ਨੈਸ਼ਨਲ ਡੈਸਕ : ਕੋਵਿਡ ਮਹਾਮਾਰੀ ਨੇ ਭਾਰਤੀਆਂ ਦੀ ਔਸਤ ਉਮਰ ਘਟਾ ਦਿੱਤੀ ਹੈ, ਅਕਾਦਮਿਕ ਜਰਨਲ ਸਾਇੰਸ ਐਡਵਾਂਸਜ਼ ਵਿਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਵਿਚ ਇਹ ਦਾਅਵਾ ਕੀਤਾ ਗਿਆ ਹੈ। ਰਿਪੋਰਟ ਦੇ ਅਨੁਸਾਰ 2020 ਵਿਚ ਭਾਰਤ ਵਿਚ ਜੀਵਨ ਸੰਭਾਵਨਾ ਵਿਚ ਵੱਡੀ ਗਿਰਾਵਟ ਆਈ ਹੈ। ਇਸ ਰਿਪੋਰਟ ਦੇ ਸਾਹਮਣੇ ਆਉਣ ਤੋਂ ਬਾਅਦ ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਨੇ ਇਸ ਦਾਅਵੇ ਦਾ ਪੂਰੀ ਤਰ੍ਹਾਂ ਖੰਡਨ ਕੀਤਾ ਹੈ ਅਤੇ ਇਸ ਨੂੰ ਅਸਵੀਕਾਰਨਯੋਗ ਕਰਾਰ ਦਿੱਤਾ ਹੈ।
ਜੀਵਨ ਸੰਭਾਵਨਾ 'ਚ 2.6 ਸਾਲ ਦੀ ਦੇਖੀ ਗਈ ਕਮੀ
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ 2019 ਅਤੇ 2020 ਦੇ ਵਿਚਕਾਰ, ਭਾਰਤ ਵਿਚ ਜੀਵਨ ਸੰਭਾਵਨਾ ਵਿਚ 2.6 ਸਾਲ ਦੀ ਗਿਰਾਵਟ ਆਈ ਹੈ। ਇਸ ਗਿਰਾਵਟ ਦਾ ਸਭ ਤੋਂ ਗੰਭੀਰ ਪ੍ਰਭਾਵ ਮੁਸਲਮਾਨਾਂ ਅਤੇ ਅਨੁਸੂਚਿਤ ਕਬੀਲਿਆਂ (ਐੱਸਟੀ) ਵਰਗੇ ਸਮਾਜਿਕ ਤੌਰ 'ਤੇ ਵਾਂਝੇ ਸਮੂਹਾਂ 'ਤੇ ਪਿਆ ਹੈ। ਅਧਿਐਨ ਦੇ ਅਨੁਸਾਰ ਔਰਤਾਂ ਵਿਚ ਉਮਰ 'ਚ ਗਿਰਾਵਟ (3.1 ਸਾਲ) ਪੁਰਸ਼ਾਂ (2.1 ਸਾਲ) ਨਾਲੋਂ ਵੱਧ ਸੀ। ਹਾਲਾਂਕਿ ਸਿਹਤ ਮੰਤਰਾਲੇ ਨੇ ਇਸ ਅਧਿਐਨ ਦੀ ਆਲੋਚਨਾ ਕੀਤੀ ਹੈ। ਮੰਤਰਾਲੇ ਨੇ ਸਵਾਲ ਉਠਾਏ ਹਨ ਕਿ 14 ਰਾਜਾਂ ਵਿੱਚ ਸਿਰਫ਼ 23 ਫ਼ੀਸਦੀ ਘਰਾਂ ਦਾ ਵਿਸ਼ਲੇਸ਼ਣ ਕਰਕੇ ਸਿੱਟਾ ਕਿਵੇਂ ਕੱਢਿਆ ਜਾ ਸਕਦਾ ਹੈ।
ਕੋਵਿਡ -19 ਦੌਰਾਨ ਮਰਦਾਂ ਤੇ ਬਜ਼ੁਰਗ ਸਮੂਹਾਂ 'ਚ ਮੌਤ ਦਰ ਵਧੀ
ਮੰਤਰਾਲੇ ਨੇ ਇਹ ਵੀ ਦੱਸਿਆ ਕਿ ਅਧਿਐਨ ਡੇਟਾ ਕੋਵਿਡ -19 ਮਹਾਮਾਰੀ ਦੇ ਸਿਖਰ ਦੌਰਾਨ ਇਕੱਤਰ ਕੀਤਾ ਗਿਆ ਸੀ। ਸਰਕਾਰ ਨੇ ਰਿਪੋਰਟ ਦਿੱਤੀ ਕਿ 2019 ਦੇ ਮੁਕਾਬਲੇ 2020 ਵਿਚ ਮੌਤ ਦੀਆਂ ਰਜਿਸਟ੍ਰੇਸ਼ਨਾਂ ਵਿਚ ਲਗਭਗ 474,000 ਦਾ ਵਾਧਾ ਹੋਇਆ ਹੈ, ਜੋ ਕਿ ਪਿਛਲੇ ਸਾਲਾਂ ਦੇ ਰੁਝਾਨ ਨਾਲ ਮੇਲ ਖਾਂਦਾ ਹੈ ਨਾ ਕਿ ਸਿਰਫ਼ ਮਹਾਮਾਰੀ ਕਾਰਨ। ਸਰਕਾਰ ਮੌਤ ਦਰ ਵਿੱਚ ਉਮਰ ਤੇ ਲਿੰਗ-ਸਬੰਧਤ ਵਾਧੇ ਬਾਰੇ ਅਧਿਐਨ ਦੇ ਨਤੀਜਿਆਂ ਨਾਲ ਵੀ ਅਸਹਿਮਤ ਹੈ।
ਅਧਿਕਾਰਤ ਅੰਕੜਿਆਂ ਦੇ ਅਨੁਸਾਰ, ਕੋਵਿਡ -19 ਦੌਰਾਨ ਮੌਤ ਦਰ ਮਰਦਾਂ ਅਤੇ ਬਜ਼ੁਰਗ ਸਮੂਹਾਂ ਵਿਚ ਵਧੇਰੇ ਸੀ, ਜਦੋਂ ਕਿ ਅਧਿਐਨ ਦਾ ਦਾਅਵਾ ਹੈ ਕਿ ਮੌਤ ਦਰ ਨੌਜਵਾਨ ਵਿਅਕਤੀਆਂ ਅਤੇ ਔਰਤਾਂ ਵਿੱਚ ਵਧੇਰੇ ਸੀ। ਮੰਤਰਾਲੇ ਨੇ ਕਿਹਾ, "ਪ੍ਰਕਾਸ਼ਿਤ ਪੇਪਰ ਵਿੱਚ ਪੇਸ਼ ਕੀਤੇ ਗਏ ਅਸੰਗਤ ਅਤੇ ਅਸਪਸ਼ਟ ਨਤੀਜੇ ਇਸ ਰਿਪੋਰਟ ਦੇ ਦਾਅਵਿਆਂ ਦੀ ਭਰੋਸੇਯੋਗਤਾ ਨੂੰ ਹੋਰ ਕਮਜ਼ੋਰ ਕਰਦੇ ਹਨ।"
ਗਲੋਬਲ ਆਊਟੇਜ ਤੋਂ ਬਾਅਦ ਕ੍ਰਾਊਡਸਟ੍ਰਾਈਕ ਦੇ CEO ਨੇ ਮੰਗੀ ਮੁਆਫੀ
NEXT STORY 
