ਮੰਗਲੁਰੂ- ਸਮਾਜ 'ਚ ਅੱਜ ਵੀ ਟਰਾਂਸਜੈਂਡਰ ਲੋਕਾਂ ਨੂੰ ਭੇਦਭਾਵ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਜਦੋਂ ਕੁਝ ਆਟੋ ਰਿਕਸ਼ਾ ਚਾਲਕਾਂ ਨੇ ਉਸ ਨੂੰ ਸਵਾਰੀ ਵਜੋਂ ਬੈਠਾਉਣ ਤੋਂ ਇਨਕਾਰ ਕਰ ਦਿੱਤਾ, ਤਾਂ ਉਸ ਨੇ ਖ਼ੁਦ ਚਾਰ ਆਟੋ ਰਿਕਸ਼ੇ ਖਰੀਦ ਕੇ ਕਿਰਾਏ 'ਤੇ ਚਲਾਉਣੇ ਸ਼ੁਰੂ ਕਰ ਦਿੱਤੇ ਅਤੇ ਸਾਬਿਤ ਕਰ ਦਿੱਤਾ ਕਿ ਟਰਾਂਸਜੈਂਡਰ ਲੋਕ ਹੋਰ ਔਰਤਾਂ-ਪੁਰਸ਼ਾਂ ਨਾਲੋਂ ਕਿਸੇ ਮਾਮਲੇ 'ਚ ਘੱਟ ਨਹੀਂ ਹੈ। ਟਰਾਂਸਜੈਂਡਰ ਏਨੀ ਮੂਲ ਰੂਪ ਨਾਲ ਰਾਏਚੂਰ ਦੀ ਰਹਿਣ ਵਾਲੀ ਹੈ ਅਤੇ ਆਪਣੀ ਪੜ੍ਹਾਈ ਲਈ ਮੰਗਲੁਰੂ ਆਈ ਸੀ ਅਤੇ ਇੱਥੇ ਹੀ ਸੈਟਲ ਹੋ ਗਈ। ਉਹ ਦੱਸਦੀ ਹੈ ਕਿ ਉਸ ਨੇ ਬੀਏ ਦੀ ਸਿੱਖਿਆ ਪੂਰੀ ਕਰ ਕੇ ਬੀਐੱਡ ਦੇ 2 ਸਮੈਸਟਰ ਦੀ ਪੜ੍ਹਾਈ ਵੀ ਕੀਤੀ ਪਰ ਜਦੋਂ ਉਸ ਨੂੰ ਅਹਿਸਾਸ ਹੋਇਆ ਕਿ ਸਿੱਖਿਆ ਖੇਤਰ 'ਚ ਟਰਾਂਸਜੈਂਡਰ ਲੋਕਾਂ ਲਈ ਨੌਕਰੀ ਪਾਉਣਾ ਮੁਸ਼ਕਲ ਹੈ ਤਾਂ ਉਸ ਨੇ ਪੜ੍ਹਾਈ ਵਿਚ ਹੀ ਛੱਡ ਦਿੱਤੀ। ਏਨੀ ਦੱਸਦੀ ਹੈ ਕਿ ਉਸ ਨੂੰ ਆਪਣੀ ਜ਼ਿੰਦਗੀ 'ਚ ਕਈ ਵਾਰ ਅਪਮਾਨ ਸਹਿਣਾ ਪਿਆ ਪਰ ਅਜਿਹੇ ਹੀ ਅਪਮਾਨ ਦੀ ਇਕ ਘਟਨਾ ਨੇ ਉਸ ਦਾ ਜੀਵਨ ਬਦਲ ਦਿੱਤਾ।
ਇਹ ਵੀ ਪੜ੍ਹੋ : 12ਵੀਂ ਦੇ ਵਿਦਿਆਰਥੀ ਨੇ ਮਾਂ ਦਾ ਕਰ'ਤਾ ਕਤਲ, ਬੈੱਡ ਅੰਦਰੋਂ ਮਿਲੀ ਲਾਸ਼
ਏਨੀ ਹਮੇਸ਼ਾ ਆਟੋਰਿਕਸ਼ੇ 'ਤੇ ਘਰ ਆਉਂਦੀ ਸੀ ਅਤੇ ਕਈ ਵਾਰ ਉਸ ਨੂੰ ਸੰਘਰਸ਼ ਕਰਨਾ ਪੈਂਦਾ ਸੀ, ਕਿਉਂਕਿ ਜ਼ਿਆਦਾਤਰ ਆਟੋ ਚਾਲਕ ਉਸ ਲਈ ਰੁਕਦੇ ਨਹੀਂ ਸਨ ਅਤੇ ਉਸ ਨੂੰ ਆਪਣੇ ਵਾਹਨ 'ਚ ਨਹੀਂ ਬਿਠਾਉਣਾ ਚਾਹੁੰਦੇ ਸਨ। ਏਨੀ ਅਨੁਸਾਰ ਪਿਛਲੇ ਦਿਨੀਂ ਇਸੇ ਤਰ੍ਹਾਂ ਦੀ ਇਕ ਘਟਨਾ 'ਚ ਇਕ ਵਾਰ ਰਾਤ ਹੋਣ ਤੱਕ ਇੰਤਜ਼ਾਰ ਕਰਨ ਦੇ ਬਾਵਜੂਦ ਕੋਈ ਵੀ ਰਿਕਸ਼ਾ ਚਾਲਕ ਉਸ ਨੂੰ ਆਪਣੇ ਆਟੋ 'ਚ ਬਿਠਾਉਣ ਲਈ ਤਿਆਰ ਨਹੀਂ ਹੋਇਆ ਅਤੇ ਉਸ ਨੂੰ ਪੈਦਲ ਲਈ ਘਰ ਜਾਣਾ ਪਿਆ। ਉਸੇ ਰਾਤ ਏਨੀ ਨੇ ਸੰਕਲਪ ਲਿਆ ਕਿ ਉਹ ਆਪਣਾ ਖ਼ੁਦ ਦੇ ਆਟੋ ਰਿਕਸ਼ਾ ਖਰੀਦੇਗੀ ਅਤੇ ਉਨ੍ਹਾਂ ਨੂੰ ਕਿਰਾਏ 'ਤੇ ਚਲਾਉਣ ਲਈ ਆਮ ਪੁਰਸ਼ ਚਾਲਕਾਂ ਨੂੰ ਦੇਵੇਗੀ, ਜਿਸ ਨਾਲ ਉਸ ਵਰਗੇ ਟਰਾਂਸਜੈਂਡਰ ਭਾਈਚਾਰੇ ਦੇ ਲੋਕਾਂ ਦੇ ਵੀ ਮਜ਼ਬੂਤ ਹੋਣ ਦਾ ਸੰਦੇਸ਼ ਸਮਾਜ 'ਚ ਜਾਵੇਗਾ। ਏਨੀ ਅੱਜ ਚਾਰ ਆਟੋ ਰਿਕਸ਼ਾ ਦੀ ਮਾਲਕਣ ਹੈ ਅਤੇ ਉਸ ਨੂੰ ਕਿਰਾਏ 'ਤੇ ਚਲਵਾਉਂਦੀ ਹੈ। ਖ਼ੁਦ ਦੀ ਜ਼ਰੂਰਤ ਲਈ ਵੀ ਉਹ ਆਪਣੇ ਹੀ ਆਟੋ ਰਿਕਸ਼ਾ ਦਾ ਇਸਤੇਮਾਲ ਕਰਦੀ ਹੈ ਅਤੇ ਉਸ ਨੂੰ ਕਿਸੇ 'ਤੇ ਨਿਰਭਰ ਨਹੀਂ ਰਹਿਣਾ ਪੈਂਦਾ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਰਾਸ਼ਨ ਕਾਰਡ ਧਾਰਕਾਂ ਲਈ ਵੱਡੀ ਖ਼ਬਰ, ਇਨ੍ਹਾਂ ਲੋਕਾਂ ਦੇ ਕੱਟੇ ਜਾਣਗੇ Card
NEXT STORY 
