ਉੱਜੈਨ– ਮੱਧ ਪ੍ਰਦੇਸ਼ ’ਚ ਬਿਜਲੀ ਸੰਕਟ ਲਗਾਤਾਰ ਡੂੰਘਾ ਹੁੰਦਾ ਜਾ ਰਿਹਾ ਹੈ। ਜੇਕਰ ਬਿਜਲੀ ਗੁੱਲ ਹੋ ਜਾਵੇ ਤਾਂ ਪਰੇਸ਼ਾਨੀਆਂ ਚਾਹੇ ਉਹ ਲਾੜਾ ਪੱਖ ਹੋਵੇ ਜਾਂ ਲਾੜੀ ਪੱਖ ਦੋਹਾਂ ਨੂੰ ਹੀ ਝੱਲਣੀਆਂ ਪੈਂਦੀਆਂ ਹਨ। ਮੱਧ ਪ੍ਰਦੇਸ਼ ਦੇ ਉੱਜੈਨ ਜ਼ਿਲ੍ਹੇ ’ਚ ਇਕ ਅਜਿਹੀ ਘਟਨਾ ਵਾਪਰੀ, ਜਿਸ ਨੂੰ ਸੁਣ ਕੇ ਹਰ ਕੋਈ ਹੈਰਾਨ ਰਹਿ ਜਾਵੇਗਾ। ਦਰਅਸਲ ਇੱਥੇ ਵਿਆਹ ਹੋ ਰਿਹਾ ਸੀ ਤਾਂ ਬਿਜਲੀ ਨੇ ਖਲਲ ਪਾ ਦਿੱਤਾ। ਬਿਜਲੀ ਚੱਲੇ ਜਾਣ ਕਾਰਨ ਲਾੜੀਆਂ ਬਦਲ ਗਈਆਂ। ਇਸ ਗੱਲ ਦੀ ਜਾਣਕਾਰੀ ਹੋਣ ’ਤੇ ਮੰਦਰ ’ਚ ਪੰਡਤ ਨੇ ਸਹੀ ਲਾੜੀ ਨਾਲ ਸੱਤ ਫੇਰੇ ਲਗਵਾਏ ਅਤੇ ਇਸ ਗਲਤੀ ਨੂੰ ਸੁਧਾਰਿਆ।
ਇਹ ਵੀ ਪੜ੍ਹੋ : ਗੈਂਗਰੇਪ ਮਗਰੋਂ SHO ਨੇ ਮਿਟਾਈ ਸੀ ਹਵਸ, 13 ਸਾਲਾ ਕੁੜੀ ਨੇ ਬਿਆਨ ਕੀਤੀ ਰੂਹ ਕੰਬਾਊ ਹੱਡ-ਬੀਤੀ
ਇਹ ਹੈ ਮਾਮਲਾ-
ਦੱਸ ਦੇਈਏ ਕਿ ਉੱਜੈਨ ਦੇ ਨੇੜੇ ਪਿੰਡ ਦੰਗਵਾੜਾ ਦੇ ਦੋ ਸਕੇ ਭਰਾਵਾਂ ਦੀ ਬਰਾਤ ਅਸਲਾਨਾ ਪਿੰਡ ਪਹੁੰਚੀ ਸੀ। ਰਾਤ ਨੂੰ ਅਚਾਨਕ ਬਿਜਲੀ ਗੁੱਲ ਹੋ ਗਈ। ਲਾੜੀ ਦੀ ਡਰੈੱਸ ਇਕੋ ਜਿਹੀ ਹੋਣ ਦੀ ਵਜ੍ਹਾ ਕਰ ਕੇ ਦੰਗਵਾੜਾ ਦੇ ਭਰਾਵਾਂ ਦੀਆਂ ਲਾੜੀਆਂ ਬਦਲ ਗਈਆਂ। ਵਿਆਹ ਸਮਾਰੋਹ ਤੋਂ ਬਾਅਦ ਜਦੋਂ ਬਰਾਤ ਦੰਗਵਾੜਾ ਪਹੁੰਚੀ ਤਾਂ ਉੱਥੇ ਖਲਬਲੀ ਮਚ ਗਈ। ਜਿਸ ਲਾੜੀ ਦਾ ਵਿਆਹ ਵੱਡੇ ਭਰਾ ਨਾਲ ਹੋਣਾ ਸੀ, ਉਸ ਲਾੜੀ ਨੇ ਛੋਟੇ ਭਰਾ ਨਾਲ ਫੇਰੇ ਲੈ ਲਏ ਸਨ। ਜਦੋਂ ਛੋਟੇ ਭਰਾ ਨੇ ਵੱਡੇ ਭਰਾ ਲਈ ਪਸੰਦ ਕੀਤੀ ਕੁੜੀ ਨਾਲ ਵਿਆਹ ਕਰਵਾ ਲਿਆ ਸੀ।
ਇਹ ਵੀ ਪੜ੍ਹੋ : ਤੇਜਿੰਦਰ ਬੱਗਾ ਨੂੰ ਹਾਈ ਕੋਰਟ ਤੋਂ ਰਾਹਤ, 5 ਜੁਲਾਈ ਤੱਕ ਗ੍ਰਿਫਤਾਰੀ ’ਤੇ ਲਾਈ ਰੋਕ
ਇਸ ਗੱਲ ਦਾ ਖ਼ੁਲਾਸਾ ਹੋਣ ਮਗਰੋਂ ਇਕ ਵਾਰ ਫਿਰ ਦੋਵੇਂ ਜੋੜੇ ਦੰਗਵਾੜਾ ਸਥਿਤ ਮੰਦਰ ਪਹੁੰਚੇ। ਉੱਥੇ ਪੰਡਤ ਨਾਲ ਗੱਲ ਕਰ ਕੇ ਲਾੜੀ ਬਦਲ ਕੇ ਮੁੜ ਤੋਂ ਸਾਰੇ ਰੀਤੀ-ਰਿਵਾਜ ਨਾਲ ਸੱਤ ਫੇਰੇ ਕਰਵਾਏ ਗਏ। ਇਸ ਮਾਮਲੇ ’ਚ ਪਰਿਵਾਰਾਂ ਨੇ ਕਿਹਾ ਕਿ ਹਨ੍ਹੇਰਾ ਹੋਣ ਅਤੇ ਲਾੜੀਆਂ ਦੀ ਇਕੋ ਜਿਹੀ ਡਰੈੱਸ ਹੋਣ ਕਾਰਨ ਇਹ ਸਥਿਤੀ ਬਣ ਗਈ ਸੀ। ਓਧਰ ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਦੋ ਭਰਾਵਾਂ ਦੀ ਬਰਾਤ ਇਕ ਹੀ ਘਰ ’ਚ ਪਹੁੰਚੀ ਸੀ। ਉਨ੍ਹਾਂ ਦਾ ਵਿਆਹ ਸਕੀਆਂ ਭੈਣਾਂ ਨਾਲ ਹੋਣਾ ਸੀ ਪਰ ਬਿਜਲੀ ਗੁੱਲ ਹੋ ਜਾਣ ਨਾਲ ਲਾੜੀਆਂ ਦੀ ਅਦਲਾ-ਬਦਲੀ ਹੋ ਗਈ। ਬਾਅਦ ’ਚ ਇਕ ਵਾਰ ਫਿਰ ਮੰਦਰ ’ਚ ਫੇਰੇ ਲਗਵਾ ਕੇ ਗਲਤੀ ਨੂੰ ਠੀਕ ਕੀਤਾ ਗਿਆ।
ਇਹ ਵੀ ਪੜ੍ਹੋ : ਅਜੀਬੋ-ਗਰੀਬ ਮਾਮਲਾ: ਔਲਾਦ ਪੈਦਾ ਨਹੀਂ ਕੀਤੀ ਤਾਂ ਬਜ਼ੁਰਗ ਮਾਪਿਆਂ ਨੇ ਕਰ ਦਿੱਤਾ ਨੂੰਹ-ਪੁੱਤ ’ਤੇ ਕੇਸ
ਵਿਆਹ 'ਚ ਡੀਜੇ ਵਜਾਉਣ ਨੂੰ ਲੈ ਕੇ ਵਿਵਾਦ ਹੋਇਆ ਹਿੰਸਕ, ਲਾੜੇ ਵਲੋਂ ਚਲਾਈ ਗੋਲੀ ਨਾਲ ਇਕ ਵਿਅਕਤੀ ਮੌਤ
NEXT STORY 
