ਬਰਮਿੰਘਮ : ਸੱਟ ਤੋਂ ਵਾਪਸੀ ਅਤੇ ਖ਼ਰਾਬ ਫਾਰਮ ਨਾਲ ਜੂਝ ਰਹੇ ਭਾਰਤੀ ਬੈਡਮਿੰਟਨ ਖਿਡਾਰੀਆਂ ਨੂੰ ਮੰਗਲਵਾਰ ਤੋਂ ਇੱਥੇ ਸ਼ੁਰੂ ਹੋ ਰਹੀ ਆਲ ਇੰਗਲੈਂਡ ਚੈਂਪੀਅਨਸ਼ਿਪ ਵਿੱਚ ਖ਼ਿਤਾਬ ਲਈ ਦੇਸ਼ ਦਾ ਇੰਤਜ਼ਾਰ ਖ਼ਤਮ ਕਰਨ ਲਈ ਪੂਰੀ ਤਾਕਤ ਨਾਲ ਖੇਡਣਾ ਹੋਵੇਗਾ। ਕਿਸੇ ਭਾਰਤੀ ਖਿਡਾਰੀ ਨੂੰ ਇਹ ਵੱਕਾਰੀ ਖਿਤਾਬ ਜਿੱਤੇ 22 ਸਾਲ ਹੋ ਗਏ ਹਨ।
ਪੁਲੇਲਾ ਗੋਪੀਚੰਦ (2001) ਮਹਾਨ ਪ੍ਰਕਾਸ਼ ਪਾਦੂਕੋਣ (1980) ਦੇ ਬਾਅਦ ਖਿਤਾਬ ਜਿੱਤਣ ਵਾਲੇ ਦੂਜੇ ਭਾਰਤੀ ਬਣ ਗਏ। ਲਕਸ਼ਯ ਸੇਨ ਪਿਛਲੇ ਸੀਜ਼ਨ ਅਤੇ ਸਾਇਨਾ ਨੇਹਵਾਲ 2015 ਵਿੱਚ ਫਾਈਨਲ ਵਿੱਚ ਪਹੁੰਚੀਆਂ ਸਨ ਪਰ ਖ਼ਿਤਾਬ ਦੇ ਸੋਕੇ ਨੂੰ ਖ਼ਤਮ ਕਰਨ ਵਿੱਚ ਨਾਕਾਮ ਰਹੇ। ਦੋ ਵਾਰ ਦੀ ਓਲੰਪਿਕ ਤਮਗਾ ਜੇਤੂ ਪੀਵੀ ਸਿੰਧੂ ਇਸ ਟੂਰਨਾਮੈਂਟ ਵਿੱਚ ਸੈਮੀਫਾਈਨਲ ਦੀ ਰੁਕਾਵਟ ਨੂੰ ਪਾਰ ਨਹੀਂ ਕਰ ਸਕੀ। ਭਾਰਤੀ ਖਿਡਾਰੀਆਂ ਲਈ ਇਸ ਵਾਰ ਵੀ ਹਾਲਾਤ ਮੁਸ਼ਕਲ ਹੋਣਗੇ।
ਇਹ ਵੀ ਪੜ੍ਹੋ : ਸੁਰਜੀਤ ਹਾਕੀ ਸੁਸਾਇਟੀ ਦੇ ਉੱਪ ਪ੍ਰਧਾਨ ਬਲਦੇਵ ਸਿੰਘ ਰੰਧਾਵਾ ਦਾ ਦੇਹਾਂਤ
ਸੇਨ ਅਤੇ ਸਿੰਧੂ ਦੋਵਾਂ ਨੇ ਸੱਟ ਕਾਰਨ ਲੰਬੇ ਸਮੇਂ ਤਕ ਖੇਡ ਤੋਂ ਦੂਰ ਰਹਿਣ ਦੇ ਬਾਅਦ ਵਾਪਸੀ ਕਰਦੇ ਹੋਏ ਨਵੇਂ ਸੀਜ਼ਨ ਦੀ ਖਰਾਬ ਸ਼ੁਰੂਆਤ ਕੀਤੀ ਹੈ। ਦੋਵੇਂ ਮਲੇਸ਼ੀਆ ਅਤੇ ਇੰਡੀਆ ਓਪਨ ਤੋਂ ਪਹਿਲਾਂ ਬਾਹਰ ਹੋ ਗਏ ਸਨ। ਵਿਸ਼ਵ ਦੀ 12ਵੀਂ ਰੈਂਕਿੰਗ ਵਾਲੇ ਸੇਨ ਜਰਮਨੀ ਓਪਨ ਦੇ ਪਹਿਲੇ ਦੌਰ 'ਚ ਵਿਸ਼ਵ ਦੇ 41ਵੇਂ ਨੰਬਰ ਦੀ ਖਿਡਾਰਨ ਫਰਾਂਸ ਦੇ ਕ੍ਰਿਸਟੋ ਪੋਪੋਵ ਤੋਂ ਪਹਿਲੇ ਗੇੜ ਵਿੱਚ ਹਾਰਨ ਤੋਂ ਬਾਅਦ ਇਸ ਟੂਰਨਾਮੈਂਟ ਵਿੱਚ ਉਤਰ ਰਹੇ ਹਨ। ਜਦਕਿ ਸਿੰਧੂ ਕੁਝ ਹਫ਼ਤੇ ਪਹਿਲਾਂ ਆਪਣੇ ਕੋਰੀਆਈ ਕੋਚ ਪਾਰਕ ਤਾਏ-ਸੰਗ ਤੋਂ ਵੱਖ ਹੋ ਗਈ ਸੀ
ਸੇਨ ਦਾ ਸਾਹਮਣਾ ਸ਼ੁਰੂਆਤੀ ਦੌਰ 'ਚ ਚੀਨੀ ਤਾਈਪੇ ਦੀ ਪੰਜਵਾਂ ਦਰਜਾ ਪ੍ਰਾਪਤ ਚੋਊ ਤਿਏਨ ਚੇਨ ਨਾਲ ਹੋਵੇਗਾ ਜਦਕਿ ਸਿੰਧੂ ਚੀਨ ਦੀ ਝਾਂਗ ਯੀ ਮਾਨ ਨਾਲ ਭਿੜੇਗੀ। ਸਾਬਕਾ ਚੋਟੀ ਦਰਜਾ ਪ੍ਰਾਪਤ ਸਾਇਨਾ ਨੇਹਵਾਲ ਦਾ ਸਾਹਮਣਾ ਸ਼ੁਰੂਆਤੀ ਦੌਰ ਵਿੱਚ ਚੀਨ ਦੀ ਹਾਨ ਯੂ ਨਾਲ ਹੋਵੇਗਾ। ਨੌਵਾਂ ਦਰਜਾ ਪ੍ਰਾਪਤ ਐਚਐਸ ਪ੍ਰਣਯ, ਜਿਸ ਨੇ ਹਾਲ ਹੀ ਵਿੱਚ ਕਈ ਸਿਖਰਲੇ ਰੈਂਕਿੰਗ ਵਾਲੇ ਖਿਡਾਰੀਆਂ ਨੂੰ ਹਰਾਇਆ ਹੈ ਨੂੰ ਚੰਗੇ ਪ੍ਰਦਰਸ਼ਨ ਦੀ ਉਮੀਦ ਹੋਵੇਗੀ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਇੰਗਲਿਸ਼ ਪ੍ਰੀਮੀਅਰ ਲੀਗ : ਚੇਲਸੀ ਦੀ ਇਕ ਹੋਰ ਜਿੱਤ, ਲਿਵਰਪੂਲ ਹਾਰਿਆ
NEXT STORY 
