ਜਲੰਧਰ (ਵੈੱਬ ਡੈਸਕ)— ਲੋਕਸਭਾ ਤੋਂ ਪਾਸ ਹੋਣ ਤੋਂ ਬਾਅਦ ਤਲਾਕ ਬਿੱਲ ਅੱਜ ਰਾਜਸਭਾ 'ਚ ਪੇਸ਼ ਹੋਵੇਗਾ। ਭਾਰਤੀ ਜਨਤਾ ਪਾਰਟੀ (ਬੀ.ਜੇ.ਪੀ) ਨੇ ਇਸ ਨੂੰ ਲੈ ਕੇ ਆਪਣੇ ਸੰਸਦਾਂ ਨੂੰ ਵਹਿਪ ਜਾਰੀ ਕੀਤਾ ਹੈ। ਰਾਜਸਭਾ 'ਚ ਤਿੰਨ ਤਲਾਕ ਬਿੱਲ ਨੂੰ ਪਾਸ ਕਰਵਾਉਣ ਲਈ ਮੋਦੀ ਸਰਕਾਰ ਗੈਰ ਐੱਨ.ਡੀ.ਏ. ਗੈਰ-ਯੂ.ਪੀ.ਏ. ਪਾਰਟੀਆਂ 'ਤੇ ਨਿਰਭਰ ਰਹੇਗੀ।
ਸਰਕਾਰ ਆਨਰ ਕਿਲਿੰਗ ਖਿਲਾਫ ਬਣਾਏਗੀ ਕਾਨੂੰਨ, ਅੱਜ ਵਿਧਾਨਸਭਾ 'ਚ ਪੇਸ਼ ਹੋਵੇਗਾ ਬਿੱਲ
ਰਾਜਸਥਾਨ ਸਰਕਾਰ ਆਨਰ ਕਿਲਿੰਗ ਖਿਲਾਫ ਅਲੱਗ ਤੋਂ ਸਖਤ ਕਾਨੂੰਨ ਬਣਾਉਣ ਜਾ ਰਹੀ ਹੈ। ਰਾਜਸਥਾਨ ਸਰਕਾਰ ਕੈਬਨਿਟ ਨੇ ਅੱਜ (29 ਜੁਲਾਈ) ਆਨਰ ਕਿਲਿੰਗ ਨਿਵਾਰਣ ਬਿੱਲ ਨੂੰ ਹਰੀ ਝੰਡੀ ਦੇ ਦਿੱਤੀ। ਅੱਜ ਵਿਧਾਨਸਭਾ ਸ਼ੁਰੂ ਹੋਣ ਤੋਂ ਪਹਿਲਾਂ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਆਪਣੇ ਕੈਬਨਿਟ ਦੀ ਬੈਠਕ ਜੁਲਾਈ ਅਤੇ ਉਸ 'ਚ ਆਨਰ ਕਿਲਿੰਗ ਨੂੰ ਰੋਕਣ ਲਈ ਬਣਾਏ ਗਏ ਬਿੱਲ ਨੂੰ ਕੈਬਨਿਟ ਤੋਂ ਪਾਸ ਕਰਵਾਇਆ।
ਅੱਜ ਇਸ ਬਿੱਲ ਨੂੰ ਰਾਜਸਥਾਨ ਵਿਧਾਨ ਸਭਾ 'ਚ ਰੱਖਿਆ ਜਾਵੇਗਾ। ਇਸ ਤੋਂ ਇਲਾਵਾ ਉਮੀਦ ਕੀਤੀ ਜਾ ਰਹੀ ਹੈ ਕਿ ਅੱਜ ਹੀ ਵਿਧਾਨ ਸਭਾ 'ਚ ਮਾਬ ਲਿੰਚਿੰਗ ਖਿਲਾਫ ਵੀ ਬਿੱਲ ਪੇਸ਼ ਕੀਤਾ ਜਾਵੇਗਾ।
ਅਕਾਲੀ ਦਲ ਇਜਲਾਸ ਵਧਾਉਣ ਲਈ ਅੱਜ ਸਪੀਕਰ ਨੂੰ ਸੌਂਪੇਗਾ ਮੰਗ ਪੱਤਰ
ਸ਼੍ਰੋਮਣੀ ਅਕਾਲੀ ਦਲ ਨੇ ਸੂਬੇ ਦੀ ਭਲਾਈ ਨਾਲ ਜੁੜੇ ਵੱਡੇ ਮੁੱਦਿਆਂ ਉੱਤੇ ਚਰਚਾ ਕਰਨ ਲਈ ਵਿਧਾਨ ਸਭਾ ਦੇ ਇਜਲਾਸ ਵਿਚ ਤੁਰੰਤ ਵਾਧਾ ਕਰਨ ਦੀ ਮੰਗ ਕੀਤੀ ਹੈ। ਇਸ ਬਾਰੇ ਸੀਨੀਅਰ ਅਕਾਲੀ ਲੀਡਰ ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਅਕਾਲੀ ਦਲ ਇਸ ਸਬੰਧ 'ਚ ਵਿਧਾਨ ਸਭਾ ਦੇ ਸਪੀਕਰ ਨੂੰ ਕੱਲ ਇਕ ਮੰਗ ਪੱਤਰ ਸੌਂਪੇਗਾ। ਇਸ ਸਬੰਧ 'ਚ ਫੈਸਲਾ ਪਾਰਟੀ ਵਿਧਾਇਕਾਂ ਵੱਲੋਂ ਇਕ ਮੀਟਿੰਗ ਦੌਰਾਨ ਲਿਆ ਗਿਆ।
ਚੀਨ ਵਿਚਕਾਰ ਮੰਗਲਵਾਰ ਤੋਂ ਸ਼ੁਰੂ ਹੋਵੇਗੀ ਵਪਾਰ ਵਾਰਤਾ
ਵਪਾਰ ਨੂੰ ਲੈ ਕੇ ਵਿਵਾਦਤ ਮੁੱਦੇ ਖਤਮ ਕਰਨ ਲਈ ਚੀਨ ਤੇ ਅਮਰੀਕਾ ਵਿਚਕਾਰ ਦੁਬਾਰਾ ਗੱਲਬਾਤ ਮੰਗਲਵਾਰ ਤੋਂ ਫਿਰ ਸ਼ੁਰੂ ਹੋਣ ਜਾ ਰਹੀ ਹੈ। ਤਕਰੀਬਨ ਦੋ ਮਹੀਨਾ ਪਹਿਲਾਂ ਦੋਹਾਂ 'ਚ ਗੱਲਾਬਤ ਪੂਰੀ ਨਹੀਂ ਹੋ ਸਕੀ ਸੀ। ਮਈ 'ਚ ਦੋਹਾਂ ਵਿਚਕਾਰ ਚੱਲੀ ਗੱਲਬਾਤ ਫੇਲ੍ਹ ਰਹੀ ਸੀ।
ਖੇਡ
ਅੱਜ ਹੋਣ ਵਾਲੇ ਮੁਕਾਬਲੇ
ਰੇਸਿੰਗ : ਐੱਫ. ਆਈ. ਏ. 1 ਵਿਸ਼ਵ ਚੈਂਪੀਅਨਸ਼ਿਪ-2019
ਕਬੱਡੀ : ਕੇ.ਬੀ.ਡੀ. ਜੂਨੀਅਰਸ ਕੁਆਲੀਫਾਇਰ-2019
ਕ੍ਰਿਕਟ : ਤਾਮਿਲਨਾਡੂ ਪ੍ਰੀਮੀਅਰ ਲੀਗ-2019
6 ਧੀਆਂ ਦੇ ਪਿਓ ਨੇ ਕੀਤਾ ਪਤਨੀ ਦਾ ਬੇਰਹਿਮੀ ਨਾਲ ਕਤਲ
NEXT STORY 
