ਮਨੀਲਾ (ਫਿਲੀਪਿੰਸ)- ਭਾਰਤੀ ਗੋਲਫਰ ਗਗਨਜੀਤ ਭੁੱਲਰ ਇੰਟਰਨੈਸ਼ਨਲ ਸੀਰੀਜ਼ ਫਿਲੀਪਿੰਸ ਦੇ ਤੀਸਰੇ ਦੌਰ ’ਚ 18ਵੇਂ ਹੋਲ ’ਤੇ ਬੋਗੀ ਕਰਨ ਦੇ ਬਾਵਜੂਦ ਖਿਤਾਬ ਦੀ ਦੌੜ ’ਚ ਬਣਿਆ ਹੋਇਆ ਹੈ। ਭੁੱਲਰ 67-69-67 ਦੇ ਸਕੋਰ ਨਾਲ ਸਾਂਝੇ 7ਵੇਂ ਸਥਾਨ ’ਤੇ ਹੈ। ਉਸ ਦਾ ਕੁੱਲ ਸਕੋਰ 13 ਅੰਡਰ ਹੈ। ਉਹ ਸੈਂਪਸਨ ਝੇਂਗ (62), ਮਿਗੁਏਲ ਤਬੁਏਨਾ (65) ਅਤੇ ਸਰਿਤਾ ਸੁਵੰਨਾਰੂਤ (690 ਨਾਲੋਂ 4 ਸ਼ਾਟ ਪਿੱਛੇ ਹੈ।
ਉਸ ਨੇ ਏਲੇਨਾ ਗੋਲਫ ਕਲੱਬ ਦੇ ਪਹਿਲੇ 9 ਹੋਲ ’ਚ 3 ਵਾਰ ਬਰਡੀ ਲਾਈ ਅਤੇ ਫਿਰ 13ਵੇਂ, 16ਵੇਂ ਅਤੇ 17ਵੇਂ ਹੋਲ ’ਚ 3 ਹੋਰ ਬਰਡੀ ਲਾ ਕੇ ਦਿਨ ਦਾ ਸਕੋਰ 6 ਅੰਡਰ ਤੱਕ ਪਹੁੰਚਾ ਦਿੱਤਾ ਪਰ 18ਵੇਂ ਹੋਲ ’ਚ 1 ਬੋਗੀ ਨੇ ਉਸ ਨੂੰ ਥੋੜਾ ਪਿੱਛੇ ਥੱਕ ਦਿੱਤਾ। ਭਾਰਤ ਦੇ ਹੋਰ ਖਿਡਾਰੀਆਂ ’ਚ ਕਰਣਦੀਪ ਕੋਚਰ (67) 19ਵੇਂ ਸਥਾਨ ਤੇ ਅਜੀਤੇਸ਼ ਸੰਧੂ (72) 50ਵੇਂ ਸਥਾਨ ’ਤੇ ਹਨ।
ਜਲੰਧਰ 'ਚ ਬਾਡੀ ਬਿਲਡਰ ਵਰਿੰਦਰ ਘੁੰਮਣ ਦੇ ਨਾਂ ਦਾ ਬਣਿਆ ਪਾਰਕ, ਧੀ ਨੇ ਕੀਤਾ ਉਦਘਾਟਨ ਤੇ ਦਿੱਤਾ ਇਹ ਸੰਦੇਸ਼
NEXT STORY 
