ਹੈਦਰਾਬਾਦ— ਆਗਾਮੀ 1 ਦਸੰਬਰ 2020 ਨੂੰ ਹੈਦਰਾਬਾਦ ਵਿਚ ਗ੍ਰੇਟਰ ਹੈਦਰਾਬਾਦ ਨਗਰ ਨਿਗਮ ਦੀਆਂ ਚੋਣਾਂ ਹੋਣ ਵਾਲੀਆਂ ਹਨ। ਪਹਿਲੀ ਵਾਰ ਇਨ੍ਹਾਂ ਚੋਣਾਂ 'ਚ ਗਰੀਬ ਤਬਕੇ ਦੀਆਂ ਦੋ ਬੀਬੀਆਂ ਚੋਣ ਮੈਦਾਨ 'ਚ ਉਤਰੀਆਂ ਹਨ। ਇਨ੍ਹਾਂ ਦੋਹਾਂ ਬੀਬੀਆਂ ਨੂੰ- ਫਰਹਾਨਾ ਅਤੇ ਰੇਖਾ ਨੂੰ ਤੇਲੁਗੂ ਦੇਸ਼ਮ ਪਾਰਟੀ (ਟੀ. ਡੀ. ਪੀ.) ਵਲੋਂ ਟਿਕਟ ਦਿੱਤੀ ਗਈ ਹੈ। ਫਰਹਾਨਾ ਦੇ ਪਤਨੀ ਕੈਬ ਡਰਾਈਵਰ ਹਨ, ਜਦਕਿ ਰੇਖਾ ਕੱਪੜੇ ਪ੍ਰੈੱਸ ਕਰਦੀ ਹੈ।
ਇਕ ਨਿਊਜ਼ ਏਜੰਸੀ ਨਾਲ ਗੱਲਬਾਤ ਕਰਦਿਆਂ ਫਰਹਾਨਾ ਨੇ ਕਿਹਾ ਕਿ ਜੇਕਰ ਉਹ ਚੋਣ ਜਿੱਤ ਜਾਂਦੀ ਹੈ, ਤਾਂ ਆਪਣੇ ਖੇਤਰ ਦੇ ਵਿਕਾਸ ਲਈ ਸਖਤ ਮਿਹਨਤ ਕਰੇਗੀ। ਫਰਹਾਨਾ ਦਾ ਕਹਿਣਾ ਹੈ ਕਿ ਮੈਂ ਇਕ ਹੇਠਲੇ ਵਰਗ ਦੇ ਪਰਿਵਾਰ ਤੋਂ ਆਉਂਦੀ ਹੈ। ਮੇਰੇ ਪਤੀ ਇਕ ਕੈਬ ਡਰਾਈਵਰ ਹਨ। ਅਸੀਂ ਮੁੱਢਲੀਆਂ ਸਹੂਲਤਾਂ ਦੀ ਕਮੀ ਦਾ ਸਾਹਮਣਾ ਕਰ ਰਹੇ ਹਾਂ। ਅਸੀਂ ਕਈ ਵਾਰ ਅਧਿਕਾਰੀਆਂ ਨਾਲ ਸੰਪਰਕ ਕੀਤਾ ਸੀ ਪਰ ਉਹ ਸਾਡੀ ਮਦਦ ਲਈ ਅੱਗੇ ਨਹੀਂ ਆਏ। ਮੇਰੇ ਇਲਾਕੇ ਵਿਚ ਬੁਨਿਆਦੀ ਸਹੂਲਤਾਂ ਦੀ ਬਹੁਤ ਸਮੱੱਸਿਆ ਹੈ। ਇਸ ਲਈ ਮੈਂ ਚੋਣਾਂ ਲੜਨ ਫ਼ੈਸਲਾ ਲਿਆ ਹੈ।
ਓਧਰ ਰੇਖਾ ਦਾ ਕਹਿਣਾ ਹੈ ਕਿ ਉਹ ਖੁਸ਼ ਹੈ ਕਿ ਉਸ ਨੂੰ ਚੋਣਾਂ ਲੜਨ ਦਾ ਮੌਕਾ ਮਿਲਿਆ ਹੈ। ਅਕਸਰ ਅਮੀਰ ਹੀ ਚੋਣ ਲੜਦੇ ਹਨ ਅਤੇ ਆਪਣੀ ਬਿਹਤਰੀ ਲਈ ਚੋਣ ਜਿੱਤਦੇ ਹਨ। ਗਰੀਬਾਂ ਜਾਂ ਲੋੜਵੰਦਾਂ ਦੀ ਸੇਵਾ ਲਈ ਉਹ ਜ਼ਿਆਦਾ ਕੁਝ ਨਹੀਂ ਕਰਦੇ। ਸਾਡੇ ਘਰ ਦੇ ਸਾਹਮਣੇ ਜ਼ਿਆਦਾਤਰ ਸਮਾਂ ਸੀਵਰੇਜ ਓਵਰ ਫਲੋਅ ਹੁੰਦਾ ਹੈ। ਅਸੀਂ ਕਈ ਮੁੱਦਿਆਂ 'ਤੇ ਲੜ ਰਹੇ ਹਾਂ। ਮੈਨੂੰ ਖੁਸ਼ੀ ਹੈ ਕਿ ਟੀ. ਡੀ. ਪੀ. ਨੇ ਮੈਨੂੰ ਚੋਣ ਲੜਨ ਅਤੇ ਲੋੜਵੰਦਾਂ ਦੀ ਸੇਵਾ ਕਰਨ ਦਾ ਮੌਕਾ ਦਿੱਤਾ ਹੈ।
ਸਿਰ ਤੋਂ ਜੁੜੇ ਬੱਚਿਆਂ 'ਚੋਂ ਇਕ ਦੀ ਮੌਤ, 3 ਸਾਲ ਪਹਿਲਾਂ ਸਰਜਰੀ ਨਾਲ ਕੀਤੇ ਗਏ ਸਨ ਵੱਖ
NEXT STORY 
