ਨਵੀਂ ਦਿੱਲੀ— ਇੰਡੋਨੇਸ਼ੀਆ ਦੇ ਸ਼ਹਿਰ ਜ਼ਾਕਰਤਾ 'ਚ ਏਸ਼ੀਅਨ ਖੇਡਾਂ ਲਈ ਜਾਣ ਵਾਲੇ 83 ਐਥਲੀਟਸ ਲਈ ਰਾਹਤ ਦੀ ਖਬਰ ਹੈ ਜਿਨ੍ਹਾਂ ਦੀ ਕਿੱਟ ਦਾ ਖਰਚ ਉਠਾਉਣ ਤੋਂ ਆਈ.ਓ.ਏ. ਨੇ ਮਨ੍ਹਾ ਕਰ ਦਿੱਤਾ ਹੈ। ਖੇਡ ਮੰੰਤਰੀ ਰਾਜਵਰਧਨ ਸਿੰਘ ਰਾਠੌੜ ਨੇ ਸਾਫ ਕੀਤਾ ਹੈ ਕਿਸੇ ਵੀ ਐਥਲੀਟ ਨੂੰ ਆਪਣੀ ਕਿੱਟ 'ਤੇ ਖਰਚਾ ਨਹੀਂ ਕਰਨਾ ਹੋਵੇਗਾ। ਜ਼ਾਕਰਤਾ ਜਾਣ ਵਾਲੇ 541 ਐਥਲੀਟਸ 'ਚੋਂ 83 ਐਥਲੀਟਸ ਅਜਿਹੇ ਹਨ ਜੋ ਇਨ੍ਹਾਂ ਖੇਡਾਂ 'ਚ ਪਹਿਲੀ ਵਾਰ ਸ਼ਾਮਲ ਕੀਤਾ ਗਿਆ ਹੈ। ਇਨ੍ਹਾਂ ਖੇਡਾਂ ਦੀ ਫੈਡਰੈਸ਼ਨ ਆਈ.ਓ.ਏ. 'ਚ ਰਜਿਸਟਰਡ ਨਹੀਂ ਹੈ। ਆਈ.ਓ.ਏ. ਫਰਮਾਨ ਦੇ ਮੁਤਾਬਕ ਇਨ੍ਹਾਂ ਐਥਲੀਟਸ ਨੂੰ ਗੇਮਜ਼ 'ਚ ਆਪਣੀ ਕਿੱਟਸ ਦਾ ਖਰਚ ਖੁਦ ਹੀ ਉਠਾਉਣ ਲਈ ਕਿਹਾ ਗਿਆ ਸੀ।
https://twitter.com/Ra_THORe/status/1024218684750004224
46 ਪੁਰਸ਼ ਅਤੇ 37 ਮਹਿਲਾਵਾਂ ਐਥਲੀਟਸ ਨੂੰ ਏਸ਼ੀਅਨ ਖੇਡਾਂ 'ਚ ਜਾਣ ਲਈ ਤਾਂ ਆਈ.ਓ.ਏ. ਨੇ ਹਰੀ ਝੰਡੀ ਦਿੱਤੀ ਹੈ। ਪਰ ਉਨ੍ਹਾਂ ਦਾ ਖਰਚ ਉਠਾਉਣ ਲਈ ਆਈ.ਓ.ਏ. ਤਿਆਰ ਨਹੀਂ ਸੀ। ਇਨ੍ਹਾਂ 'ਚੋਂ ਬ੍ਰਿਜ ਦੇ 24, ਸਪੋਰਟਸ ਕਿਲੰਬਿੰਗ ਦੇ ਤਿੰਨ, ਸਾਫਟ ਟੇਨਿਸ ਦੇ 10, ਸੇਪਕ ਟੇਕਰਾ ਦੇ 24, ਸਾਂਬੋ ਦਾ ਇਕ ਐਥਲੀਟ, ਰਾਲਰ ਸਕੇਟਿੰਗ ਦੇ ਚਾਰ,ਪੇਂਚਕ ਸਿਲਾਟ ਦੇ ਤਿੰਨ ਅਤੇ ਕੁਰਾਸ਼ ਦੇ 14 ਐਥਲੀਟਸ ਸ਼ਾਮਲ ਹੈ। ਇਸ ਫੈਡਰੇਸ਼ਨ ਨੂੰ ਆਪਣੇ ਐਥਲੀਟਸ ਦੀ ਕਿੱਟਸ ਉਸੇ ਵੇਂਡਰ ਤੋਂ ਤਿਆਰ ਕਰਵਾਉਣ ਦਾ ਨਿਰਦੇਸ਼ ਦਿੱਤਾ ਗਿਆ ਹੈ ਜਿਸ 'ਚ ਆਈ.ਓ.ਏ. ਬਾਕੀ ਐਥਲੀਟਸ ਦੀ ਕਿੱਟਸ ਤਿਆਰ ਕਰਾਉਂਦੀ ਹੈ ਇਸ ਕਿੱਟ 'ਚ ਓਪਨਿੰਗ ਅਤੇ ਕਲੋਜਿੰਗ ਸੇਰੇਮਨੀ 'ਚ ਪਹਿਨੀ ਜਾਣ ਵਾਲੀ ਡਰੈੱਸ ਦੇ ਨਾਲ ਕੰਪਟੀਸ਼ਨ ਅਤੇ ਟ੍ਰੇਨਿੰਗ ਦੀ ਕਿੱਟ ਵੀ ਸ਼ਾਮਲ ਹੈ।
ਆਇਰਲੈਂਡ ਖਿਲਾਫ ਭਾਰਤ ਦੀਆਂ ਨਜ਼ਰਾਂ ਬਦਲਾ ਲੈ ਕੇ ਸੈਮੀਫਾਈਨਲ 'ਚ ਜਗ੍ਹਾ ਬਣਾਉਣ 'ਤੇ
NEXT STORY 
