ਬਰਨਾਲਾ (ਵਿਵੇਕ ਸਿੰਧਵਾਨੀ, ਰਵੀ)— 'ਮੇਰੀ ਗੁਸਤਾਖ਼ੀਓਂ ਕੋ ਮੁਆਫ਼ ਕਰਨਾ.., ਬਿਨ ਤੁਮਹਾਰੀ ਇਜਾਜ਼ਤ ਤੁਮੇ ਯਾਦ ਕਰਤੇ ਹੈਂ ' ਬੀਤੇ ਇਕ ਸਾਲ ਤੋਂ ਦਿਲ ਹੀ ਦਿਲ, ਮਨ ਹੀ ਮਨ 'ਚ ਕਿਸੇ ਨੂੰ ਆਪਣਾ ਬਣਾਉਣ ਦੀ ਚਾਹਤ ਪਾਲ ਰਹੀ ਨੌਜਵਾਨ ਧੜਕਣ ਹੁਣ ਪ੍ਰੇਮ ਪ੍ਰੀਖਿਆ ਦੇਣ ਦੀ ਤਿਆਰੀ ਕਰ ਰਹੀ ਹੈ। ਤਿਆਰੀਆਂ ਲਈ ਦਿਲਾਂ 'ਚ ਉਧੇੜ ਬੁਣਨ ਚੱਲ ਰਹੀ ਹੈ। ਦਿਲ ਹੀ ਦਿਲ 'ਚ ਆਪਣੇ ਆਪ ਨਾਲ ਗੱਲਾਂ ਹੋ ਰਹੀਆਂ ਹਨ ਕਿ ਕਿਸ ਤਰ੍ਹਾਂ ਆਪਣੇ ਪਿਆਰ ਦਾ ਇਜ਼ਹਾਰ ਕਰਨਾ ਹੈ, ਵਿਚ-ਵਿਚ ਇਹ ਖਿਆਲ ਆ ਰਿਹਾ ਹੈ ਕਿ ਅਜਿਹਾ ਕੁਝ ਨਹੀਂ ਕਰਨਾ, ਜਿਸ ਨਾਲ ਉਸ ਨੂੰ ਬੁਰਾ ਲੱਗੇ। ਮੂਡ ਅਤੇ ਵਕਤ ਦਾ ਤਾਲਮੇਲ ਰੱਖਣਾ ਹੈ। ਦਿਲ ਦੀ ਗੱਲ ਦਿਲ ਤੱਕ ਪਹੁੰਚਾਉਣ ਦਾ ਨਵਾਂ ਤਰੀਕਾ ਖੋਜ ਰਹੇ ਪ੍ਰੇਮ ਪ੍ਰੀਖਿਆਰਥੀ ਕਿਸੇ ਵੀ ਤਰ੍ਹਾਂ ਦੀ ਕੋਈ ਕਮੀ ਨਹੀਂ ਛੱਡਣਾ ਚਾਹੁੰਦੇ। ਦੱਸ ਦੇਈਏ ਕਿ ਆਪਣੇ ਹਰਦਿਲ ਅਜ਼ੀਜ਼ ਦੋਸਤ ਨੂੰ ਇਹ ਪ੍ਰਪੋਜ਼ਲ ਦੇਣ ਦੀ ਪ੍ਰੀਖਿਆ ਸਿਰ 'ਤੇ ਆ ਚੁੱਕੀ ਹੈ। ਜੀ ਹਾਂ ਗੱਲ ਕਰ ਰਹੇ ਹਾਂ ਵੈਲੇਨਟਾਈਨ ਵੀਕ ਦੀ। 14 ਫਰਵਰੀ ਵੈਲੇਨਟਾਈਨ ਦਾ ਨਾਂ ਆਉਂਦੇ ਹੀ ਨੌਜਵਾਨ ਧੜਕਣਾਂ ਦੀ ਹਾਰਟਬੀਟ ਜ਼ੋਰ ਨਾਲ ਧੜਕਣਾ ਸ਼ੁਰੂ ਕਰ ਦਿੰਦੀ ਹੈ। ਹੋਵੇ ਵੀ ਕਿਉਂ ਨਾ, ਪਿਆਰ ਦਾ ਅਹਿਸਾਸ ਜਿੰਨਾ ਪਿਆਰਾ ਹੁੰਦਾ ਹੈ, ਉਸ ਨੂੰ ਗੁਆ ਦੇਣ ਦਾ ਖ਼ਤਰਾ ਹੋਰ ਵੀ ਗਹਿਰਾ ਹੁੰਦਾ ਹੈ। ਇਹ ਅਨੌਖੇ ਅਹਿਸਾਸ ਨੂੰ ਮਹਿਸੂਸ ਕਰਨ ਵਾਲੀਆਂ ਜ਼ਿੰਦਗੀਆਂ ਅੱਜ ਵੀ ਬੀਤੇ ਦਿਨਾਂ ਨੂੰ ਯਾਦ ਕਰ ਕੇ ਦਿਲਾਂ ਨੂੰ ਟਟੋਲਣਾ ਸ਼ੁਰੂ ਕਰਦੀਆਂ ਹਨ। ਫਿਲਹਾਲ ਵੈਲੇਨਟਾਈਨ ਡੇ ਦਾ ਅਹਿਸਾਸ ਨੌਜਵਾਨਾਂ ਨੂੰ ਆਪਣੇ ਆਗੋਸ਼ 'ਚ ਲੈਣ ਲਈ ਤਿਆਰ ਹੈ।
ਪੱਛਮੀ ਸੱਭਿਅਤਾ ਦੇ ਤਿਉਹਾਰ ਵੈਲੇਨਟਾਈਨ ਡੇ ਨੂੰ ਮਨਾਉਣ ਲਈ ਬਾਜ਼ਾਰ ਪੂਰੀ ਤਰ੍ਹਾਂ ਨਾਲ ਸਜੇ ਹੋਏ ਹਨ ਅਤੇ ਸਾਡੀ ਨੌਜਵਾਨ ਪੀੜ੍ਹੀ ਇਸ ਨੂੰ ਮਨਾਉਣ ਲਈ ਪੂਰੀ ਤਰ੍ਹਾਂ ਨਾਲ ਤਿਆਰ ਹੈ। ਇਸ ਦਿਨ ਨੂੰ ਲੈ ਕੇ ਵਿਰੋਧ 'ਚ ਸਵਾਲ ਉਠ ਰਹੇ ਹਨ। 'ਜਗ ਬਾਣੀ' ਨੇ ਪਰਿਚਰਚਾ ਦੇ ਮਾਧਿਅਮ ਨਾਲ ਵੈਲੇਨਟਾਈਨ ਡੇ ਨੂੰ ਮਨਾਉਣ ਸਬੰਧੀ ਲੋਕਾਂ ਦੇ ਵਿਚਾਰ ਜਾਣੇ, ਜਿਸ 'ਚ ਜ਼ਿਆਦਾਤਰ ਨੇ ਇਹੋ ਕਿਹਾ ਕਿ ਸਾਡੀ ਸੰਸਕ੍ਰਿਤੀ 'ਚ ਪ੍ਰੇਮ ਨੂੰ ਉਚੀ ਪ੍ਰੰਪਰਾ ਪਹਿਲਾਂ ਤੋਂ ਹੈ ਇਸ 'ਚ ਪੱਛਮੀ ਸੱਭਿਅਤਾ ਦੇ ਇਸ ਤਿਉਹਾਰ ਨੂੰ ਮਨਾਏ ਜਾਣਾ ਕੀ ਉਚਿਤ ਹੈ।
ਕੌਣ ਸਨ ਸੰਤ ਵੈਲੇਨਟਾਈਨ :
ਰੋਮ 'ਚ ਤੀਜੀ ਸ਼ਤਾਬਦੀ 'ਚ ਸਮਰਾਟ ਕਲਾਡੀਅਸ ਦਾ ਰਾਜ ਸੀ। ਉਸ ਅਨੁਸਾਰ ਵਿਆਹ ਕਰਨ ਨਾਲ ਪੁਰਸ਼ਾਂ ਦੀ ਸ਼ਕਤੀ ਅਤੇ ਬੁੱਧੀ ਘੱਟ ਹੁੰਦੀ ਹੈ। ਉਸ ਨੇ ਹੁਕਮ ਜਾਰੀ ਕੀਤਾ ਕਿ ਉਸ ਦਾ ਕੋਈ ਵੀ ਸੈਨਿਕ ਜਾਂ ਅਧਿਕਾਰੀ ਵਿਆਹ ਨਹੀਂ ਕਰੇਗਾ। ਸੰਤ ਵੈਲੇਨਟਾਈਨ ਨੇ ਇਸ ਆਦੇਸ਼ ਦਾ ਵਿਰੋਧ ਕੀਤਾ। ਉਨ੍ਹਾਂ ਅਨੁਸਾਰ ਅਨੇਕਾਂ ਸੈਨਿਕਾਂ ਅਤੇ ਅਧਿਕਾਰੀਆਂ ਨੇ ਵਿਆਹ ਕੀਤੇ। ਆਖਿਰ ਕਲਾਡੀਅਸ ਨੇ 14 ਫਰਵਰੀ ਸੰਨ 269 ਨੂੰ ਸੰਤ ਵੈਲੇਨਟਾਈਨ ਨੂੰ ਫਾਂਸੀ 'ਚ ਚੜ੍ਹਾ ਦਿੱਤਾ। ਉਨ੍ਹਾਂ ਦੀ ਯਾਦ 'ਚ ਪ੍ਰੇਮ ਦਿਵਸ ਵੈਲੇਨਟਾਈਨ ਦਿਵਸ ਜਾਂ ਸੰਤ ਵੈਲੇਨਟਾਈਨ ਵਜੋਂ ਮਨਾਇਆ ਜਾਣ ਲੱਗਾ।
ਪ੍ਰੇਮ ਪ੍ਰੀਖਿਆ ਦੀ ਡੇਟਸ਼ੀਟ :
- 7 ਫਰਵਰੀ ਰੋਜ਼ ਡੇ
- 8 ਫਰਵਰੀ ਪ੍ਰਪੋਜ਼ ਡੇ
- 9 ਫਰਵਰੀ ਚਾਕਲੇਟ ਡੇ
- 10 ਫਰਵਰੀ ਟੈਡੀ ਡੇ
- 11 ਫਰਵਰੀ ਪ੍ਰਾਮਿਸ ਡੇ
- 12 ਫਰਵਰੀ ਹਗ ਡੇ
- 13 ਫਰਵਰੀ ਕਿਸ ਡੇ
- 14 ਫਰਵਰੀ ਵੈਲੇਨਟਾਈਨ ਡੇ
ਹਰ ਇਕ ਰੰਗ ਦਾ ਗੁਲਾਬ ਕੁਝ ਕਹਿੰਦਾ ਹੈ :
ਖੁਸ਼ੀ ਅਤੇ ਪਿਆਰ ਦਾ ਇਜ਼ਹਾਰ ਕਰਨਾ ਹੋਵੇ ਤਾਂ ਫੁੱਲ ਵਰਗਾ ਤੋਹਫਾ ਨਾ ਹੋਵੇ ਅਜਿਹਾ ਭਲਾ ਕਿਵੇਂ ਹੋ ਸਕਦਾ ਹੈ। ਵੈਲੇਨਟਾਈਨ ਵੀਕ ਦੀ ਸ਼ੁਰੂਆਤ 7 ਫਰਵਰੀ ਨੂੰ ਰੋਜ਼ ਡੇ ਨਾਲ ਹੋ ਰਹੀ ਹੈ। ਵੈਸੇ ਤਾਂ ਲਾਲ ਗੁਲਾਬ ਨੂੰ ਪ੍ਰੇਮ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ ਪਰ ਰੋਜ਼ ਡੇ 'ਤੇ ਲਾਲ, ਪੀਲੇ, ਗੁਲਾਬੀ ਗੁਲਾਬਾਂ ਦਾ ਜਲਵਾ ਰਹਿੰਦਾ ਹੈ। ਪੀਲਾ ਗੁਲਾਬ ਦੋਸਤੀ ਦਾ ਪ੍ਰਤੀਕ ਹੈ। ਗੁਲਾਬੀ ਰੰਗ ਦਾ ਗੁਲਾਬ ਕਿਸੇ ਖਾਸ ਲਈ ਹੁੰਦਾ ਹੈ ਜਦੋਂਕਿ ਇਹ ਦੋਨੋਂ ਗੁਲਾਬ ਤੁਹਾਡੇ ਦਿਲ ਦੀ ਗੱਲ ਵੀ ਕਹਿ ਦਿੰਦੇ ਹਨ। ਲਾਲ ਗੁਲਾਬ ਦੇ ਕੇ ਦਿਲ ਦੀ ਗੱਲ ਬਿਆਨ ਕਰਨ ਸਮੇਂ ਸਾਹ ਅਟਕਿਆ ਰਹਿੰਦਾ ਹੈ ਪਰ ਪੀਲੇ ਅਤੇ ਗੁਲਾਬੀ ਰੰਗ ਦੇ ਗੁਲਾਬ ਇਸ ਡਰ ਨੂੰ ਖਤਮ ਕਰਦੇ ਹਨ।
ਆਪਣੀ ਸੱਭਿਅਤਾ ਨੂੰ ਧਿਆਨ 'ਚ ਰੱਖ ਕੇ ਮਨਾਓ ਵੈਲੇਨਟਾਈਨ ਡੇ :
ਵੈਲੇਨਟਾਈਨ ਡੇ ਸਬੰਧੀ ਸੁਮਿਤ ਬੰਦਲਿਸ਼ ਨਾਲ ਸੰਪਰਕ ਕਰਨ 'ਤੇ ਉਨ੍ਹਾਂ ਕਿਹਾ ਕਿ ਨੌਜਵਾਨ ਵਰਗ ਬਹੁਤ ਹੋਸ਼ੋ ਹਵਾਸ ਨਾਲ ਵੈਲੇਨਟਾਈਨ ਡੇ ਨੂੰ ਮਨਾਉਂਦਾ ਹੈ। ਅੱਜ ਤੋਂ ਕਈ ਸਾਲ ਪਹਿਲਾਂ ਵੀ ਸਾਡੇ ਦੇਸ਼ 'ਚ ਵੈਲੇਨਟਾਈਨ ਡੇ ਵਰਗਾ ਉਤਸਵ ਮਨਾਇਆ ਜਾਂਦਾ ਸੀ। ਇਹ ਉਤਸਵ ਬਸੰਤ ਰੁੱਤ 'ਚ ਮਨਾਇਆ ਜਾਂਦਾ ਸੀ। ਇਸ ਉਤਸਵ 'ਚ ਕੰਨਿਆ ਆਪਣੇ ਮਨ ਚਾਹੇ ਵਰ ਦੀ ਚੋਣ ਕਰਦੀ ਸੀ। ਇਹ ਸਵੰੰਬਰ ਦੀ ਤਰ੍ਹਾਂ ਹੁੰਦਾ ਸੀ। ਲੜਕੀ ਜਿਸ ਲੜਕੇ ਦੀ ਚੋਣ ਕਰਦੀ ਸੀ, ਉਹ ਆਪਣੇ ਮਾਤਾ-ਪਿਤਾ ਨੂੰ ਇਸ ਦੀ ਸੂਚਨਾ ਦਿੰਦੀ ਸੀ ਅਤੇ ਉਸ ਦੇ ਬਾਅਦ ਉਹ ਦੋਨੋਂ ਸ਼ਾਦੀ ਦੇ ਪਵਿੱਤਰ ਬੰਧਨ 'ਚ ਬੰਨ੍ਹੇ ਜਾਂਦੇ ਸਨ। ਅੱਜ ਅਸੀਂ ਜਿਸ ਵੈਲੇਨਟਾਈਨ ਡੇ ਨੂੰ ਜਾਣਦੇ ਹਾਂ, ਉਹ ਪੱਛਮੀ ਸੱਭਿਅਤਾ ਦੀ ਦੇਣ ਹੈ। ਸਾਨੂੰ ਆਪਣੀ ਸੱਭਿਅਤਾ ਨੂੰ ਧਿਆਨ 'ਚ ਰੱਖਦੇ ਹੋਏ ਇਸ ਦਿਨ ਨੂੰ ਮਨਾਉਣਾ ਚਾਹੀਦਾ ਹੈ।
ਪਿਆਰ ਦਾ ਇਜ਼ਹਾਰ ਕਰਨ ਸਮੇਂ ਕੀ ਕਰੋ ਕੀ ਨਾ ਕਰੋ :
ਐਕਸਾਈਟਡ ਨਾ ਹੋਵੋ : ਤੁਸੀਂ ਵੈਲੇਨਟਾਈਨ ਡੇ ਦਾ ਕਾਫ਼ੀ ਦਿਨਾਂ ਤੋਂ ਇੰਤਜ਼ਾਰ ਕਰ ਰਹੇ ਸੀ ਅਤੇ ਹੁਣ ਉਹ ਸਮਾਂ ਖਤਮ ਹੋਣ 'ਚ ਕੁਝ ਹੀ ਸਮਾਂ ਰਹਿ ਗਿਆ ਹੈ। ਤੁਸੀਂ ਬੇਹੱਦ ਬੇਚੈਨ, ਨਰਵਸ, ਉਤਾਵਲੇ ਅਤੇ ਐਕਸਾਈਟਡ ਹੋ ਤਾਂ ਸਭ ਤੋਂ ਪਹਿਲਾਂ ਤਾਂ ਨਾਰਮਲ ਹੋ ਜਾਵੋ, ਸੋਚੋ ਕਿ ਜੋ ਹੋਵੇਗਾ ਚੰਗਾ ਹੀ ਹੋਵੇਗਾ।
ਵਧੀਆ ਜਿਹਾ ਗਿਫਟ ਲਵੋ : ਤੁਸੀਂ ਵੈਲੇਨਟਾਈਨ ਡੇ ਲਈ ਆਪਣੇ ਪਾਰਟਨਰ ਲਈ ਇਕ ਵਧੀਆ ਜਿਹਾ ਗਿਫਟ ਲਵੋ। ਸਿਰਫ ਰੈੱਡ ਰੋਜ਼, ਚਾਕਲੇਟ ਅਤੇ ਟੈਡੀ ਵਰਗੀਆਂ ਚੀਜ਼ਾਂ 'ਤੇ ਹੀ ਗੌਰ ਨਾ ਕਰੋ ਸਗੋਂ ਉਸ ਗੱਲ ਦਾ ਵੀ ਧਿਆਨ ਰੱਖੋ, ਜਿਸ ਨਾਲ ਤੁਹਾਡਾ ਪਾਰਟਨਰ ਖੁਸ਼ ਹੋ ਜਾਵੇ ਫਿਰ ਜਿਸ ਦੀ ਉਸ ਨੂੰ ਸਭ ਤੋਂ ਜ਼ਿਆਦਾ ਜ਼ਰੂਰਤ ਹੋਵੇ ਜਾਂ ਫਿਰ ਕੋਈ ਅਜਿਹਾ ਗਿਫਟ ਦਿਓ, ਜਿਸ ਨਾਲ ਉਹ ਤੁਹਾਡੀ ਯਾਦ ਦੁਆਵੇ।
ਕਿਸੇ ਨਾਲ ਝਗੜੋ ਨਾ : ਤੁਸੀਂ ਵੈਲੇਨਟਾਈਨ ਡੇ ਸੈਲੀਬ੍ਰੇਟ ਕਰਨ ਆਏ ਹੋ ਤਾਂ ਸੱਭਿਅਕ ਬਣੇ ਰਹੋ। ਇਸ ਗੱਲ ਦਾ ਖਾਸ ਖਿਆਲ ਰੱਖੋ ਕਿ ਤੁਹਾਡਾ ਕਿਸੇ ਨਾਲ ਕਿਸੇ ਤਰ੍ਹਾਂ ਦਾ ਕੋਈ ਝਗੜਾ ਨਾ ਹੋਵੇ ਸਗੋਂ ਤੁਸੀਂ ਸਭ ਨਾਲ ਪਿਆਰ ਨਾਲ ਗੱਲ ਕਰੋ।
NRI ਦੇ ਸਦਕਾ ਬਦਲੀ ਪਿੰਡ ਦੀ ਨੁਹਾਰ, ਪ੍ਰਾਇਮਰੀ ਸਕੂਲ ਬਣਿਆ ਸਮਾਰਟ ਸਕੂਲ
NEXT STORY