ਸਪੋਰਟਸ ਡੈਸਕ : ਭਾਰਤੀ ਸਲਾਮੀ ਬੱਲੇਬਾਜ਼ ਤੇ ਕਰਨਾਟਕ ਦੇ ਰਣਜੀ ਕਪਤਾਨ ਮਯੰਕ ਅਗਰਵਾਲ ਨੇ ਗੜਬੜੀ ਦਾ ਸ਼ੱਕ ਜਤਾਉਂਦੇ ਹੋਏ ਪੁਲਸ 'ਚ ਸ਼ਿਕਾਇਤ ਦਰਜ ਕਰਵਾਈ ਹੈ। ਭਾਰਤੀ ਬੱਲੇਬਾਜ਼ ਨੇ ਸੂਰਤ ਜਾਣ ਵਾਲੀ ਫਲਾਈਟ 'ਚ ਗਲਤੀ ਨਾਲ ਪਾਣੀ ਸਮਝ ਕੇ ਤੇਜ਼ਾਬ ਪੀ ਲਿਆ ਸੀ। ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ ਜਿੱਥੋਂ ਉਸ ਨੂੰ ਆਈ. ਸੀ. ਯੂ. 'ਚ ਸ਼ਿਫਟ ਕਰ ਦਿੱਤਾ ਗਿਆ ਹੈ। ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਮਯੰਕ ਦੀ ਹਾਲਤ ਸਥਿਰ ਹੈ। ਪਰ ਉਹ ਆਗਾਮੀ ਮੈਚ ਨਹੀਂ ਖੇਡ ਸਕੇਗਾ।
ਇਹ ਵੀ ਪੜ੍ਹੋ : U-19 WC 2024 : ਮੁਸ਼ੀਰ ਦੇ ਸੈਂਕੜੇ ਨਾਲ ਭਾਰਤ ਨੇ ਨਿਊਜ਼ੀਲੈਂਡ ਨੂੰ 214 ਦੌੜਾਂ ਨਾਲ ਹਰਾਇਆ
ਮਯੰਕ ਅਗਰਵਾਲ ਅਤੇ ਕਰਨਾਟਕ ਦੀ ਟੀਮ ਨੇ ਤ੍ਰਿਪੁਰਾ ਤੋਂ ਨਵੀਂ ਦਿੱਲੀ ਜਾਣਾ ਸੀ, ਜਿੱਥੋਂ ਉਨ੍ਹਾਂ ਨੇ ਰੇਲਵੇ ਤੋਂ ਰਾਜਕੋਟ ਜਾਣਾ ਸੀ। ਹਾਲਾਂਕਿ, ਮਯੰਕ ਦੇ ਬੀਮਾਰ ਹੋਣ ਤੋਂ ਬਾਅਦ ਫਲਾਈਟ ਉਡਾਣ ਭਰਨ ਤੋਂ ਬਾਅਦ ਵਾਪਸ ਆ ਗਈ। ਇਸ ਮਾਮਲੇ ਬਾਰੇ ਪੱਛਮੀ ਤ੍ਰਿਪੁਰਾ ਦੇ ਐਸ. ਪੀ. ਕਿਰਨ ਕੁਮਾਰ ਨੇ ਦੱਸਿਆ ਕਿ ਜਦੋਂ ਮਯੰਕ ਅਗਰਵਾਲ ਫਲਾਈਟ ਵਿੱਚ ਸਵਾਰ ਹੋਇਆ ਤਾਂ ਉਸ ਨੇ ਆਪਣੇ ਸਾਹਮਣੇ ਇੱਕ ਬੋਤਲ ਦੇਖੀ ਅਤੇ ਉਸ ਨੂੰ ਪਾਣੀ ਸਮਝ ਕੇ ਪੀ ਲਿਆ। ਉਸਦਾ ਮੂੰਹ ਸੁੱਜ ਗਿਆ ਅਤੇ ਛਾਲੇ ਹੋ ਗਏ। ਫਿਲਹਾਲ ਉਸਦੀ ਹਾਲਤ ਨਾਰਮਲ ਹੈ ਅਤੇ ਉਸਦੇ ਸਰੀਰ ਦੇ ਅੰਗ ਸਥਿਰ ਹਨ। ਉਸ ਦੇ ਮੈਨੇਜਰ ਨੇ ਸ਼ਿਕਾਇਤ ਕੀਤੀ ਹੈ। ਅਸੀਂ ਸ਼ਿਕਾਇਤ ਦਰਜ ਕਰ ਰਹੇ ਹਾਂ ਅਤੇ ਮਾਮਲੇ ਦੀ ਜਾਂਚ ਕਰਾਂਗੇ।
ਇਹ ਵੀ ਪੜ੍ਹੋ : ਪੈਦਲਚਾਲ ਐਥਲੀਟ ਅਕਸ਼ਦੀਪ ਨੇ ਤੋੜਿਆ ਆਪਣਾ ਹੀ ਰਾਸ਼ਟਰੀ ਰਿਕਾਰਡ
ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਮਯੰਕ ਨੇ ਆਪਣੇ ਸਾਹਮਣੇ ਪਈ ਬੋਤਲ ਵਿੱਚੋਂ ਪਾਣੀ ਸਮਝ ਕੇ ਤਰਲ ਪੀ ਲਿਆ। ਪਰ, ਜਦੋਂ ਉਸ ਤਰਲ ਪਦਾਰਥ ਦਾ ਸਵਾਦ ਪਾਣੀ ਵਰਗਾ ਨਾ ਲੱਗਾ, ਤਾਂ ਉਸਨੇ ਇਸਨੂੰ ਪੀਣਾ ਬੰਦ ਕਰ ਦਿੱਤਾ। ਇਸ ਤੋਂ ਥੋੜ੍ਹੀ ਦੇਰ ਬਾਅਦ, ਉਸਨੇ ਮੂੰਹ ਅਤੇ ਗਲੇ ਵਿੱਚ ਜਲਨ ਦੀ ਸ਼ਿਕਾਇਤ ਕੀਤੀ। ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਅਗਰਵਾਲ ਹੁਣ ਰੇਲਵੇ ਖ਼ਿਲਾਫ਼ ਅਗਲੇ ਰਣਜੀ ਟਰਾਫੀ ਮੈਚ ਵਿੱਚ ਸ਼ਾਮਲ ਨਹੀਂ ਹੋਣਗੇ। ਹਾਲਾਂਕਿ ਉਸ ਦੇ ਸਾਥੀ ਰਾਜਕੋਟ ਪਹੁੰਚਣਗੇ ਅਤੇ ਆਪਣੇ ਆਉਣ ਵਾਲੇ ਮੈਚ ਦੀ ਤਿਆਰੀ ਕਰਨਗੇ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ-ਇਸ ਖ਼ਬਰ ਸਬੰਧੀ ਆਪਣੀ ਰਾਏ ਕੁਮੈਂਟ ਕਰਕੇ ਦਿਓ।
ਸਾਬਕਾ ਕਪਤਾਨ ਸ਼ਾਹਿਦ ਅਫਰੀਦੀ ਦੀ PCB ਨੂੰ ਸਲਾਹ, ਤਿੰਨਾਂ ਫਾਰਮੈਟਾਂ ਲਈ ਰੱਖੋ ਇੱਕੋ ਹੀ ਕਪਤਾਨ
NEXT STORY 
