ਚੰਡੀਗੜ੍ਹ : ਚੰਡੀਗੜ੍ਹ ਤੋਂ ਸਨਸਨੀਖੇਜ਼ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ 11ਵੀਂ ਜਮਾਤ 'ਚ ਪੜ੍ਹਦੀ ਨਾਬਾਲਗ ਵਿਦਿਆਰਥਣ ਨਾਲ ਚੱਲਦੀ ਬਾਈਕ 'ਤੇ ਛੇੜਛਾੜ ਕਰਨ ਵਾਲੇ ਬਾਈਕ ਰਾਈਡਰ ਨੂੰ ਪੁਲਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਦੋਸ਼ੀ ਦੀ ਪਛਾਣ ਸ਼ਾਹਨਵਾਜ ਉਰਫ਼ ਸ਼ਾਨੂ ਦੇ ਤੌਰ 'ਤੇ ਹੋਈ ਹੈ, ਜਿਸ ਨੂੰ ਮਨੀਮਾਜਰਾ ਦੇ ਸ਼ਾਸਤਰੀ ਨਗਰ ਤੋਂ ਮੋਬਾਇਲ ਦੀ ਲੋਕੇਸ਼ਨ ਦੇ ਆਧਾਰ 'ਤੇ ਕਾਬੂ ਕੀਤਾ ਗਿਆ। ਇਹ ਮਾਮਲਾ ਸ਼ੁੱਕਰਵਾਰ ਦਾ ਦੱਸਿਆ ਜਾ ਰਿਹਾ ਹੈ। ਇੱਥੇ ਸੈਕਟਰ-40 'ਚ ਰਹਿੰਦੀ ਵਿਦਿਆਰਥਣ ਵਲੋਂ ਘਰ ਤੋਂ ਸਕੂਲ ਜਾਣ ਲਈ ਬਾਈਕ ਰਾਈਡ ਬੁੱਕ ਕੀਤੀ ਗਈ। ਬਾਈਕ 'ਤੇ ਬੈਠਣ ਮਗਰੋਂ ਬਾਈਕ ਚਾਲਕ ਨੇ ਵਿਦਿਆਰਥਣ ਨਾਲ ਛੇੜਛਾੜ ਸ਼ੁਰੂ ਕਰ ਦਿੱਤੀ।
ਇਹ ਵੀ ਪੜ੍ਹੋ : ਪੰਜਾਬ 'ਚ ਸ਼ਰਾਬ ਖ਼ਰੀਦਣ ਲਈ ਨਵੀਆਂ ਗਾਈਡਲਾਈਨਜ਼ ਜਾਰੀ! ਪੈੱਗ ਲਾਉਣ ਦੇ ਸ਼ੌਕੀਨ ਦੇਣ ਧਿਆਨ
ਮੁਲਜ਼ਮ ਕਾਫੀ ਦੂਰ ਤੱਕ ਇਕ ਹੱਥ ਨਾਲ ਬਾਈਕ ਚਲਾਉਂਦਾ ਰਿਹਾ ਅਤੇ ਦੂਜੇ ਹੱਥ ਨਾਲ ਵਿਦਿਆਰਥਣ ਨਾਲ ਛੇੜਛਾੜ ਕਰਦਾ ਰਿਹਾ। ਵਿਦਿਆਰਥਣ ਨੇ ਜਦੋਂ ਮੁਲਜ਼ਮ ਦੀ ਹਰਕਤ ਦਾ ਵਿਰੋਧ ਕੀਤਾ ਤਾਂ ਉਹ ਉਸ ਨੂੰ ਧਮਕਾਉਣ ਲੱਗ ਪਿਆ। ਇਸ ’ਤੇ ਵਿਦਿਆਰਥਣ ਨੇ ਮੁਲਜ਼ਮ ਵੱਲੋਂ ਕੀਤੀ ਜਾ ਰਹੀ ਹਰਕਤ ਦੀ ਵੀਡੀਓ ਬਣਾ ਲਈ, ਜਿਸ 'ਚ ਉਹ ਛੇੜਛਾੜ ਕਰਦਾ ਸਾਫ਼ ਨਜ਼ਰ ਆਉਂਦਾ ਹੈ। ਵਿਦਿਆਰਥਣ ਨੇ ਜਦੋਂ ਰੁਕਣ ਲਈ ਕਿਹਾ ਤਾਂ ਮੁਲਜ਼ਮ ਨੇ ਮੋਟਰਸਾਈਕਲ ਦੀ ਰਫ਼ਤਾਰ ਹੋਰ ਤੇਜ਼ ਕਰ ਲਈ। ਵਿਦਿਆਰਥਣ ਨੇ ਦੋਬਾਰਾ ਵਿਰੋਧ ਕੀਤਾਂ ਤਾਂ ਬਾਈਕ ਦਾ ਸੰਤੁਲਨ ਵਿਗੜਣ ਕਾਰਨ ਸੜਕ ’ਤੇ ਉਹ ਦੋਵੇਂ ਸੜਕ 'ਤੇ ਡਿੱਗ ਗਏ। ਇਸ ਤੋਂ ਬਾਅਦ ਮੁਲਜ਼ਮ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਦੂਜੇ ਪਾਸੇ ਪਰਿਵਾਰ ਦਾ ਕਹਿਣਾ ਹੈ ਕਿ ਕੁੜੀ ਨੇ ਜਿਹੜੀ ਬਾਈਕ ਬੁੱਕ ਕੀਤੀ ਸੀ, ਉਸ ਦੀ ਬਜਾਏ ਰਾਈਡ ਲਈ ਦੂਜੀ ਬਾਈਕ ਆਈ।
ਇਹ ਵੀ ਪੜ੍ਹੋ : ਪੰਜਾਬ 'ਚ 15 ਦਸੰਬਰ ਤੱਕ ਮੌਸਮ ਵਿਭਾਗ ਦੀ ਵੱਡੀ ਭਵਿੱਖਬਾਣੀ, 9 ਜ਼ਿਲ੍ਹਿਆਂ 'ਚ ਚਿਤਾਵਨੀ ਜਾਰੀ
ਬੁਕਿੰਗ ਦੇ ਬਜਾਏ ਦੂਜੀ ਬਾਈਕ ਲੈ ਕੇ ਪਹੁੰਚਿਆ ਮੁਲਜ਼ਮ
ਸ਼ਿਕਾਇਤ ਦੇ ਅਨੁਸਾਰ ਵਿਦਿਆਰਥਣ ਵੱਲੋਂ ਕੀਤੀ ਗਈ ਬੁਕਿੰਗ ’ਚ ਸ਼ਾਹਨਵਾਜ਼ ਨਾਂ ਦੇ ਇਕ ਵਿਅਕਤੀ ਨੇ ਰਾਈਡ ਮਨਜ਼ੂਰ ਕੀਤੀ, ਜਿਸ ’ਚ ਮੋਟਰਸਾਈਕਲ ਦਾ ਨੰਬਰ ਯੂ. ਪੀ. ਦਾ ਸੀ। ਵਿਦਿਆਰਥਣ ਦਾ ਦੋਸ਼ ਹੈ ਕਿ ਉਸ ਨੂੰ ਲੈਣ ਜੋ ਬਾਈਕ ਚਾਲਕ ਆਇਆ, ਉਸ ਦੀ ਬਾਈਕ ਦਾ ਨੰਬਰ ਦੂਜਾ ਸੀ। ਮੁਲਜ਼ਮ ਦੇ ਕੋਲ ਹਿਮਾਚਲ ਪ੍ਰਦੇਸ਼ ਨੰਬਰ ਦੀ ਬਾਈਕ ਸੀ। ਵਿਦਿਆਰਥਣ ਨੇ ਸ਼ੱਕ ਜਤਾਇਆ ਕਿ ਇਸੇ ਕਾਰਨ ਮੁਲਜ਼ਮ ਨੇ ਛੇੜਛਾੜ ਕੀਤੀ, ਕਿਉਂਕਿ ਆਨ ਰਿਕਾਰਡ ਉਸ ਨੇ ਓਬਰ ਦੇ ਐਪ ’ਤੇ ਉਹ ਬਾਈਕ ਬੁੱਕ ਨਹੀਂ ਕੀਤੀ ਸੀ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸ਼ੀਤਲ ਅੰਗੁਰਾਲ ਦੇ ਭਤੀਜੇ ਦਾ ਕਤਲ, ਮ੍ਰਿਤਕ ਪੁੱਤ ਨੂੰ ਸਿਹਰਾ ਬੰਨ੍ਹਿਆ ਦੇਖ ਧਾਹਾਂ ਮਾਰ ਰੋਈ ਮਾਂ
NEXT STORY 
