ਮੈਨਚੈਸਟਰ— 36 ਵਰ੍ਹਿਆਂ ਪਹਿਲਾਂ ਭਾਰਤ ਨੂੰ ਪਹਿਲੀ ਵਾਰ ਵਰਲਡ ਕੱਪ ਦਾ ਸਰਤਾਜ ਬਣਾਉਣ ਵਾਲੀ ਕਪਿਲ ਦੇਵ ਦੀ ਟੀਮ ਨੂੰ ਅੱਜ ਵੀ 'ਕ੍ਰਿਕਟ ਦੇ ਮੱਕੇ' 'ਤੇ ਮਿਲੀ ਉਸ ਇਤਿਹਾਸਕ ਜਿੱਤ ਦਾ ਮੰਜ਼ਰ ਯਾਦ ਹੈ ਜਦੋਂ ਲਾਰਡਸ ਦੀ ਬਾਲਕੋਨੀ 'ਤੇ ਖੜ੍ਹੇ ਹੋ ਕੇ ਉਨ੍ਹਾਂ ਨੇ ਵਰਲਡ ਕੱਪ ਦੇ ਸ਼ਿਖਰ 'ਤੇ ਦਸਤਕ ਦਿੱਤੀ ਸੀ। 25 ਜੂਨ 1983 ਨੂੰ ਸ਼ਨੀਵਾਰ ਸੀ ਅਤੇ ਪੂਰਾ ਦੇਸ਼ ਜਿਵੇਂ ਰੁਕ ਗਿਆ ਸੀ ਜਦੋਂ ਦੋ ਵਾਰ ਦੀ ਚੈਂਪੀਅਨ ਵੈਸਟਇੰਡੀਜ਼ ਨੂੰ ਹਰਾ ਕੇ ਭਾਰਤ ਨੇ ਪਹਿਲੀ ਵਾਰ ਵਰਲਡ ਕੱਪ ਜਿੱਤਿਆ ਸੀ।
ਅੱਜ ਉਸ ਪਲ ਨੂੰ 36 ਸਾਲ ਬੀਤ ਗਏ ਪਰ ਕ੍ਰਿਕਟ ਪ੍ਰੇਮੀਆਂ ਨੂੰ ਅੱਜ ਯਾਦ ਵੀ ਯਾਦ ਹੈ ਕਿ ਕੱਪ ਹੱਥ 'ਚ ਫੜੇ ਕਪਿਲ ਦੇ ਚਿਹਰੇ 'ਤੇ ਖਿੜੀ ਮੁਸਕੁਰਾਹਟ। ਹਰ ਚਾਰ ਸਾਲ 'ਚ ਵਰਲਡ ਕੱਪ ਦੇ ਦੌਰਾਨ ਟੈਲੀਵਿਜ਼ਨ 'ਤੇ ਇਹ ਨਜ਼ਾਰਾ ਅੱਖਾਂ ਦੇ ਸਾਹਮਣੇ ਆ ਜਾਂਦਾ ਹੈ। ਉਸ ਤੋਂ ਬਾਅਦ ਭਾਰਤ ਨੂੰ 28 ਸਾਲਾਂ ਤਕ ਇੰਤਜ਼ਾਰ ਕਰਨਾ ਪਿਆ ਜਦੋਂ ਅਪ੍ਰੈਲ 'ਚ ਵਾਨਖੇੜੇ ਸਟੇਡੀਅਮ 'ਤੇ ਦੁਬਾਰਾ ਵਰਲਡ ਕੱਪ ਉਸ ਦੀ ਝੋਲੀ 'ਚ ਆਇਆ। ਯੁਵਰਾਜ ਸਿੰਘ ਅਤੇ ਹਰਭਜਨ ਸਿੰਘ ਦੀਆਂ ਅੱਖਾਂ 'ਤੇ ਡਿਗਦੇ ਹੰਝੂ, ਵਿਰਾਟ ਕੋਹਲੀ ਦੇ ਮੋਢੇ 'ਤੇ ਸਚਿਨ ਤੇਂਦੁਲਕਰ ਅਤੇ ਪੂਰੇ ਦੇਸ਼ 'ਚ ਮੰਨੋ ਦੀਵਾਲੀ ਦਾ ਜਸ਼ਨ। ਸੁਨੀਲ ਗਾਵਸਕਰ, ਕਪਿਲ ਦੇਵ ਅਤੇ ਕ੍ਰਿਸ ਸ਼੍ਰੀਕਾਂਤ ਦੀ ਪੀੜ੍ਹੀ ਦੇ ਜਨੂੰਨ ਨੂੰ ਤੇਂਦੁਲਕਰ, ਮਹਿੰਦਰ ਸਿੰਘ ਧੋਨੀ ਅਤੇ ਵਰਿੰਦਰ ਸਹਿਵਾਗ ਜਿਹੇ ਸਿਤਾਰਿਆਂ ਨੇ ਅੱਗੇ ਵਧਾਇਆ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਭਾਰਤੀ ਕ੍ਰਿਕਟ ਅੱਜ ਜਿਸ ਮੁਕਾਮ 'ਤੇ ਹੈ, ਉਸ ਦਾ ਟੀਚਾ 1983 ਦੀ ਟੀਮ ਨੂੰ ਜਾਂਦਾ ਹੈ। ਕਪਿਲ ਨੇ ਹਾਲ ਹੀ 'ਚ ਇਕ ਵੈੱਬ ਸ਼ੋਅ 'ਤੇ ਕਿਹਾ ਕਿ ਉਨ੍ਹਾਂ ਨੂੰ ਬਹੁਤ ਸਾਰੀਆਂ ਗੱਲਾਂ ਯਾਦ ਨਹੀਂ ਹਨ। ਆਪਣੇ ਕਰੀਅਰ 'ਚ ਅਣਗਿਣਤ ਉਪਲਬਧੀਆਂ ਹਾਸਲ ਕਰ ਚੁੱਕੇ ਦਿੱਗਜ ਲਈ ਇਹ ਸੁਭਾਵਕ ਵੀ ਹੈ ਅਤੇ ਉਮਰ ਦਾ ਤਕਾਜ਼ਾ ਵੀ। ਮਦਨ ਲਾਲ ਨੂੰ ਹਾਲਾਂਕਿ ਅਜੇ ਵੀ ਬਹੁਤ ਕੁਝ ਯਾਦ ਹੈ। ਉਨ੍ਹਾਂ ਕਿਹਾ, ''ਮੈਂ ਆਪਣੇ ਕਰੀਅਰ ਦੀ ਸਭ ਤੋਂ ਵੱਡੀ ਉਪਲਬਧੀ ਕਿਵੇਂ ਭੁਲ ਸਕਦਾ ਹਾਂ। ਮੈਨੂੰ ਬਹੁਤ ਕੁਝ ਯਾਦ ਹੈ। ਕਪਿਲ ਦੀ ਉਹ ਪਾਰੀ, ਵੈਸਟਇੰਡੀਜ਼ ਨੂੰ ਹਰਾਉਣਾ, ਕੀਰਤੀ ਆਜ਼ਾਦ ਦਾ ਇਆਨ ਬਾਥਮ ਨੂੰ ਆਊਟ ਕਰਨਾ ਅਤੇ ਆਸਟਰੇਲੀਆ ਨੂੰ ਹਰਾਉਣਾ। ਸਾਬਕਾ ਮੁੱਖ ਕੋਚ ਅਤੇ ਚੋਣਕਰਤਾ ਮਦਨ ਲਾਲ ਨੇ ਕਿਹਾ, ''ਸਾਡੀ ਸਫਲਤਾ ਕਾਫੀ ਅਹਿਮ ਸੀ ਅਤੇ ਅਗਲੀ ਨਸਲ ਨੂੰ ਇਸ ਦਾ ਫਾਇਦਾ ਮਿਲਿਆ ਅਤੇ ਮੈਂ ਇਸ ਤੋਂ ਬੇਹੱਦ ਖੁਸ਼ ਹਾਂ।
ਵਨ-ਡੇ ਕ੍ਰਿਕਟ 'ਚ ਸਭ ਤੋਂ ਜ਼ਿਆਦਾ ਵਾਰ 300 ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੀ ਟੀਮ
NEXT STORY 
