ਸਪੋਰਟਸ ਡੈਸਕ- ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਐਂਡਰਸਨ-ਤੇਂਦੁਲਕਰ ਟਰਾਫੀ ਦੇ ਤਹਿਤ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ਖੇਡੀ ਜਾ ਰਹੀ ਹੈ। ਇਸ ਟੈਸਟ ਸੀਰੀਜ਼ ਦਾ ਪੰਜਵਾਂ ਅਤੇ ਆਖਰੀ ਮੈਚ ਅੱਜ (31 ਜੁਲਾਈ) ਲੰਡਨ ਦੇ ਓਵਲ ਕ੍ਰਿਕਟ ਗਰਾਊਂਡ 'ਤੇ ਖੇਡਿਆ ਜਾ ਰਿਹਾ ਹੈ। ਇਸ ਮੈਚ ਵਿੱਚ ਭਾਰਤੀ ਟੀਮ ਟਾਸ ਹਾਰਨ ਤੋਂ ਬਾਅਦ ਪਹਿਲਾਂ ਬੱਲੇਬਾਜ਼ੀ ਕਰ ਰਹੀ ਹੈ। ਭਾਰਤੀ ਟੀਮ ਦਾ ਸਕੋਰ 72 ਦੌੜਾਂ ਹੈ ਅਤੇ ਇਸਨੇ 2 ਵਿਕਟਾਂ ਗੁਆ ਦਿੱਤੀਆਂ ਸਨ ਕਿ ਮੀਂਹ ਪੈਣ ਲੱਗਾ। ਮੀਂਹ ਕਾਰਨ ਦੁਪਹਿਰ ਦਾ ਲੰਚ ਜਲਦੀ ਐਲਾਨ ਦਿੱਤਾ ਗਿਆ । ਸਾਈ ਸੁਦਰਸ਼ਨ ਅਤੇ ਸ਼ੁਭਮਨ ਗਿੱਲ ਅਜੇਤੂ ਬੱਲੇਬਾਜ਼ ਹਨ।
ਸ਼ੁਭਮਨ ਗਿੱਲ ਦੀ ਅਗਵਾਈ ਵਾਲੀ ਭਾਰਤੀ ਟੀਮ ਲਈ ਇਹ ਮੈਚ ਬਹੁਤ ਮਹੱਤਵਪੂਰਨ ਹੈ। ਭਾਰਤੀ ਟੀਮ ਇਸ ਮੈਚ ਨੂੰ ਜਿੱਤਣ 'ਤੇ ਹੀ ਲੜੀ ਬਰਾਬਰ ਕਰ ਸਕੇਗੀ। ਜੇਕਰ ਇਹ ਮੈਚ ਡਰਾਅ ਹੁੰਦਾ ਹੈ ਜਾਂ ਇੰਗਲੈਂਡ ਜਿੱਤ ਜਾਂਦਾ ਹੈ, ਤਾਂ ਭਾਰਤੀ ਟੀਮ ਲੜੀ ਹਾਰ ਜਾਵੇਗੀ।
ਇਰਫਾਨ ਪਠਾਨ ਨੇ ਇਸ ਖਿਡਾਰੀ ਨੂੰ ਦੱਸਿਆ ਟੀਮ ਦਾ 'ਸੰਕਟ ਮੋਚਨ', ਇੰਗਲੈਂਡ ਖਿਲਾਫ ਜੜਿਆ ਸੀ ਸੈਂਕੜਾ
NEXT STORY 
