ਜਲੰਧਰ(ਅਸ਼ਵਨੀ ਖੁਰਾਣਾ)-ਚੰਡੀਗੜ੍ਹ ਤੇ ਮੋਹਾਲੀ ਵਾਂਗ ਜਲੰਧਰ ਸ਼ਹਿਰ ਨੂੰ ਵੀ 20 ਸੈਕਟਰਾਂ ਵਿਚ ਵੰਡ ਦਿੱਤਾ ਗਿਆ ਹੈ। ਜਿਸ ਤੋਂ ਬਾਅਦ ਹੁਣ ਕੁਝ ਮਹੀਨਿਆਂ ਤੋਂ ਬਾਅਦ ਸ਼ਹਿਰ ਵਾਸੀ ਆਪਣੇ ਪਤੇ ਦੇ ਨਾਲ ਸੈਕਟਰ ਨੰਬਰ ਵੀ ਲਿਖਿਆ ਕਰਨਗੇ। ਜ਼ਿਕਰਯੋਗ ਹੈ ਕਿ ਪ੍ਰਾਈਵੇਟ ਕੰਪਨੀ ਦਾਰਾਸ਼ਾਹ ਨੇ ਜਲੰਧਰ ਸ਼ਹਿਰ ਦਾ ਜੀ. ਆਈ. ਐੱਸ. ਸਰਵੇ ਲਗਭਗ ਪੂਰਾ ਕਰ ਲਿਆ ਹੈ। ਜਿਸ ਨੂੰ ਨਗਰ ਨਿਗਮ ਨੂੰ ਵੀ ਸੌਂਪ ਦਿੱਤਾ ਗਿਆ ਹੈ ਪਰ ਇਸ ਸਰਵੇ ਦੌਰਾਨ ਕੰਪਨੀ ਨੂੰ ਕਈ ਪ੍ਰਾਪਰਟੀਆਂ ਦੇ ਮਾਲਕ ਜਾਂ ਤਾਂ ਮਿਲੇ ਨਹੀਂ ਹਨ ਜਾਂ ਉਨ੍ਹਾਂ ਪ੍ਰਾਪਰਟੀਆਂ ਬਾਰੇ ਸਰਵੇ ਟੀਮ ਨੂੰ ਰਿਸਪਾਂਸ ਨਹੀਂ ਮਿਲਿਆ। ਇਸ ਲਈ 50 ਹਜ਼ਾਰ ਦੇ ਕਰੀਬ ਪ੍ਰਾਪਰਟੀਆਂ ਨੂੰ ਦੁਬਾਰਾ ਸਰਵੇ ਦੇ ਘੇਰੇ ਵਿਚ ਲਿਆਂਦਾ ਗਿਆ ਹੈ। ਇਸ ਸਰਵੇ ਤਹਿਤ ਸ਼ਹਿਰ ਦੀਆਂ 2.50 ਲੱਖ ਦੇ ਕਰੀਬ ਪ੍ਰਾਪਰਟੀਆਂ ਨੂੰ ਯੂਨੀਕ ਆਈ. ਡੀ. ਨੰਬਰ ਅਲਾਟ ਕਰ ਦਿੱਤੇ ਗਏ ਹਨ। ਆਉਣ ਵਾਲੇ ਸਮੇਂ ਵਿਚ ਇਹੀ ਯੂਨੀਕ ਆਈ. ਡੀ. ਨੰਬਰ ਹਰ ਪ੍ਰਾਪਰਟੀ ਦੀ ਇਕ ਪਛਾਣ ਬਣੇਗਾ। ਜਿਸਨੂੰ ਕਲਿੱਕ ਕਰਦੇ ਹੀ ਉਸ ਪ੍ਰਾਪਰਟੀ ਬਾਰੇ ਨਿਗਮ ਨਾਲ ਸਬੰਧਿਤ ਸਾਰਾ ਰਿਕਾਰਡ ਕੰਪਿਊਟਰ 'ਤੇ ਆ ਜਾਵੇਗਾ। ਪਿਛਲੀ ਅਕਾਲੀ ਭਾਜਪਾ ਸਰਕਾਰ ਨੇ ਜਲੰਧਰ ਦੇ ਜੀ. ਆਈ. ਐੱਸ. ਸਰਵੇ ਦਾ ਕੰਮ ਦਾਰਾਸ਼ਾਹ ਕੰਪਨੀ ਨੂੰ ਅਲਾਟ ਕੀਤਾ ਸੀ। ਜਿਸ ਤਹਿਤ ਕੰਪਨੀ ਦੇ ਕਰਮਚਾਰੀਆਂ ਨੇ ਘਰ-ਘਰ ਜਾ ਕੇ ਹਰ ਪ੍ਰਾਪਰਟੀ ਬਾਰੇ ਵਿਸਥਾਰ ਨਾਲ ਡਾਟਾ ਇਕੱਠਾ ਕੀਤਾ। ਪੂਰੇ ਸ਼ਹਿਰ ਦਾ ਸਰਵੇ ਕਰ ਕੇ ਸ਼ਹਿਰ ਨੂੰ 20 ਸੈਕਟਰਾਂ ਵਿਚ ਵੰਡਿਆ ਗਿਆ ਹੈ।
ਘਰਾਂ ਦੇ ਅੱਗੇ ਲਿਖੇ ਗਏ ਯੂਨੀਕ ਆਈ. ਡੀ. ਨੰਬਰ
ਸ਼ਹਿਰ ਦਾ ਸਰਵੇ ਕਰ ਕੇ ਇਸਨੂੰ 20 ਸੈਕਟਰਾਂ ਵਿਚ ਵੰਡਣ ਵਾਲੀ ਕੰਪਨੀ ਨੇ ਜ਼ਿਆਦਾਤਰ ਘਰਾਂ ਦੇ ਅੱਗੇ ਮਾਰਕਰ ਨਾਲ ਯੂਨੀਕ ਆਈ. ਡੀ. ਨੰਬਰ ਵੀ ਲਿਖ ਦਿੱਤੇ ਹਨ। ਕੰਪਨੀ ਦੇ ਨੁਮਾਇੰਦੇ ਨੇ ਦੱਸਿਆ ਕਿ ਜਿਨ੍ਹਾਂ ਥਾਵਾਂ 'ਤੇ ਇਕ ਤੋਂ ਜ਼ਿਆਦਾ ਪਰਿਵਾਰ ਰਹਿੰਦੇ ਹਨ ਜਾਂ ਜਿਸ ਮਾਲ ਵਿਚ ਇਕ ਤੋਂ ਜ਼ਿਆਦਾ ਦੁਕਾਨਾਂ ਹਨ, ਉਸ ਪ੍ਰਾਪਰਟੀ ਨੂੰ ਯੂਨੀਕ ਆਈ. ਡੀ. ਨੰਬਰ ਤਾਂ ਦਿੱਤਾ ਗਿਆ ਹੈ ਪਰ ਉਸ ਨੰਬਰ ਦੇ ਅੱਗੇ ਹੋਰ ਨੰਬਰ ਜੋੜ ਦਿੱਤੇ ਗਏ ਹਨ।
ਕਮਿਸ਼ਨਰ ਨੇ 4 ਟੀਮਾਂ ਬਣਾ ਕੇ ਵੈਰੀਫਿਕੇਸ਼ਨ ਸ਼ੁਰੂ ਕਰਵਾਈ
ਸ਼ਹਿਰ ਨੂੰ 20 ਸੈਕਟਰਾਂ ਵਿਚ ਵੰਡਣ ਦੀ ਪ੍ਰਕਿਰਿਆ ਖਤਮ ਹੁੰਦਿਆਂ ਹੀ ਨਿਗਮ ਕਮਿਸ਼ਨਰ ਡਾ. ਬਸੰਤ ਗਰਗ ਨੇ ਕੰਪਨੀ ਵਲੋਂ ਕੀਤੇ ਗਏ ਸਰਵੇ ਦੀ ਵੈਰੀਫਿਕੇਸ਼ਨ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਲਈ ਉਨ੍ਹਾਂ 5-5 ਨਿਗਮ ਕਰਮਚਾਰੀਆਂ 'ਤੇ ਆਧਾਰਿਤ 4 ਟੀਮਾਂ ਦਾ ਗਠਨ ਕੀਤਾ ਹੈ। ਇਨ੍ਹਾਂ ਟੀਮਾਂ ਦੇ ਨਾਲ ਇੰਨੇ ਹੀ ਕੰਪਨੀ ਦੇ ਕਰਮਚਾਰੀ ਵੀ ਲਗਾਏ ਗਏ ਹਨ ਜੋ ਉਨ੍ਹਾਂ ਪ੍ਰਾਪਰਟੀਆਂ ਦੀ ਵੈਰੀਫਿਕੇਸ਼ਨ ਕਰ ਰਹੇ ਹਨ। ਜਿੱਥੇ ਕੰਪਨੀ ਵਲੋਂ ਡੋਰ ਟੂ ਡੋਰ ਕਲੋਜ਼ ਦੇ ਸਟਿੱਕਰ ਚਿਪਕਾਏ ਗਏ ਸਨ। ਕੁਝ ਪ੍ਰਾਪਰਟੀਆਂ ਐੱਨ. ਆਰ. ਆਈਜ਼ ਦੀਆਂ ਵੀ ਸਨ, ਜਿਨ੍ਹਾਂ ਦਾ ਰਿਸਪਾਂਸ ਕੰਪਨੀ ਨੂੰ ਨਹੀਂ ਮਿਲਿਆ ਸੀ। ਹੁਣ ਉਨ੍ਹਾਂ ਪ੍ਰਾਪਰਟੀਆਂ ਦੀ ਵੈਰੀਫਿਕੇਸ਼ਨ ਦਾ ਕੰਮ ਵੀ ਚੱਲ ਰਿਹਾ ਹੈ।
ਨਿਗਮ ਕਮਿਸ਼ਨਰ ਨੇ ਪਹਿਲੇ ਪੜਾਅ ਵਿਚ ਇਨ੍ਹਾਂ ਟੀਮਾਂ ਨੂੰ ਸੈਕਟਰ 8, 10, 17, 19 ਤੇ 20 ਜਾਣ ਨੂੰ ਕਿਹਾ ਹੈ ਤਾਂ ਜੋ ਕੰਪਨੀ ਵਲੋਂ ਦਿੱਤੇ ਗਏ ਡਾਟਾ ਨੂੰ ਵੈਰੀਫਾਈ ਕੀਤਾ ਜਾ ਸਕੇ। ਕੁਲ 3 ਲੱਖ ਪ੍ਰਾਪਰਟੀਆਂ ਨੂੰ ਮਿਲਣਗੇ ਯੂਨੀਕ ਆਈ. ਡੀ. ਨੰਬਰ
ਨਗਰ ਨਿਗਮ ਨੇ ਜਦੋਂ ਪ੍ਰਾਈਵੇਟ ਕੰਪਨੀ ਨੂੰ ਜੀ. ਆਈ. ਐੱਸ. ਸਰਵੇ ਦਾ ਕੰਮ ਸੌਂਪਿਆ ਸੀ ਤਾਂ ਸ਼ਹਿਰ ਵਿਚ ਪ੍ਰਾਪਰਟੀਆਂ ਦੀ ਕੁਲ ਗਿਣਤੀ 2.55 ਲੱਖ ਦਾ ਐਸਟੀਮੇਟ ਸੀ, ਜਿਸ ਨੂੰ ਹੁਣ ਵਧਾ ਕੇ 3 ਲੱਖ ਕਰ ਦਿੱਤਾ ਗਿਆ ਹੈ। ਕੰਪਨੀ 2.50 ਲੱਖ ਪ੍ਰਾਪਰਟੀਆਂ ਨੂੰ ਯੂਨੀਕ ਆਈ. ਡੀ. ਨੰਬਰ ਅਲਾਟ ਕਰ ਚੁੱਕੀ ਹੈ ਤੇ 50 ਹਜ਼ਾਰ ਪ੍ਰਾਪਰਟੀਆਂ ਜਿਨ੍ਹਾਂ 'ਤੇ ਡੋਰ ਕਲੋਜ਼ ਦੇ ਸਟਿੱਕਰ ਚਿਪਕਾਏ ਗਏ ਸਨ, ਉਥੇ ਦੁਬਾਰਾ ਵੈਰੀਫਿਕੇਸ਼ਨ ਕੀਤੀ ਜਾ ਰਹੀ ਹੈ। ਇਸ ਸਰਵੇ ਵਿਚ ਖਾਲੀ ਪਲਾਟਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ ਤੇ ਉਨ੍ਹਾਂ ਨੂੰ ਵੀ ਯੂਨੀਕ ਆਈ. ਡੀ. ਨੰਬਰ ਅਲਾਟ ਕੀਤੇ ਗਏ ਹਨ।
ਸਰਵੇ ਵਿਚ ਹੈ ਹਰ ਚੀਜ਼ ਦਾ ਡਾਟਾ
ਦਾਰਾ ਸ਼ਾਹ ਕੰਪਨੀ ਨੇ ਕਈ ਮਹੀਨੇ ਲਾ ਕੇ ਸ਼ਹਿਰ ਦਾ ਜੋ ਜੀ. ਆਈ. ਐੱਸ. ਸਰਵੇ ਕੀਤਾ ਹੈ, ਉਸਦੇ ਤਹਿਤ ਜਿੱਥੇ ਹਰ ਪ੍ਰਾਪਰਟੀ ਦੀ ਡਿਟੇਲ ਉੱਤੇ ਮਾਲਕਾਂ ਬਾਰੇ ਪੂਰਾ ਵੇਰਵਾ ਇਕੱਠਾ ਕੀਤਾ ਗਿਆ ਹੈ, ਉਥੇ ਸ਼ਹਿਰ ਦੀ ਹਰ ਛੋਟੀ ਵੱਡੀ ਸੜਕ, ਗਲੀ, ਪਾਰਕ, ਸਟ੍ਰੀਟ ਲਾਈਟ ਤੇ ਟੈਲੀਫੋਨ ਦੇ ਪੋਲ, ਪਾਵਰ, ਮੈਨਹੋਲ, ਟ੍ਰੈਫਿਕ ਲਾਈਟਸ ਜਿਹੀ ਹਰ ਚੀਜ਼ ਨੂੰ ਸਰਵੇ ਵਿਚ ਦਰਸਾਇਆ ਗਿਆ ਹੈ। ਸਰਵੇ ਵਿਚ ਘਰਾਂ, ਕਮਰਸ਼ੀਅਲ ਕੰਪਲੈਕਸਾਂ, ਮਾਲਜ਼, ਸਕੂਲ, ਹਸਪਤਾਲ, ਪਾਰਕਿੰਗ ਤੇ ਧਾਰਮਿਕ ਸਥਾਨਾਂ ਨੂੰ ਵੀ ਮਾਰਕ ਕੀਤਾ ਗਿਆ ਹੈ।
ਕਿਸ ਸੈਕਟਰ ਵਿਚ ਹੈ ਤੁਹਾਡਾ ਮੁਹੱਲਾ / ਕਾਲੋਨੀ
ਸੈਕਟਰ ਨੰਬਰ-1
ਸੂਰਾਨੁੱਸੀ, ਜਨਤਾ ਕਾਲੋਨੀ, ਮੋਤੀ ਨਗਰ, ਰੈਡੀਸਨ ਇਨਕਲੇਵ, ਰਾਮ ਨਗਰ, ਮੇਹਰ ਚੰਦ ਇੰਸਚਟੀਚਿਊਟ , ਟੈਗੋਰ ਪਾਰਕ, ਸੈਕਰਡ ਹਾਰਟ ਹਸਪਤਾਲ, ਗਰੇਟਰ ਕੈਲਾਸ਼, ਫਰੈਂਡਸ ਕਾਲੋਨੀ।
ਸੈਕਟਰ ਨੰਬਰ -2
ਨਿਊ ਆਨੰਦ ਨਗਰ, ਗੁਰਬਚਨ ਨਗਰ, ਭਗਤ ਸਿੰਘ ਕਾਲੋਨੀ, ਸੰਜੇ ਗਾਂਧੀ ਨਗਰ, ਇੰਡਸਟ੍ਰੀਅਲ ਏਰੀਆ, ਸੋਡਲ ਚੌਕ, ਸ਼ਿਵ ਨਗਰ, ਦੇਵੀ ਤਾਲਾਬ ਮੰਦਰ, ਅਮਨ ਨਗਰ, ਗੁੱਜਾ ਪੀਰ, ਬਚਿੰਤ ਨਗਰ, ਸਰਾਭਾ ਨਗਰ, ਸਲੀਮਪੁਰ, ਫੇਅਰ ਫਾਰਮ, ਕਾਲੀਆ ਕਾਲੋਨੀ, ਗੁਰੂ ਅਮਰਦਾਸ ਨਗਰ।
ਸੈਕਟਰ ਨੰਬਰ -3
ਲਕਸ਼ਮੀਪੁਰਾ, ਦੁਆਬਾ ਚੌਕ, ਬੀ. ਡੀ. ਐੱਨ. ਇਨਕਲੇਵ, ਬਾਬਾ ਦੀਪ ਸਿੰਘ ਨਗਰ, ਇੰਡਸਟ੍ਰੀਅਲ ਅਸਟੇਟ, ਗੁਲਮਰਗ ਕਾਲੋਨੀ, ਹਰਦਿਆਲ ਨਗਰ, ਨੀਵਾਂ ਸੰਤੋਖਪੁਰਾ, ਅੰਬਿਕਾ ਕਾਲੋਨੀ।
ਸੈਕਟਰ-4
ਕਿਸ਼ਨਪੁਰਾ, ਕਾਜ਼ੀ ਮੰਡੀ, ਸੂਰਿਆ ਇਨਕਲੇਵ, ਗੁਰੂ ਗੋਬਿੰਦ ਸਿੰਘ ਇਨਕਲੇਵ, ਰੇਲ ਵਿਹਾਰ, ਸੁੱਚੀ ਪਿੰਡ, ਥ੍ਰੀ ਸਟਾਰ ਕਾਲੋਨੀ, ਲੰਮਾ ਪਿੰਡ ਚੌਕ, ਵਿਨੇ ਨਗਰ, ਉਪਕਾਰ ਨਗਰ, ਚੱਕ ਹੁਸੈਨਾ , ਬਲਦੇਵ ਨਗਰ, ਜੈਮਲ ਨਗਰ।
ਸੈਕਟਰ ਨੰਬਰ- 5
ਮੋਤੀ ਬਾਗ, ਕਰੋਲ ਬਾਗ, ਕੋਟ ਰਾਮਦਾਸ, ਚੁਗਿੱਟੀ ਚੌਕ, ਗੁਰੂ ਨਾਨਕਪੁਰਾ ਵੈਸਟ ਤੇ ਈਸਟ, ਲੱਧੇਵਾਲੀ, ਏਕਤਾ ਨਗਰ, ਹਿਮਾਚਲ ਕਾਲੋਨੀ, ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ, ਪਾਰਕ ਐਵਨਿਊ, ਬੇਅੰਤ ਨਗਰ।
ਸੈਕਟਰ ਨੰਬਰ-6
ਚੋਹਕਾਂ, ਨੰਗਲ ਸ਼ਾਮਾ, ਓਲਡ ਦਸਮੇਸ਼ ਨਗਰ , ਸੈਨਿਕ ਵਿਹਾਰ, ਕਾਕੀ ਪਿੰਡ, ਨੈਸ਼ਨਲ ਐਵੇਨਿਊ, ਬਾਬਾ ਬੁੱਢਾ ਜੀ ਨਗਰ, ਅਰਮਾਨ ਨਗਰ, ਬੜਿੰਗ, ਪਰਾਗਪੁਰ, ਢਿੱਲਵਾਂ, ਗਣੇਸ਼ ਨਗਰ, ਦਕੋਹਾ।
ਸੈਕਟਰ ਨੰਬਰ-7
ਰੇਲਵੇ ਕਾਲੋਨੀ, ਪ੍ਰੀਤ ਨਗਰ, ਡਿਫੈਂਸ ਕਾਲੋਨੀ, ਛੋਟੀ ਬਾਰਾਂਦਰੀ, ਗੋਲਡਨ ਐਵੇਨਿਊ, ਅਰਬਨ ਅਸਟੇਟ ਫੇਸ-1, ਪੰਜਾਬ ਐਵਨਿਊ, ਸੁਭਾਨਾ, ਗੜ੍ਹਾ, ਜਸਵੰਤ ਨਗਰ, ਅਟਵਾਲ ਹਾਊਸ, ਬੀ. ਐੱਸ. ਐੱਫ ਹੈੱਡ ਕੁਆਰਟਰ, ਪੀ. ਏ. ਪੀ. ਕੰਪਲੈਕਸ, ਰਾਮਾ ਮੰਡੀ।
ਸੈਕਟਰ-8
ਢੰਨ ਮੁਹੱਲਾ, ਬਾਗ ਕਰਮਬਖਸ਼, ਭਗਤ ਸਿੰਘ ਚੌਕ, ਪ੍ਰਤਾਪ ਬਾਗ, ਓਲਡ ਜਵਾਹਰ ਨਗਰ, ਅਰਜੁਨ ਨਗਰ, 40 ਕੁਆਰਟਰ, ਸੰਤ ਨਗਰ, ਰੇਲਵੇ ਸਟੇਸ਼ਨ।
ਸੈਕਟਰ-9
ਸ਼ਿਵਰਾਜਗੜ੍ਹ, ਰਸਤਾ ਮੁਹੱਲਾ, ਪੱਕਾ ਬਾਗ, ਪੰਜਾਬ ਕੇਸਰੀ, ਨਹਿਰੂ ਗਾਰਡਨ, ਨਾਮਦੇਵ ਚੌਕ, ਬੀ. ਐੱਮ. ਸੀ. ਪੁਲਸ ਲਾਈਨ, ਹੋਟਲ ਇੰਟਰਨੈਸ਼ਨਲ, ਰਣਜੀਤ ਨਗਰ, ਸ਼ਾਂਤੀਪੁਰਾ, ਅਲਾਸਕਾ ਚੌਕ, ਸ਼ਿਵਾਜੀ ਪਾਰਕ, ਮਾਸਟਰ ਤਾਰਾ ਸਿੰਘ ਨਗਰ, ਸੈਂਟਰਲ ਟਾਊਨ, ਚਹਾਰ ਬਾਗ।
ਸੈਕਟਰ ਨੰਬਰ -10
ਜੋਤੀ ਚੌਕ, ਮਖਦੂਮਪੁਰਾ, ਲਵਲੀ ਆਟੋਜ਼, ਲਾਜਪਤ ਨਗਰ, ਗੁਰੂ ਗੋਬਿੰਦ ਸਿੰਘ ਸਟੇਡੀਅਮ, ਰੇਡੀਓ ਕਾਲੋਨੀ, ਬੱਸ ਸਟੈਂਡ, ਹੰਸਰਾਜ ਸਟੇਡੀਅਮ, ਜਿਮਖਾਨਾ ਕਲੱਬ।
ਸੈਕਟਰ ਨੰਬਰ 11
ਲਿੰਕ ਰੋਡ, ਅਬਾਦਪੁਰਾ, ਰਵਿਦਾਸ ਚੌਕ, ਮਾਡਲ ਟਾਊਨ ਡੇਅਰੀਆਂ, ਲਾਲ ਨਗਰ, ਜੋਤੀ ਚੌਕ, ਗੁਰਜੇਪਾਲ ਸਿੰਘ ਨਗਰ, ਮੋਤਾ ਸਿੰਘ ਨਗਰ, ਸਤਲੁਜ ਮਾਰਕੀਟ, ਚੁੰਨਮੁਨ ਚੌਕ, ਮਾਡਲ ਟਾਊਨ ਮਾਰਕੀਟ, ਪ੍ਰਕਾਸ਼ ਨਗਰ।
ਸੈਕਟਰ ਨੰਬਰ 12
ਗੁਰੂ ਤੇਗ ਬਹਾਦਰ ਨਗਰ, ਗੁਰੂ ਗੋਬਿੰਦ ਸਿੰਘ ਨਗਰ, ਮੈਨਬਰੋ ਚੌਕ, ਬੂਟਾ ਪਿੰਡ, ਵਡਾਲਾ ਚੌਕ, ਦੂਰਦਰਸ਼ਨ ਇਨਕਲੇਵ, ਟੀ. ਵੀ. ਟਾਵਰ, ਖੁਰਲਾ ਕਿੰਗਰਾ, ਏਕਤਾ ਵਿਹਾਰ, ਫ੍ਰੈਂਡਜ਼ ਕਾਲੋਨੀ, ਚੀਮਾ ਨਗਰ, ਇੰਦਰਾ ਪਾਰਕ, ਲੋਹਾਰ ਨੰਗਲ, ਕਿਊਰੋ ਮਾਲ, ਮਿੱਠਾਪੁਰ, ਅਰਬਨ ਅਸਟੇਟ ਫੇਸ-2 , ਸਾਬੋਵਾਲ।
ਸੈਕਟਰ ਨੰਬਰ 13
ਮਾਡਲ ਹਾਊਸ, ਉਤਮ ਸਿੰਘ ਨਗਰ, ਕੋਟ ਬਾਜ਼ਾਰ, ਨਿਊ ਕਰਤਾਰ ਨਗਰ, ਗੀਤਾ ਕਾਲੋਨੀ, ਕੋਟ ਸਦੀਕ, ਜੱਲੋਵਾਲ, ਟਾਵਰ ਇਨਕਲੇਵ, ਮਾਤਾ ਰਾਣੀ ਚੌਕ।
ਸੈਕਟਰ ਨੰਬਰ 14
ਫਿਸ਼ ਮਾਰਕੀਟ, ਨਾਜ਼ ਸਿਨੇਮਾ, ਇਸਲਾਮਾਬਾਦ, ਵਿਜੇ ਨਗਰ, ਅਸ਼ੋਕ ਨਗਰ, ਨਿਜ਼ਾਤਮ ਨਗਰ, ਤੇਜ਼ ਮੋਹਨ ਨਗਰ, ਅਵਤਾਰ ਨਗਰ, ਲਾਲ ਰਤਨ, ਸ਼ਹੀਦ ਊੂਧਮ ਸਿੰਘ ਨਗਰ, ਸਿਵਲ ਹਸਪਤਾਲ।
ਸੈਕਟਰ ਨੰਬਰ 15
ਗੋਪਾਲ ਨਗਰ, ਸੰਤ ਨਗਰ, ਸਬਜ਼ੀ ਮੰਡੀ ਚੌਕ, ਚਰਨਜੀਤਪੁਰਾ, ਮਹਿੰਦਰੂ ਮੁਹੱਲਾ, ਕਿਲਾ ਬਾਜ਼ਾਰ, ਸ਼ੇਖਾਂ ਬਾਜ਼ਾਰ, ਗੁੜ ਮੰਡੀ, ਵਾਲਮੀਕਿ ਗੇਟ, ਚੰਦਨ ਨਗਰ, ਅੱਡਾ ਹੁਸ਼ਿਆਰਪੁਰ ਚੌਕ, ਮੁਹੱਲਾ ਪੁਰਾਣੀ ਕਚਹਿਰੀ।
ਸੈਕਟਰ ਨੰਬਰ 16
ਗਾਜ਼ੀ ਗੁੱਲਾ, ਕਬੀਰ ਨਗਰ, ਗਾਂਧੀ ਕੈਂਪ, ਅਮਰ ਨਗਰ, ਵਿੰਡਸਰ ਪਾਰਕ, ਬੀ. ਐੱਸ. ਐੱਫ. ਕਾਲੋਨੀ, ਗੁਰਦੇਵ ਨਗਰ।
ਸੈਕਟਰ ਨੰਬਰ 17
ਸ਼ਹੀਦ ਬਾਬੂ ਲਾਭ ਸਿੰਘ ਨਗਰ, ਮਧੂਬਨ ਕਾਲੋਨੀ, ਬਸਤੀ ਬਾਵਾ ਖੇਲ, ਰਾਜ ਨਗਰ, ਗੌਤਮ ਨਗਰ, ਹਰਦੇਵ ਨਗਰ, ਸਰਸਵਤੀ ਵਿਹਾਰ, ਗੁਪਤਾ ਕਾਲੋਨੀ, ਰੋਜ਼ ਪਾਰਕ, ਆਰੀਆ ਨਗਰ, ਸੰਗਤ ਸਿੰਘ ਨਗਰ।
ਸੈਕਟਰ ਨੰਬਰ 18
ਬਾਗ ਬਾਹਰੀਆ, ਆਦਰਸ਼ ਨਗਰ, ਕ੍ਰਿਸ਼ਨਾ ਨਗਰ, ਬਸਤੀ ਮਿੱਠੂ, ਰਾਜਾ ਗਾਰਡਨ, ਸਰਜੀਕਲ ਕੰਪਲੈਕਸ, ਰਸੀਲਾ ਨਗਰ, ਦਿਲਬਾਗ ਨਗਰ, ਜੇ. ਪੀ. ਨਗਰ, ਹਰਬੰਸ ਨਗਰ, ਫੁੱਟਬਾਲ ਚੌਕ, ਬਸਤੀ ਅੱਡਾ।
ਸੈਕਟਰ ਨੰਬਰ 19
ਬਸਤੀ ਨੌ ਚੌਕ, ਗੋਬਿੰਦ ਨਗਰ, ਬਾਬੂ ਜਗਜੀਵਨ ਰਾਮ ਚੌਕ, ਗੁਰੂ ਸੰਤ ਨਗਰ, ਕੋਟ ਸਦੀਕ, ਘਾਹ ਮੰਡੀ ਚੌਕ, ਬਸਤੀ ਸ਼ੇਖ, ਜਨਕ ਨਗਰ।
ਸੈਕਟਰ ਨੰਬਰ 20
ਜਵਾਲਾ ਨਗਰ, ਸੁਦਰਸ਼ਨ ਪਾਰਕ, ਵਿਵੇਕਾਨੰਦ ਪਾਰਕ, ਨੈਸ਼ਨਲ ਪਾਰਕ, ਨਾਗਰਾ, ਸ਼ੀਤਲ ਨਗਰ, ਪਟੇਲ ਨਗਰ, ਮਕਸੂਦਾਂ ਸਬਜ਼ੀ ਮੰਡੀ।
ਜੰਮੂ-ਕਸ਼ਮੀਰ ਦੇ 4 ਨਸ਼ਾ ਸਮੱਗਲਰ ਇੰਟਰ ਸਟੇਟ ਨਾਕੇ ਤੋਂ ਕਾਬੂ
NEXT STORY 
