ਨਵੀਂ ਦਿੱਲੀ - ਅਖਿਲੇਸ਼ ਯਾਦਵ ਦੀ ਸਮਾਜਵਾਦੀ ਪਾਰਟੀ (ਸਪਾ) ਦੇਸ਼ ਦੀਆਂ ਸਾਰੀਆਂ ਖੇਤਰੀ ਪਾਰਟੀਆਂ ਵਿਚੋਂ ਸਭ ਤੋਂ ਅਮੀਰ ਪਾਰਟੀ ਸਾਬਤ ਹੋਈ ਹੈ। ਸਾਲ 2015-16 ਦੇ ਵਿੱਤੀ ਸਾਲ ਵਿਚ ਸਮਾਜਵਾਦੀ ਪਾਰਟੀ ਨੇ 634.96 ਕਰੋੜ ਰੁਪਏ ਦੀ ਜਾਇਦਾਦ ਦਾ ਐਲਾਨ ਕੀਤਾ ਹੈ ਜੋ ਪੂਰੇ ਦੇਸ਼ ਵਿਚ ਕਿਸੇ ਵੀ ਖੇਤਰੀ ਪਾਰਟੀ ਨਾਲੋਂ ਜ਼ਿਆਦਾ ਹੈ।
ਸਮਾਜਵਾਦੀ ਪਾਰਟੀ ਤੋਂ ਬਾਅਦ 257.18 ਕਰੋੜ ਦੀ ਜਾਇਦਾਦ ਦੇ ਨਾਲ ਡੀ. ਐੱਮ. ਕੇ. ਦਾ ਨੰਬਰ ਹੈ। ਉਥੇ ਹੀ ਅੰਨਾ ਡੀ. ਐੱਮ. ਕੇ. 224.84 ਕਰੋੜ ਰੁਪਏ ਦੇ ਨਾਲ ਤੀਜੇ ਨੰਬਰ 'ਤੇ ਹੈ।
ਐਸੋਸੀਏਸ਼ਨ ਆਫ ਡੈਮੋਕਰੇਟਿਕ ਰਿਫਾਰਮ ਯਾਨੀ ਏ. ਡੀ. ਆਰ. ਦੀਆਂ ਰਿਪੋਰਟਾਂ ਮੁਤਾਬਕ ਵਿੱਤੀ ਸਾਲ 2011-12 ਵਿਚ ਸਮਾਜਵਾਦੀ ਪਾਰਟੀ ਦੀ ਕੁਲ ਜਾਇਦਾਦ 212.86 ਕਰੋੜ ਸੀ ਜੋ ਸਾਲ 2015-16 ਤਕ ਆਉਂਦੇ-ਆਉਂਦੇ 634.96 ਕਰੋੜ ਰੁਪਏ ਹੋ ਗਈ। ਸਮਾਜਵਾਦੀ ਪਾਰਟੀ ਦੀ ਕੁਲ ਜਾਇਦਾਦ ਵਿਚ ਇੰਨੇ ਸਾਲਾਂ ਵਿਚ 198 ਫੀਸਦੀ ਦਾ ਵਾਧਾ ਦਰਜ ਹੋਇਆ ਹੈ। ਇਨ੍ਹਾਂ ਸਾਲਾਂ ਵਿਚ ਦੋ ਨਵੀਆਂ ਪਾਰਟੀਆਂ ਲਿਸਟ ਵਿਚ ਜੁੜੀਆਂ ਹਨ। ਇਨ੍ਹਾਂ ਵਿਚ ਮਾਰਚ 2011 ਵਿਚ ਰਜਿਸਟਰਡ ਹੋਈ ਵਾਈ. ਐੱਸ. ਆਰ. ਕਾਂਗਰਸ ਅਤੇ ਨਵੰਬਰ 2012 ਵਿਚ ਰਜਿਸਟਰਡ ਹੋਈ ਆਮ ਆਦਮੀ ਪਾਰਟੀ ਹੈ।
ਯੂ.ਪੀ. ਦੇ ਡਾਕਟਰਾਂ ਦਾ ਘਿਨੌਣਾ ਕਾਰਨਾਮਾ, ਮਰੀਜ ਦਾ ਪੈਰ ਵੱਢ ਬਣਾਇਆ ਸਿਰਹਾਣਾ
NEXT STORY 
