ਲੰਡਨ (ਭਾਸ਼ਾ) : 1986 ਵਿਸ਼ਵ ਕੱਪ ਵਿੱਚ ਇੰਗਲੈਂਡ ਦੇ ਕੁਆਰਟਰ ਫਾਈਨਲ ਮੈਚ ਵਿੱਚ ਵਿਸ਼ਵ ਦੇ ਸਰਵੋਤਮ ਫੁੱਟਬਾਲਰਾਂ ਵਿੱਚੋਂ ਇੱਕ ਡਿਏਗੋ ਮਾਰਾਡੋਨਾ ਵੱਲੋਂ ਪਹਿਨੀ ਗਈ ਜਰਸੀ ਪਹਿਲੀ ਵਾਰ ਨੀਲਮ ਹੋਵੇਗੀ। ਇਸ ਦੇ ਲਈ ਨਿਲਾਮੀ ਕਰਨ ਵਾਲਿਆਂ ਨੂੰ ਲਗਭਗ 40 ਲੱਖ ਪੌਂਡ (ਲਗਭਗ 52 ਲੱਖ ਡਾਲਰ ਜਾਂ ਲਗਭਗ 40 ਕਰੋੜ ਰੁਪਏ) ਦੀ ਬੋਲੀ ਲੱਗਣ ਦੀ ਉਮੀਦ ਹੈ।
ਇਹ ਮੈਚ ਵਿਵਾਦਪੂਰਨ 'ਹੈਂਡ ਆਫ਼ ਗੌਡ' ਗੋਲ ਲਈ ਜਾਣਿਆ ਜਾਂਦਾ ਹੈ। ਇਸ ਮੈਚ 'ਚ ਮਾਰਾਡੋਨਾ ਨੇ ਹੈਡਰ ਨਾਲ ਗੋਲ ਕਰਨਾ ਚਾਹਿਆ ਪਰ ਕਥਿਤ ਤੌਰ 'ਤੇ ਗੇਂਦ ਉਨ੍ਹਾਂ ਦੇ ਹੱਥ ਨਾਲ ਲੱਗ ਕੇ ਗੋਲ ਪੋਸਟ 'ਚ ਚਲੀ ਗਈ ਅਤੇ ਮੈਚ ਰੈਫਰੀ ਇਸ ਨੂੰ ਦੇਖਣ 'ਚ ਅਸਫ਼ਲ ਰਹੇ। ਹਾਲਾਂਕਿ ਇਸ ਮੈਚ 'ਚ ਆਪਣੀ ਪ੍ਰਸਿੱਧੀ ਦੇ ਚੱਲਦਿਆਂ ਉਨ੍ਹਾਂ ਨੇ ਆਪਣੀ ਸ਼ਾਨਦਾਰ ਡਰਾਇਬਲਿੰਗ ਨਾਲ ਇੰਗਲੈਂਡ ਦੀ ਲਗਭਗ ਪੂਰੀ ਟੀਮ ਨੂੰ ਹਰਾ ਦਿੱਤਾ ਅਤੇ ਟੀਮ ਨੂੰ ਯਾਦਗਾਰ ਜਿੱਤ ਦਿਵਾਈ। ਨਿਲਾਮੀਕਰਤਾ ਸੋਥਬਾਯ ਨੇ ਬੁੱਧਵਾਰ ਨੂੰ ਕਿਹਾ ਕਿ 20 ਅਪ੍ਰੈਲ ਤੋਂ ਸ਼ੁਰੂ ਹੋਣ ਵਾਲੀ ਆਨਲਾਈਨ ਨਿਲਾਮੀ ਵਿਚ ਜਰਸੀ ਨੂੰ £40 ਲੱਖ ਪੌਂਡ ਤੋਂ ਵੱਧ ਦੀ ਰਾਸ਼ੀ ਮਿਲ ਸਕਦੀ ਹੈ।
IPL 2022: ਨਿਤੀਸ਼ ਰਾਣਾ ਨੂੰ ਲੱਗਾ ਮੈਚ ਫੀਸ ਦਾ 10 ਫ਼ੀਸਦੀ ਜੁਰਮਾਨਾ, ਬੁਮਰਾਹ ਨੂੰ ਮਿਲੀ ਚੇਤਾਵਨੀ
NEXT STORY 
