ਜਗਰਾਓਂ : ਪੰਜਾਬ ਪੁਲਸ ਵੱਲੋਂ ਗੈਂਗਸਟਰਾਂ ਅਤੇ ਨਸ਼ਾ ਤਸਕਰਾਂ 'ਤੇ ਸ਼ਿਕੰਜਾ ਕੱਸਣ ਲਈ ਨਵੀਂ ਸ਼ੁਰੂਆਤ ਕੀਤੀ ਗਈ ਹੈ।ਇਸ ਨਵੀਂ ਸ਼ੁਰੂਆਤ ਵਿੱਚ ਜ਼ਿਲੇ ਦੇ ਸੀਲਿੰਗ ਪੁਆਇੰਟਾਂ 'ਤੇ ਗੈਂਗਸਟਰਾਂ, ਨਸ਼ਾ ਤਸਕਰਾਂ ਅਤੇ ਨਜਾਇਜ਼ ਹਥਿਆਰ ਰੱਖਣ ਵਾਲਿਆਂ ਦੀ ਚੈਕਿੰਗ ਲਈ ਹਾਈਟੈੱਕ ਪੋਸਟਾਂ ਬਣਾਈਆਂ ਗਈਆਂ ਹਨ।ਇਸੇ ਤਰ੍ਹਾਂ ਇੱਕ ਚੈੱਕ ਪੋਸਟ ਜਲੰਧਰ-ਜਗਰਾਓਂ ਹਾਈਵੇਅ 'ਤੇ ਸਿੱਧਵਾਂ ਬੇਟ ਦੇ ਨੇੜੇ ਸਤਲੁਜ ਦਰਿਆ ਦੇ ਪੁਲ 'ਤੇ ਬਣਾਈ ਗਈ ਹੈ,ਜਿੱਥੇ ਦਿਨ-ਰਾਤ ਇਸ ਜਗਾ ਤੋਂ ਲੰਘਣ ਵਾਲੇ ਜਲੰਧਰ-ਜਗਰਾਓਂ ਨੂੰ ਆਉੁਣ-ਜਾਣ ਵਾਲੇ ਵਾਹਨਾਂ ਦੀ ਚੈਕਿੰਗ ਕੀਤੀ ਜਾਂਦੀ ਹੈ।ਇਸ ਚੈੱਕ ਪੋਸਟ 'ਤੇ ਇੱਕ ਚੇਜਿੰਗ ਜਿਪਸੀ ਲਗਾਈ ਗਈ ਹੈ, ਜਿਸ 'ਤੇ ਐਲ. ਐਮ. ਜੀ ਫਿੱਟ ਕੀਤੀ ਗਈ ਹੈ, ਇਹ ਵਾਹਨ ਅਪਰਾਧੀਆਂ ਦਾ ਪਿੱਛਾ ਕਰਨ ਵਾਸਤੇ ਲਾਈ ਗਈ ਹੈ, ਜੋ ਨਾਕੇ ਤੋਂ ਭੱਜਣ ਦੀ ਕੋਸ਼ਿਸ਼ ਕਰਦੇ ਹਨ।ਇਸ ਚੈੱਕ ਪੋਸਟ ਤੋਂ ਲੰਘਣ ਵਾਲੇ ਵਾਹਨਾਂ ਦੀ ਚੈਕਿੰਗ ਲਈ ਕਰੀਬ ਇੱਕ ਦਰਜਨ ਮੁਲਾਜ਼ਮ ਹਾਜ਼ਰ ਰਹਿੰਦੇ ਹਨ। ਇਸ ਚੈੱਕ ਪੋਸਟ 'ਤੇ ਤਿੰਨ ਸ਼ਿਫਟਾਂ ਵਿੱਚ ਕਰੀਬ 35 ਮੁਲਾਜ਼ਮ ਤਾਇਨਾਤ ਕੀਤੇ ਗਏ ਹਨ, ਜੋ ਸ਼ਿਫਟ ਵਾਈਜ਼ ਡਿਊਟੀ ਕਰਦੇ ਹਨ।ਚੈੱਕ ਪੋਸਟ 'ਤੇ ਤਾਇਨਾਤ ਕਰਮਚਾਰੀਆਂ ਨੂੰ ਗੈਂਗਸਟਰਾਂ/ਅਪਰਾਧੀਆਂ ਦਾ ਮੁਕਾਬਲਾ ਕਰਨ ਲਈ ਆਧੁਨਿਕ ਹਥਿਆਰ, ਜਿਵੇਂ ਕਿ ਏ. ਕੇ-47, ਏ.ਐਲ.ਆਰ ਆਦਿ ਮੁਹੱਈਆ ਕਰਵਾਏ ਗਏ ਹਨ। ਇਸ ਤੋਂ ਇਲਾਵਾ ਇਸ ਚੈੱਕ ਪੋਸਟ 'ਤੇ ਕਰੀਬ 1 ਦਰਜਨ ਤੋਂ ਵੱਧ ਹਾਈਡਿਮੈਂਸ਼ਨ ਸੀ.ਸੀ.ਟੀ.ਵੀ. ਕੈਮਰੇ ਲਗਾਏ ਗਏ ਹਨ। ਸੀ.ਸੀ.ਟੀ.ਵੀ. ਕੈਮਰੇ ਟੋਲ-ਪਲਾਜ਼ਾ ਉੱਪਰ ਲਗਾਏ ਗਏ ਹਨ। ਸਾਰੇ ਕੈਮਰੇ ਵਾਹਨ ਡਾਟ ਕਾਮ ਨਾਲ ਅਟੈਚ ਹਨ, ਜੋ ਟੈਬ ਰਾਹੀਂ ਗਲਤ ਨੰਬਰ ਪਲੇਟ ਚੈੱਕ ਕਰਦੇ ਹਨ। ਚੈੱਕ ਪੋਸਟ ਉੱਪਰ ਰਾਤ ਸਮੇਂ ਐਂਟੀਸਾਬੋਟੇਜ਼ ਚੈਕਿੰਗ ਵਾਸਤੇ ਗੱਡੀਆਂ ਦੇ ਹੇਠਲੇ ਹਿੱਸੇ ਨੂੰ ਚੈੱਕ ਕਰਨ ਲਈ ਸ਼ੀਸ਼ੇ ਆਦਿ ਦਾ ਪ੍ਰਬੰਧ ਕੀਤਾ ਗਿਆ ਹੈ ਅਤੇ ਪੁੱਲ ਪਰ ਫਲੱਡ ਲਾਈਟਾਂ ਵੀ ਲਾਈਆਂ ਗਈਆਂ ਹਨ।ਇਸ ਚੈੱਕ ਪੋਸਟ ਉੱਪਰ ਇੱਕ ਹਾਈਟੈੱਕ ਕੰਟਰੋਲ ਰੂਮ ਵੀ ਸਥਾਪਿਤ ਕੀਤਾ ਗਿਆ ਹੈ, ਜੋ ਇੰਟਰਨੈਟ ਤੇ ਵਾਇਰਲੈੱਸ ਸਿਸਟਮ ਨਾਲ ਲੈੱਸ ਹੈ।
ਬਠਿੰਡਾ ਹਾਦਸਾ : ਸੜਕ 'ਤੇ ਬੁਰੀ ਤਰ੍ਹਾਂ ਵਿਛੀਆਂ ਸੀ ਕੁੜੀਆਂ ਦੀਆਂ ਲਾਸ਼ਾਂ, ਕਮਜ਼ੋਰ ਦਿਲ ਵਾਲੇ ਨਾ ਦੇਖਣ ਇਹ ਤਸਵੀਰਾਂ
NEXT STORY 
