ਦਿਲ ਨੂੰ ਸਿਹਤਮੰਦ ਰੱਖ ਸਕਦੀਆਂ ਹਨ ਇਹ ਜੜ੍ਹੀਆਂ-ਬੂਟੀਆਂ

Edited By Jagbani,
Updated: 13 Apr, 2015 02:12 PM

ਅਕਸਰ ਕਿਹਾ ਜਾਂਦੈ ਕਿ ਇਲਾਜ ਨਾਲੋਂ ਪਰਹੇਜ਼ ਚੰਗਾ। ਦਿਲ ਦੇ ਮਾਮਲੇ 'ਚ ਵੀ ਇਹੀ ਗੱਲ ਲਾਗੂ ਹੁੰਦੀ ਹੈ। ਦੱਸ ਰਹੇ ਹਾਂ ਦਿਲ ਨੂੰ ਸੁਰੱਖਿਅਤ ਰੱਖਣ ਦੇ ਕੁਝ ਘਰੇਲੂ ਨੁਸਖੇ।
ਆਂਵਲਾ
ਕਿਉਂਕਿ ਇਹ ਵਿਟਾਮਿਨ ਸੀ ਭਰਪੂਰ ਹੁੰਦਾ ਹੈ। ਇਸ ਲਈ ਇਸ ਦੇ ਸੇਵਨ ਨਾਲ ਸਰੀਰ 'ਚ ਕੋਲੈਸਟ੍ਰਾਲ ਘਟਦਾ ਹੈ ਅਤੇ ਐਂਟੀ-ਆਕਸੀਡੈਂਟ ਦੀ ਮਾਤਰਾ ਵਧਦੀ ਹੈ, ਜਿਸ ਨਾਲ ਦਿਲ ਸੰਬੰਧੀ ਬੀਮਾਰੀਆਂ ਦੂਰ ਹੁੰਦੀਆਂ ਹਨ।
ਹਲਦੀ
ਹਲਦੀ ਦੇ ਔਸ਼ਧੀ ਗੁਣਾਂ ਤੋਂ ਸਾਰੇ ਵਾਕਫ ਹਨ ਪਰ ਦਿਲ ਸੰਬੰਧੀ ਇਸ ਦੇ ਗੁਣ ਸ਼ਾਇਦ ਹੀ ਕਿਸੇ ਨੂੰ ਪਤਾ ਹੋਣ। ਹਲਦੀ ਦੇ ਸੇਵਨ ਨਾਲ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸਮਰੱਥਾ ਵਧਦੀ ਹੈ, ਇਸ ਲਈ ਇਹ ਦਿਲ ਲਈ ਬੇਹੱਦ ਫਾਇਦੇਮੰਦ ਹੈ।
ਲਸਣ
ਲਸਣ 'ਚ ਕਿਉਂਕਿ ਸਰੀਰ 'ਚ ਗਰਮੀ ਪੈਦਾ ਕਰਨ ਦੇ ਗੁਣ ਹੁੰਦੇ ਹਨ, ਜੋ ਖੂਨ 'ਚ ਗਰਮਾਹਟ ਲਿਆਉਂਦੇ ਹਨ। ਇਸ ਲਈ ਦਿਲ ਨੂੰ ਸਹੀ ਖੂਨ ਮਿਲੇਗਾ ਤਾਂ ਇਸ ਸੰਬੰਧੀ ਸਮੱਸਿਆਵਾਂ ਆਪਣੇ-ਆਪ ਘੱਟ ਜਾਂਦੀਆਂ ਹਨ।
ਅਦਰਕ
ਅਕਸਰ ਅਸੀਂ ਲਸਣ ਦੇ ਨਾਲ ਹੀ ਅਦਰਕ ਦੀ ਵਰਤੋਂ ਵੀ ਆਪਣੇ ਭੋਜਨ 'ਚ ਕਰਦੇ ਹਾਂ ਅਤੇ ਇਸ ਲਈ ਲਸਣ ਦੇ ਨਾਲ-ਨਾਲ ਅਦਰਕ 'ਚ ਵੀ ਕਈ ਔਸ਼ਧੀ ਗੁਣ ਹੁੰਦੇ ਹਨ, ਜਿਨ੍ਹਾਂ ਦੇ ਸੇਵਨ ਨਾਲ ਸਰੀਰ ਦੀ ਪ੍ਰਤੀਰੋਧਕ ਸਮਰੱਥਾ ਠੀਕ ਹੁੰਦੀ ਹੈ।
ਬਿਲਬੇਰੀ
ਇਹ ਕੈਨਬੇਰੀ ਦਾ ਸਿਸਟਰ ਪਲਾਂਟ ਹੈ ਅਤੇ ਇਸ 'ਚ ਮੌਜੂਦ ਗੁਣ ਵੀ ਉਸੇ ਵਰਗੇ ਹੁੰਦੇ ਹਨ। ਇਸ ਦੇ ਸੇਵਨ ਨਾਲ ਧਮਨੀਆਂ 'ਚ ਖੂਨ ਦਾ ਸੰਚਾਰ ਠੀਕ ਢੰਗ ਨਾਲ ਹੁੰਦਾ ਹੈ।
ਹਾਥਰੋਨ ਬੇਰੀ
ਇਸ 'ਚ ਅਜਿਹੇ ਬਹੁਤ ਸਾਰੇ ਗੁਣ ਹੁੰਦੇ ਹਨ, ਜੋ ਸਰੀਰ ਨੂੰ ਤੰਦਰੁਸਤ ਰੱਖਦੇ ਹਨ। ਇਸ ਲਈ ਇਸ ਬੇਰੀ ਦੀ ਵਰਤੋਂ ਵੀ ਸਿਹਤਮੰਦ ਦਿਲ ਲਈ ਚੰਗੀ ਹੈ।
ਲਾਲ ਮਿਰਚ
ਇਸ ਨੂੰ ਖਾਣ ਨਾਲ ਅਕਸਰ ਜਲਨ ਹੁੰਦੀ ਹੈ ਅਤੇ ਅੱਖਾਂ 'ਚੋਂ ਪਾਣੀ ਨਿਕਲ ਆਉਂਦਾ ਹੈ ਪਰ ਫਿਰ ਵੀ ਪਕਵਾਨਾਂ 'ਚ ਇਸ ਦਾ ਜ਼ਾਇਕਾ ਚਖਣ ਲਈ ਸਭ ਬੇਤਾਬ ਰਹਿੰਦੇ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਦਿਲ ਸੰਬੰਧੀ ਬੀਮਾਰੀਆਂ ਦੇ ਵੀ ਛੱਕੇ ਛੁਡਾ ਸਕਦੀ ਹੈ। ਚਾਹੋ ਤਾਂ ਅਜ਼ਮਾ ਕੇ ਦੇਖ ਲਓ।
ਗੀਕਗੋ ਬੀਲੋਬਾ
ਇਹ ਇਕ ਕਿਸਮ ਦਾ ਚੀਨੀ ਪੌਦਾ ਹੈ, ਜੋ ਸਰੀਰ 'ਚ ਖੂਨ ਸੰਚਾਰ ਨੂੰ ਬਿਹਤਰ ਰੱਖਦਾ ਹੈ ਅਤੇ ਸਰੀਰ 'ਚ ਦਿਲ ਦੀ ਗਤੀਵਿਧੀ ਨੂੰ ਸੁਚਾਰੂ ਬਣਾਉਣ 'ਚ ਸਹਾਇਕ ਸਿੱਧ ਹੁੰਦਾ ਹੈ।
ਓਰੀਗਾਨੋ
ਇਹ ਜਵੈਣ ਦੀ ਪੱਤੀ ਹੁੰਦੀ ਹੈ, ਜਿਸ ਨੂੰ ਕੁਦਰਤੀ ਜੜੀਆਂ-ਬੂਟੀਆਂ ਨਾਲ ਰਲਾ ਕੇ ਸੇਵਨ ਕੀਤਾ ਜਾਂਦਾ ਹੈ। ਇਸ ਨਾਲ ਵੀ ਦਿਲ ਨੂੰ ਬਹੁਤ ਲਾਭ ਮਿਲਦਾ ਹੈ।
ਗ੍ਰੀਨ ਟੀ
ਅੱਜਕਲ ਲੋਕ ਫਿੱਟਨੈੱਸ ਨੂੰ ਲੈ ਕੇ ਗ੍ਰੀਨ ਟੀ ਦਾ ਸੇਵਨ ਕਰਨ ਨੂੰ ਪਹਿਲ ਦਿੰਦੇ ਹਨ ਕਿਉਂਕਿ ਇਹ ਬਹੁਤ ਲਾਭਦਾਇਕ ਹੁੰਦੀ ਹੈ। ਇਸ ਨੂੰ ਪੀਣ ਨਾਲ ਸਰੀਰ ਦੀਆਂ ਕੋਸ਼ਿਕਾਵਾਂ ਅਤੇ ਧਮਨੀਆਂ 'ਚ ਊਰਜਾ ਅਤੇ ਖੂਨ ਦਾ ਸੰਚਾਰ ਚੰਗੀ ਤਰ੍ਹਾਂ ਹੁੰਦਾ ਹੈ।
ਗਿੰਸੇਂਗ
ਇਹ ਵੀ ਇਕ ਕਿਸਮ ਦੀ ਚੀਨੀ ਔਸ਼ਧੀ ਹੈ। ਇਸ ਦੇ ਸੇਵਨ ਨਾਲ ਸਰੀਰ ਦੀ ਰੋਗ-ਪ੍ਰਤੀਰੋਧਕ ਸਮਰੱਥਾ ਵਧਦੀ ਹੈ ਅਤੇ ਬਲੱਡ ਪ੍ਰੈਸ਼ਰ ਵੀ ਕੰਟਰੋਲ ਰਹਿੰਦਾ ਹੈ।
ਲੈਵੇਂਡਰ
ਇਸ ਦਾ ਸੇਵਨ ਤੁਹਾਨੂੰ ਥੋੜ੍ਹਾ ਅਜੀਬ ਲੱਗ ਸਕਦਾ ਹੈ। ਤੁਸੀਂ ਸੋਚੋਗੇ ਕਿ ਇਹ ਤੁਹਾਡੇ ਦਿਲ ਦੀ ਸੁਰੱਖਿਆ ਭਲਾ ਕਿਵੇਂ ਕਰ ਸਕਦਾ ਹੈ ਪਰ ਲੈਵੇਂਡਰ ਇਕ ਖਾਸ ਕਿਸਮ ਦੀ ਔਸ਼ਧੀ ਹੈ, ਜੋ ਦਿਲ ਨੂੰ ਸਿਹਤਮੰਦ ਬਣਾਉਂਦੀ ਹੈ।
ਮਦਰਵਾਰਟ
ਇਸ ਦੇ ਨਾਂ ਤੋਂ ਹੀ ਲੱਗਦੈ ਕਿ ਇਹ ਔਸ਼ਧੀ ਮਾਂ ਵਾਂਗ ਧਿਆਨ ਰੱਖਦੀ ਹੈ। ਖਾਸ ਕਰ ਔਰਤਾਂ 'ਚ ਮਾਹਵਾਰੀ ਸੰਬੰਧੀ ਕਈ ਸਮੱਸਿਆਵਾਂ ਖਤਮ ਹੋ ਜਾਂਦੀਆਂ ਹਨ ਅਤੇ ਨਾਲ ਹੀ ਦਿਲ ਵੀ ਸਿਹਤਮੰਦ ਰਹਿੰਦਾ ਹੈ।
ਪਿਪਰਮਿੰਟ
ਦਿਲ ਨੂੰ ਸਿਹਤਮੰਦ ਰੱਖਣ ਲਈ ਪਿਪਰਮਿੰਟ ਵੀ ਬੇਹੱਦ ਲਾਭਦਾਇਕ ਹੈ। ਇਸ ਦੇ ਸੇਵਨ ਨਾਲ ਨਾ ਸਿਰਫ ਮੂੰਹ 'ਚ ਤਾਜ਼ਗੀ ਆਉਂਦੀ ਹੈ, ਸਗੋਂ ਦਿਲ ਵੀ ਮਜ਼ਬੂਤ ਹੁੰਦਾ ਹੈ ਅਤੇ ਇਸ ਦੀ ਸਮਰੱਥਾ 'ਚ ਵਾਧਾ ਹੁੰਦਾ ਹੈ।
ਸੈਕ੍ਰੇਡ ਪਾਇਨ
ਇਸ 'ਚ ਐਂਟੀ-ਏਜਿੰਗ ਭਰਪੂਰ ਮਾਤਰਾ 'ਚ ਪਾਏ ਜਾਂਦੇ ਹਨ, ਜੋ ਸਰੀਰ ਨੂੰ ਦਰੁਸਤ ਬਣਾਉਂਦੇ ਹਨ।