ਨਵੀਂ ਦਿੱਲੀ- ਭਾਰਤੀ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਨੇ ਕਿਹਾ ਹੈ ਕਿ ਵੈਸਟਇੰਡੀਜ਼ ਵਿਰੁੱਧ ਹਾਲ ਹੀ ਵਿੱਚ ਸਮਾਪਤ ਹੋਏ ਦੂਜੇ ਟੈਸਟ ਵਿੱਚ ਉਨ੍ਹਾਂ ਦੀ ਹਰ ਵਿਕਟ ਪੰਜ ਵਿਕਟਾਂ ਦੀ ਤਰ੍ਹਾਂ ਮਹਿਸੂਸ ਹੋਈ ਕਿਉਂਕਿ ਪਿੱਚ ਗੇਂਦਬਾਜ਼ਾਂ ਲਈ ਅਨੁਕੂਲ ਨਹੀਂ ਸੀ। ਸਿਰਾਜ ਨੇ ਮੰਗਲਵਾਰ ਨੂੰ ਖਤਮ ਹੋਏ ਮੈਚ ਵਿੱਚ ਤਿੰਨ ਵਿਕਟਾਂ ਲਈਆਂ, ਜਿਸ ਨੂੰ ਭਾਰਤ ਨੇ ਸੱਤ ਵਿਕਟਾਂ ਨਾਲ ਜਿੱਤ ਕੇ ਲੜੀ 2-0 ਨਾਲ ਜਿੱਤ ਲਈ। ਉਨ੍ਹਾਂ ਨੇ ਅਹਿਮਦਾਬਾਦ ਵਿੱਚ ਪਹਿਲੇ ਟੈਸਟ ਵਿੱਚ ਸੱਤ ਵਿਕਟਾਂ ਲਈਆਂ ਸਨ। ਇਸ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨ ਲਈ ਭਾਰਤੀ ਟੀਮ ਦੇ ਡਰੈਸਿੰਗ ਰੂਮ ਵਿੱਚ ਸਿਰਾਜ ਨੂੰ 'ਇੰਪੈਕਟ ਪਲੇਅਰ ਆਫ਼ ਦ ਸੀਰੀਜ਼' ਚੁਣਿਆ ਗਿਆ।
ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਦੁਆਰਾ ਸਾਂਝੇ ਕੀਤੇ ਗਏ ਇੱਕ ਵੀਡੀਓ ਵਿੱਚ, ਸਿਰਾਜ ਨੇ ਕਿਹਾ, "ਇਮਾਨਦਾਰੀ ਨਾਲ, ਇਹ ਲੜੀ ਬਹੁਤ ਵਧੀਆ ਸੀ। ਜਦੋਂ ਅਸੀਂ ਅਹਿਮਦਾਬਾਦ ਵਿੱਚ ਖੇਡੇ ਸੀ, ਤਾਂ ਤੇਜ਼ ਗੇਂਦਬਾਜ਼ਾਂ ਨੂੰ ਕੁਝ ਮਦਦ ਮਿਲੀ। ਦਿੱਲੀ ਵਿੱਚ, ਸਾਨੂੰ ਬਹੁਤ ਸਾਰੇ ਓਵਰ ਗੇਂਦਬਾਜ਼ੀ ਕਰਨੀ ਪਈ। ਹਰ ਵਿਕਟ (ਜੋ ਮੈਂ ਲਈ) ਪੰਜ ਵਿਕਟਾਂ ਲੈਣ ਵਾਂਗ ਮਹਿਸੂਸ ਹੁੰਦੀ ਸੀ।"ਉਨ੍ਹਾਂ ਕਿਹ ਕਿ ਇੱਕ ਤੇਜ਼ ਗੇਂਦਬਾਜ਼ ਦੇ ਤੌਰ 'ਤੇ, ਜਦੋਂ ਤੁਹਾਨੂੰ ਚੰਗੀ ਕੋਸ਼ਿਸ਼ ਲਈ ਇਨਾਮ ਮਿਲਦਾ ਹੈ, ਤਾਂ ਇਹ ਤੁਹਾਡੇ ਆਤਮਵਿਸ਼ਵਾਸ ਨੂੰ ਵਧਾਉਂਦਾ ਹੈ, ਅਤੇ ਡ੍ਰੈਸਿੰਗ ਰੂਮ ਵਿੱਚ ਇਮਪੈਕਟ ਪਲੇਅਰ ਅਵਾਰਡ ਜਿੱਤਣਾ ਵੀ ਖੁਸ਼ੀ ਲਿਆਉਂਦਾ ਹੈ ਸਿਰਾਜ, ਜੋ ਕੁਝ ਸਮੇਂ ਤੋਂ ਭਾਰਤੀ ਤੇਜ਼ ਹਮਲੇ ਦੇ ਕੇਂਦਰ ਵਿੱਚ ਰਿਹਾ ਹੈ, ਨੇ ਕਿਹਾ ਕਿ ਟੈਸਟ ਕ੍ਰਿਕਟ ਉਸਦਾ ਮਨਪਸੰਦ ਫਾਰਮੈਟ ਹੈ।
ਉਸ ਨੇ ਕਿਹਾ, "ਇੱਕ ਵਿਅਕਤੀ ਦੇ ਤੌਰ 'ਤੇ, ਮੈਨੂੰ ਕਿਸੇ ਵੀ ਪ੍ਰਾਪਤੀ ਤੋਂ ਬਾਅਦ ਬਹੁਤ ਮਾਣ ਮਹਿਸੂਸ ਹੁੰਦਾ ਹੈ। ਮੈਂ ਇਸ ਤਰ੍ਹਾਂ ਪ੍ਰਦਰਸ਼ਨ ਜਾਰੀ ਰੱਖਣ ਦੀ ਕੋਸ਼ਿਸ਼ ਕਰਾਂਗਾ ਕਿਉਂਕਿ ਟੈਸਟ ਕ੍ਰਿਕਟ ਮੇਰਾ ਮਨਪਸੰਦ ਫਾਰਮੈਟ ਹੈ।" ਸਿਰਾਜ ਨੇ ਕਿਹਾ, "ਟੈਸਟ ਕ੍ਰਿਕਟ ਵਿੱਚ ਬਹੁਤ ਸਾਰੀਆਂ ਚੁਣੌਤੀਆਂ ਹਨ। ਤੁਹਾਨੂੰ ਪੂਰਾ ਦਿਨ ਮੈਦਾਨ 'ਤੇ ਬਿਤਾਉਣਾ ਪੈਂਦਾ ਹੈ ਅਤੇ ਇਸਦੇ ਲਈ ਸਰੀਰਕ ਅਤੇ ਮਾਨਸਿਕ ਤੌਰ 'ਤੇ ਤਿਆਰ ਰਹਿਣਾ ਪੈਂਦਾ ਹੈ। ਟੈਸਟ ਕ੍ਰਿਕਟ ਬਾਕੀ ਸਾਰਿਆਂ ਤੋਂ ਵੱਖਰਾ ਹੈ, ਪਰ ਮੈਨੂੰ ਇਸਨੂੰ ਖੇਡਣ ਦਾ ਮਜ਼ਾ ਆਉਂਦਾ ਹੈ ਅਤੇ ਮੈਨੂੰ ਮਾਣ ਵੀ ਮਹਿਸੂਸ ਹੁੰਦਾ ਹੈ।"
ਫੀਫਾ ਕੁਆਲੀਫਾਇਰ 'ਚ ਰੋਨਾਲਡੋ ਨੇ ਰਚਿਆ ਇਤਿਹਾਸ, ਮੇਸੀ ਨੂੰ ਛੱਡਿਆ ਪਿੱਛੇ
NEXT STORY 
