ਨਵੀਂ ਦਿੱਲੀ : ਸਾਬਕਾ ਕ੍ਰਿਕਟਰ ਸੁਨੀਲ ਗਾਵਸਕਰ ਵੱਲੋਂ ਅਨੁਸ਼ਕਾ ਸ਼ਰਮਾ 'ਤੇ ਕੀਤੀ ਟਿੱਪਣੀ ਦਾ ਮਾਮਲਾ ਭੱਖਦਾ ਜਾ ਰਿਹਾ ਹੈ ਅਤੇ ਹੁਣ ਕੋਈ ਇਸ ਦੀ ਨਿੰਦਾ ਕਰ ਰਿਹਾ ਹੈ। ਉਥੇ ਹੀ ਹੁਣ ਕੰਗਨਾ ਰਣੌਤ ਨੇ ਅਨੁਸ਼ਕਾ ਸ਼ਰਮਾ 'ਤੇ ਕੀਤੇ ਗਏ ਸੁਨੀਲ ਗਾਵਸਕਰ ਦੀ ਟਿੱਪਣੀ ਦੀ ਆਲੋਚਨਾ ਕੀਤੀ ਹੈ। ਨਾਲ ਹੀ ਅਨੁਸ਼ਕਾ 'ਤੇ ਵੀ ਨਿਸ਼ਾਨਾ ਵਿੰਨ੍ਹਿਆ ਹੈ। ਉਨ੍ਹਾਂ ਨੇ ਆਪਣੇ ਟਵੀਟ ਵਿਚ ਲਿਖਿਆ, 'ਜਦੋਂ ਮੈਨੂੰ ਧਮਕਾਇਆ ਗਿਆ ਅਤੇ ਹਰਾਮਖੋਰ ਕਿਹਾ ਗਿਆ, ਉਦੋਂ ਅਨੁਸ਼ਕਾ ਚੁੱਪ ਰਹੀ ਸੀ। ਹੁਣ ਬੀਬੀਆਂ ਪ੍ਰਤੀ ਓਹੀ ਨਫ਼ਰਤ ਉਸ ਨੂੰ ਦੁੱਖ ਰਹੀ ਹੈ, ਮੈਂ ਸੁਨੀਲ ਗਾਵਸਕਰ ਵੱਲੋਂ ਕ੍ਰਿਕਟ ਵਿਚ ਉਨ੍ਹਾਂ ਨੂੰ ਘੜੀਸੇ ਜਾਣ ਦੀ ਨਿੰਦਿਆ ਕਰਦੀ ਹਾਂ ਪਰ ਸਿਲੈਕਟਿਵ ਫੈਮੀਨਿਜਮ ਵੀ ਚੰਗਾ ਨਹੀਂ ਹੈ।'
ਕੰਗਨਾ ਨੇ ਇਕ ਹੋਰ ਟਵੀਟ ਵਿਚ ਲਿਖਿਆ, 'ਨੈਸ਼ਨਲ ਟੀਵੀ 'ਤੇ ਸੁਨੀਲ ਗਾਵਸਕਰ ਵੱਲੋਂ ਦਿੱਤੇ ਗਏ ਬਿਆਨ ਨੂੰ ਸੈਕਸੁਅਲ ਕੰਟੈਕਸਟ ਵਿਚ ਲਿਆ ਜਾਏਗਾ। ਉਨ੍ਹਾਂ ਨੂੰ ਉਨ੍ਹਾਂ ਦਾ ਨਾਮ ਨਹੀਂ ਲੈਣਾ ਚਾਹੀਦ ਸੀ ਪਰ ਅਨੁਸ਼ਕਾ ਆਪਣੀ ਅਗਲੀ ਫ਼ਿਲਮ ਵਿਚ ਕ੍ਰਿਕਟਰ ਦੀ ਭੂਮਿਕਾ ਨਿਭਾ ਰਹੀ ਹੈ ਅਤੇ ਅਤੇ ਉਨ੍ਹਾਂ ਪਤੀ ਨਾਲ ਉਨ੍ਹਾਂ ਦੇ ਅਭਿਆਸ ਦੀਆਂ ਕਈ ਵੀਡੀਓਜ਼ ਮੌਜੂਦ ਹਨ।'
ਦੱਸਣਯੋਗ ਹੈ ਕਿ ਇਹ ਵਿਵਾਦ 24 ਸਤੰਬਰ ਨੂੰ ਵਿਰਾਟ ਕੋਹਲੀ ਦੀ ਟੀਮ ਰਾਇਲ ਚੈਂਲੇਜਰਸ ਬੈਂਗਲੁਰੂ ਅਤੇ ਕਿੰਗਜ਼ ਇਲੈਵਨ ਪੰਜਾਬ ਵਿਚਾਲੇ ਖੇਡੇ ਮੈਚ ਤੋਂ ਬਾਅਦ ਖੜ੍ਹਾ ਹੋਇਆ ਸੀ। ਕਿਉਂਕਿ ਉਸ ਮੈਚ ਵਿਚ ਵਿਰਾਟ ਕੋਹਲੀ ਦਾ ਪ੍ਰਦਰਸ਼ਨ ਚੰਗਾ ਨਹੀਂ ਰਿਹਾ ਸੀ ਅਤੇ ਉਨ੍ਹਾਂ ਦੀ ਟੀਮ ਨੂੰ ਹਾਰ ਦਾ ਸਾਹਮਣਾ ਕਰਣਾ ਪਿਆ ਸੀ। ਇਸ ਦੌਰਾਨ ਆਈ.ਪੀ.ਐਲ. 2020 ਦੀ ਕਮੈਂਟਰੀ ਕਰ ਰਹੇ ਭਾਰਤ ਦੇ ਸਾਬਕਾ ਕਪਤਾਨ ਸੁਨੀਲ ਗਾਵਸਕਰ ਨੇ ਅਨੁਸ਼ਕਾ ਸ਼ਰਮਾ ਦਾ ਨਾਂ ਲੈਂਦੇ ਹੋਏ ਵਿਰਾਟ 'ਤੇ ਟਿੱਪਣੀ ਕੀਤੀ ਸੀ, ਜਿਸ ਤੋਂ ਬਾਅਦ ਹੰਗਾਮਾ ਹੋ ਗਿਆ ਅਤੇ ਅਨੁਸ਼ਕਾ ਸ਼ਰਮਾ ਨੇ ਵੀ ਇਸ 'ਤੇ ਸੁਨੀਲ ਗਾਵਸਕਰ ਨੂੰ ਜਵਾਬ ਦਿੱਤਾ ਸੀ।
ਜਾਣੋ ਕੀ ਕਿਹਾ ਸੀ ਗਾਵਸਕਰ ਨੇ
ਦਰਅਸਲ ਸੁਨੀਲ ਗਾਵਸਕਰ ਨੇ ਹਿੰਦੀ ਵਿਚ ਕਮੈਂਟਰੀ ਕਰਦੇ ਹੋਏ ਵਿਰਾਟ ਦੇ ਖ਼ਰਾਬ ਫ਼ਾਰਮ 'ਤੇ ਕਿਹਾ, 'ਇਨ੍ਹਾਂ ਨੇ ਤਾਲਾਬੰਦੀ ਵਿਚ ਤਾਂ ਬੱਸ ਅਨੁਸ਼ਕਾ ਦੀਆਂ ਗੇਂਦਾਂ ਦੀ ਪ੍ਰੈਕਟਿਸ ਕੀਤੀ ਹੈ।' ਦੱਸ ਦੇਈਏ ਕਿ ਤਾਲਾਬੰਦੀ ਦੌਰਾਨ ਵਿਰਾਟ ਦੀ ਇਕ ਵੀਡੀਓ ਕਾਫ਼ੀ ਵਾਇਰਲ ਹੋਈ ਸੀ। ਇਸ ਵੀਡੀਓ ਵਿਚ ਵਿਰਾਟ ਆਪਣੀ ਪਤਨੀ ਅਨੁਸ਼ਕਾ ਨਾਲ ਕ੍ਰਿਕਟ ਖੇਡਦੇ ਵਿਖ ਰਹੇ ਸਨ। ਸ਼ਾਇਦ ਗਾਵਸਕਰ ਦਾ ਕੁਮੈਂਟ ਇਸ ਵੀਡੀਓ ਵੱਲ ਇਸ਼ਾਰਾ ਕਰਦਾ ਹੈ।
ਗਾਵਸਕਰ ਨੇ ਦਿੱਤੀ ਸਫ਼ਾਈ
ਅਨੁਸ਼ਕਾ ਦੀ ਪ੍ਰਤੀਕਿਰਿਆ ਆਉਣ ਦੇ ਬਾਅਦ ਤੋਂ ਗਾਵਸਕਰ ਲਗਾਤਾਰ ਸਫ਼ਾਈ ਰਹੇ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਦੀਆਂ ਗੱਲਾਂ ਨੂੰ ਠੀਕ ਤਰੀਕੇ ਨਾਲ ਨਹੀਂ ਸੱਮਝਿਆ ਗਿਆ। ਗਾਵਸਕਰ ਨੇ ਸ਼ੁੱਕਰਵਾਰ ਰਾਤ ਨੂੰ ਇਕ ਵਾਰ ਫਿਰ ਤੋਂ ਇਸ ਮੁੱਦੇ 'ਤੇ ਕਮੈਂਟਰੀ ਦੌਰਾਨ ਆਪਣੀ ਗੱਲ ਰੱਖੀ। ਉਨ੍ਹਾਂ ਕਿਹਾ, 'ਵਿਰਾਟ ਨੇ ਸਿਰਫ਼ ਅਨੁਸ਼ਕਾ ਦੀ ਬਾਲਿੰਗ ਖੇਡੀ ਸੀ। ਬੱਸ ਇਹ ਮੇਰੇ ਸ਼ਬਦ ਸਨ। ਜਿਸ ਨੂੰ ਵੀ ਕੋਈ ਇਤਰਾਜ਼ ਹੈ ਉਹ ਇਸ ਨੂੰ ਫਿਰ ਤੋਂ ਧਿਆਨ ਨਾਲ ਸੁਣੇ। ਉਸ ਵਿਚ ਮੈਂ ਕੀ ਗਲਤ ਕਿਹਾ। ਮੈਂ ਅਨੁਸ਼ਕਾ ਨੂੰ ਦੋਸ਼ੀ ਨਹੀਂ ਠਹਿਰਾਇਆ। ਉਸ ਨੂੰ ਫਿਰ ਤੋਂ ਸੁਣੋ, ਦੇਖੋ। ਦੂਜਾ ਕੋਈ ਹੈਡਲਾਈਨ ਨਾਲ ਸੁਣੋ। ਆਪਣੇ ਕੰਨਾਂ ਨਾਲ ਸੁਣੋ ਅਤੇ ਅੱਖਾਂ ਨਾਲ ਵੇਖੋ ਫਿਰ ਕਹੋ। ਮੇਰਾ ਮਨ ਸਾਫ਼ ਸੀ।
IPL 2020: ਅੱਜ ਕੋਲਕਾਤਾ ਨਾਈਟ ਰਾਈਡਰਸ ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਹੋਣਗੇ ਆਹਮੋ-ਸਾਹਮਣੇ
NEXT STORY 
