ਸਪੋਰਟਸ ਡੈਸਕ : ਕਿੰਗਜ਼ ਇਲੈਵਨ ਪੰਜਾਬ ਨੇ ਮੰਗਲਵਾਰ ਨੂੰ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕਰਦਿਆਂ ਰਾਜਸਥਾਨ ਨੂੰ 12 ਦੌੜਾਂ ਨਾਲ ਹਰਾ ਦਿੱਤਾ। ਇਸ ਜਿੱਤ ਦੇ ਨਾਲ ਹੀ ਪੰਜਾਬ ਟੀਮ ਹੁਣ ਪੁਆਈਂਟ ਟੇਬਲ ਵਿਚ ਟਾਪ-4 ਵਿਚ ਪਹੁੰਚ ਗਈ ਹੈ। ਰਾਜਸਥਾਨ ਖਿਲਾਫ ਅਰਸ਼ਦੀਪ ਨੇ ਆਪਣਾ ਡੈਬਿਯੂ ਮੈਚ ਖੇਡਿਆ। ਪਹਿਲੀ ਵਾਰ ਆਈ. ਪੀ. ਐੱਲ. ਖੇਡ ਰਹੇ ਅਰਸ਼ਦੀਪ ਨੇ ਰਾਜਸਥਾਨ ਖਿਲਾਫ ਆਪਣੀ ਗੇਂਦਬਾਜ਼ੀ ਨਾਲ ਸਭ ਨੂੰ ਪ੍ਰਭਾਵਿਤ ਕੀਤਾ। ਅਰਸ਼ਦੀਪ ਨੇ 4 ਓਵਰਾਂ ਦੇ ਆਪਣੇ ਸਪੈਲ ਵਿਚ ਜੋਸ ਬਟਲਰ ਅਤੇ ਅਜਿੰਕਯ ਰਹਾਨੇ ਵਰਗੇ ਧਾਕੜ ਖਿਡਾਰੀਆਂ ਨੂੰ ਪਵੇਲੀਅਨ ਭੇਜਿਆ। ਅਰਸ਼ਦੀਪ ਦੀ ਗੇਂਦਬਾਜ਼ੀ ਤੋਂ ਬਾਲੀਵੁੱਡ ਅਦਾਕਾਰਾ ਅਤੇ ਪੰਜਾਬ ਟੀਮ ਦੀ ਮਾਲਕਣ ਪ੍ਰਿਟੀ ਜ਼ਿੰਟਾ ਵੀ ਬੇਹੱਦ ਖੁਸ਼ ਦਿਸੀ। ਮੈਚ ਤੋਂ ਬਾਅਦ ਪ੍ਰਿਟੀ ਜ਼ਿੰਟਾ ਨੇ ਅਰਸ਼ਦੀਪ ਦਾ ਇੰਟਰਵਿਊ ਲਿਆ ਅਤੇ ਉਹ ਆਖਰ 'ਚ ਥੈਂਕਿਊ ਮੇਰੀ ਜਾਨ' ਕਹਿੰਦੀ ਦਿਸੀ।
ਦਰਅਸਲ, ਪ੍ਰਿਟੀ ਨੇ ਅਰਸ਼ਦੀਪ ਤੋਂ ਮੈਚ ਦੇ ਤਜ਼ਰਬੇ ਬਾਰੇ ਪੁੱਛਿਆ ਇਸ 'ਤੇ ਉਸ ਨੇ ਜਵਾਬ ਦਿੱਤਾ ਕਿ ਉਸ ਨੂੰ ਇਸ ਦਿਨ ਦੀ ਉਡੀਕ ਸੀ ਅਤੇ ਘਰੇਲੂ ਮੈਦਾਨ 'ਤੇ ਡੈਬਿਯੂ ਕਰਨਾ ਉਸ ਦੇ ਲਈ ਫਾਇਦੇਮੰਦ ਰਿਹਾ। ਉਸ ਨੇ ਕਿਹਾ ਬਟਲਰ ਵਰਗੇ ਖਿਡਾਰੀ ਦੀ ਵਿਕਟ ਹਾਸਲ ਕਰ ਕੇ ਉਸ ਨੂੰ ਚੰਗਾ ਮਹਿਸੂਸ ਹੋ ਰਿਹਾ ਹੈ। ਮੈਂ ਬਸ ਕੋਚ ਦੀਆਂ ਗੱਲਾਂ ਨੂੰ ਯਾਦ ਰੱਖਿਆ ਅਤੇ ਉਸੇ ਪਲਾਨ ਦੇ ਤਹਿਤ ਗੇਂਦਬਾਜ਼ੀ ਕੀਤੀ। ਬਟਲਰ ਦੀ ਵਿਕਟ ਮੇਰੇ ਲਈ ਬਹੁਤ ਵੱਡੀ ਸੀ। ਬਟਲਰ ਦੇ ਆਊਟ ਹੋਣ ਤੋਂ ਬਾਅਦ ਰਾਜਸਥਾਨ ਟੀਮ 'ਤੇ ਦਬਾਅ ਵਧਦਾ ਗਿਆ ਜਿਸਦਾ ਸਾਨੂੰ ਫਾਇਦਾ ਮਿਲਿਆ। ਇਸ ਦੌਰਾਨ ਪ੍ਰਿਟੀ ਨੇ ਕਿਹਾ ਕਿ ਮੈਂ ਬਹੁਤ ਅਰਸ਼ਦੀਪ ਦੀ ਗੇਂਦਬਾਜ਼ੀ ਤੋਂ ਬਹੁਤ ਖੁਸ਼ ਹਾਂ। ਪ੍ਰਿਟੀ ਨੇ ਦੱਸਿਆ ਕਿ ਅਰਸ਼ਦੀਪ ਸਿਰਫ 20 ਸਾਲਾਂ ਦੇ ਹਨ ਅਤੇ ਪੰਜਾਬ ਦੇ ਹੀ ਰਹਿਣ ਵਾਲੇ ਹਨ। ਪ੍ਰਿਟੀ ਨੇ ਅਰਸ਼ਦੀਪ ਤੋਂ ਪੁੱਛਿਆ ਕਿ ਉਹ ਆਈ. ਪੀ. ਐੱਲ. ਵਿਚ ਪਹਿਲਾ ਮੈਚ ਖੇਡਣ ਨੂੰ ਲੈ ਕੇ ਕੀ ਸੋਚ ਰਹੇ ਸੀ ਜਿਸ 'ਤੇ ਅਰਸ਼ਦੀਪ ਨੇ ਕਿਹਾ ਕਿ ਮੈਨੂੰ ਰੱਬ 'ਤੇ ਭਰੋਸਾ ਸੀ ਅਤੇ ਆਪਣੇ ਮੌਕੇ ਦੀ ਉਡੀਕ ਕਰ ਰਿਹਾ ਸੀ।
ਮੈਨਚੈਸਟਰ ਯੂਨਾਈਟਿਡ ਨੂੰ ਹਰਾ ਬਾਰਸੀਲੋਨਾ ਸੈਮੀਫਾਈਨਲ 'ਚ
NEXT STORY 
