ਸਪੋਰਟਸ ਡੈਸਕ- ਲੁਧਿਆਣਾ ਤੋਂ ਗਵਾਲੀਅਰ ਦਿਵਿਆਂਗ ਕ੍ਰਿਕਟ ਟੂਰਨਾਮੈਂਟ ਖੇਡਣ ਜਾ ਰਹੇ ਇਕ ਦਿਵਿਆਂਗ ਖਿਡਾਰੀ ਵਿਕਰਮ ਦੀ ਟਰੇਨ 'ਚ ਅਚਾਨਕ ਸਿਹਤ ਵਿਗੜਨ ਕਾਰਨ ਮੌਤ ਹੋ ਗਈ। ਇਹ ਘਟਨਾ ਮਥੁਰਾ ਛੱਤੀਸਗੜ੍ਹ ਐਕਸਪ੍ਰੈਸ 'ਚ ਉਸ ਸਮੇਂ ਵਾਪਰੀ ਜਦੋਂ ਵਿਕਰਮ ਆਪਣੀ ਟੀਮ ਨਾਲ ਯਾਤਰਾ ਕਰ ਰਿਹਾ ਸੀ।
ਜਾਣਕਾਰੀ ਮੁਤਾਬਕ, ਵਿਕਰਮ ਅਤੇ ਉਸਦੀ ਟੀਮ ਦੇ 14 ਮੈਂਬਰ ਲੁਧਿਆਣਾ ਤੋਂ ਗਵਾਲੀਅਰ ਮੈਚ ਖੇਡਣ ਜਾ ਰਹੇ ਸਨ। ਰਸਤੇ 'ਚ ਅਚਾਨਕ ਵਿਕਰਮ ਦੀ ਸਿਹਤ ਵਿਗੜ ਗਈ। ਸਾਥੀਆਂ ਨੇ ਇਸਦੀ ਸੂਚਨਾ ਟਰੇਨ ਸਟਾਫ ਨੂੰ ਦਿੱਤੀ। ਉਨ੍ਹਾਂ ਨੇ ਮਥੁਰਾ ਜੰਕਸ਼ਨ ਪਹੁੰਚਣ ਤਕ ਇੰਤਜ਼ਾਰ ਕੀਤਾ ਪਰ ਟਰੇਨ ਰਸਤੇ 'ਚ ਕਰੀਬ ਡੇਢ ਘੰਟੇ ਤਕ ਰੁਕੀ ਰਹੀ।
ਦਿਵਿਆਂਗ ਕ੍ਰਿਕਟਰ ਦੀ ਟਰੇਨ 'ਚ ਮੌਤ
ਜਦੋਂ ਤਕ ਟਰੇਨ ਮਥੁਰਾ ਸਟੇਸ਼ਨ 'ਤੇ ਪਹੁੰਚੀ, ਉਦੋਂ ਤਕ ਵਿਕਰਮ ਦੀ ਮੌਤ ਹੋ ਚੁੱਕੀ ਸੀ। ਜੀਆਰਪੀ ਪੁਲਸ ਨੇ ਲਾਸ਼ ਨੂੰ ਮਥੁਰਾ ਜੰਕਸ਼ਨ ਸਟੇਸ਼ਨ 'ਤੇ ਉਤਰਵਾਇਆ ਅਤੇ ਪੋਸਟਮਾਰਟਮ ਲਈ ਭੇਜ ਦਿੱਤਾ। ਮ੍ਰਿਤਕ ਦੇ ਨਾਲ ਮੌਜੂਦਾ ਖਿਡਾਰੀ ਦਿਵਿਆਂਗ ਰਾਜਾ ਨੇ ਦੱਸਿਆ ਕਿ ਵਿਕਰਮ ਦੀ ਸਿਹਤ ਵਿਗੜਨ ਦੀ ਸੂਚਨਾ ਸਮੇਂ 'ਤੇ ਦਿੱਤੀ ਗਈ ਸੀ ਪਰ ਜੇਕਰ ਟਰੇਨ ਮਥੁਰਾ ਸਮੇਂ ਸਿਰ ਪਹੁੰਚਦੀ ਤਾਂ ਸ਼ਾਇਦ ਉਸਦੀ ਜਾਨ ਬਚਾਈ ਜਾ ਸਕਦੀ ਸੀ।
ਪੋਸਟਮਾਰਟਮ ਲਈ ਭੇਜੀ ਲਾਸ਼
ਫਿਲਹਾਲ ਜੀਆਰਪੀ ਨੇ ਪੋਸਟਮਾਰਟਮ ਕਰਵਾਉਣ ਤੋਂ ਬਾਅਦ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਸੀ। ਪਰਿਵਾਰ ਵਾਲਿਆਂ ਨੂੰ ਸੂਚਨਾ ਦੇ ਦਿੱਤੀ ਗਈ ਹੈ ਅਤੇ ਟੀਮ ਦੇ ਹੋਰ ਮੈਂਬਰ ਗਵਾਲੀਅਰ ਰਵਾਨਾ ਹੋ ਗਏ ਹਨ।
ਬੈਂਗਲੁਰੂ ਭਾਜੜ : 11 ਲੋਕਾਂ ਦੀ ਮੌਤ 'ਤੇ ਬੋਲੇ ਕੋਹਲੀ, RCB ਨੇ ਹਾਦਸੇ ਦੇ ਘੰਟਿਆਂ ਬਾਅਦ....
NEXT STORY 
