ਬਰਨਾਲਾ (ਵਿਵੇਕ ਸਿੰਧਵਾਨੀ/ਰਵੀ): ਸਿਆਸਤ ਵਿਚ ਕੁਝ ਪਰਿਵਾਰ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਦੀ ਸੇਵਾ ਭਾਵਨਾ ਅਤੇ ਜਨਤਾ ਨਾਲ ਜੁੜਾਅ ਪੀੜ੍ਹੀ-ਦਰ-ਪੀੜ੍ਹੀ ਚੱਲਦਾ ਰਹਿੰਦਾ ਹੈ। ਬਰਨਾਲਾ ਸ਼ਹਿਰ ਵਿਚ ਅਜਿਹਾ ਹੀ ਇਕ ਅਨੋਖਾ ਵਰਤਾਰਾ ਦੇਖਣ ਨੂੰ ਮਿਲ ਰਿਹਾ ਹੈ। ਵਾਰਡ ਨੰਬਰ 41 ਵਿਚ ਇਸ ਵਾਰ ਭਾਰਤੀ ਜਨਤਾ ਪਾਰਟੀ ਵੱਲੋਂ ਮੈਦਾਨ ਵਿਚ ਉਤਰੀ ਸਨੇਹ ਲਤਾ ਉਰਫ਼ ਮਮਤਾ ਗਰਗ ਜੇਕਰ ਜਿੱਤਦੀ ਹੈ ਤਾਂ ਬਰਨਾਲਾ ਦੀ ਸਿਆਸੀ ਇਤਿਹਾਸ ਵਿਚ ਇਕ ਅਜਿਹਾ ਰਿਕਾਰਡ ਬਣੇਗਾ ਜੋ ਸ਼ਾਇਦ ਹੀ ਕਦੇ ਪਹਿਲਾਂ ਬਣਿਆ ਹੋਵੇ — ਇੱਕੋ ਪਰਿਵਾਰ ਵਿੱਚੋਂ ਤਿੰਨ ਨਗਰ ਕੌਂਸਲਰ।
ਸਹੁਰੇ ਤੋਂ ਸ਼ੁਰੂ ਹੋਈ ਸੇਵਾ ਦੀ ਕਹਾਣੀ
ਇਸ ਪਰਿਵਾਰ ਦੀ ਸਿਆਸੀ ਸਫ਼ਰ ਦੀ ਸ਼ੁਰੂਆਤ ਭਾਜਪਾ ਦੇ ਉੱਘੇ ਆਗੂ ਰਘਬੀਰ ਪ੍ਰਕਾਸ਼ ਗਰਗ ਤੋਂ ਹੋਈ ਜੋ ਨਗਰ ਕੌਂਸਲ ਬਰਨਾਲਾ ਦੇ ਮੀਤ ਪ੍ਰਧਾਨ ਰਹੇ। ਉਨ੍ਹਾਂ ਨੇ ਆਪਣੇ ਕਾਰਜਕਾਲ ਵਿਚ ਵਾਰਡ ਵਾਸੀਆਂ ਦੀ ਸੇਵਾ ਨੂੰ ਸਭ ਤੋਂ ਉੱਪਰ ਰੱਖਿਆ ਅਤੇ ਪਾਰਟੀ ਵਿਚ ਆਪਣੀ ਖਾਸ ਥਾਂ ਬਣਾਈ। ਫਿਰ ਉਨ੍ਹਾਂ ਦੇ ਪੁੱਤਰ ਅਤੇ ਭਾਜਪਾ ਜ਼ਿਲ੍ਹਾ ਜਰਨਲ ਸਕੱਤਰ ਨਰਿੰਦਰ ਗਰਗ ਨੀਟਾ ਨੇ ਇਹ ਵਿਰਾਸਤ ਅੱਗੇ ਤੋਰੀ ਅਤੇ ਉਹ ਵੀ ਨਗਰ ਕੌਂਸਲ ਬਰਨਾਲਾ ਦੇ ਮੀਤ ਪ੍ਰਧਾਨ ਰਹੇ। ਦੋਵੇਂ ਪਿਉ-ਪੁੱਤਰ ਵਾਰਡ ਵਾਸੀਆਂ ਦੇ ਮਨਾਂ ਵਿਚ ਆਪਣੀ ਕਾਬਲੀਅਤ ਅਤੇ ਸੇਵਾ ਭਾਵਨਾ ਨਾਲ ਖਾਸ ਥਾਂ ਬਣਾਉਣ ਵਿਚ ਕਾਮਯਾਬ ਰਹੇ।
ਹੁਣ ਮਮਤਾ ਗਰਗ ਦੀ ਵਾਰੀ — ਤੀਜੀ ਪੀੜ੍ਹੀ ਮੈਦਾਨ ਵਿਚ
ਹੁਣ ਇਸ ਸੇਵਾ ਦੀ ਮਸ਼ਾਲ ਪਰਿਵਾਰ ਦੀ ਨੂੰਹ ਸਨੇਹ ਲਤਾ ਉਰਫ਼ ਮਮਤਾ ਗਰਗ ਦੇ ਹੱਥਾਂ ਵਿਚ ਆਈ ਹੈ। ਉਹ ਵਾਰਡ ਨੰਬਰ 41 ਤੋਂ ਭਾਰਤੀ ਜਨਤਾ ਪਾਰਟੀ ਦੀ ਉਮੀਦਵਾਰ ਵਜੋਂ ਮੈਦਾਨ ਵਿਚ ਹਨ। ਪਰਿਵਾਰ ਦੀ ਸਾਖ਼, ਸੁਹਰੇ ਅਤੇ ਪਤੀ ਦੇ ਕੀਤੇ ਕੰਮਾਂ ਦੀ ਵਿਰਾਸਤ ਅਤੇ ਆਪਣੇ ਖੁਦ ਦੇ ਮਿੱਠੇ ਸੁਭਾਅ ਕਾਰਨ ਵਾਰਡ ਵਾਸੀਆਂ ਵਿਚ ਉਨ੍ਹਾਂ ਲਈ ਜ਼ਬਰਦਸਤ ਹਮਾਇਤ ਦੇਖੀ ਜਾ ਰਹੀ ਹੈ। ਵਾਰਡ ਵਾਸੀਆਂ ਦਾ ਸਾਫ਼ ਕਹਿਣਾ ਹੈ ਕਿ ਮਮਤਾ ਗਰਗ ਦੀ ਜਿੱਤ ਤੈਅ ਹੈ, ਬੱਸ ਮੋਹਰ ਲੱਗਣੀ ਬਾਕੀ ਹੈ।
ਸੁਝਵਾਨ, ਮਿਹਨਤੀ ਅਤੇ ਬੇਦਾਗ਼ ਉਮੀਦਵਾਰ
ਭਾਰਤੀ ਜਨਤਾ ਪਾਰਟੀ ਵੱਲੋਂ ਮਮਤਾ ਗਰਗ ਨੂੰ ਵਾਰਡ ਨੰਬਰ 41 ਤੋਂ ਸੁਝਵਾਨ, ਪੜ੍ਹੀ-ਲਿਖੀ, ਮਿਹਨਤੀ, ਇਮਾਨਦਾਰ, ਬੇਦਾਗ਼ ਅਤੇ ਸਰਬ ਸਾਂਝੇ ਉਮੀਦਵਾਰ ਵਜੋਂ ਪੇਸ਼ ਕੀਤਾ ਗਿਆ ਹੈ। ਪਾਰਟੀ ਦਾ ਨਾਅਰਾ ਹੈ — ਵਿਕਾਸ ਕੀਤਾ ਹੈ, ਵਿਕਾਸ ਕਰਾਂਗੇ, ਨਾਲ ਖੜੇ ਹਾਂ ਨਾਲ ਖੜਾਂਗੇ। ਮਮਤਾ ਗਰਗ ਨੇ ਵਾਰਡ ਵਾਸੀਆਂ ਨੂੰ ਵਾਅਦਾ ਕੀਤਾ ਹੈ ਕਿ ਉਹ 24 ਘੰਟੇ ਵਾਰਡ ਦੀ ਸੇਵਾ ਲਈ ਤਿਆਰ ਰਹਿਣਗੀਆਂ ਅਤੇ ਵਾਰਡ ਦੇ ਸਰਵਪੱਖੀ ਵਿਕਾਸ ਅਤੇ ਉੱਨਤੀ ਲਈ ਕੋਈ ਕਸਰ ਨਹੀਂ ਛੱਡਣਗੀਆਂ।
ਵਾਰਡ 41 ਵਿਚ ਚੋਣ ਮਾਹੌਲ ਗਰਮ
26 ਮਈ ਨੂੰ ਹੋਣ ਵਾਲੀਆਂ ਨਗਰ ਨਿਗਮ ਚੋਣਾਂ ਵਿੱਚ ਵਾਰਡ ਨੰਬਰ 41 ਵਿਚ ਚੋਣ ਮਾਹੌਲ ਖਾਸਾ ਗਰਮ ਹੈ। ਨਰਿੰਦਰ ਗਰਗ ਨੀਟਾ ਖੁਦ ਆਪਣੀ ਧਰਮ ਪਤਨੀ ਦੀ ਜਿੱਤ ਲਈ ਘਰ-ਘਰ ਜਾ ਕੇ ਵੋਟਰਾਂ ਨੂੰ ਮਿਲ ਰਹੇ ਹਨ। ਕਮਲ ਦੇ ਫੁੱਲ ਨੂੰ ਵੋਟ ਪਾਉਣ ਦੀ ਅਪੀਲ ਕੀਤੀ ਜਾ ਰਹੀ ਹੈ। ਪਾਰਟੀ ਕਾਰਕੁਨਾਂ ਵਿੱਚ ਵੀ ਜ਼ਬਰਦਸਤ ਉਤਸ਼ਾਹ ਦੇਖਿਆ ਜਾ ਰਿਹਾ ਹੈ। ਜੇਕਰ 26 ਮਈ ਨੂੰ ਮਮਤਾ ਗਰਗ ਜਿੱਤਦੀਆਂ ਹਨ ਤਾਂ ਬਰਨਾਲਾ ਦੀ ਸਿਆਸੀ ਤਵਾਰੀਖ਼ ਵਿੱਚ ਇਹ ਪਰਿਵਾਰ ਉਸ ਮੁਕਾਮ ਤੇ ਪਹੁੰਚ ਜਾਵੇਗਾ ਜਿੱਥੇ ਪਹੁੰਚਣਾ ਬਹੁਤ ਘੱਟ ਪਰਿਵਾਰਾਂ ਦੇ ਨਸੀਬ ਵਿੱਚ ਹੁੰਦਾ ਹੈ।
ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਨੇ ਵਾਰਡ ਨੰਬਰ 36 ਤੋਂ ਠੋਕੀ ਦਾਅਵੇਦਾਰੀ
NEXT STORY 
