ਨਵੀਂ ਦਿੱਲੀ- ਰਿੰਕੂ ਹੁੱਡਾ ਨੇ ਵਿਸ਼ਵ ਰਿਕਾਰਡ ਧਾਰਕ ਹਮਵਤਨ ਸੁੰਦਰ ਸਿੰਘ ਗੁਰਜਰ ਨੂੰ ਹਰਾ ਕੇ ਵਿਸ਼ਵ ਪੈਰਾ ਅਥਲੈਟਿਕਸ ਚੈਂਪੀਅਨਸ਼ਿਪ ਦੇ ਤੀਜੇ ਦਿਨ ਸੋਮਵਾਰ ਨੂੰ ਪੁਰਸ਼ਾਂ ਦੇ ਜੈਵਲਿਨ F46 ਮੁਕਾਬਲੇ ਵਿੱਚ ਸੋਨ ਤਗਮਾ ਜਿੱਤਿਆ। ਗੁਰਜਰ ਨੂੰ ਚਾਂਦੀ ਨਾਲ ਸਬਰ ਕਰਨਾ ਪਿਆ।ਰਿੰਕੂ ਨੇ 66.37 ਮੀਟਰ ਦੇ ਥ੍ਰੋਅ ਨਾਲ ਆਪਣਾ ਪਹਿਲਾ ਵਿਸ਼ਵ ਚੈਂਪੀਅਨਸ਼ਿਪ ਖਿਤਾਬ ਜਿੱਤਿਆ, ਜਦੋਂ ਕਿ ਗੁਰਜਰ 64.76 ਮੀਟਰ ਦੇ ਥ੍ਰੋਅ ਨਾਲ ਦੂਜੇ ਸਥਾਨ 'ਤੇ ਰਿਹਾ।
ਇਸ ਮੁਕਾਬਲੇ ਵਿੱਚ ਹਿੱਸਾ ਲੈਣ ਵਾਲੇ ਇੱਕ ਹੋਰ ਭਾਰਤੀ, ਅਜੀਤ ਸਿੰਘ, 61.77 ਮੀਟਰ ਦੀ ਦੂਰੀ ਨਾਲ ਚੌਥੇ ਸਥਾਨ 'ਤੇ ਰਿਹਾ। ਕਿਊਬਾ ਦੇ ਗਿਲਰਮੋ ਵਰੋਨਾ ਗੋਂਜ਼ਾਲੇਜ਼ ਨੇ 63.34 ਮੀਟਰ ਦੇ ਥ੍ਰੋਅ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ। F46 ਵਰਗੀਕਰਣ ਬਾਂਹ ਦੀ ਕਮਜ਼ੋਰੀ ਵਾਲੇ ਐਥਲੀਟਾਂ ਲਈ ਹੈ ਅਤੇ ਐਥਲੀਟਾਂ ਨੂੰ ਖੜ੍ਹੇ ਹੋ ਕੇ ਮੁਕਾਬਲਾ ਕਰਨ ਦੀ ਲੋੜ ਹੁੰਦੀ ਹੈ। ਚੈਂਪੀਅਨਸ਼ਿਪ ਵਿੱਚ ਭਾਰਤ ਦੀ ਤਗਮੇ ਦੀ ਗਿਣਤੀ ਹੁਣ ਪੰਜ (ਦੋ ਸੋਨ, ਦੋ ਚਾਂਦੀ ਅਤੇ ਇੱਕ ਕਾਂਸੀ) ਹੈ।
ਟੀਮ ਇੰਡੀਆ ਨੂੰ ਏਸ਼ੀਆ 'ਕੱਪ' ਮਿਲੇਗਾ ਜਾਂ ਨਹੀ ? ਨਕਵੀ ਦੇ ਹੱਥੋਂ ਟਰਾਫ਼ੀ ਨਾ ਲੈਣ ਮਗਰੋਂ ਉੱਠਿਆ ਸਵਾਲ
NEXT STORY 
