ਸੰਗਰੂਰ (ਸਿੰਗਲਾ)- ਸੰਗਰੂਰ ਵਿਖੇ ਸਰਕਾਰੀ ਹਸਪਤਾਲ ਦੇ ਸਾਹਮਣੇ ਇਕ ਮੈਡੀਕਲ ਸਟੋਰ ਤੋਂ ਦਵਾਈ ਲੈਣ ਪੁੱਜੀ ਔਰਤ ਦੇ ਪਰਸ ’ਚੋਂ ਦੋ ਨਾਮਲੂਮ ਔਰਤਾਂ ਵੱਲੋਂ 1 ਲੱਖ ਰੁਪਏ ਕੱਢ ਲਏ ਗਏ।
ਥਾਣਾ ਸਿਟੀ-1 ਸੰਗਰੂਰ ਵਿਖੇ ਮਨਜੀਤ ਕੌਰ ਪਤਨੀ ਕਸ਼ਮੀਰ ਸਿੰਘ ਪਿੰਡ ਖੁਰਾਣਾ ਵੱਲੋਂ ਦਿੱਤੇ ਗਏ ਬਿਆਨਾਂ ਅਨੁਸਾਰ ਕਿ ਉਹ ਸੰਗਰੂਰ ਵਿਖੇ ਆਪਣੇ ਆਈ ਸੀ. ਆਈ. ਸੀ. ਆਈ. ਬੈਂਕ ਅਕਾਊਂਟ ’ਚੋਂ ਸੁਨਿਆਰੇ ਨੂੰ ਦੇਣ ਲਈ 1 ਲੱਖ ਰੁਪਏ ਕੱਢਵਾ ਕੇ ਲਿਆਏ ਸਨ ਅਤੇ ਉਸਨੇ ਇਹ ਰੁਪਏ ਆਪਣੇ ਪਰਸ ’ਚ ਪਾ ਕੇ ਭਿੰਡਰ ਮੈਡੀਕਲ ਸਟੋਰ ਸੰਗਰੂਰ ’ਤੇ ਦਵਾਈ ਲੈਣ ਲਈ ਰੁਕੀ ਅਤੇ ਜਦੋਂ ਉਸਨੇ ਦਵਾਈ ਦੇ ਪੈਸੇ ਦੇਣ ਲਈ ਆਪਣਾ ਪਰਸ ਖੋਲ੍ਹਿਆ ਤਾਂ ਉਸ ’ਚੋਂ ਇਕ ਲੱਖ ਰੁਪਏ ਚੋਰੀ ਹੋ ਚੁੱਕੇ ਸਨ।
ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ ਦੇ 15 ਜ਼ਿਲ੍ਹਿਆਂ ਲਈ ਅਲਰਟ ਜਾਰੀ, ਘਰੋਂ ਨਿਕਲਣ ਤੋਂ ਪਹਿਲਾਂ ਪੜ੍ਹ ਲਓ ਇਹ ਖ਼ਬਰ
ਉਸਨੇ ਦੱਸਿਆ ਕਿ ਦੁਕਾਨ ਦੇ ਕੈਮਰੇ ਚੈੱਕ ਕਰਨ ’ਤੇ ਪਤਾ ਲੱਗਿਆ ਕਿ ਦੋ ਨਾਮਲੂਮ ਔਰਤਾਂ ਨੇ ਹੁਸ਼ਿਆਰੀ ਨਾਲ ਉਸਦੇ ਪਰਸ ’ਚੋਂ ਇਕ ਲੱਖ ਰੁਪਏ ਚੋਰੀ ਕਰ ਲਏ ਹਨ। ਇਸ ਸਬੰਧੀ ਇਕ ਵੀਡੀਓ ਵੀ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ ਜਿਸ ’ਚ ਦੋ ਔਰਤਾਂ ਮੈਡੀਕਲ ਸਟੋਰ ਤੋਂ ਇਕ ਔਰਤ ਦੇ ਪਾਰਸ ਨਾਲ ਛੇੜਛਾੜ ਕਰਦੀਆਂ ਦਿਖਾਈ ਦੇ ਰਹੀਆਂ ਹਨ। ਇਸ ਸਬੰਧੀ ਥਾਣਾ ਸਿਟੀ-1 ਸੰਗਰੂਰ ਵਿਖੇ ਮੁਕੱਦਮਾ ਦਰਜ ਕਰ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨਵੀਂ ਸਿੱਖਿਆ ਕ੍ਰਾਂਤੀ ਵੱਲ ਪੰਜਾਬ ਸਰਕਾਰ ਦੀ ਪਹਿਲਕਦਮੀ
NEXT STORY 
