ਲੁਧਿਆਣਾ (ਸਲੂਜਾ) : ਪਹਿਲਾਂ ਪਰਾਲੀ ਅਤੇ ਹੁਣ ਦੀਵਾਲੀ 'ਤੇ ਲੁਧਿਆਣਾ 'ਚ ਦੇਰ ਰਾਤ ਤੱਕ ਚੱਲੇ ਪਟਾਕਿਆਂ ਕਾਰਨ ਵਾਤਾਵਰਣ ਇਸ ਹੱਦ ਤੱਕ ਦੂਸ਼ਿਤ ਹੋ ਗਿਆ ਕਿ ਏਅਰ ਕੁਆਲਿਟੀ ਇੰਡੈਕਸ (ਏ. ਕਿਊ. ਆਈ.) 354 'ਤੇ ਪੁੱਜ ਗਿਆ, ਜੋ ਕਿ ਮਨੁੱਖ ਅਤੇ ਜਾਨਵਰ ਕੈਟਾਗਰੀ ਲਈ ਬਹੁਤ ਬੁਰੀ ਸ਼੍ਰੇਣੀ ਵਿਚ ਸਟੈਂਡ ਕਰਦਾ ਹੈ। ਗਡਵਾਸੂ ਯੂਨੀਵਰਸਿਟੀ ਦੇ ਵਿਗਿਆਨੀਆਂ ਨੇ Îਇਕਦਮ ਏਅਰ ਕੁਆਲਿਟੀ ਦਾ ਪੱਧਰ ਨੀਵਾਂ ਹੋਣ 'ਤੇ ਚਿੰਤਾ ਦਾ ਇਜ਼ਹਾਰ ਕਰਦਿਆਂ ਇਹ ਵੀ ਸੰਭਾਵਨਾ ਜਤਾਈ ਕਿ ਸਮਾਗ ਦਾ ਖਤਰਾ ਵਧ ਗਿਆ ਹੈ। ਇਸ 'ਚ ਤੁਹਾਨੂੰ ਦਿਨ ਦਾ ਅਹਿਸਾਸ ਨਹੀਂ ਹੋਵੇਗਾ, ਸਗੋਂ ਹਰ ਸਮੇਂ ਦੂਸ਼ਿਤ ਵਾਤਾਵਰਣ ਕਾਰਨ ਦਿਨ-ਰਾਤ 'ਚ ਤਬਦੀਲ ਹੁੰਦਾ ਨਜ਼ਰ ਆਵੇਗਾ। ਇਸ ਤਰ੍ਹਾਂ ਹਾਲਾਤ ਅੱਜ ਤੋਂ ਕੁਝ ਸਾਲ ਪਹਿਲਾਂ ਵੀ ਪਰਾਲੀ ਸਾੜਨ ਕਰ ਕੇ ਪੈਦਾ ਹੋਏ ਸਨ। ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਹਵਾ ਵਿਚ ਭਾਰੀ ਧੂੜ ਅਸਮਾਨ 'ਤੇ ਜੰਮੀ ਹੋਈ ਨਜ਼ਰ ਆਉਂਦੀ ਹੈ। ਜੇਕਰ ਅਸੀਂ ਲੁਧਿਆਣਾ ਦੀ ਗੱਲ ਕਰੀਏ ਤਾਂ ਸਥਾਨਕ ਨਗਰ ਦੇ ਚਾਰੇ ਪਾਸੇ ਪਟਾਕਿਆਂ ਦੇ ਧੂੰਏਂ ਕਰ ਕੇ ਇਕ ਲਹਿਰ ਦਿਖਾਈ ਦੇ ਰਹੀ ਸੀ, ਜਿਸ ਨੇ ਲੁਧਿਆਣਾ ਵਾਸੀਆਂ ਦੇ ਸਾਹ ਰੋਕ ਕੇ ਰੱਖ ਦਿੱਤੇ। ਹਰ ਕਿਸੇ ਦੇ ਲਈ ਸਾਹ ਲੈਣਾ ਮੁਸ਼ਕਲ ਹੋ ਗਿਆ। ਸੜਕਾਂ 'ਤੇ ਨਿਕਲਦੇ ਸਮੇਂ ਲੋਕ ਅੱਖਾਂ ਵਿਚ ਜਲਨ ਹੋਣ ਕਾਰਨ ਆਪਣੀਆਂ ਅੱਖਾਂ ਵਾਰ-ਵਾਰ ਮਲਦੇ ਦੇਖੇ ਗਏ ਅਤੇ ਕਈ ਵਾਰ ਖੰਘਦੇ ਹੋਏ ਨਜ਼ਰ ਆਏ।
ਦੁਨੀਆ ਦੇ 100 ਪ੍ਰਦੂਸ਼ਿਤ ਸ਼ਹਿਰਾਂ 'ਚ ਸ਼ਾਮਲ ਹੈ 'ਲੁਧਿਆਣਾ'
ਵਿਸ਼ਵ ਹੈਲਥ ਆਰਗੇਨਾਈਜ਼ੇਸ਼ਨ ਵੱਲੋਂ ਜੋ 100 ਪ੍ਰਦੂਸ਼ਿਤ ਸ਼ਹਿਰਾਂ ਦੀ ਇਕ ਲਿਸਟ ਜਾਰੀ ਕੀਤੀ ਗਈ ਹੈ, ਉਸ ਵਿਚ ਪੰਜਾਬ ਦੀ ਉਦਯੋਗਿਕ ਰਾਜਧਾਨੀ ਲੁਧਿਆਣਾ ਦਾ ਨਾਂ ਵੀ ਸ਼ਾਮਲ ਹੈ। ਇਸ ਦਾ ਕਾਰਣ ਲੁਧਿਆਣਾ ਵਿਚ ਖੇਤੀ, ਸਾਈਕਲਿੰਗ ਅਤੇ ਆਟੋ ਪਾਰਟਸ ਇੰਡਸਟਰੀ ਅਤੇ ਕੁਝ ਇਲਾਕਿਆਂ ਵਿਚ ਘਰਾਂ ਵਿਚ ਇੰਡਸਟਰੀ ਦੇ ਚੱਲ ਰਹੇ ਛੋਟੇ ਯੂਨਿਟਾਂ ਤੋਂ ਇਲਾਵਾ ਆਟੋ ਰਿਕਸ਼ਾ ਵੱਲੋਂ ਫੈਲਾਇਆ ਜਾ ਰਿਹਾ ਪ੍ਰਦੂਸ਼ਣ ਵੀ ਸ਼ਾਮਲ ਹੈ।
ਕਿਸ ਹੱਦ ਤੱਕ ਹਵਾ ਦੀ ਕੁਆਲਿਟੀ ਰਹਿੰਦੀ ਹੈ ਚੰਗੀ
ਡਾ. ਸੰਦੀਪ ਚੌਹਾਨ ਨੇ ਦੱਸਿਆ ਕਿ ਜਦੋਂ ਜਦੋਂ ਵੀ ਪਰਾਲੀ ਸਾੜਨ ਅਤੇ ਦੀਵਾਲੀ 'ਤੇ ਪਟਾਕੇ ਚਲਾਉਣ 'ਤੇ ਪ੍ਰਦੂਸ਼ਣ ਵਧਦਾ ਹੈ ਤਾਂ ਸਭ ਤੋਂ ਜ਼ਿਆਦਾ ਸਮੱਸਿਆ ਜੋ ਮਨੁੱਖ ਨੂੰ ਆਉਂਦੀ ਹੈ, ਉਹ ਸਾਹ ਲੈਣ ਵਿਚ ਆਉਂਦੀ ਹੈ। ਅੱਖਾਂ ਵਿਚ ਜਲਨ ਹੁਣ ਲਗਦੀ ਹੈ। ਕਈ ਤਾਂ ਗਲੇ ਦੇ ਰੋਗ ਤੋਂ ਗ੍ਰਸਤ ਹੋ ਜਾਂਦੇ ਹਨ ਅਤੇ ਖਾਂਸੀ ਲਗਾਤਾਰ ਆਉਣ ਲਗਦੀ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਅਸੀਂ ਸਾਰਿਆਂ ਨੇ ਆਪਣਾ ਭਵਿੱਖ ਸੁਰੱਖਿਅਤ ਰੱਖਣਾ ਹੈ ਤਾਂ ਪਰਾਲੀ ਨੂੰ ਸਾੜਨ ਅਤੇ ਪਟਾਕੇ ਚਲਾਉਣ ਤੋਂ ਬਾਜ਼ ਆਉਣਾ ਹੋਵੇਗਾ। ਛੋਟੇ ਬੱਚਿਆਂ ਨੂੰ ਪ੍ਰਦੂਸ਼ਿਤ ਵਾਤਾਵਰਣ ਦੇ ਵਿਚ ਘਰ ਤੋਂ ਬਾਹਰ ਨਾ ਨਿਕਲਣ ਦੇਣ। ਜੇਕਰ ਤੁਸੀਂ ਘਰੋਂ ਕਿਸੇ ਕੰਮ ਦੇ ਸਿਲਸਿਲੇ ਵਿਚ ਜਾਣਾ ਹੈ ਤਾਂ ਮਾਸਕ ਪਹਿਨ ਕੇ ਨਿਕਲੋ। ਇਸ ਨਾਲ ਤੁਸੀਂ ਕਾਫੀ ਹੱਦ ਤੱਕ ਸੁਰੱਖਿਅਤ ਰਹਿ ਸਕੋਗੇ।
ਪਟਾਕੇ ਚਲਾ ਹੁੜਦੰਗ ਮਚਾਉਣ ਵਾਲੇ ਨੌਜਵਾਨਾਂ ਨੇ ਕੁੱਟਿਆ ਹੌਲਦਾਰ, ਮਾਮਲਾ ਦਰਜ
NEXT STORY 
