ਕੋਚੀ (ਭਾਸ਼ਾ)— ਕੇਰਲ ਹਾਈ ਕੋਰਟ ਨੇ ਇਕ ਵਕੀਲ ਜੋੜੇ ਨੂੰ ਆਨਲਾਈਨ ਵਿਆਹ ਦੀ ਇਜਾਜ਼ਤ ਦੇ ਦਿੱਤੀ ਹੈ ਕਿਉਂਕਿ ਲਾੜਾ ਬਿ੍ਰਟੇਨ ਵਿਚ ਹੈ ਅਤੇ ਓਮੀਕਰੋਨ ਨਾਲ ਸਬੰਧਤ ਯਾਤਰਾ ਪਾਬੰਦੀ ਕਾਰਨ ਉਹ ਦੇਸ਼ ਨਹੀਂ ਆ ਸਕਦਾ। ਵਕੀਲ ਰਿੰਟੂ ਥਾਮਸ ਨਾਇਰ (25) ਅਤੇ ਉਸ ਦੀ ਮੰਗੇਤਰ ਅਨੰਤ ਕ੍ਰਿਸ਼ਨਨ ਹਰੀਕੁਮਾਰਨ ਨਾਇਰ ਨੇ ਜਦੋਂ ਇਕ ਮਹੀਨੇ ਤੋਂ ਵੱਧ ਸਮਾਂ ਪਹਿਲਾਂ ਵਿਆਹ ਕਰਾਉਣ ਦਾ ਫ਼ੈਸਲਾ ਕੀਤਾ ਤਾਂ ਉਨ੍ਹਾਂ ਨੇ ਨਹੀਂ ਸੋਚਿਆ ਸੀ ਕਿ ਕੋਰੋਨਾ ਵਾਇਰਸ ਦਾ ਨਵਾ ਵੇਰੀਐਂਟ ਓਮੀਕਰੋਨ ਉਨ੍ਹਾਂ ਦੇ ਵਿਆਹ ਵਿਚ ਰੁਕਾਵਟ ਬਣ ਸਕਦਾ ਹੈ।
ਥਾਮਸ ਨਾਇਰ ਉੱਚ ਅਧਿਐਨ ਲਈ ਬਿ੍ਰਟੇਨ ਵਿਚ ਹਨ। ਵਿਆਹ 23 ਦਸੰਬਰ ਯਾਨੀ ਕਿ ਅੱਜ ਹੋਣਾ ਸੀ ਅਤੇ ਉਨ੍ਹਾਂ 22 ਦਸੰਬਰ ਨੂੰ ਭਾਰਤ ਆਉਣ ਲਈ ਟਿਕਟ ਬੁਕ ਕੀਤੀ ਸੀ ਪਰ ਦੁਨੀਆ ’ਚ ਓਮੀਕਰੋਨ ਦੇ ਕਹਿਰ ਕਾਰਨ ਨਾਇਰ ਯਾਤਰਾ ਕਰਨ ਦੀ ਸਥਿਤੀ ਵਿਚ ਨਹੀਂ ਹੈ। ਇਨ੍ਹਾਂ ਹਾਲਾਤਾਂ ਵਿਚ ਥਾਮਸ ਨੇ ਕੇਰਲ ਸੂਬੇ ਅਤੇ ਤਿਰੂਵਨੰਪੁਰਮ ਦੇ ਮਲਯਿੰਕੀਜੂ ਵਿਚ ਉੱਪ-ਰਜਿਸਟਰਾਰ ਦਫ਼ਤਰ ਵਿਚ ਵਿਆਹ ਅਧਿਕਾਰੀ ਨੂੰ ਨਿਰਦੇਸ਼ ਦੇਣ ਦੀ ਅਪੀਲ ਕਰਦੇ ਹੋਏ ਹਾਈ ਕੋਰਟ ਦਾ ਰੁਖ਼ ਕੀਤਾ, ਤਾਂ ਕਿ ਉਨ੍ਹਾਂ ਨੂੰ ਡਿਜੀਟਲ ਤਰੀਕੇ ਨਾਲ ਵਿਆਹ ਕਰਨ ਦੀ ਇਜਾਜ਼ਤ ਮਿਲ ਸਕੇ।
ਜੋੜੇ ਨੂੰ ਰਾਹਤ ਪ੍ਰਦਾਨ ਕਰਦੇ ਹੋਏ ਜੱਜ ਐੱਨ. ਨਾਗਰੇਸ਼ ਨੇ ਇਸ ਸ਼ਰਤ ਨਾਲ ਉਨ੍ਹਾਂ ਦੇ ਵਿਆਹ ਨੂੰ ਆਨਲਾਈਨ ਤਰੀਕੇ ਨਾਲ ਕਰਨ ਦੀ ਇਜਾਜ਼ਤ ਦੇ ਦਿੱਤੀ ਕਿ ਵਿਆਹ ਵਿਚ ਸ਼ਾਮਲ ਗਵਾਹ ਸਿੱਧੇ ਰੂਪ ਨਾਲ ਅਧਿਕਾਰੀ ਦੇ ਸਾਹਮਣੇ ਹਾਜ਼ਰ ਹੋਣਗੇ ਅਤੇ ਆਨਲਾਈਨ ਨਜ਼ਰ ਆ ਰਹੇ ਦੂਜੇ ਪੱਖ ਦੇ ਲੋਕਾਂ ਦੀ ਪਛਾਣ ਕਰਨਗੇ।
ਪੁਲਵਾਮਾ ਨੂੰ ਮੁੜ ਦਹਿਲਾਉਣ ਦੀ ਸਾਜਿਸ਼ ਅਸਫ਼ਲ, ਵਾਨਪੋਰਾ 'ਚ ਮਿਲੀ 5 ਕਿਲੋ ਆਈ.ਈ.ਡੀ.
NEXT STORY 
