ਮਿਊਨਿਖ, ਜਰਮਨੀ (ਨਿਕਲੇਸ਼ ਜੈਨ)- ਫੀਡੇ ਮਹਿਲਾ ਗ੍ਰਾਂ ਪ੍ਰੀ ਸ਼ਤਰੰਜ ਦੇ ਗਿਆਰਵੇਂ ਦੌਰ 'ਚ ਚੀਨ ਦੀ ਜ਼ੂ ਜਿਨੇਰ ਤੋਂ ਹਾਰ ਦੇ ਬਾਵਜੂਦ ਰੂਸ ਦੀ ਅਲੈਗਜ਼ੈਂਡਰਾ ਕੋਸਟੇਨਿਯੁਕ 7.5 ਅੰਕਾਂ ਨਾਲ ਜੇਤੂ ਬਣਨ 'ਚ ਕਾਮਯਾਬ ਰਹੀ, ਭਾਰਤ ਦੀ ਗ੍ਰੈਂਡਮਾਸਟਰ ਕੋਨੇਰੂ ਹੰਪੀ 7 ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਰਹੀ।
ਇਹ ਵੀ ਪੜ੍ਹੋ : ICC ਨੇ ਰੈਂਕਿੰਗ ਜਾਰੀ ਕਰਨ 'ਚ ਕੀਤੀ ਵੱਡੀ ਗਲਤੀ, ਭਾਰਤ ਦੇ ਹੱਥੋਂ ਖਿਸਕਿਆ ਨੰਬਰ-1 ਦਾ ਸਥਾਨ, ਜਾਣੋ ਕੀ ਰਿਹਾ ਕਾਰਨ
ਫਾਈਨਲ ਗੇੜ ਵਿੱਚ ਹੰਪੀ ਨੇ ਚੀਨ ਦੀ ਤਾਨ ਝੋਂਘਾਈ ਨਾਲ ਡਰਾਅ ਖੇਡਿਆ, ਇਸ ਤੋਂ ਪਹਿਲਾਂ ਦਸਵੇਂ ਗੇੜ ਵਿੱਚ ਹੰਪੀ ਅਲੈਗਜ਼ੈਂਡਰਾ ਕੋਸਟੇਨਿਯੁਕ ਵਿਰੁੱਧ ਜਿੱਤ ਦੇ ਨੇੜੇ ਪਹੁੰਚ ਗਈ ਸੀ, ਪਰ ਅੰਤ ਵਿੱਚ ਖੇਡ ਵਿੱਚ ਵਜ਼ੀਰ ਦੀ ਇੱਕ ਗਲਤ ਹਰਕਤ ਕਾਰਨ ਡਰਾਅ ਹੋ ਗਿਆ, ਨਹੀਂ ਤਾਂ ਹੰਪੀ ਇਹ ਖ਼ਿਤਾਬ ਜਿੱਤ ਸਕਦੀ ਸੀ। ਉਂਝ ਹੰਪੀ ਪੂਰੇ ਟੂਰਨਾਮੈਂਟ 'ਚ ਅਜੇਤੂ ਰਹੀ ਅਤੇ ਉਸ ਨੇ 3 ਜਿੱਤਾਂ ਦਰਜ ਕੀਤੀਆਂ ਅਤੇ 8 ਡਰਾਅ ਖੇਡੇ।
ਇਹ ਵੀ ਪੜ੍ਹੋ : ਮਾਨਸਾ ਦੀ ਧੀ ਨੇ ਬਣਾਇਆ ਨੈਸ਼ਨਲ ਰਿਕਾਰਡ, ਗੋਲਡ ਮੈਡਲ ਜਿੱਤ ਏਸ਼ੀਆਈ ਖੇਡਾਂ ਲਈ ਹੋਈ ਕੁਆਲੀਫਾਈ
ਜਾਰਜੀਆ ਦੀ ਨਾਨਾ ਦਗਨਿਦਜ਼ੇ 6.5 ਅੰਕਾਂ ਨਾਲ ਤੀਜੇ ਅਤੇ ਭਾਰਤ ਦੀ ਹਰਿਕਾ ਦ੍ਰੋਣਾਵਲੀ 6 ਅੰਕਾਂ ਨਾਲ ਚੌਥੇ ਸਥਾਨ 'ਤੇ ਰਹੀ, ਹਰਿਕਾ ਵੀ ਅਜੇਤੂ ਰਹੀ ਅਤੇ ਇਕ ਜਿੱਤ ਦਰਜ ਕਰਦੇ ਹੋਏ 10 ਡਰਾਅ ਖੇਡੇ। ਹੋਰ ਖਿਡਾਰੀਆਂ ਵਿੱਚ ਚੀਨ ਦੀ ਜ਼ੂ ਜਿਨੇਰ, ਕਜ਼ਾਕਿਸਤਾਨ ਦੀ ਜਾਨਸਾਯਾ ਅਬਦੁਮਲਿਕ, ਚੀਨ ਦੀ ਤਾਨ ਝੋਂਘਾਈ ਅਤੇ ਜਰਮਨੀ ਦੀ ਐਲਿਜ਼ਾਬੇਥ ਪੇਹਤਜ਼ 5.5 ਅੰਕਾਂ ਦੇ ਆਧਾਰ 'ਤੇ ਟਾਈਬ੍ਰੇਕ ਦੇ ਆਧਾਰ 'ਤੇ ਕ੍ਰਮਵਾਰ ਪੰਜਵੇਂ ਤੋਂ ਅੱਠਵੇਂ ਸਥਾਨ 'ਤੇ ਰਹੇ।
ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।
ਦੂਜਾ ਟੈਸਟ ਮੈਚ ਦਿੱਲੀ 'ਚ ਖੇਡਿਆ ਜਾਵੇਗਾ, ਭਾਰਤ ਇਸ ਮੈਦਾਨ 'ਤੇ 36 ਸਾਲਾਂ 'ਚ ਕੋਈ ਟੈਸਟ ਮੈਚ ਨਹੀਂ ਹਾਰਿਆ
NEXT STORY 
