ਨਵੀਂ ਦਿੱਲੀ — ਟੀਮ ਇੰਡੀਆ ਨੇ ਆਪਣੇ ਸਾਰੇ 9 ਅੰਤਰਰਾਸ਼ਟਰੀ ਟੀ -20 ਮੈਚ ਜਿੱਤੇ ਹਨ। ਇਨ੍ਹਾਂ 9 ਮੈਚਾਂ ਵਿਚ ਟੀਮ ਨੇ ਸੁਪਰ ਓਵਰ ਵਿਚ ਦੋ ਮੈਚ ਜਿੱਤੇ। ਸ਼ੁੱਕਰਵਾਰ ਨੂੰ ਆਸਟਰੇਲੀਆ ਖ਼ਿਲਾਫ਼ ਆਖਰੀ ਟੀ -20 ਮੈਚ ਜਿੱਤਣ ਤੋਂ ਬਾਅਦ, ਵਿਰਾਟ ਕੋਹਲੀ ਐਂਡ ਕੰਪਨੀ ਹੁਣ ਟੀ -20 ਕ੍ਰਿਕਟ ਵਿਚ ਨਾ ਸਿਰਫ ਸੀਰੀਜ਼ 'ਤੇ ਕਬਜ਼ਾ ਕਰਨ, ਸਗੋਂ ਪਾਕਿਸਤਾਨ ਦੇ ਵੱਡੇ ਰਿਕਾਰਡ ਨੂੰ ਤੋੜਨ 'ਤੇ ਵੀ ਨਜ਼ਰ ਰੱਖ ਰਹੀ ਹੈ।
ਐਤਵਾਰ ਨੂੰ ਤਿੰਨ ਟੀ-20 ਮੈਚਾਂ ਦੀ ਲੜੀ ਦਾ ਦੂਜਾ ਮੈਚ ਭਾਰਤ ਅਤੇ ਆਸਟਰੇਲੀਆ ਵਿਚਾਲੇ ਖੇਡਿਆ ਜਾਵੇਗਾ ਅਤੇ ਇਸ ਮੈਚ ਨੂੰ ਜਿੱਤਣ ਤੋਂ ਬਾਅਦ ਟੀਮ ਇੰਡੀਆ ਨਾ ਸਿਰਫ ਸੀਰੀਜ਼ 'ਤੇ ਕਬਜ਼ਾ ਕਰੇਗੀ, ਸਗੋਂ ਅੰਤਰਰਾਸ਼ਟਰੀ ਟੀ-20 ਵਿਚ ਇਸ ਦੀ ਲਗਾਤਾਰ ਜਿੱਤ ਦੀ ਗਿਣਤੀ 10 ਹੋਵੇਗੀ। ਇਸਦੇ ਨਾਲ ਟੀਮ ਇੰਡੀਆ ਪਾਕਿਸਤਾਨ ਦਾ ਰਿਕਾਰਡ ਵੀ ਤੋੜ ਦੇਵੇਗੀ, ਜਿਸਨੇ 2018 ਵਿਚ 9 ਅੰਤਰਰਾਸ਼ਟਰੀ ਟੀ-20 ਮੈਚ ਜਿੱਤ ਕੇ ਰਿਕਾਰਡ ਬਣਾਇਆ ਸੀ।
ਪਾਕਿਸਤਾਨ ਦੇ ਰਿਕਾਰਡ ਦੀ ਕੈਨਬਰਾ ਨੇ ਕੀਤੀ ਸੀ ਬਰਾਬਰੀ
ਜੁਲਾਈ 2018 ਤੋਂ ਨਵੰਬਰ 2018 ਤਕ ਪਾਕਿਸਤਾਨ ਨੇ ਹਰਾਰੇ ਵਿਚ ਟ੍ਰਾਈ ਸੀਰੀਜ਼ ਵਿਚ ਜ਼ਿੰਬਾਬਵੇ ਨੂੰ ਅਤੇ ਫਿਰ ਦੋ ਵਾਰ ਆਸਟਰੇਲੀਆ ਨੂੰ ਹਰਾਇਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਯੂਏਈ ਵਿਚ ਆਸਟਰੇਲੀਆ ਅਤੇ ਨਿਊਜ਼ੀਲੈਂਡ ਨੂੰ ਤਿੰਨ ਵਾਰ ਹਰਾਇਆ। ਹਾਲਾਂਕਿ ਵਿਰਾਟ ਕੋਹਲੀ ਦੀ ਟੀਮ ਪਹਿਲਾਂ ਹੀ ਸ਼ੁੱਕਰਵਾਰ ਨੂੰ ਕੈਨਬਰਾ ਵਿਚ ਜਿੱਤ ਕੇ ਲਗਾਤਾਰ 9 ਟੀ-20 ਮੈਚ ਜਿੱਤਣ ਦੇ ਬਾਅਦ ਰਿਕਾਰਡ ਦੀ ਬਰਾਬਰੀ ਕਰ ਚੁੱਕੀ ਹੈ।
ਇਹ ਵੀ ਦੇਖੋ : ਸਾਵਧਾਨ! Amazon ਅਤੇ Apple ਦੇ ਨਾਂ 'ਤੇ ਹੋ ਰਹੀ ਹੈ ਇਸ ਤਰੀਕੇ ਨਾਲ ਧੋਖਾਧੜੀ
ਪਿਛਲੇ 12 ਮਹੀਨਿਆਂ ਵਿਚ ਟੀਮ ਇੰਡੀਆ ਅਜੇ ਤੱਕ ਇਕ ਵੀ ਅੰਤਰਰਾਸ਼ਟਰੀ ਟੀ -20 ਮੈਚ ਨਹੀਂ ਹਾਰੀ। ਟੀਮ ਇੰਡੀਆ ਦੀ ਇਹ ਯਾਤਰਾ ਦਸੰਬਰ 2019 ਵਿਚ ਵੈਸਟਇੰਡੀਜ਼ ਖ਼ਿਲਾਫ਼ ਮੁੰਬਈ ਵਿਚ ਇੱਕ ਜਿੱਤ ਦੇ ਨਾਲ ਸ਼ੁਰੂ ਹੋਈ ਸੀ। 2020 ਵਿਚ ਭਾਰਤ ਨੇ ਘਰੇਲੂ ਮੈਦਾਨ ਵਿਚ ਸ਼੍ਰੀਲੰਕਾ ਦੇ ਖਿਲਾਫ ਪਹਿਲੀ ਟੀ 20 ਸੀਰੀਜ਼ ਖੇਡੀ। ਪਹਿਲਾ ਮੈਚ ਗੁਹਾਟੀ ਵਿਚ ਬਾਰਸ਼ ਕਾਰਨ ਰੱਦ ਕਰ ਦਿੱਤਾ ਗਿਆ ਸੀ, ਜਦੋਂ ਕਿ ਇੰਦੌਰ ਅਤੇ ਪੁਣੇ ਵਿਚ ਖੇਡੇ ਗਏ ਬਾਕੀ ਦੋ ਮੈਚਾਂ ਵਿਚ ਭਾਰਤ ਜਿੱਤ ਗਿਆ ਸੀ। ਇਸ ਤੋਂ ਬਾਅਦ ਨਿਊਜ਼ੀਲੈਂਡ ਦੇ ਦੌਰੇ ਦੌਰਾਨ ਭਾਰਤ ਨੇ ਮੇਜ਼ਬਾਨ ਟੀਮ ਨੂੰ 50 'ਤੇ ਕਲੀਨ ਸਵੀਪ ਕਰ ਦਿੱਤਾ ਸੀ, ਜਿਸ ਵਿਚੋਂ ਦੋ ਮੈਚ ਸੁਪਰ ਓਵਰ ਵਿਚ ਜਿੱਤੇ ਗਏ ਸਨ। ਸ਼ੁੱਕਰਵਾਰ ਨੂੰ ਮਿਲੀ ਜਿੱਤ ਭਾਰਤ ਦੀ ਲਗਾਤਾਰ ਨੌਵੀਂ ਜਿੱਤ ਸੀ।
ਇਹ ਵੀ ਦੇਖੋ : ਕੈਲੀਫੋਰਨੀਆ ਛੱਡ ਰਹੇ ਦੁਨੀਆ ਦੇ ਦੂਜੇ ਸਭ ਤੋਂ ਅਮੀਰ ਵਿਅਕਤੀ ਏਲਨ ਮਸਕ!, ਜਾਣੋ ਵਜ੍ਹਾ
ਹਾਲਾਂਕਿ ਸਭ ਤੋਂ ਵੱਧ ਅੰਤਰਰਾਸ਼ਟਰੀ ਟੀ-20 ਮੈਚ ਜਿੱਤਣ ਦਾ ਰਿਕਾਰਡ ਅਫਗਾਨਿਸਤਾਨ ਦੇ ਨਾਮ ਹੈ। ਉਸਨੇ 2018 ਤੋਂ 2019 ਤੱਕ 12 ਮੈਚ ਜਿੱਤੇ। ਇਹੀ ਟੀਮ 2016 ਤੋਂ 2017 ਦਰਮਿਆਨ 11 ਜਿੱਤਾਂ ਨਾਲ ਦੂਜੇ ਸਥਾਨ 'ਤੇ ਵੀ ਕਾਬਜ਼ ਹੈ। ਜੇ ਟੀਮ ਇੰਡੀਆ ਆਸਟਰੇਲੀਆ 'ਤੇ ਕਲੀਨ ਸਵੀਪ ਕਰਦੀ ਹੈ ਤਾਂ ਇਹ ਅਫਗਾਨਿਸਤਾਨ ਦੇ 11 ਮੈਚਾਂ ਦੇ ਰਿਕਾਰਡ ਦੀ ਬਰਾਬਰੀ ਕਰੇਗੀ। ਇਸ ਦੇ ਨਾਲ ਹੀ ਆਈਸੀਸੀ ਟੀ-20 ਰੈਂਕਿੰਗ ਵਿਚ ਦੂਸਰੇ ਨੰਬਰ 'ਤੇ ਆ ਜਾਵੇਗੀ।
ਇਹ ਵੀ ਦੇਖੋ : ਫਿਰ ਵਧ ਰਿਹੈ ਸੋਨੇ ਦਾ ਰੇਟ ਨਿਵੇਸ਼ ਲਈ ਚੰਗਾ ਮੌਕਾ, ਲੰਮੀ ਮਿਆਦ ’ਚ ਚਮਕੇਗਾ ਸੋਨਾ
ਨੋਟ - ਕੀ ਤੁਹਾਨੂੰ ਲਗਦਾ ਹੈ ਕਿ ਵੀਰਾਟ ਕੋਹਲੀ ਦੀ ਟੀਮ ਇਹ ਰਿਕਾਰਡ ਬਣਾ ਸਕੇਗੀ, ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਸਾਂਝੇ ਕਰੋ।
ਅਨੋਖਾ ਮਾਮਲਾ: ਬਾਡੀ ਬਿਲਡਰ ਨੇ 'ਡਾਲ' ਦੀ ਪਹਿਲਾਂ ਕਰਵਾਈ ਸਰਜਰੀ, ਫਿਰ ਲਈਆਂ ਲਾਵਾਂ
NEXT STORY 
