ਲਖਨਊ — ਸ਼ਿਆ ਸੈਂਟਰਲ ਵਕਫ ਬੋਰਡ ਨੇ ਮਦਰੱਸਿਆਂ 'ਚ ਦਿੱਤੀ ਜਾ ਰਹੀ ਸਿੱਖਿਆ 'ਤੇ ਗੰਭੀਰ ਦੋਸ਼ ਲਗਾਏ ਹਨ। ਬੋਰਡ ਦੇ ਚੇਅਰਮੈਨ ਵਸੀਮ ਰਿਜ਼ਵੀ ਨੇ ਚਿੱਠੀ ਵਿਚ ਲਿਖਿਆ ਹੈ ਕਿ ਕੁਝ ਸੰਗਠਨ ਅਤੇ ਕੱਟੜ ਮੁਸਲਮਾਨ ਬੱਚਿਆਂ ਨੂੰ ਸਿਰਫ ਮਦਰੱਸਿਆਂ ਦੀ ਸਿੱਖਿਆ ਦੇ ਕੇ ਉਨ੍ਹਾਂ ਨੂੰ ਆਮ ਸਿੱਖਿਆ ਦੀ ਮੁੱਖ ਧਾਰਾ ਤੋਂ ਦੂਰ ਕਰ ਰਹੇ ਹਨ। ਮਦਰੱਸਿਆਂ 'ਚ ਜੋ ਬੱਚੇ ਸਿੱਖਿਆ ਹਾਸਲ ਕਰ ਰਹੇ ਹਨ, ਉਨ੍ਹਾਂ ਦੀ ਸਿੱਖਿਆ ਦਾ ਪੱਧਰ ਬੜਾ ਨੀਵਾਂ ਹੈ। ਅਜਿਹੇ ਬੱਚੇ ਸਰਵ ਸਮਾਜ ਤੋਂ ਦੂਰ ਹੋ ਕੇ ਕੱਟੜਪੁਣੇ ਵੱਲ ਜਾ ਰਹੇ ਹਨ। ਅਜਿਹੇ ਵਿਚ ਮਦਰੱਸਿਆਂ ਨੂੰ ਖਤਮ ਕਰਨ ਦੀ ਲੋੜ ਹੈ ਅਤੇ ਉਨ੍ਹਾਂ ਦੀ ਥਾਂ 'ਤੇ ਆਮ ਸਿੱਖਿਆ ਨੀਤੀ ਬਣਾਈ ਜਾਵੇ। ਰਿਜ਼ਵੀ ਨੇ ਚਿੱਠੀ 'ਚ ਸਵਾਲ ਕੀਤਾ ਹੈ ਕਿ ਕਿੰਨੇ ਮਦਰੱਸਿਆਂ ਨੇ ਡਾਕਟਰ, ਇੰਜੀਨੀਅਰ ਅਤੇ ਆਈ. ਏ. ਐੱਸ. ਅਫਸਰ ਪੈਦਾ ਕੀਤੇ ਹਨ? ਪਰ ਕੁਝ ਮਦਰੱਸਿਆਂ ਨੇ ਅੱਤਵਾਦੀ ਜ਼ਰੂਰ ਪੈਦਾ ਕੀਤੇ ਹਨ। ਵਸੀਮ ਨੇ ਕਿਹਾ ਕਿ ਸੱਚ ਤਾਂ ਇਹ ਹੈ ਕਿ ਮਦਰੱਸਿਆਂ ਤੋਂ ਸਿੱਖਿਅਤ ਨੌਜਵਾਨ ਰੋਜ਼ਗਾਰ ਦੇ ਮੋਰਚੇ 'ਤੇ ਕਿਸੇ ਕੰਮ ਨਹੀਂ ਆਉਂਦੇ ਕਿਉਂਕਿ ਉਨ੍ਹਾਂ ਦੀਆਂ ਡਿਗਰੀਆਂ ਹਰ ਥਾਂ 'ਤੇ ਮੰਨਣਯੋਗ ਨਹੀਂ ਹੁੰਦੀਆਂ। ਖਾਸ ਕਰ ਕੇ ਨਿੱਜੀ ਖੇਤਰ 'ਚ ਜੋ ਰੋਜ਼ਗਾਰ ਹੈ, ਉਥੇ ਮਦਰੱਸਿਆਂ ਦੀ ਸਿੱਖਿਆ ਦੀ ਕੋਈ ਭੂਮਿਕਾ ਨਹੀਂ ਹੁੰਦੀ। ਅਜਿਹੇ 'ਚ ਪੂਰਾ ਭਾਈਚਾਰਾ ਸਮਾਜ ਲਈ ਹਾਨੀਕਾਰਕ ਹੋ ਜਾਂਦਾ ਹੈ। ਵਸੀਮ ਰਿਜ਼ਵੀ ਨੇ ਇਸ ਚਿੱਠੀ ਵਿਚ 27 ਬਿੰਦੂ ਦਿੱਤੇ ਹਨ।
ਉਨ੍ਹਾਂ ਇਹ ਵੀ ਕਿਹਾ ਕਿ ਵਧੇਰੇ ਮਦਰੱਸੇ 'ਜਕਾਤ' (ਦਾਨ) ਦੇ ਪੈਸਿਆਂ ਨਾਲ ਚੱਲ ਰਹੇ ਹਨ, ਜੋ ਭਾਰਤ, ਬੰਗਲਾਦੇਸ਼ ਅਤੇ ਪਾਕਿਸਤਾਨ ਵਰਗੇ ਦੇਸ਼ਾਂ ਤੋਂ ਆ ਰਹੇ ਹਨ। ਕੁਝ ਅੱਤਵਾਦੀ ਸੰਗਠਨ ਨਾਜਾਇਜ਼ ਤੌਰ 'ਤੇ ਚੱਲ ਰਹੇ ਮਦਰੱਸਿਆਂ ਨੂੰ ਪੈਸੇ ਦੇ ਰਹੇ ਹਨ। ਮੁਸਲਿਮ ਇਲਾਕਿਆਂ 'ਚ ਵਧੇਰੇ ਮਦਰੱਸੇ ਸਾਊਦੀ ਅਰਬ ਵੱਲੋਂ ਭੇਜੇ ਪੈਸਿਆਂ ਨਾਲ ਚੱਲ ਰਹੇ ਹਨ। ਇਸ ਦੀ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ।
ਰਿਜ਼ਵੀ ਨੇ ਆਰ.ਐੱਸ.ਐੱਸ. ਨੂੰ ਵੇਚ ਦਿੱਤੀ ਹੈ ਆਪਣੀ ਆਤਮਾ — ਓਵੈਸੀ
ਰਿਜ਼ਵੀ ਦੇ ਇਸ ਦੋਸ਼ 'ਤੇ ਆਲ ਇੰਡੀਆ ਮਜਲਿਸ-ਏ-ਇਤਹਾਦੁਲ ਮੁਸਲਮੀਨ(AIMIM) ਦੇ ਚੀਫ ਅਸਾਊਦੀਨ ਓਵੈਸੀ ਨੇ ਕਰਾਰਾ ਹਮਲਾ ਬੋਲਿਆ ਹੈ। ਓਵੈਸੀ ਨੇ ਰਿਜ਼ਵੀ ਨੂੰ ਸਭ ਤੋਂ ਵੱਡਾ ਮੌਕਾਪ੍ਰਸਤ ਕਰਾਰ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਰਿਜ਼ਵੀ ਨੇ ਆਪਣੀ ਆਤਮਾ ਆਰ.ਐੱਸ.ਐੱਸ. ਨੂੰ ਵੇਚ ਦਿੱਤੀ ਹੈ। ਮੈਂ ਉਨ੍ਹਾਂ ਨੂੰ ਚੁਣੌਤੀ ਦਿੰਦਾ ਹਾਂ ਕਿ ਉਹ ਇਸ ਤਰ੍ਹਾਂ ਦਾ ਕੋਈ ਇਕ ਮਦਰੱਸਾ ਦੱਸਣ, ਜਿਥੇ ਇਸ ਤਰ੍ਹਾਂ ਦਾ ਪੜਾਈ ਹੋ ਰਹੀ ਹੋਵੇ। ਜੇਕਰ ਉਨ੍ਹਾਂ ਕੋਲ ਇਸ ਦਾ ਸਬੂਤ ਹੈ ਤਾਂ ਉਨ੍ਹਾਂ ਨੂੰ ਮੁੱਖ ਮੰਤਰੀ ਨੂੰ ਇਸ ਦਾ ਸਬੂਤ ਦੇਣਾ ਚਾਹੀਦਾ ਹੈ।
ਹਿੰਦੂਆਂ ਨੂੰ ਨਾਲ ਜੋੜਨ ਲਈ ਹੁਣ ਕਾਂਗਰਸ ਨੇ ਚੁੱਕਿਆ ਖਾਸ ਕਦਮ
NEXT STORY 
