ਸਪੋਰਟਸ ਡੈਸਕ— ਅੱਜ ਦੇ ਦਿਨ 26 ਨਵੰਬਰ 2008 ਨੂੰ ਮੁੰਬਈ 'ਚ ਵੱਡਾ ਅੱਤਵਾਦੀ ਹਮਲਾ ਹੋਇਆ ਸੀ। ਕਈ ਅੱਤਵਾਦੀ ਸਮੁੰਦਰ ਦੇ ਰਸਤੇ ਦੇਸ਼ ਅੰਦਰ ਆ ਵਡ਼ੇ ਸਨ। ਇਸ ਤੋਂ ਬਾਅਦ ਮੁੰਬਈ 'ਚ ਚਾਰ ਦਿਨ ਤਕ ਲਗਾਤਾਰ ਦਰਦ ਅਤੇ ਦਹਿਸ਼ਤ ਦਾ ਮਾਹੌਲ ਬਣਿਆ ਰਿਹਾ। ਅੱਜ ਵੀ ਇਸ ਹਮਲੇ ਦੀ ਸੱਟ ਭਾਰਤੀਆਂ ਦੇ ਦਿਲਾਂ 'ਚ ਮਹਿਸੂਸ ਹੁੰਦੀ ਹੈ। ਇਸ ਹਮਲੇ 'ਚ ਹੇਮੰਤ ਕਰਕਰੇ ਸਮੇਤ ਕਈ ਸੁਰੱਖਿਆ ਬਲ ਦੇ ਜਵਾਨ ਸ਼ਹੀਦ ਹੋ ਗਏ ਸਨ। ਇਸ ਹਮਲੇ ਦੀ ਅੱਜ 11ਵੀਂ ਬਰਸੀ ਦੇ ਮੌਕੇ 'ਤੇ ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਮੁੰਬਈ 'ਚ ਹੋਏ ਇਸ ਅੱਤਵਾਦੀ ਹਮਲੇ 'ਚ ਮਾਰੇ ਗਏ ਪੀੜਤਾਂ ਨੂੰ ਆਪਣੀ ਸ਼ਰਧਾਂਜਲੀ ਦਿੱਤੀ। ਭਾਰਤੀ ਕਪਤਾਨ ਤੋਂ ਇਲਾਵਾ ਟੀਮ ਦੇ ਹੋਰ ਖਿਡਾਰੀ ਚੇਤੇਸ਼ਵਰ ਪੁਜਾਰਾ, ਟੈਸਟ ਟੀਮ ਦੇ ਉਪ-ਕਪਤਾਨ ਅਜਿੰਕਿਯ ਰਹਾਨੇ, ਸਾਬਕਾ ਭਾਰਤੀ ਕ੍ਰਿਕਟਰ ਵਰਿੰਦਰ ਸਹਿਵਾਗ ਨੇ ਵੀ ਮੁੰਬਈ 'ਚ ਮਾਰੇ ਗਏ ਲੋਕਾਂ ਨੂੰ ਆਪਣੀ ਸ਼ਰਧਾਂਜਲੀ ਦਿੱਤੀ ਕੀਤੀ ।
ਪਿਛਲੇ ਕਾਫ਼ੀ ਸਮੇਂ ਤੋਂ ਮੁੰਬਈ 'ਚ ਹੀ ਰਹਿ ਰਹੇ ਵਿਰਾਟ ਨੇ ਟਵੀਟ ਕਰ ਕਿਹਾ, '26/11 ਹਮਲੇ 'ਚ ਆਪਣੀ ਜਾਨ ਗੁਆਉਣ ਵਾਲੇ ਸ਼ੂਰਵੀਰਾਂ ਅਤੇ ਮਾਸੂਮ ਲੋਕਾਂ ਨੂੰ ਮੇਰੀ ਸ਼ਰਧਾਂਜਲੀ। ਉਹ ਲੋਕ ਚੱਲੇ ਗਏ ਹਨ ਪਰ ਉਨ੍ਹਾਂ ਨੂੰ ਭੁਲਾਇਆ ਨਹੀਂ ਜਾ ਸਕਦਾ ਹੈ। ਸਾਲ 2008 'ਚ 26 ਨਵੰਬਰ ਦੇ ਦਿਨ ਮੁੰਬਈ ਦੇ ਵੱਖ-ਵੱਖ ਸਥਾਨਾਂ 'ਤੇ ਅੱਤਵਾਦੀਆਂ ਨੇ ਹਮਲਾ ਕਰ ਦਿੱਤਾ ਸੀ ਜੋ ਅਗਲੇ ਤਿੰਨ ਦਿਨਾਂ ਤੱਕ ਚੱਲਿਆ, ਜਿਸ 'ਚ ਕਰੀਬ 166 ਲੋਕਾਂ ਦੀ ਮੌਤ ਹੋ ਗਈ। ਭਾਰਤ ਦੇ ਇਤਿਹਾਸ 'ਚ ਇਹ ਸਭ ਤੋਂ ਵੱਡਾ ਅੱਤਵਾਦੀ ਹਮਲਾ ਸੀ।
ਪੁਜਾਰਾ ਨੇ ਲਿਖਿਆ- 26/11 ਨੂੰ ਮੁੰਬਈ 'ਤੇ ਹੋਏ ਅੱਤਵਾਦੀ ਹਮਲੇ 'ਚ ਮਾਰੇ ਗਏ ਸਾਰੇ ਲੋਕਾਂ ਅਤੇ ਉਹ ਜਿਨ੍ਹਾਂ ਨੇ ਆਪਣੀ ਜਾਨ ਦੀ ਬਾਜ਼ੀ ਲਗਾ ਦਿੱਤੀ, ਉਨ੍ਹਾਂ ਦੇ ਲਈ ਸਾਡੀ ਸ਼ਰਧਾਂਜਲੀ।
ਮੁੰਬਈ ਦੇ ਰਹਿਣ ਵਾਲੇ ਰਹਾਨੇ ਨੇ ਟਵਿਟਰ 'ਤੇ ਲਿਖਿਆ ਕਿ ਮੈਨੂੰ ਅੱਜ ਵੀ ਯਾਦ ਹੈ ਕਿਵੇਂ 26/11 ਨੂੰ ਹਮਲੇ 'ਚ ਪੂਰਾ ਸ਼ਹਿਰ ਰੁੱਕ ਗਿਆ ਸੀ। ਸਾਡੇ ਜਵਾਨਾਂ ਨੇ ਕੀ ਬਹਾਦਰੀ ਦਿਖਾਇਆ, ਉਹ ਬੇਹੱਦ ਸਨਮਾਨ ਦੇ ਹੱਕਦਾਰ ਹਨ। ਉਨ੍ਹਾਂ ਸਾਰਿਆਂ ਲਈ ਅਸੀਂ ਹਮੇਸ਼ਾ ਪ੍ਰਾਥਨਾ ਕਰਾਂਗੇ।
ਸਾਬਕਾ ਭਾਰਤੀ ਕ੍ਰਿਕਟਰ ਵਰਿੰਦਰ ਸਹਿਵਾਗ ਨੇ ਟਵੀਟ ਕਰਦੇ ਹੋਏ ਲਿਖਿਆ, 26/11 ਦੇ ਕਈ ਨਾਇਕਾਂ 'ਚੋਂ ਇਕ ਹੋਰ ਸਾਡੀ ਧਰਤੀ ਦੇ ਮਹਾਨ ਬੇਟੇ- ਸ਼ਹੀਦ ਤੁਕਾਰਾਮ ਓੰਬਲੇ। ਉਨ੍ਹਾਂ ਨੇ ਜੋ ਕੀਤਾ ਉਹ ਸ਼ਬਦਾਂ ਤੋਂ ਪਰੇ ਹੈ- ਬਹਾਦਰੀ, ਮਨ ਦੀ ਮੌਜੂਦਗੀ ਅਤੇ ਨਿਰਸਵਾਰਥਤਾ ਨਾਲ ਉਸ ਸਮੇਂ ਪ੍ਰਦਰਸ਼ਨ ਕੀਤਾ- ਕੋਈ ਸ਼ਬਦ, ਕੋਈ ਇਨਾਮ ਨੀਆਂ ਨਹੀਂ ਕਰ ਸਕਦਾ। ਮਾਣ ਹੈ ਵੱਡੇ ਅਜਿਹੇ ਮਹਾਨ ਇਨਸਾਨ 'ਤੇ।
ਹਾਕੀ ਟੂਰਨਾਮੈਂਟ ਵਿਵਾਦ 'ਚ ਆਇਆ ਨਸਲੀ ਟਿੱਪਣੀ ਸਬੰਧੀ ਨਵਾਂ ਮੋੜ, ਜਾਣੋ ਵਿਸਥਾਰ ਨਾਲ
NEXT STORY 
