟੀਮ ਨੇ ਰੇਲਵੇ ਬੋਰਡ ਦੀਆਂ ਹਦਾਇਤਾਂ 'ਤੇ ਟਰਾਂਸਪੋਰਟੇਸ਼ਨ ਬਿਜ਼ਨਸ ਡਿਵੈਲਪਮੈਂਟ (ਐਫ.ਬੀ.ਡੀ.) ਕਰਨ ਲਈ ਪੋਰਟਲ ਤਿਆਰ ਕੀਤਾ ਹੈ। ਰੇਲਵੇ ਮੰਤਰਾਲੇ ਨੇ ਵੀਰਵਾਰ ਨੂੰ ਇੱਕ ਬਿਆਨ ਵਿਚ ਕਿਹਾ, 'ਐਫ.ਬੀ.ਡੀ. ਨੂੰ ਵਿਸ਼ੇਸ਼ ਤੌਰ 'ਤੇ 'ਗਾਹਕ ਫਸਟ' ਦੀ ਧਾਰਣਾ ਨਾਲ ਤਿਆਰ ਕੀਤਾ ਗਿਆ ਹੈ ਅਤੇ ਵਿਕਸਤ ਕੀਤਾ ਗਿਆ ਹੈ'।
ਇਹ ਵੀ ਦੇਖੋ : ਤਾਲਾਬੰਦੀ ਦੌਰਾਨ ਰੱਦ ਹੋਈਆਂ ਉਡਾਣਾਂ ਦੇ ਪੈਸੇ ਵਾਪਸ ਕਰਨ ਸਬੰਧੀ SC ਨੇ ਲਿਆ ਅਹਿਮ ਫ਼ੈਸਲਾ
ਇਸ ਨਾਲ ਨਵੇਂ ਮਾਲ ਢੁਆਈ ਕਰਨ ਵਾਲੇ ਗਾਹਕਾਂ ਨੂੰ ਰੇਲਵੇ ਦੇ ਟ੍ਰਾਂਸਪੋਰਟੇਸ਼ਨ ਕਾਰੋਬਾਰ ਬਾਰੇ ਵੀ ਜਾਣਕਾਰੀ ਮਿਲੇਗੀ। ਰੇਲਵੇ ਦੇ ਟ੍ਰਾਂਸਪੋਰਟੇਸ਼ਨ ਕਾਰੋਬਾਰ ਬਾਰੇ ਜਾਣਕਾਰੀ ਇਸ ਪੋਰਟਲ 'ਤੇ ਉਪਲਬਧ ਕਰਵਾਈ ਗਈ ਹੈ। ਪੋਰਟਲ ਤਕ ਪਹੁੰਚਣਾ ਬਹੁਤ ਸੌਖਾ ਹੈ। ”ਮੰਤਰਾਲੇ ਨੇ ਕਿਹਾ ਕਿ ਇਸ ਦੀਆਂ ਵਿਸ਼ੇਸ਼ਤਾਵਾਂ ਨੂੰ ਇਸ ਸਾਈਟ ਦੇ ਮੌਜੂਦਾ ਗਾਹਕਾਂ ਲਈ ਵੀ ਵਧਾਇਆ ਗਿਆ ਹੈ। ਉਨ੍ਹਾਂ ਨੂੰ ਜੀ.ਆਈ.ਐਸ. ਅਧਾਰਤ ਨਿਗਰਾਨੀ ਸਹੂਲਤ ਪ੍ਰਦਾਨ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਇਸ ਦੇ ਜ਼ਰੀਏ ਉਹ ਆਪਣੀਆਂ ਚਿੰਤਾਵਾਂ ਬਾਰੇ ਰੇਲਵੇ ਅਧਿਕਾਰੀਆਂ ਨਾਲ ਵੀ ਸੰਪਰਕ ਕਰ ਸਕਦੇ ਹਨ। ਮੰਤਰਾਲੇ ਨੇ ਕਿਹਾ ਕਿ ਨਵਾਂ ਐਫ.ਬੀ.ਡੀ. ਪੋਰਟਲ ਸੰਭਾਵਿਤ ਭਾੜੇ ਦੇ ਗਾਹਕਾਂ ਨੂੰ ਰੇਲਵੇ ਅਧਿਕਾਰੀਆਂ ਨਾਲ ਸੰਪਰਕ ਪ੍ਰਦਾਨ ਕਰਨ ਦਾ ਇੱਕ ਸਾਧਨ ਹੋਵੇਗਾ। ਗਾਹਕ ਇਸ ਰਾਹੀਂ ਅਧਿਕਾਰੀਆਂ ਨਾਲ ਸੰਪਰਕ ਕਰ ਸਕਣਗੇ ਅਤੇ ਆਪਣਾ ਮਾਲ ਢੋਣ ਲਈ ਉਨ੍ਹਾਂ ਦੀ ਮਦਦ ਲੈ ਸਕਣਗੇ। ਇਸ ਤੋਂ ਇਲਾਵਾ, 'ਰੇਲਮਦਦ' ਸ਼ਿਕਾਇਤ ਨਿਵਾਰਣ ਪੋਰਟਲ ਨੂੰ ਵੀ ਨਵੇਂ ਐਫ.ਬੀ.ਡੀ. ਪੋਰਟਲ ਨਾਲ ਜੋੜਿਆ ਗਿਆ ਹੈ।
ਇਹ ਵੀ ਦੇਖੋ : ਤਿਉਹਾਰਾਂ ਦੇ ਮੌਕੇ ਇਹ ਦੋ ਨਿੱਜੀ ਬੈਂਕ ਘਰ-ਕਾਰ ਖਰੀਦਣ ਲਈ ਦੇ ਰਿਹੈ ਬੰਪਰ ਛੋਟ
ਚੋਣ ਜਾਬਤੇ ਦੇ ਘੇਰੇ ’ਚ ਆਉਣਗੇ ਮਿਊਚਲ ਫੰਡ ਪ੍ਰਬੰਧਕ, ਫਾਰੈਂਸਿਕ ਆਡਿਟ ਨੂੰ ਲੈ ਕੇ ਸਖਤ ਕੀਤੇ ਗਏ ਖੁਲਾਸਾ ਨਿਯਮ
NEXT STORY 
