ਮਿਊਨਿਖ, ਜਰਮਨੀ (ਨਿਕਲੇਸ਼ ਜੈਨ)- ਭਾਰਤ ਦੀ ਚੋਟੀ ਦੀ ਮਹਿਲਾ ਖਿਡਾਰੀ ਗ੍ਰੈਂਡਮਾਸਟਰ ਕੋਨੇਰੂ ਹੰਪੀ ਨੇ ਆਖਿਰਕਾਰ ਫਿਡੇ ਮਹਿਲਾ ਗ੍ਰਾਂ ਪ੍ਰੀ ਸ਼ਤਰੰਜ ਦੇ ਚੌਥੇ ਦੌਰ ਵਿੱਚ ਲਗਾਤਾਰ ਤਿੰਨ ਡਰਾਅ ਤੋਂ ਬਾਅਦ ਆਪਣੀ ਪਹਿਲੀ ਜਿੱਤ ਦਰਜ ਕਰ ਲਈ। ਚਿੱਟੇ ਮੋਹਰੇ ਖੇਡਦੇ ਹੋਏ ਹੰਪੀ ਨੇ ਸਾਬਕਾ ਤੇਜ਼ ਅਤੇ ਬਲਿਟਜ਼ ਵਿਸ਼ਵ ਚੈਂਪੀਅਨ ਯੂਕਰੇਨ ਦੀ ਅੰਨਾ ਮੁਜਾਚੁਕ ਨੂੰ ਹਰਾਇਆ। ਗੁਰਨਫੀਲਡ ਓਪਨਿੰਗ ਵਿੱਚ, ਹੰਪੀ ਨੇ ਆਪਣੀ ਸ਼ਾਨਦਾਰ ਮਿਡਲ ਗੇਮ ਅਤੇ ਅੰਤ ਦੀ ਖੇਡ ਦੀ ਬਦੌਲਤ 53 ਚਾਲਾਂ ਵਿੱਚ ਗੇਮ ਜਿੱਤ ਲਈ।
ਭਾਰਤ ਦੀ ਦੂਜੀ ਖਿਡਾਰਨ ਹਰਿਕਾ ਨੇ ਜਰਮਨੀ ਦੀ ਐਲਿਜ਼ਾਬੇਥ ਪਾਈਹਟਜ਼ ਨਾਲ ਅੰਕ ਸਾਂਝੇ ਕਰਦੇ ਹੋਏ ਲਗਾਤਾਰ ਚੌਥਾ ਮੈਚ ਡਰਾਅ ਕੀਤਾ। ਇਸ ਦੇ ਨਾਲ ਹੀ ਰੂਸ ਦੀ ਸਾਬਕਾ ਵਿਸ਼ਵ ਚੈਂਪੀਅਨ ਅਲੈਗਜ਼ੈਂਡਰਾ ਕੋਸਟੇਨੀਯੁਕ ਨੇ ਲਗਾਤਾਰ ਚੌਥੀ ਜਿੱਤ ਦਰਜ ਕਰਕੇ ਆਪਣੀ ਸਿੰਗਲ ਬੜ੍ਹਤ ਨੂੰ ਮਜ਼ਬੂਤ ਕਰ ਲਿਆ ਹੈ, ਕੋਸਟੇਨੀਯੁਕ ਨੇ ਚੀਨ ਦੀ ਤਾਨ ਝੋਂਗਈ ਨੂੰ ਚਿੱਟੇ ਮੋਹਰਿਆਂ ਨਾਲ ਹਰਾਇਆ। ਯੂਕਰੇਨ ਦੀ ਮਾਰੀਆ ਮੁਜੇਚੁਕ ਵੀ ਜਿੱਤਣ ਵਿੱਚ ਕਾਮਯਾਬ ਰਹੀ। ਉਸ ਨੇ ਚੀਨ ਦੀ ਝੂ ਜਿਨੇਰ ਨੂੰ ਹਰਾਇਆ। ਦੂਜੇ ਨਤੀਜਿਆਂ ਵਿੱਚ ਜਰਮਨੀ ਦੀ ਦਿਨਾਰਾ ਵੈਗਨਰ ਨੇ ਜਾਰਜੀਆ ਦੀ ਨਾਨਾ ਦਾਗਾਨਿਦਜ਼ੇ ਨਾਲ ਅਤੇ ਪੋਲੈਂਡ ਦੀ ਅਲੀਨਾ ਕਾਸਲਿੰਸਕਾਇਆ ਨੇ ਕਜ਼ਾਕਿਸਤਾਨ ਦੀ ਜਾਨਸਾਯਾ ਅਬਦੁਮਲਿਕ ਨਾਲ ਡਰਾਅ ਖੇਡਿਆ। ਚਾਰ ਗੇੜਾਂ ਤੋਂ ਬਾਅਦ, ਕੋਸਟੇਨਿਯੁਕ 4 ਅੰਕਾਂ ਨਾਲ ਖੇਡ ਰਹੀ ਹੈ, ਜਦਕਿ ਹੰਪੀ, ਮਾਰੀਆ ਅਤੇ ਨਾਨਾ 2.5 ਅੰਕਾਂ ਨਾਲ ਖੇਡ ਰਹੇ ਹਨ।
ਹਾਈ ਜੰਪਰ ਤੇਜਸਵਿਨ ਨੇ ਨਿਊ ਬੈਲੇਂਸ ਇਨਡੋਰ ਗ੍ਰਾਂ. ਪ੍ਰੀ. ਖਿਤਾਬ ਜਿੱਤਿਆ
NEXT STORY 
