ਸਪੋਰਟਸ ਡੈਸਕ- ਭਾਰਤ ਅਤੇ ਆਸਟ੍ਰੇਲੀਆ ਵਿਚਕਾਰ ਤੀਜੇ ਵਨਡੇ (ODI) ਮੈਚ ਦੌਰਾਨ ਜ਼ਖਮੀ ਹੋਏ ਸ੍ਰੇਅਸ ਅਈਅਰ ਬਾਰੇ ਇੱਕ ਵੱਡਾ ਅਤੇ ਚਿੰਤਾਜਨਕ ਖੁਲਾਸਾ ਹੋਇਆ ਹੈ। ਉਨ੍ਹਾਂ ਨੂੰ ਤਿੱਲੀ (Spleen) ਵਿੱਚ ਸੱਟ ਲੱਗੀ ਸੀ। ਸ੍ਰੇਅਸ ਅਈਅਰ, ਜਿਨ੍ਹਾਂ ਨੂੰ ਆਸਟ੍ਰੇਲੀਆ ਖਿਲਾਫ ਤੀਜੇ ਵਨਡੇ ਵਿੱਚ ਐਲੇਕਸ ਕੈਰੀ ਦਾ ਕੈਚ ਫੜਦੇ ਸਮੇਂ ਸੱਟ ਲੱਗੀ ਸੀ, ਉਹ ਇਸ 'ਦੁਰਲੱਭ' ਅਤੇ ਜਾਨਲੇਵਾ ਸੱਟ ਦਾ ਸ਼ਿਕਾਰ ਹੋਣ ਵਾਲੇ ਸੱਤਵੇਂ ਖਿਡਾਰੀ ਹਨ।
ਤਿੱਲੀ ਦੀ ਸੱਟ ਕਿੰਨੀ ਖ਼ਤਰਨਾਕ?
ਸਪਲੀਨ ਦੀ ਸੱਟ (Spleen Injury) ਇੱਕ ਬਹੁਤ ਹੀ ਦੁਰਲੱਭ ਅਤੇ ਜਾਨਲੇਵਾ ਸੱਟ ਹੈ। ਜ਼ਖਮੀ ਹੋਣ ਤੋਂ ਬਾਅਦ, ਅੰਦਰੂਨੀ ਖੂਨ ਵਗਣ (Internal bleeding) ਕਾਰਨ ਅਈਅਰ ਦੀ ਹਾਲਤ ਵਿਗੜ ਗਈ ਸੀ। ਇਸ ਕਾਰਨ ਉਨ੍ਹਾਂ ਨੂੰ ਸਿਡਨੀ ਦੇ ਹਸਪਤਾਲ ਵਿੱਚ ICU ਵਿੱਚ ਭਰਤੀ ਕਰਨਾ ਪਿਆ। ਭਾਵੇਂ ਕਿ ਹੁਣ BCCI ਨੇ ਦੱਸਿਆ ਹੈ ਕਿ ਉਨ੍ਹਾਂ ਦੀ ਹਾਲਤ ਠੀਕ ਹੈ ਅਤੇ ਉਹ ICU ਤੋਂ ਬਾਹਰ ਆ ਕੇ ਰਿਕਵਰ ਕਰ ਰਹੇ ਹਨ।
ਤਿੱਲੀ ਕੀ ਹੁੰਦੀ ਹੈ?
ਤਿੱਲੀ ਇੱਕ ਨਰਮ, ਸਪੰਜੀ ਅੰਗ ਹੈ ਜੋ ਪੇਟ ਦੇ ਉੱਪਰ ਅਤੇ ਪਸਲੀਆਂ ਦੇ ਹੇਠਾਂ ਸਥਿਤ ਹੈ। ਇਹ ਖੂਨ ਨੂੰ ਸਾਫ਼ ਕਰਦਾ ਹੈ, ਪੁਰਾਣੇ ਅਤੇ ਖਰਾਬ ਹੋਏ ਲਾਲ ਖੂਨ ਦੇ ਸੈੱਲਾਂ ਅਤੇ ਅਸ਼ੁੱਧੀਆਂ ਨੂੰ ਹਟਾਉਂਦਾ ਹੈ। ਤਿੱਲੀ ਲਾਗ ਨਾਲ ਲੜਨ ਵਿੱਚ ਮਦਦ ਕਰਨ ਲਈ ਲਾਲ ਖੂਨ ਦੇ ਸੈੱਲਾਂ ਅਤੇ ਚਿੱਟੇ ਖੂਨ ਦੇ ਸੈੱਲਾਂ ਨੂੰ ਵੀ ਸਟੋਰ ਕਰਦੀ ਹੈ।
ਅਈਅਰ ਤੋਂ ਪਹਿਲਾਂ ਇਨ੍ਹਾਂ ਖਿਡਾਰੀਆਂ ਨੂੰ ਲੱਗੀ ਸੱਟ:
ਇਤਿਹਾਸ ਦੇਖੀਏ ਤਾਂ ਸਪਲੀਨ ਦੀ ਸੱਟ ਕਾਰਨ ਖਿਡਾਰੀਆਂ ਨੂੰ ਠੀਕ ਹੋਣ ਲਈ ਕਈ ਮਹੀਨਿਆਂ ਤੋਂ ਲੈ ਕੇ ਸਾਲਾਂ ਤੱਕ ਦਾ ਸਮਾਂ ਲੱਗਾ ਹੈ।
ਇਹ ਹਨ ਉਹ ਖਿਡਾਰੀ ਜੋ ਇਸੇ ਤਰ੍ਹਾਂ ਦੀ ਦੁਰਲੱਭ ਸੱਟ ਦਾ ਸ਼ਿਕਾਰ ਹੋਏ ਸਨ:
1. ਐਲੀ ਮੈਕਸਵੈਲ (Ally Maxwell): ਸਕਾਟਿਸ਼ ਫੁੱਟਬਾਲਰ ਨੂੰ 1991 ਸਕਾਟਿਸ਼ ਕੱਪ ਫਾਈਨਲ ਵਿੱਚ ਸੱਟ ਲੱਗੀ ਸੀ। ਉਨ੍ਹਾਂ ਦੀ ਸਰਜਰੀ ਹੋਈ ਅਤੇ ਉਹ 9 ਦਿਨ ਹਸਪਤਾਲ ਵਿੱਚ ਰਹੇ। ਉਨ੍ਹਾਂ ਦੀ ਰਿਕਵਰੀ ਕਾਫੀ ਲੰਬੀ ਚੱਲੀ।
2. ਜੇਸਨ ਵਿਟੇਨ (Jason Witten): ਰਗਬੀ ਖਿਡਾਰੀ ਜੇਸਨ ਵਿਟੇਨ 2012 ਵਿੱਚ ਤਿੱਲੀ ਦੀ ਸੱਟ ਅਤੇ ਅੰਦਰੂਨੀ ਖੂਨ ਵਗਣ ਕਾਰਨ ਕੁਝ ਮੈਚ ਨਹੀਂ ਖੇਡ ਸਕੇ ਸਨ।
3. ਸ਼ੌਨ ਐਵਰੀ (Sean Avery): ਨਿਊਯਾਰਕ ਰੇਂਜਰਸ ਦੇ ਆਈਸ ਹਾਕੀ ਫਾਰਵਰਡ ਸ਼ੌਨ ਐਵਰੀ ਨੂੰ 2008 ਵਿੱਚ ਖੇਡਦੇ ਸਮੇਂ ਤਿੱਲੀ ਵਿੱਚ ਚੀਰਾ ਲੱਗਾ ਸੀ। ਉਨ੍ਹਾਂ ਨੂੰ ਸਰਜਰੀ ਦੀ ਲੋੜ ਨਹੀਂ ਪਈ ਅਤੇ ਉਹ ਉਸੇ ਸੀਜ਼ਨ ਤੋਂ ਬਾਅਦ ਠੀਕ ਹੋ ਗਏ।
4. ਕ੍ਰਿਸ ਸਿਮਸ (Chris Simms): ਟੈਂਪਾ ਬੇ ਬੁਕੇਨੀਅਰਜ਼ ਟੀਮ ਦੇ ਕੁਆਰਟਰਬੈਕ ਕ੍ਰਿਸ ਸਿਮਸ ਦੀ 2006 ਵਿੱਚ ਸਪਲੀਨ ਫਟ ਗਈ ਸੀ। ਉਨ੍ਹਾਂ ਦੀ ਸਰਜਰੀ ਹੋਈ ਅਤੇ ਉਹ ਕੁਝ ਹਫ਼ਤਿਆਂ ਦੇ ਆਰਾਮ ਤੋਂ ਬਾਅਦ ਮੈਦਾਨ 'ਤੇ ਪਰਤ ਆਏ।
5. ਮੈਟ ਹੈਨਵਿਕ (Matt Henwick): ਆਈਸ ਹਾਕੀ ਡਿਫੈਂਡਰ ਮੈਟ ਹੈਨਵਿਕ ਦੀ 2009 ਵਿੱਚ ਤਿੱਲੀ ਫਟ ਗਈ ਸੀ ਅਤੇ ਉਨ੍ਹਾਂ ਨੂੰ ਸਰਜਰੀ ਕਰਾਉਣੀ ਪਈ ਸੀ। ਹੈਰਾਨੀ ਦੀ ਗੱਲ ਹੈ ਕਿ ਉਨ੍ਹਾਂ ਨੂੰ ਠੀਕ ਹੋਣ ਵਿੱਚ ਲਗਭਗ ਦੋ ਸਾਲ ਲੱਗੇ ਸਨ। ਉਹ 2011 ਵਿੱਚ ਪੂਰੀ ਤਰ੍ਹਾਂ ਠੀਕ ਹੋਏ।
6. ਡੇਵਿਡ ਡਾਲ (David Dahl): ਬੇਸਬਾਲ ਆਊਟਫੀਲਡਰ ਡੇਵਿਡ ਡਾਲ 2008 ਵਿੱਚ ਇਸ ਸੱਟ ਦਾ ਸ਼ਿਕਾਰ ਹੋਏ ਸਨ ਅਤੇ ਉਨ੍ਹਾਂ ਦੀ ਵੀ ਸਰਜਰੀ ਹੋਈ ਸੀ। ਉਹ ਕੁਝ ਸਮੇਂ ਦੇ ਆਰਾਮ ਤੋਂ ਬਾਅਦ ਠੀਕ ਹੋ ਗਏ।
ਸ੍ਰੇਅਸ ਅਈਅਰ ਦੀ ਵਾਪਸੀ ਕਦੋਂ?
ਸਪਲੀਨ ਦੀ ਸੱਟ ਦਾ ਇਤਿਹਾਸ ਦੱਸਦਾ ਹੈ ਕਿ ਖਿਡਾਰੀ ਕੁਝ ਹਫ਼ਤਿਆਂ (ਜਿਵੇਂ ਕਿ ਕ੍ਰਿਸ ਸਿਮਸ) ਤੋਂ ਲੈ ਕੇ ਦੋ ਸਾਲਾਂ (ਜਿਵੇਂ ਕਿ ਮੈਟ ਹੈਨਵਿਕ) ਤੱਕ ਬਾਹਰ ਰਹੇ ਹਨ। ਹਾਲਾਂਕਿ ਅਜੇ ਤੱਕ ਇਹ ਖੁਲਾਸਾ ਨਹੀਂ ਹੋਇਆ ਕਿ ਅਈਅਰ ਦੀ ਸੱਟ ਕਿੰਨੀ ਗੰਭੀਰ ਹੈ, ਪਰ ਇਹ ਮੰਨਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੂੰ ਮੈਦਾਨ 'ਤੇ ਵਾਪਸ ਆਉਣ ਲਈ ਕੁਝ ਮਹੀਨਿਆਂ ਦਾ ਬ੍ਰੇਕ ਲੈਣਾ ਪੈ ਸਕਦਾ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹਿਸਾਬ ਬਰਾਬਰ! ਗੁਕੇਸ਼ ਨੇ ਉਸੇ ਨਾਕਾਮੁਰਾ ਨੂੰ ਹਰਾਇਆ, ਜਿਸ ਨੇ ਸੁੱਟਿਆ ਸੀ ਉਸ ਦਾ 'ਰਾਜਾ ਮੋਹਰਾ'
NEXT STORY 
