ਨੈਸ਼ਨਲ ਡੈਸਕ- ਉਪ-ਰਾਸ਼ਟਰਪਤੀ ਅਹੁਦੇ ਤੋਂ ਜਗਦੀਪ ਧਨਖੜ ਦੇ ਅਚਾਨਕ ਅਸਤੀਫੇ ਨੇ ਦਿੱਲੀ ਦੇ ਸੱਤਾ ਦੇ ਗਲੀਆਰਿਆਂ ’ਚ ਹਲਚਲ ਮਚਾ ਦਿੱਤੀ। ਕੁਝ ਸਮੇਂ ਪਹਿਲਾਂ ਤੱਕ, ਉਨ੍ਹਾਂ ਨੂੰ ਵਿਵਸਥਾ ਦਾ ਇਕ ਭਰੋਸੇਮੰਦ ਵਿਅਕਤੀ ਮੰਨਿਆ ਜਾਂਦਾ ਸੀ-ਪ੍ਰਧਾਨ ਮੰਤਰੀ ਦੇ ਕਰੀਬੀ...ਹਾਲਾਂਕਿ ਜ਼ਿਆਦਾ ਕਰੀਬੀ ਨਹੀਂ, ਆਰ. ਐੱਸ. ਐੱਸ. ਦੇ ਨਜ਼ਦੀਕੀ ਅਤੇ ਇਥੋਂ ਤੱਕ ਕਿ ਉਨ੍ਹਾਂ ਦੇ 2027 ਵਿਚ ਰਾਸ਼ਟਰਪਤੀ ਅਹੁਦੇ ਦੀ ਦੌੜ ਵਿਚ ਸ਼ਾਮਲ ਹੋਣ ਦੀ ਵੀ ਚਰਚਾ ਸੀ।
ਧਨਖੜ ਅਤੇ ਪ੍ਰਧਾਨ ਮੰਤਰੀ ਮੋਦੀ ਅਕਸਰ ਮਿਲਦੇ ਸਨ ਅਤੇ ਆਰ. ਐੱਸ. ਐੱਸ. ਮੁਖੀ ਮੋਹਨ ਭਾਗਵਤ ਵੀ ਉਪ-ਰਾਸ਼ਟਰਪਤੀ ਭਵਨ ਵਿਚ ਮਹਿਮਾਨ ਬਣਕੇ ਆਏ ਸਨ। ਤਾਂ ਫਿਰ ਅਜਿਹਾ ਕੀ ਹੋਇਆ ਕਿ ਧਨਖੜ ਨੇ ਅਸਤੀਫਾ ਦੇ ਦਿੱਤਾ?
ਪਹਿਲਾ ਝਟਕਾ ਓਦੋਂ ਲੱਗਾ ਜਦੋਂ ਧਨਖੜ ਨੇ ਇਕ ਜਨਤਕ ਸਮਾਰੋਹ ਵਿਚ ਅਚਾਨਕ ਕਿਹਾ ਕਿ ਉਹ ਅਗਸਤ 2027 ਵਿਚ ਸੇਵਾਮੁਕਤ ਹੋ ਜਾਣਗੇ- ਪਰ ਕੋਈ ‘ਦੈਵੀ ਦਖਲਅੰਦਾਜ਼ੀ’ ਨਾ ਹੋਵੇ। ਮੁਸ਼ਕਲ ਨੇ 10 ਦਿਨਾਂ ਬਾਅਦ ਹੀ ਉਨ੍ਹਾਂ ਨੇ ਅਸਤੀਫਾ ਦੇ ਦਿੱਤਾ। ਸਮਾਂ ਇੰਨਾ ਅਜੀਬ ਸੀ ਕਿ ਉਸਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ ਸੀ। ਕੁਝ ਲੋਕ ਕਹਿੰਦੇ ਹਨ ਕਿ ਜਗਦੀਪ ਧਨਖੜ ਆਪਣੇ ਰਸਮੀ ਦਰਜੇ ’ਤੇ ਕੁਝ ਜ਼ਿਆਦਾ ਹੀ ਭਰੋਸਾ ਕਰਨ ਲੱਗੇ ਸਨ ਅਤੇ ਵੀ. ਵੀ. ਆਈ. ਪੀ. ਸਹੂਲਤਾਂ, ਮਹਿੰਗੀਆਂ ਬੁਲੇਟਪਰੂਫ ਕਾਰਾਂ, ਵਿਸਤ੍ਰਿਤ ਵਿਦੇਸ਼ੀ ਪ੍ਰੋਟੋਕਾਲ ਅਤੇ ਹੋਰ ਚੀਜ਼ਾਂ ਦੀ ਮੰਗ ਕਰਨ ਲੱਗੇ ਸਨ, ਜਿਸ ਨਾਲ ਸਾਊਥ ਬਲਾਕ ਵਿਚ ਹੈਰਾਨੀਜਨਕ ਸਥਿਤੀ ਪੈਦਾ ਹੋ ਗਈ ਸੀ। ਕੁਝ ਲੋਕ ਪਿਛਲੀਆਂ ਸਰਦੀਆਂ ਵਿਚ ਰਾਜ ਸਭਾ ਵਿਚ ਉਨ੍ਹਾਂ ਵਿਰੁੱਧ ਅਵਿਸ਼ਵਾਸ ਪ੍ਰਸਤਾਵ ਦੇ ਅਸਫਲ ਹੋਣ ਤੋਂ ਬਾਅਦ ਵਿਰੋਧੀ ਧਿਰ ਪ੍ਰਤੀ ਉਨ੍ਹਾਂ ਦੇ ਨਰਮ ਰਵੱਈਏ ਵੱਲ ਇਸ਼ਾਰਾ ਕਰਦੇ ਹਨ। ਕੀ ਇਹ ਇਕ ਰਾਜਨੇਤਾ ਬਣਨ ਦੀ ਕੋਸ਼ਿਸ਼ ਹੈ? ਜਾਂ ਫਿਰ ਉਹ ਬਹੁਤ ਸਾਰੇ ਸਮੀਕਰਨਾਂ ਨੂੰ ਸੰਤੁਲਿਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ? ਇਨ੍ਹਾਂ ਵਿਚੋਂ ਕੋਈ ਵੀ ਸਿਧਾਂਤ ਭਰੋਸੇਯੋਗ ਨਹੀਂ ਹੈ।
ਅੰਦਰੂਨੀ ਸੂਤਰਾਂ ਦਾ ਕਹਿਣਾ ਹੈ ਕਿ ਪ੍ਰਧਾਨ ਮੰਤਰੀ ਨਾਲ ਉਨ੍ਹਾਂ ਦਾ ਨਿੱਜੀ ਸਮੀਕਰਨ ਵਧਣ ਤੋਂ ਬਾਅਦ ਉਹ ਕੇਂਦਰੀ ਮੰਤਰੀਆਂ ਨਾਲ ਪਿੱਛਲੱਗੂ ਵਰਗਾ ਵਤੀਰਾ ਕਰਨ ਲੱਗੇ। ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਤੱਕ ਕਹਾਣੀਆਂ ਪਹੁੰਚਾਈਆਂ ਅਤੇ ਕਿਤੇ ਕੋਈ ਗਲਤੀ ਹੋ ਗਿਆ। ਇਹ ਸਦਭਾਵਨਾ ਦੀ ਹਵਾ ਵਿਚ ਅਲੋਪ ਹੋ ਗਈ। ਇਹ ਸਿਰਫ ਸਮੇਂ ਦੀ ਗੱਲ ਸੀ ਅਤੇ ਇਕ ‘ਫਲੈਸ਼ ਪੁਆਇੰਟ’ ਇਲਾਹਾਬਾਦ ਹਾਈ ਕੋਰਟ ਦੇ ਜੱਜ ਯਸ਼ਵੰਤ ਵਰਮਾ ਵਿਰੁੱਧ ਵਿਵਾਦਪੂਰਨ ਮਹਾਦੋਸ਼ ਪ੍ਰਸਤਾਵ ਸੀ।
ਕੀ ਧਨਖੜ ਨੇ ਜਲਦਬਾਜ਼ੀ ਵਿਚ ਫੈਸਲਾ ਲਿਆ ਜਾਂ ਇਸ ਦੇ ਲਈ ਉਨ੍ਹਾਂ ਨੂੰ ਮਜਬੂਰ ਕੀਤਾ ਗਿਆ, ਇਹ ਅਜੇ ਸਪਸ਼ਟ ਨਹੀਂ ਹੈ। ਜਲਦੀ ਹੀ, ਉਨ੍ਹਾਂ ਨੇ ਆਪਣੇ ਆਪ ਨੂੰ ਹੋਰ ਵੀ ਅਲੱਗ-ਥਲੱਗ ਪਾਇਆ - ਸਰਕਾਰ ਲਈ ਬਹੁਤ ਰਸਮੀ, ਵਿਰੋਧੀ ਧਿਰ ਲਈ ਬਹੁਤ ਚੌਕਸ। ਲੁਟੀਅਨਜ਼ ਦਿੱਲੀ ਵਿਚ, ਬਾਹਰ ਨਿਕਲਣਾ ਸ਼ਾਇਦ ਹੀ ਕਦੇ ਸੌਖਾ ਹੁੰਦਾ ਹੈ ਪਰ ਧਨਖੜ ਦਾ ਗਾਇਬ ਹੋਣਾ ਬਿਨਾਂ ਕਿਸੇ ਵਿਦਾਇਗੀ ਜਾਂ ਧੂਮਧਾਮ ਦੇ, ਸ਼ੱਕ ਦਾ ਇਕ ਨਿਸ਼ਾਨ ਛੱਡ ਗਿਆ ਹੈ ਅਤੇ ਇਕ ਰਹੱਸ ਅਜੇ ਵੀ ਉਜਾਗਰ ਹੋਣ ਦੀ ਉਡੀਕ ਕਰ ਰਿਹਾ ਹੈ।
ਬਿੱਲੀ ਦੀ ਦੇਖਭਾਲ ਲਈ ਤਾਇਨਾਤ ਕੀਤੇ 4 ਹੋਮਗਾਰਡ, ਵਜ੍ਹਾ ਜਾਣ ਹੋ ਜਾਓਗੇ ਹੈਰਾਨ
NEXT STORY 
