ਸਪੋਰਟਸ ਡੈਸਕ- ਭਾਰਤੀ ਕ੍ਰਕਿਟ ਟੀਮ ਦੇ ਸਾਬਕਾ ਧਾਕੜ ਆਫ ਸਪਿਨਰ ਰਵੀਚੰਦਰਨ ਅਸ਼ਵਿਨ ਨੇ ਲੀਡਜ਼ ’ਚ 5 ਮੈਚਾਂ ਦੀ ਟੈਸਟ ਲੜੀ ਦੇ ਪਹਿਲੇ ਮੈਚ ’ਚ ਭਾਰਤੀ ਟੀਮ ਦੀ 5 ਵਕਿਟਾਂ ਨਾਲ ਹਾਰ ਦਾ ਵਿਸ਼ਲੇਸ਼ਣ ਕਰਦਿਆਂ ਕਿਹਾ ਕਿ ਭਾਰਤ ਨੂੰ ਜ਼ਿਆਦਾ ਸਮਾਂ ਬੱਲੇਬਾਜ਼ੀ ਕਰਨ ’ਤੇ ਧਿਆਨ ਦੇਣਾ ਚਾਹੀਦਾ ਹੈ। ਰਿਸ਼ਭ ਪੰਤ ਨੂੰ ਮੌਜੂਦਾ ਟੈਸਟ ਲੜੀ ’ਚ ਇੰਗਲੈਂਡ ਦੇ ‘ਔਸਤ’ ਹਮਲੇ ਖਿਲਾਫ ਆਪਣੇ ਸੈਂਕੜੇ ਨੂੰ ਦੋਹਰੇ ਸੈਂਕੜਿਆਂ ’ਚ ਬਦਲਣਾ ਚਾਹੀਦਾ ਹੈ।
ਭਾਰਤ ਨੇ ਦੋਨੋਂ ਪਾਰੀਆਂ ’ਚ 5 ਸੈਂਕੜੇ ਜੜੇ ਪਰ ਇੰਗਲੈਂਡ ਨੇ 371 ਦੌੜਾਂ ਦੇ ਆਪਣੇ ਦੂਸਰੇ ਸਭ ਤੋਂ ਵੱਡੇ ਟੀਚੇ ਨੂੰ ਹਾਸਲ ਕਰ ਕੇ ਲੜੀ ’ਚ 1-0 ਦੀ ਬੜ੍ਹਤ ਹਾਸਲ ਕਰ ਲਈ। ਅਸ਼ਵਿਨ ਨੇ ਕਿਹਾ ਕਿ ਇਕ ਚੀਜ਼ ਜਿਸ ’ਤੇ ਭਾਰਤੀ ਟੀਮ ਦੀ ਬੱਲੇਬਾਜ਼ੀ ਧਿਆਨ ਦੇ ਸਕਦੀ ਹੈ, ਉਹ ਇਹ ਹੈ ਕਿ ਕੀ ਤੁਸੀਂ ਹਰ ਪਾਰੀ ’ਚ ਬੱਲੇਬਾਜ਼ੀ ਦਾ ਸਮਾਂ ਵਧਾ ਸਕਦੇ ਹੋ- ਦੌੜਾਂ ਦੇ ਹਿਸਾਬ ਨਾਲ ਨਹੀਂ। ਇੰਗਲੈਂਡ ਦੇ ਫੀਲਡਿੰਗ ਦੇ ਸਮੇਂ ਨੂੰ ਵਧਾਓ ਅਤੇ ਉਸ ਨੂੰ ਮੈਦਾਨ ’ਤੇ ਰੱਖਣ ਦੇ ਸਮੇਂ ਨੂੰ ਵੀ ਵਧਾਓ। ਮੈਂ ਇਕ ਗੱਲ ਕਹਾਂਗਾ- ਘਬਰਾਓ ਨਾ ਅਤੇ ਬਹੁਤ ਜ਼ਿਆਦਾ ਬਦਲਾਅ ਨਾ ਕਰੋ। ਭਾਰਤ ਅਗਲੇ ਟੈਸਟ ’ਚ ਲੜੀ ਬਰਾਬਰ ਕਰ ਸਕਦਾ ਹੈ। ਜੇਕਰ ਅਸੀਂ ਇੰਗਲੈਂਡ ਦੀ ਰਣਨੀਤੀ ਨੂੰ ਨਹੀਂ ਸਮਝੇ ਤਾਂ ਇਹ ਲੜੀ ਬਹੁਤ ਜਲਦੀ ਸਾਡੇ ਤੋਂ ਦੂਰ ਜਾ ਸਕਦੀ ਹੈ।
ਇਹ ਵੀ ਪੜ੍ਹੋ- 'ਜੈ ਹਿੰਦ, ਜੈ ਭਾਰਤ !', ISS ਪਹੁੰਚਦਿਆਂ ਹੀ ਸ਼ੁਭਾਂਸ਼ੂ ਨੇ ਦੇਸ਼ ਵਾਸੀਆਂ ਦੇ ਨਾਂ ਹਿੰਦੀ 'ਚ ਭੇਜਿਆ 'ਖ਼ਾਸ' ਸੰਦੇਸ਼
ਪੰਤ ਦੇ ਮੈਚ ’ਚ 2 ਸੈਂਕੜਿਆਂ ਦੀ ਸ਼ਲਾਘਾ ਕਰਦੇ ਹੋਏ ਅਸ਼ਵਿਨ ਨੇ ਕਿਹਾ ਕਿ ਮਹਿੰਦਰ ਸਿੰਘ ਧੋਨੀ ਨਾਲ ਉਸ ਦੀ ਤੁਲਨਾ ਕਰਨੀ ਠੀਕ ਨਹੀਂ ਹੈ ਕਿਉਂਕਿ ਧੋਨੀ ਨੇ ਕਦੇ ਵੀ 5ਵੇਂ ਨੰਬਰ ’ਤੇ ਬੱਲੇਬਾਜ਼ੀ ਨਹੀਂ ਕੀਤੀ। ਉਸ ਨੇ ਕਿਹਾ ਕਿ ਰਿਸ਼ਭ ਪੰਤ ਦੀ ਤੁਲਨਾ ਵਿਰਾਟ ਕੋਹਲੀ ਵਰਗੇ ਖਿਡਾਰੀਆਂ ਨਾਲ ਕੀਤੀ ਜਾਣੀ ਚਾਹੀਦੀ ਹੈ। ਉਹ ਇਕ ਮੁੱਖ ਬੱਲੇਬਾਜ਼ ਹੈ ਕਿਉਂਕਿ ਉਸ ਕੋਲ ਬਹੁਤ ਸਮਾਂ ਹੈ।
ਅਸ਼ਵਿਨ ਨੇ ਪੰਤ ਦੀ ਗੇਂਦ ਨੂੰ ਚੁਣ ਕੇ ਮਾਰਨ ਦੀ ਸਮਰੱਥਾ ਦੀ ਤੁਲਨਾ ਪਾਕਿਸਤਾਨ ਦੇ ਮਹਾਨ ਬੱਲੇਬਾਜ਼ੀ ਇੰਜਮਾਮ-ਉੱਲ-ਹੱਕ ਨਾਲ ਕੀਤੀ। ਉਸ ਨੇ ਕਿਹਾ ਕਿ ਕੁਝ ਵਿਸ਼ੇਸ਼ ਬੱਲੇਬਾਜ਼ਾਂ ’ਚ ਗੇਂਦ ਨੂੰ ਜਲਦੀ ਤੋਂ ਜਲਦੀ ਚੁਣਨ ਦੀ ਸਮਰੱਥਾ ਹੁੰਦੀ ਹੈ। ਉਹ ਲਾਈਨ ਅਤੇ ਲੈਂਥ ਨੂੰ ਜਲਦੀ ਪਛਾਣ ਲੈਂਦਾ ਹੈ ਅਤੇ ਉਹ ਸ਼ਾਨਦਾਰ ਪੁਜ਼ੀਸ਼ਨ ’ਚ ਆ ਜਾਂਦਾ ਹੈ। ਰਿਸ਼ਭ ਪੰਤ ਉਨ੍ਹਾਂ ਖਿਡਾਰੀਆਂ ’ਚੋਂ ਇਕ ਹੈ, ਜਿਸ ਕੋਲ ਇਹ ਵਿਸ਼ੇਸ਼ ਮਹਾਰਤ ਹੈ ਤੇ ਅਜਿਹਾ ਕੋਈ ਸ਼ਾਟ ਨਹੀਂ ਜੋ ਪੰਤ ਨਹੀਂ ਖੇਡ ਸਕਦਾ।
ਇਹ ਵੀ ਪੜ੍ਹੋ- ਕ੍ਰਿਕਟ ਗ੍ਰਾਊਂਡ ਮਗਰੋਂ ਹੁਣ 'ਸਿੱਖਿਆ ਦੇ ਮੈਦਾਨ' ’ਤੇ ਨਵੀਂ ਪਾਰੀ ਦੀ ਸ਼ੁਰੂਆਤ ਕਰੇਗਾ ਰਿੰਕੂ ਸਿੰਘ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਕ੍ਰਿਕਟ ਗ੍ਰਾਊਂਡ ਮਗਰੋਂ ਹੁਣ 'ਸਿੱਖਿਆ ਦੇ ਮੈਦਾਨ' ’ਤੇ ਨਵੀਂ ਪਾਰੀ ਦੀ ਸ਼ੁਰੂਆਤ ਕਰੇਗਾ ਰਿੰਕੂ ਸਿੰਘ
NEXT STORY 
