ਲਿਵਰਪੂਲ : ਲਿਵਰਪੂਲ ਨੇ ਅਨੁਭਵੀ ਮੁਹੰਮਦ ਸਾਲਾਹ ਅਤੇ ਕੋਡੀ ਗਾਕਪੋ ਦੇ ਗੋਲਾਂ ਨਾਲ ਆਪਣੇ ਘਰੇਲੂ ਮੈਦਾਨ 'ਤੇ ਇੰਗਲਿਸ਼ ਪ੍ਰੀਮੀਅਰ ਲੀਗ (ਈਪੀਐਲ) ਫੁੱਟਬਾਲ ਮੈਚ ਵਿੱਚ ਏਵਰਟਨ ਨੂੰ 2-0 ਨਾਲ ਹਰਾਇਆ। ਟੀਮ ਦੇ ਮੈਨੇਜਰ ਵਜੋਂ ਜੁਰਗੇਨ ਕਲੋਪ ਦੀ ਇਹ 250ਵੀਂ ਜਿੱਤ ਸੀ। ਖ਼ਰਾਬ ਲੈਅ 'ਚੋਂ ਲੰਘ ਰਹੀ ਲਿਵਰਪੂਲ ਨੇ ਈਪੀਐਲ 'ਚ ਇਸ ਕੈਲੰਡਰ ਸਾਲ (2023) 'ਚ ਆਪਣੀ ਪਹਿਲੀ ਜਿੱਤ ਦਰਜ ਕੀਤੀ ਹੈ।
ਟੀਮ ਨੇ ਇਸ ਸਾਲ ਵੱਖ-ਵੱਖ ਟੂਰਨਾਮੈਂਟਾਂ ਵਿੱਚ ਅੱਠ ਮੈਚ ਖੇਡੇ ਹਨ ਅਤੇ ਇਹ ਸਿਰਫ਼ ਦੂਜੀ ਜਿੱਤ ਹੈ। ਕਤਰ 'ਚ ਫੁੱਟਬਾਲ ਵਿਸ਼ਵ ਕੱਪ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਨੀਦਰਲੈਂਡ ਦੇ 23 ਸਾਲਾ ਖਿਡਾਰੀ ਕੋਡੀ ਗਾਕਪੋ ਨੇ ਇਸ ਮੈਚ 'ਚ ਲਿਵਰਪੂਲ ਲਈ ਆਪਣਾ ਪਹਿਲਾ ਗੋਲ ਕੀਤਾ। ਗਾਕਪੋ ਜਨਵਰੀ ਵਿੱਚ ਲਿਵਰਪੂਲ ਵਿੱਚ ਸ਼ਾਮਲ ਹੋਇਆ ਸੀ। ਉਸ ਨੇ ਮੈਚ ਦੇ 49ਵੇਂ ਮਿੰਟ ਵਿੱਚ ਟੀਮ ਦੀ ਬੜ੍ਹਤ ਨੂੰ ਦੁੱਗਣਾ ਕਰ ਦਿੱਤਾ। ਇਸ ਤੋਂ ਪਹਿਲਾਂ ਮੁਹੰਮਦ ਸਾਲਾਹ ਨੇ 36ਵੇਂ ਮਿੰਟ ਵਿੱਚ ਲਿਵਰਪੂਲ ਨੂੰ ਬੜ੍ਹਤ ਦਿਵਾਈ ਸੀ।
ਬਰਨਾਲਾ ਦੇ ਅਥਲੀਟ ਅਕਾਸ਼ਦੀਪ ਸਿੰਘ ਨੇ ਪੈਰਿਸ ਓਲੰਪਿਕ ਖੇਡਾਂ 2024 ਲਈ ਕੀਤਾ ਕੁਆਲੀਫਾਈ
NEXT STORY 
