ਸਪੋਰਟਸ ਡੈਸਕ: ਅਫਗਾਨਿਸਤਾਨ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਚੈਂਪੀਅਨਜ਼ ਟਰਾਫੀ ਦਾ ਤੀਜਾ ਮੈਚ ਕਰਾਚੀ ਦੇ ਨੈਸ਼ਨਲ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਹੈ। ਦੱਖਣੀ ਅਫਰੀਕਾ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਪਹਿਲਾਂ ਬੱਲੇਬਾਜ਼ੀ ਕਰਨ ਆਈ ਦੱਖਣੀ ਅਫਰੀਕਾ ਨੇ ਰਿਆਨ ਰਿਕੇਲਟਨ ਦੀਆਂ 103 ਦੌੜਾਂ, ਟੇਂਬਾ ਬਾਵੁਮਾ ਦੀਆਂ 58 ਦੌੜਾਂ, ਰਾਸੀ ਵੇਨ ਡੇਰ ਡੁਸੇਨ ਦੀਆਂ 52 ਦੌੜਾਂ ਤੇ ਏਡਮ ਮਾਰਕਰਮ ਦੀਆਂ 52 ਦੌੜਾਂ ਦੀ ਬਦੌਲਤ 50 ਓਵਰਾਂ 'ਚ 6 ਵਿਕਟਾਂ ਗੁਆ ਕੇ 315 ਦੌੜਾਂ ਬਣਾਈਆਂ ਤੇ ਅਫਗਾਨਿਸਤਾਨ ਨੂੰ ਜਿੱਤ ਲਈ 316 ਦੌੜਾਂ ਦਾ ਟੀਚਾ ਦਿੱਤਾ। ਅਫਗਾਨਿਸਤਾਨ ਲਈ ਫਜ਼ਲਹੱਕ ਫਾਰੂਕੀ ਨੇ 1, ਅਜ਼ਮਤੁੱਲ੍ਹਾ ਉਮਰਜ਼ਈ ਨੇ 1, ਮੁਹੰਮਦ ਨਬੀ ਨੇ 2 ਤੇ ਨੂਰ ਅਹਿਮਦ ਨੇ 1 ਵਿਕਟਾਂ ਲਈਆਂ।
ਪਿੱਚ ਰਿਪੋਰਟ
ਕਰਾਚੀ ਦੇ ਨੈਸ਼ਨਲ ਸਟੇਡੀਅਮ ਵਿੱਚ 1980 ਤੋਂ ਲੈ ਕੇ ਹੁਣ ਤੱਕ 79 ਇੱਕ ਰੋਜ਼ਾ ਮੈਚ ਖੇਡੇ ਜਾ ਚੁੱਕੇ ਹਨ। ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀਆਂ ਟੀਮਾਂ 37 ਵਾਰ ਜਿੱਤੀਆਂ ਜਦੋਂ ਕਿ ਪਿੱਛਾ ਕਰਨ ਵਾਲੀਆਂ ਟੀਮਾਂ 39 ਵਾਰ ਜਿੱਤੀਆਂ। ਪਿੱਚ ਬੱਲੇਬਾਜ਼ਾਂ ਲਈ ਅਨੁਕੂਲ ਹੈ ਜਿਸ ਵਿੱਚ ਤੇਜ਼ ਗੇਂਦਬਾਜ਼ਾਂ ਲਈ ਕੁਝ ਸ਼ੁਰੂਆਤੀ ਹਰਕਤ ਹੈ। 2008 ਵਿੱਚ ਹਾਂਗਕਾਂਗ ਵਿਰੁੱਧ ਭਾਰਤ ਦਾ 374/4 ਦਾ ਸਕੋਰ ਇਸ ਮੈਦਾਨ 'ਤੇ ਦਰਜ ਕੀਤਾ ਗਿਆ ਸਭ ਤੋਂ ਵੱਧ ਸਕੋਰ ਹੈ।
ਮੌਸਮ
ਕਰਾਚੀ ਵਿੱਚ ਦੁਪਹਿਰ 2 ਵਜੇ (ਸਥਾਨਕ ਸਮੇਂ ਅਨੁਸਾਰ) ਹੋਣ ਵਾਲੇ ਮੈਚ ਲਈ ਮੌਸਮ ਗਰਮ ਅਤੇ ਧੁੱਪਦਾਰ ਰਹੇਗਾ, ਮੀਂਹ ਪੈਣ ਦੀ ਸੰਭਾਵਨਾ ਬਹੁਤ ਘੱਟ ਹੋਵੇਗੀ। ਹਵਾ ਅਤੇ ਗਰਮੀ ਖੇਡ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ ਜਦੋਂ ਕਿ ਸ਼ਾਮ ਨੂੰ ਤ੍ਰੇਲ ਵੀ ਆਪਣੀ ਭੂਮਿਕਾ ਨਿਭਾਏਗੀ। ਮੈਚ ਬਿਨਾਂ ਕਿਸੇ ਰੁਕਾਵਟ ਦੇ ਅੱਗੇ ਵਧਣ ਦੀ ਉਮੀਦ ਹੈ। ਮੌਸਮ ਗਰਮ ਰਹੇਗਾ ਅਤੇ ਦੁਪਹਿਰ 2 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਤਾਪਮਾਨ ਲਗਭਗ 29 ਡਿਗਰੀ ਸੈਲਸੀਅਸ ਰਹੇਗਾ, ਜੋ ਕਿ ਖੇਡ ਅੱਗੇ ਵਧਣ ਦੇ ਨਾਲ-ਨਾਲ 27 ਡਿਗਰੀ ਸੈਲਸੀਅਸ ਤੱਕ ਘੱਟ ਜਾਵੇਗਾ।
ਪਲੇਇੰਗ 11
ਅਫਗਾਨਿਸਤਾਨ: ਰਹਿਮਾਨਉੱਲਾ ਗੁਰਬਾਜ਼ (ਵਿਕਟਕੀਪਰ), ਇਬਰਾਹਿਮ ਜ਼ਦਰਾਨ, ਸਦੀਕਉੱਲਾ ਅਟਲ, ਰਹਿਮਤ ਸ਼ਾਹ, ਹਸ਼ਮਤਉੱਲਾ ਸ਼ਾਹਿਦੀ (ਕਪਤਾਨ), ਅਜ਼ਮਤਉੱਲਾ ਉਮਰਜ਼ਈ, ਗੁਲਬਦੀਨ ਨਾਇਬ, ਮੁਹੰਮਦ ਨਬੀ, ਰਾਸ਼ਿਦ ਖਾਨ, ਫਜ਼ਲਹਕ ਫਾਰੂਕੀ, ਨੂਰ ਅਹਿਮਦ।
ਦੱਖਣੀ ਅਫਰੀਕਾ : ਰਿਆਨ ਰਿਕਲਟਨ (ਵਿਕਟਕੀਪਰ), ਟੋਨੀ ਡੀ ਜ਼ੋਰਜ਼ੀ, ਤੇਂਬਾ ਬਾਵੁਮਾ (ਕਪਤਾਨ), ਰਾਸੀ ਵੈਨ ਡੇਰ ਡੁਸੇਨ, ਏਡੇਨ ਮਾਰਕਰਾਮ, ਡੇਵਿਡ ਮਿਲਰ, ਵਿਆਨ ਮਲਡਰ, ਮਾਰਕੋ ਜੈਨਸਨ, ਕੇਸ਼ਵ ਮਹਾਰਾਜ, ਕਾਗੀਸੋ ਰਬਾਡਾ, ਲੁੰਗੀ ਨਗਿਦੀ।
ਰੋਹਿਤ ਸ਼ਰਮਾ ਨੇ ਜੜਿਆ ਅਨੋਖਾ 'ਸੈਂਕੜਾ', ਜੋ ਕੰਮ ਸੌਰਵ ਗਾਂਗੁਲੀ ਵੀ ਨਹੀਂ ਕਰ ਸਕੇ ਉਹ ਕਰ ਵਿਖਾਇਆ
NEXT STORY 
