ਮੁਕੇਰੀਆਂ (ਵੈੱਬ ਡੈਸਕ, ਨਾਗਲਾ)- ਮੁਕੇਰੀਆਂ ਨਗਰ ਕੌਂਸਲ ਦੀਆਂ ਚੋਣਾਂ ਦੇ ਨਤੀਜਿਆਂ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ। ਨਗਰ ਕੌਂਸਲ ਚੋਣਾਂ ਦੌਰਾਨ ਮੁਕੇਰੀਆਂ ’ਚ ਕਿਸੇ ਵੀ ਰਾਜਨੀਤਿਕ ਪਾਰਟੀ ਨੂੰ ਬਹੁਮਤ ਨਾ ਮਿਲਣ ਕਾਰਨ, ਪ੍ਰਧਾਨ ਦੇ ਅਹੁਦੇ ਲਈ ਖਿਚੜੀ ਪੱਕਣ ਦੀ ਸੰਭਾਵਨਾ ਹੈ। ਰਿਟਰਨਿੰਗ ਅਫ਼ਸਰ ਕਮ ਐੱਸ. ਡੀ. ਐੱਮ. ਮੁਕੇਰੀਆਂ, ਜਯੋਤਸਨਾ ਸਿੰਘ ਨੇ ਦੱਸਿਆ ਕਿ ਮੁਕੇਰੀਆਂ ’ਚ ਨਗਰ ਕੌਂਸਲ ਚੋਣਾਂ ਦੌਰਾਨ ਭਾਜਪਾ ਨੇ ਸੱਤ ਸੀਟਾਂ, ਕਾਂਗਰਸ ਨੇ ਛੇ ਅਤੇ ਇਕ ’ਤੇ ਆਜ਼ਾਦ ਉਮੀਦਵਾਰ ਨੇ ਜਿੱਤ ਪ੍ਰਾਪਤ ਕੀਤੀ। ਉਨ੍ਹਾਂ ਦੱਸਿਆ ਕਿ ਵਾਰਡ ਨੰਬਰ 1 ’ਚ ਕਾਂਗਰਸ ਦੀ ਮਮਤਾ ਦੇਵੀ ਨੂੰ 403 ਵੋਟਾਂ ਮਿਲੀਆਂ। ਵਾਰਡ ਨੰਬਰ 2 ’ਚ ਕਾਂਗਰਸ ਦੇ ਸਤਨਾਮ ਸਿੰਘ ਨੂੰ 407 ਵੋਟਾਂ ਮਿਲੀਆਂ ਅਤੇ ਭਾਜਪਾ ਦੇ ਪਵਨ ਕੁਮਾਰ ਨੂੰ 397 ਵੋਟਾਂ ਮਿਲੀਆਂ।
ਵਾਰਡ ਨੰਬਰ 3 ’ਚ ਕਾਂਗਰਸ ਉਮੀਦਵਾਰ ਰਾਧਿਕਾ ਗੁਪਤਾ ਨੇ 864 ਵੋਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ। ਵਾਰਡ ਨੰਬਰ 4 ’ਚ ਨੀਰਜ ਸਾਹਨੀ ਨੇ 691 ਵੋਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ, ਜਦੋਂਕਿ ਕਾਂਗਰਸ ਦੇ ਰਣਜੋਧ ਸਿੰਘ ਨੂੰ 297 ਵੋਟਾਂ ਮਿਲੀਆਂ। ਵਾਰਡ ਨੰਬਰ 5 ’ਚ ਭਾਜਪਾ ਦੀ ਰਾਜੇਸ਼ ਜੈਨ ਨੇ 773 ਵੋਟਾਂ ਨਾਲ ਜਿੱਤ ਦਰਜ ਕੀਤੀ। ਵਾਰਡ ਨੰਬਰ 6 ’ਚ, ਭਾਜਪਾ ਉਮੀਦਵਾਰ ਅਨੂਪ ਭੱਟੀ ਨੂੰ 671 ਵੋਟਾਂ ਮਿਲੀਆਂ, ਜਦਕਿ ਕਾਂਗਰਸ ਉਮੀਦਵਾਰ ਵਿਨੋਦ ਕੁਮਾਰ ਨੂੰ 248 ਵੋਟਾਂ ਮਿਲੀਆਂ। ਵਾਰਡ ਨੰਬਰ 7 ’ਚ, ਭਾਜਪਾ ਦੀ ਜੋਤੀ ਸ਼ਰਮਾ ਨੂੰ 614 ਵੋਟਾਂ ਮਿਲੀਆਂ, ਅਤੇ ਕਾਂਗਰਸ ਦੀ ਸੰਜਨਾ ਨੂੰ 257 ਵੋਟਾਂ ਮਿਲੀਆਂ। ਇਸੇ ਤਰ੍ਹਾਂ ਵਾਰਡ ਨੰਬਰ 8 ’ਚ ਸੁਭਾਸ਼ ਚੰਦਰ ਨੇ ਕਾਂਗਰਸ ਦੇ ਵਿਨੋਦ ਕੁਮਾਰ ਸਾਬੀ ਨੂੰ ਸਿਰਫ਼ ਇਕ ਵੋਟ ਨਾਲ ਹਰਾਇਆ। ਸੁਭਾਸ਼ ਚੰਦਰ ਨੂੰ 535 ਵੋਟਾਂ ਮਿਲੀਆਂ। ਵਾਰਡ ਨੰਬਰ 9 ’ਚ ਭਾਜਪਾ ਦੀ ਮਧੂਮਿਤਾ ਨੇ 482 ਵੋਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ, ਜਦੋਂਕਿ ਕਾਂਗਰਸ ਦੀ ਕਿਰਨ ਅਰੋੜਾ ਨੂੰ 394 ਵੋਟਾਂ ਮਿਲੀਆਂ। ਵਾਰਡ ਨੰਬਰ 10 ’ਚ ਭਾਜਪਾ ਦੇ ਰਮਨ ਡੋਗਰਾ ਨੂੰ 503 ਵੋਟਾਂ ਮਿਲੀਆਂ, ਜਦੋਂ ਕਿ ਕਾਂਗਰਸ ਦੇ ਰਾਮ ਕੁਮਾਰ ਨੂੰ 402 ਵੋਟਾਂ ਮਿਲੀਆਂ।
ਇਹ ਵੀ ਪੜ੍ਹੋ: ਕਪੂਰਥਲਾ ਨਗਰ ਨਿਗਮ ਚੋਣਾਂ ਦੇ ਨਤੀਜੇ: ਹੁਣ ਤੱਕ 28 ਵਾਰਡਾਂ 'ਚ ਕਾਂਗਰਸ ਦੀ ਜਿੱਤ
ਇਹ ਵੀ ਪੜ੍ਹੋ: ਪੰਜਾਬ 'ਚ ਅਗਲੇ 48 ਘੰਟੇ ਅਹਿਮ! ਹਨ੍ਹੇਰੀ-ਤੂਫ਼ਾਨ ਨਾਲ ਪਵੇਗਾ ਭਾਰੀ ਮੀਂਹ! ਇਨ੍ਹਾਂ ਜ਼ਿਲ੍ਹਿਆਂ 'ਚ Red Alert
ਇਸੇ ਤਰ੍ਹਾਂ ਵਾਰਡ ਨੰਬਰ 11 ’ਚ ਕਾਂਗਰਸ ਦੀ ਪੂਨਮ ਰੱਤੂ ਨੇ 450 ਵੋਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ। ਵਾਰਡ ਨੰ. 12 ’ਚ, ਕਾਂਗਰਸ ਦੇ ਸ਼ੇਰ ਸਿੰਘ ਨੂੰ 625 ਵੋਟਾਂ ਮਿਲੀਆਂ, ਜਦੋਂਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਗੁਰਜਿੰਦਰ ਸਿੰਘ ਨੂੰ ਸਿਰਫ਼ 259 ਵੋਟਾਂ ਮਿਲੀਆਂ। ਵਾਰਡ ਨੰ. 13 ’ਚ, ਕਾਂਗਰਸ ਦੀ ਰਮਨ ਰਾਣੀ ਨੂੰ 533 ਵੋਟਾਂ ਮਿਲੀਆਂ, ਬਸਪਾ ਦੀ ਲਕਸ਼ਮੀ ਦੇਵੀ ਨੂੰ 7 ਵੋਟਾਂ ਮਿਲੀਆਂ। ਵਾਰਡ ਨੰ. 14 ’ਚ ਆਜ਼ਾਦ ਉਮੀਦਵਾਰ ਸਰਜੀਤ ਕੌਰ ਨੇ 312 ਵੋਟਾਂ ਨਾਲ ਜਿੱਤ ਪ੍ਰਾਪਤ ਕੀਤੀ, ਜਦਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਮਲਕੀਤ ਸਿੰਘ ਨੂੰ ਸਿਰਫ਼ 26 ਵੋਟਾਂ ਮਿਲੀਆਂ। ਵਾਰਡ ਨੰ. 15 ’ਚ, ਕਾਂਗਰਸ ਦੇ ਵਿਨੋਦ ਕੁਮਾਰ ਨੇ 549 ਵੋਟਾਂ ਪ੍ਰਾਪਤ ਕੀਤੀਆਂ ਆਪਣੇ ਨਜ਼ਦੀਕੀ ਵਿਰੋਧੀ ਨੂੰ 41 ਵੋਟਾਂ ਨਾਲ ਹਰਾਇਆ। ਵੋਟਾਂ ਦੀ ਗਿਣਤੀ ਤੋਂ ਬਾਅਦ, ਰਿਟਰਨਿੰਗ ਅਫ਼ਸਰ-ਕਮ-ਐੱਸ ਡੀ. ਐੱਮ. ਮੁਕੇਰੀਆਂ, ਜਯੋਤਸਨਾ ਸਿੰਘ ਨੇ ਸਾਰੇ ਜੇਤੂ ਉਮੀਦਵਾਰਾਂ ਨੂੰ ਸਰਟੀਫਿਕੇਟ ਦੇ ਕੇ ਸਨਮਾਨਿਤ ਕੀਤਾ।
ਇਥੇ ਇਹ ਵੀ ਦੱਸ ਦੇਈਏ ਕਿ ਮੁਕੇਰੀਆਂ ਸੀਟ ਭਾਜਪਾ ਦਾ ਗੜ੍ਹ ਰਹੀ ਹੈ। ਹਾਲ ਹੀ ਵਿਚ ਇਹ ਸੀਟ ਚੋਣ ਪ੍ਰਚਾਰ ਦੌਰਾਨ ਅਕਾਲੀ-ਭਾਜਪਾ ਦੇ ਗਠਜੋੜ ਨੂੰ ਲੈ ਕੇ ਕਾਫ਼ੀ ਚਰਚਾ ਵਿਚਾਲੇ ਰਹੀ ਸੀ। ਇਥੇ ਚੋਣ ਪ੍ਰਚਾਰ ਦੌਰਾਨ ਭਾਜਪਾ ਦੇ ਸੀਨੀਅਰ ਆਗੂ ਜੰਗੀ ਲਾਲ ਮਹਾਜਨ ਅਕਾਲੀ ਦਲ ਲਈ ਵੋਟਾਂ ਮੰਗਦੇ ਨਜ਼ਰ ਆਏ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਸ੍ਰੀ ਮੁਕਤਸਰ ਨਗਰ ਕੌਂਸਲ ਚੋਣਾਂ : 16 ਵਿੱਚੋਂ 13 ਸੀਟਾਂ 'ਤੇ ਨਤੀਜਿਆਂ ਦਾ ਐਲਾਨ
NEXT STORY 
